RheaChim的个人专页

❀ 譽 鐵板燒 #元朗 ❀❗特意走進元朗嚐街坊鐵板燒 果然驚喜滿滿❗——————————————————專程嚟到元朗呢間鐵板燒，聽講專做街坊生意，而且評價好高🤩雖然舖頭細細，但係用料上乘，亦用心製作多款美味醬汁，配搭不同嘅肉類及海鮮，味道更豐富😚而且真係飽到上心口，超級滿足 🥰.先有用松葉蟹肉製作嘅茶碗蒸，創新地加上冬瓜蓉，令到口感更加細滑😌然後有泰式酸甜象拔蚌及獲獎嘅小長井華漣真蠔🦪.然後開始鐵板燒嘅環節😆海鮮有南非鮑魚、象拔蚌、松葉蟹、帆立貝及白甘鯛立鱗燒。南非鮑魚真係超級生猛，爽口彈牙仲要配埋鮟鱇魚肝醬，加倍濃郁😋然後松葉蟹配蟹膏及帆立貝配海膽醬燒都非常鮮甜。另外數款發揮亦不俗💕.肉類嘅環節更加滿足😍特大塊嘅鵝肝油香滿溢，有酸酸甜甜嘅士多啤梨醬中和，仲有層酥皮增添口感！和牛採取咗A4鹿兒島西冷，再用稻草煙燻，熊熊烈火十分吸睛，入口即溶🥹唔識牛亦可以選擇豬~.師傅嘅高麗菜炒飯貌似簡單，但吸引唔少客人覆桌。而且師傅還能夠用雞蛋寫上文字，表演度滿分🤣另外仲有整條蟹腳嘅蟹湯，份外鮮甜！.最後唔少得超級邪惡充滿砂糖嘅焦糖多士伴開心果雪糕或柚子雪葩🍨.✷𝑀𝑒𝓃𝓊✷☞ OMAKASE $1300♥ 松葉蟹肉冬瓜羹茶碗蒸♥ 蟶子皇凍食配泰式酸辣汁♥ 小長井華漣真蠔♥ 南非九孔鮑魚配鮟鱇魚肝醬♥ 日本象拔蚌配蕃茄蒜蓉醬♥ 松葉蟹髀蟹鉗配蟹膏♥ 香煎北海道帆立貝配海膽忌廉醬♥ 白甘鯛立鱗燒配曼哈頓周打蜆肉醬♥ 沙巴海虎蝦配濃厚蝦汁♥ 香煎鵝肝配白蘭地慢煮士多啤梨醬♥ 稻草煙燻A4鹿兒島西冷和牛♥ 蟹湯♥ 特式炒飯♥ 焦糖多士及雪糕——————————————————✨整體味道: 4.1/5 ✨環境裝修: 3.9/5✨服務態度: 4.1/5✨性價比: 4/5✨再訪興趣: 4/5 . 💞整體來講專誠入到元朗果然冇錯💖雖然環境唔係特別精緻，但係食物質素真係有驚喜，而且主廚亦非常幽默，成餐飯食得好愉快☺️…查看更多

❀ MARMO #尖沙咀 ❀❗人均只需$500 必試傳統拉絲洋蔥湯❗——————————————————瑰麗酒店新開咗間法國餐館Marmo‼️喺Bluhouse再入面，環境裝修高貴浪漫，服務質素亦非常好，侍應仔細介紹Menu完但係價錢相對平民，人均$400-500就可以喺瑰麗酒店內享用一餐高質嘅法國餐💯.✷𝑀𝑒𝓃𝓊✷☞ GRATINÉE À L'OIGNON $168必點❣️巨好飲嘅洋蔥湯！正宗法式洋蔥湯同平時飲嘅大大不同，湯底係滿滿嘅洋蔥🧅相對少量嘅湯汁，將洋蔥嘅香甜迫晒出嚟，非常濃郁。內裏仲會有浸滿洋蔥湯嘅麵包🍞最正一定係同埋表面嘅Gruyere及Comte芝士享用🧀澎湃拉絲嘅效果，兩個人Share一碗剛剛好！.☞ CUISSE DE GRENOUILLE $285如果不怕田雞的話，非常推薦呢一款Risotto！田雞嘅口感同雞肉差唔多，絕對唔需要怕核突🤣重點係加上蒜蓉Parsley青綠色嘅醬汁真係超級美味，濃郁嘅忌廉，加上飯粒彈牙，一啖接一啖😋.☞ FRICASSÉE DE POULET $388其實係法式燉雞🐔醬汁用上濃稠蘑菇忌廉汁，仲加入咗美味嘅morel。採用經典三黃雞，燉至肉質特別軟腍，而且非常入味。整體都唔錯，不過驚喜度不及洋蔥湯。.☞ Souffle $125鬆軟嘅疏乎厘，加上紅莓醬汁，再配搭雪糕，絕對係perfect match😆——————————————————✨整體味道: 4.1/5 ✨環境裝修: 4.1/5✨服務態度: 4.2/5✨性價比: 4.2/5✨再訪興趣: 4.1/5 💞整體來講呢間瑰麗酒店新開嘅餐廳有驚喜，尤其洋蔥湯真係非常好飲🥰喺五星級酒店內價錢都算相對實惠，成為我喺瑰麗酒店餐廳嘅no.1！…查看更多

❀ Ombra #黃竹坑 ❀❗快啲去食抵食意大利菜❗——————————————————黃竹坑The Southside有間充滿西西里風情嘅意大利餐廳，餐廳畫滿西西里海岸風情壁畫，鋪滿復古嘅瓷磚💖高級二人套餐更只需$598，可以食到黑松露火焰芝士輪盤意粉、燒乳豬、青口等🤩l.晚市一共提供3款2人Dinner Set，最平低至$398，另外亦有$488及$598，有齊2款前菜、主菜及甜品。係間價錢合理質素唔太差嘅意大利餐廳😆.✷𝑀𝑒𝓃𝓊✷☞ PREMIUM MENU $598 Set for 2 (Antipasti + Secondi + Dolce).♥ ANTIPASTI✦ 煮紐西蘭青口✦ 帶子.♥ SECONDI✦ 博雅連奴芝士輪黑松露意粉✦ 烤乳豬.♥ DOLCE✦ 意式奶酪✦ 意大利芝士蛋糕 +$28——————————————————✨整體味道: 3.8/5 ✨環境裝修: 3.9/5✨服務態度: 4/5✨性價比: 4/5✨再訪興趣: 3.6/5 .💞整體來講去開黃竹坑不妨試吓呢間抵食嘅意大利菜~…查看更多

❀ Honky Tonks Tavern #中環 ❀❗有惹味美式快餐嘅酒吧❗——————————————————搵到間中環隱蔽嘅酒吧餐廳🍴入面坐滿大量expats，相信係唔少外國人嘅聚居之地😆呢度除咗唔少嘅酒類選擇，仲有多款惹味嘅美式快餐食品，包括漢堡包、pizza、炸雞等等。.呢度嘅水牛城雞翼特別出色🥰醬汁非常惹味，仲提供藍芝士沾醬，不過味道偏鹹，用嚟送酒會好啲。漢堡包水準都唔錯，似Shake Shack、Five Guys，可以嗌套餐食埋香脆薯格。Pizza份量大到嚇死😦一個Pizza應該已經夠三四個人飽，雖然薄皮但口感都有啲煙韌。最後再食埋個Mac n' Cheese真係飽到反肚。.✷𝑀𝑒𝓃𝓊✷☞ Chicken Wings (Buffalo $90)☞ McHonky Beef Burger $140☞ TOO CHEESY Pizza $199☞ Baked Mac n' Cheese $100——————————————————✨整體味道: 3.9/5 ✨環境裝修: 3.9/5✨服務態度: 4/5✨性價比: 3.8/5✨再訪興趣: 3.8/5 .💞整體來講係間會提供一系列美式快餐食品酒吧，特別適合一班人嚟傾吓偈聚會！…查看更多

❀ Cantina #中環 ❀❗警告 嚟之前一定要餓翻全日 極豐富任食意大利前菜brunch ❗——————————————————大館內人氣意大利餐廳Cantina再次推出週末早午餐-「小口品嚐 味遊意大利」🇭🇺今次帶黎20款無限量供應嘅威尼斯傳統經典意大利Cichetti，就好似西班牙tapas咁😆另外仲會包主菜、餐湯同結合香港特色元素嘅全新Tiramusi甜筒😍.每逢週末11 am - 3:30pm，只需以$488就可以2小時細味各款地道意式風味🥰加$200更可任飲2個鐘Prosecco🥂.呢個無限量供應嘅意大利小菜體驗，帶你遊歷意大利各地餐飲文化！二十款威尼斯傳統經典前菜，除咗五款香脆意式烤麵包、五款傳統風乾肉類，亦特別推薦炸千層茄子及西西里燉茄子，兩種不同方式烹調茄子，都非常惹味😋喜歡海鮮嘅一定要試吓小八爪魚及炸海鮮拼盤🦐🐙另外黑松露炒蛋都唔錯🍳.單單二十款地道小食已經非常飽肚☺️但brunch 仲包括餐湯及烤雜菜。另外仲有主菜豬頰肉蕃茄醬粗管通粉，超喜歡通粉口感，而且特別掛汁，超滋味！.大胃王更可加signature菜式，有烤T骨牛扒、大虎蝦等等。當日我哋貪心試埋肉醬千層麵，有大量芝士🧀超邪惡，飽到上心口。不過私心認為brunch包含嘅豬頰肉蕃茄醬粗管通粉比千層麵更出色，唔使刻意加其他菜式都已經十分飽肚！.最後甜品仲有奶茶、柑橘、榛子、開心果、黑芝麻嘅提拉米蘇甜筒，一口甜品造型可愛😍。.✷𝑀𝑒𝓃𝓊✷☞ 週末早午餐-「小口品嚐 味遊意大利」 $488.♥ 無限供應前菜✦ 意式烤麵包 (蕃茄沙沙|三文魚及牛油果他他| 費城忌廉芝士和醃黃瓜|辣香腸抹醬|雞肝醬)✦ 風亁火腿 (意式肉腸| 帕馬火腿| 豬頸肉火腿|豬面頰火腿肉凍片|莎樂美腸)✦ 意大利小食(意式番茄醬配香腸|松露蔬菜炒蛋|混合海鮮沙律|小八爪魚配青豆及辣蕃茄醬|芝士火腿|意式吐司|意式烤肉|鮪魚他他|西西里燉茄子|蕃茄撻配奶酪和羅勒|烤牛肉佐帕瑪森起司和芝麻菜|炸千層茄子|炸海鮮拼盤配青檸蛋黃醬).♥ 主菜✦ 豬頰肉蕃茄醬粗管通粉✦ 是日餐湯✦ 番茄水牛芝士✦ 烤什錦蔬菜.♥ 精選✦ 肉醬招牌千層麵 +$158.♥ 意大利芝士蛋糕盛宴 (經典|奶茶|柑橘|榛子|開心果|黑芝麻)——————————————————✨整體味道: 4.1/5 ✨環境裝修: 4.2/5✨服務態度: 4.1/5✨性價比: 4/5✨再訪興趣: 4/5 .💞整體來講超級豐富勁滿足嘅brunch🥰每一款意大利前菜都係好食🤤完全試唔晒咁多款已經飽到上心口！…查看更多

❀ Mirage Bar & Restaurant 香港萬麗海景酒店 #灣仔 ❀❗搵到超抵七折享用五星級酒店下午茶嘅方法❗——————————————————搵到最平食五星級酒店tea set嘅方法！download app可以七折享用萬麗酒店下午茶☕️！趁住夏天Mirage Bar & Restaurant 推出夢幻「粉紅花影透亮下午茶」，與香港天然純素護膚品牌Botanic Pretti5共同傾心打造粉霞氤氳秘境，享受一段浪漫粉紅時光💖.優惠由而家起做到30/9/2025，每日15:00-17:00提供。原價$688/2都唔算太貴，七折後更只需$481.6/2🤩每兩位客人可獲享Pretti5 之花漾禮品套裝（價值港幣$380）與優惠券，係超抵嘅下午茶🫖！仲可以坐喺落地大玻璃旁，望住開陽嘅景色，夠晒寫意☺️.特別喜歡鹹點，除咗有經典三文治之外，居然仲有清新嘅和風蒟蒻冷麵以及香口嘅炸洋薏米糰子及咖啡香烤羊肉配法棍😆.甜品用上粉紅色為主題💕包括玫瑰，士多啤梨等等元素，仲要每款都包含Botanic Prett5天然成分，好食之餘仲可以扮靚靚！.✷𝑀𝑒𝓃𝓊✷☞ 粉紅花影透亮下午茶 $688/2 app可享七折$481.6/2.♥ 鹹點✦ 三文治三重奏✦ 和風蒟蒻冷麵✦ 炸洋薏米糰子✦ 咖啡香烤羊肉配法式長棍麵包.
♥ 甜點✦ 雪耳糖水啫喱✦ 雪耳玫瑰白朱古力慕斯✦ 士多啤梨芝士蛋糕✦ 熱情果焦糖朱古力✦ 柚子撻✦ 蜂蜜燕麥鬆餅.♥ 包咖啡或茶一杯——————————————————✨整體味道: 4/5 ✨環境裝修: 4.2/5✨服務態度: 4/5✨性價比: 4/5✨再訪興趣: 3.8/5 .💞整體來講趁9月30號優惠完結，盡快喺app book位享用七折優惠，人均二百幾蚊就可以喺五星級酒店度嘆下午茶！…查看更多

❀ 九龍香格里拉大酒店 Café Kool #尖沙咀 ❀❗懷舊香港風味自助餐 仲有多國菜式勁豐富❗——————————————————九龍香格里拉Cafe Kool 咖啡廳最近推出以融合懷舊香港風味與環球佳餚嘅自助餐—「流金珍味」經典盛宴😍餐廳佈置充滿懷舊味道，用霓虹燈作牌面，以及用上復古木窗框，有種回到80年代嘅感覺😆.是次自助餐以懷舊港式美食為核心，提供多款香港地道美食😋如蒜蓉粉絲蒸龍蝦、燒乳鴿、小炒皇、白糖糕、紅豆沙及涼粉等。另外更有大量不同國家嘅菜式，除咗基本嘅海鮮區，提供龍蝦、鱈場蟹腳、麵包蟹、翡翠螺，還有日料區、中餐區、泰菜區、西餐區。Café Kool更獲「清真友善餐廳」認證，推出正宗清真佳餚，如燒羊腿配布里亞尼飯、土耳其旋轉雞烤肉等，甚至提供多款中東沾醬，如鷹嘴豆蓉、茄子蓉。結合國際風味，琳瑯滿目🤩。.甜品區係另一重要賣點，以Lego為主題非常吸引🥰提供多款精緻甜點，不論係芝士蛋糕、朱古力慕絲蛋糕、焦糖燉蛋、麵包布甸、可麗路、Häagen-Dazs雪糕，甚至係中式嘅白糖糕、合桃酥等都有齊！基本上諗得出嘅都會有😝私心最推薦有開心果醬嘅提拉米蘇。.作為頂尖五星級嘅酒店，餐廳更設有夢幻童趣天地，為小朋友提供娛樂空間，每位小朋友仲可以免費獲得一個金幣夾公仔！.✷𝑀𝑒𝓃𝓊✷☞ 自助晚餐星期一至四 $768星期五至日及公眾假期每位 $818——————————————————✨整體味道: 4.1/5 ✨環境裝修: 4.1/5✨服務態度: 4.2/5✨性價比: 3.8/5✨再訪興趣: 4/5 .💞整體來講真係第一次見有齊咁多國菜嘅自助餐！而家仲要玩懷舊港式風情，一次過食晒港式及西式甜品，更加滿足🥰…查看更多

❀ The Opposites #中環 ❀❗亞洲80名酒吧 聯乘李錦記推出雞尾酒❗——————————————————主打創新Cocktails，榮獲亞洲第80名酒吧由Antonio Lai及Samuel Kwok創立，以「對立」為概念，通過創始人兩種截然不同卻互補嘅風格，同一個主題會有兩位調酒師不同嘅呈現呈現成對的雞尾酒體驗🥰.一開始會送上welcoming drink !最喜歡Soya Sour，以港式甜品腐竹糖水為主題，入口輕盈，酸酸甜甜，適合女生。另外作為花生控仲試咗PB&J🥜做咗煙燻效果，味道較為濃烈，尾調有啲咖啡香氣，表面仲放咗塊花生多士🍞.另外佢哋仲同李錦記推出咗兩款全新 Cocktails🥂分別加入生抽summer soystice及酸梅醬LABONITA！感覺奇怪但出奇地配搭。當中更有氣泡效果，特別精美！.✷𝑀𝑒𝓃𝓊✷☞ Soya Sour $150☞ PB&J $160☞ summer soystice $150☞ LABONITA $150——————————————————✨整體味道: 4/5 ✨環境裝修: 4/5✨服務態度: 4./5✨性價比: 3.8/5✨再訪興趣: 4/5 .💞整體來講所有嘅Cocktail都非常精緻有創意，喜歡佢哋對立嘅概念。Cocktail大部份都幾足料🤣飲咗少少已經tipsy hahah…查看更多

❀ Pondi #西環 ❀❗三訪驚喜印度法式fusion菜 三年嚟依舊$680八道菜❗——————————————————三訪嘅Pondi依然冇令我失望🤩主打創新印度法國菜，將印度菜以法式烹調手法呈現。三年嚟tasting menu價錢維持不變，6道菜$500，8道菜$680，價錢合理仲飽到上心口🥰而且可以同侍應講你想食嘅菜式，餐廳會盡量配合👍🏻餐廳位於西營盤街角，環境較細，但充滿歐陸風情。.八道菜嘅套餐有四款前菜、兩道主菜以及甜品，每款都充滿特色，有驚喜✨前菜先有印度經典小食Pani Puri ，鷹嘴豆脆球中倒入特製薄荷青醬，香脆清新。Beef Tartare 口感creamy非常出色，底層嘅千層薯仔係我食過最香脆惹味🥰再有一款新推出嘅蔬菜Ratatouille，青瓜、蕃茄切片配搭乳酪醬，爽脆可口。仲有Octopus 🐙表面香脆肉質爽彈，配香甜嘅南瓜醬及印度香料，味道豐富，伴菜嘅薯仔都非常軟腍入味。.主菜唔少得餐廳招牌菜Stuffed Calamari🦑魷魚筒釀着香口肉碎及開心果，口感複雜。用Flatbread點埋煙腩肉及蜆肉熬煮嘅湯汁，更滋味！另外仲有經典印度菜Butter Chicken🍗雞肉預先燒香，肉質尚算嫩滑，嚟到呢度已經超級飽！.最後再有中東經典甜品Almond Baklava，酥皮搽上糖漿、果仁及椰奶。呢款甜品一向偏甜，但呢間都算平衡不錯。.✷𝑀𝑒𝓃𝓊✷☞ 6-course Tasting Menu $680♥ Pani Puri♥ Dry-aged Beef Tartare♥ Ratatouille♥ Octopus ♥ Stuffed Calamari♥ Flat bread ♥ Grilled Butter Chicken ♥ Almond Baklava——————————————————✨整體味道: 4.1/5 ✨環境裝修: 3.9/5✨服務態度: 4/5✨性價比: 4.2/5✨再訪興趣: 4/5 .💞整體來講菜式創新，味道豐富濃郁。鍾意印度菜但又想有啲新意，或者喜歡fusion菜嘅你，呢間餐廳一定滿足到你！…查看更多

❀ Aló Restobar #大坑 ❀❗十多年大坑人情味西餐廳大翻身 老闆親切認真製作絕大有驚喜❗——————————————————大坑呢間西餐廳已經開業十多年，最近更大翻身，由昔日嘅The Socialhouse改為Aló，搖身一變成為更有情調嘅西餐廳💕食物選擇貴精不貴多，款款都係餐廳老闆悉心設計，尤其推薦招牌西班牙乳豬及慢煮牛肋骨成功吸引唔少回頭✨老闆亦非常之友善，同客人經常打成一片，我哋居然仲可以玩到老闆朋友嘅狗仔🤣.要大讚餐廳招牌Slow-cooked Beef Ribs 🐮真係美味無比😋肉質軟腍至用叉都能分開，真係入口即化，邊位有少許肥肉更加香口🥰雖然價錢偏貴，但係絕對夠二至三人享用！.另外推薦試吓創新Beef Tartare and Bone Marrow❣️欣賞牛骨髓處理得美味👍🏻表面佈滿麵包糠，烤至焦脆，並將多餘嘅油份迫走，少許油香撈埋牛肉他他特別好食！.頭盤Heirloom Tomatoes and Burrata Salad用荷蘭或意大利嘅復古蕃茄，味道特別香甜，配上水牛芝士🧀開胃美味。燉海鮮Shellfish and Lobster Bouillabaisse有驚喜，而且性價比唔錯！$168除咗龍蝦外，仲有青口、蜆肉、帶子等，一定要飲埋佢嘅湯，集合所有海鮮嘅精華，特別鮮甜💖.甜品係拿破崙就發揮一般，略嫌酥皮未夠香脆。.✷𝑀𝑒𝓃𝓊✷☞ Heirloom Tomatoes and Burrata Salad $198☞ Shellfish and Lobster Bouillabaisse $168☞ Beef Tartare and Bone Marrow☞ Slow-cooked Beef Ribs $638☞ Raspberry Napoleon $88——————————————————✨整體味道: 4.2/5 ✨環境裝修: 4/5✨服務態度: 4.2/5✨性價比: 3.9/5✨再訪興趣: 4.2/5 .💞整體來講呢間西餐廳幾乎所有菜式都有驚喜又好食🤤難怪能夠喺大坑屹立10多年，絕對係值得支持嘅小店！店主仲勁有心同客人吹水互動，甚至有客人朋友嘅狗仔同我哋玩添🤣…查看更多

❀ 四季飯店 #灣仔 ❀❗新開手工粵菜 保留傳統粵式風味❗——————————————————六月頭新開張嘅手工粵菜keep住長期爆滿🔥欣賞餐廳提供多款罕有手工粵菜，能夠在此食到正宗傳統嘅粵式風味👍🏻餐廳適合一大班朋友聚餐，當日一行六人食到九道經典菜式，津津有味。.最推介「薑汁梅香蒸馬友」🐟馬友肉質厚身肥美，每嚿馬友上都加咗少許鹹魚粒及蔥絲，鹹鮮味加倍。「椒鹽汁虎蝦皇」同「豉椒汁炒蟶子王刀削麵」亦唔可以錯過🤩兩款都係非常惹味嘅菜式，前者虎蝦大大隻肉質爽口彈牙，椒鹽炒得夠香口。後者絕對係昇華版刀削麵，一向喜歡吃刀削麵，撈埋豉椒汁蟶子真係份外好吃😋喜歡燒味嘅不妨試吓「玫瑰煙燻雞」，肉質超級嫩滑，加上淡淡嘅煙燻香氣都幾好食😚.頭盤就推薦「韭菜蝦皮蠔仔春卷」，皮薄又香脆，每條春卷都包住一粒粒嘅蠔仔，特別豐富。另外用上「六頭南非鮑魚」大大隻又彈牙都唔錯😝.喜歡飲湯嘅不妨試吓佢哋嘅燉湯，大大煲非常足料。當日係杏仁豬肺湯，湯底清甜潤喉。.「30年陳皮蒸牛肉餅」就不太推薦，欠奉陳皮味，同平時嘅牛肉球味道相近🙈.✷𝑀𝑒𝓃𝓊✷☞ 韭菜蝦皮蠔仔春卷 $192☞ 味醂六頭南非鮑魚 $264☞ 四季燉湯（4-6位）$480☞ 椒鹽汁虎蝦皇 $588☞ 薑汁梅香蒸馬友 $388☞ 玫瑰煙燻雞半隻 $300☞ 豉椒汁炒蟶子王刀削麵 $552☞ 30年陳皮蒸手剁牛肉餅 $268☞ 啫啫蝦乾時菜煲 $128——————————————————✨整體味道: 4.1/5 ✨環境裝修: 4/5✨服務態度: 3.9/5✨性價比: 3.6/5✨再訪興趣: 4/5 .💞整體來講餐廳菜式用心製作，保留傳統粵式風味，大大份非常適合一大班朋友嚟聚餐 ！…查看更多

❀ Daap #中環 ❀❗辣菜脯Risotto?! $200食到前米芝蓮大廚開嘅港西fusion菜❗——————————————————主廚Luke一人主理嘅亞洲意大利法式fusion餐廳非常成功，開業至今人氣不斷🔥主廚曾經喺多間米芝蓮餐廳工作，將香港元素融入西餐當中，每款都充滿創意有驚喜🤩大部份座位都係吧枱，雖然空間較狹窄，但係可以望住主廚烹調，過程中亦有唔少「雜技」🤣午餐更低至$200包頭盤及主菜，六道菜嘅晚餐亦只需$880起，價錢親民又好食👍🏻.前菜揀咗羊肚菌栗子湯，已經係我第二次飲，依然係係記憶中嘅味道🥰一向討厭栗子居然深深喜歡呢個湯，因為真係非常濃郁順滑，仲帶點果仁香氣。反而另一款鹹檸檬汁配冰菜皮蛋就較為普通，可能因為我唔特別鍾意冰菜🙈.當日已經冇咗人氣雞卷，轉移選擇咗兩款fusion意粉🍝阿根廷紅蝦蝦醬蝦乾手工意粉鮮味十足，加上鹹香嘅蝦乾醬更加惹味🦐而且佢哋嘅手工意粉一向闊身煙靭，完全係我最愛嘅口感。另外辣菜脯日本生蠔肉鬆意大利飯更有驚喜😆辣菜脯完美中和濃郁嘅忌廉，唔小心就食晒成碗，不過留意番都幾辣㗎！.最後加$25食埋招牌冰火菠蘿包💥菠蘿包包住奶茶雪糕冰火交融，而且茶味突出。不過麵包可能稍為烘耐咗，有少少乾身。.✷𝑀𝑒𝓃𝓊✷☞ 1 Main + 1 pasta/risotto 價錢視乎主菜而定♥ Appetizer✦ 冰菜皮蛋咸檸檬甜酸汁✦ 烤栗子湯 配香煎羊肚菌♥ Main✦ 阿根廷紅蝦蝦醬蝦乾手工意粉 $198✦ 辣菜脯加埋肉鬆鹹香♥ Dessert✦ 自家製酸種菠蘿包配奶茶雪糕——————————————————✨整體味道: 4.1/5 ✨環境裝修: 3.9/5✨服務態度: 3.7/5✨性價比: 4.2/5✨再訪興趣: 4/5. 💞整體來講雖然網上有人批評餐廳嘅服務唔夠好，但始終只得一個廚師，難免忙碌，招呼未能太過周到🫣我覺得呢個價錢又好食，收貨~…查看更多

❀ Sabor Spanish Touch Private Kitchen #上環 ❀❗號稱衝擊中環4大米芝蓮名雞 心目中最佳原隻雞❗——————————————————如果你鍾意食三黃雞，咁你一定要試埋呢間🔥因為佢哋嘅火焰威士忌燒杏花雞絕對比起法式三黃雞更出色💯位於詢問度極高嘅Sabor Spanish Touch Private Kitchen，總廚師承西班牙米芝蓮Jose Vicente Mascaros，將西班牙菜完美昇華🫶🏻.入門口先要拿起1899年電話📞充滿儀式感。打開居然係防空洞設計，別有風味😍每日只有一款Tasting Menu菜單，人均$700。侍應會用心介紹菜式，接近高級米芝蓮餐廳服務。.先有入口香滑嘅雞肝醬，特別加入香甜醃製洋蔥🧅塗上西班牙香脆多士，齒甲留香，好好食🥰然後墨魚粒特別爽口彈牙，配上自家製嘅番茜蒜蓉蛋黃醬泡沫，味道微辛像忌廉般香滑，係我食過最出色嘅墨魚菜式，沒有之一👏🏻然後仲有兩款西班牙最傳統tapas，炸青椒🫑及蒜油大蝦🍤，都幾香口滋味。.店舖招牌絕對係火焰威士忌燒杏花雞🐔上枱時淋上帶有蘋果香氣嘅威士忌🥃再燒香，既有視覺效果又更香口，再用松果木煙燻，令人垂涎欲滴。所有嘅雞肉去皮拆骨，非常嫩滑，特別係雞胸肉都做到滑溜唔柴口，威士忌加煙燻嘅香氣獨特出色，對比一般嘅法式三黃雞更有驚喜，絕對想再encore😆.另外會配上亞洲獨有雞皮油香飯🍚將剩餘嘅雞肉及香炸雞皮加入白飯當中，不浪費任何一部份，再灑上自家製蜜糖醬油，香氣撲鼻，甚至比雞肉更有驚喜🤩. 甜品有威士忌奶凍及流心西班牙catalana焦糖布丁，兩款甜品都較為少見，口感軟滑更會在口中溶化，配上Oreo餅碎和爆炸糖💯.推薦試埋佢哋嘅特製sangria🍹運用四種酒及五種生果醃製一日製成，香甜更好飲！.✷𝑀𝑒𝓃𝓊✷☞ Sabor二人晚市套餐 $700pp♥ Chicken liver pâté♥ Pardon pepper♥ Grilled cuttlefish with allioli espuma♥ Garlic shrimp♥ Roasted apricot flower chicken♥ Crispy chicken skin rice♥ Dessert of the day——————————————————✨整體味道: 4.2/5 ✨環境裝修: 4/5✨服務態度: 4.1/5✨性價比: 3.9/5✨再訪興趣: 4.1/5. 💞整體來講呢間西班牙私房菜真心有驚喜，榮升心目中掃一數！好耐冇食過咁獨特又美味嘅原隻雞，比起法式三黃雞更勝一籌！…查看更多

❀ LALA #中環 ❀❗前米芝蓮大廚主理 $528食到三黃雞五道菜brunch❗——————————————————前米芝蓮一星Louise大廚 Franckelie Laloum 坐鎮，平成倍就已經食到著名嘅三黃雞🤩主廚更曾經喺東京米芝蓮一星Azure 45工作，及帶領上海Jade on 36成為「亞洲50最佳餐廳」，來頭絕對唔惹少👏🏻LALA餐廳由知名藝術家ELSA JEANDEDIEU設計，裝修甚有格調💕Brunch只需$528，就能品嚐招牌烤本地三黃雞及其餘四道菜🔥.先會送上主廚朋友製作嘅酸種麵包🥖然後有三款不同嘅前菜。厚身鬆軟嘅奄列製作出色，近乎疏乎厘口感，香港極少地方吃到。而且蛋味香濃，更加入咗Alplage Gruyere芝士🧀煙肉🥓，鹹鹹香香咁美味。另外沙律有新鮮小龍蝦，鮮甜軟腍，搭配牛油果、蘋果、及cocktail sauce，味道清新開胃，比想像中更有驚喜🤩仲有柑橘hamachi油甘魚，發揮不過不失。.重頭戲必定係招牌三黃雞🐔侍應先呈上原隻雞，再幫忙切件。兩個人share半隻雞，配特製雞油飯，份量比想像中豐富🥹與Louise同樣選用本地元朗三黃雞，花數天醃製、烹煮及風乾，雞皮色澤金黃，而且肉質嫩滑，連同雞胸位置一樣軟腍~唯獨略嫌外皮未算最香脆。雞油飯更有驚喜，用上日本新潟縣越光米，吸滿昆布高湯及雞油，加入香蔥，直接食用都非常惹味😋.甜品會用甜品盤呈上😆提供五款選擇，均由糕點師 Natalie Leung創作。選擇咗較為清爽嘅檸檬撻及我最愛嘅朱古力榛子撻。特別喜歡榛子撻表面加上榛子醬，份外濃郁！.✷𝑀𝑒𝓃𝓊✷☞ Sharing Brunch Menu $528♥ Seriole♥ Omelette♥ Langoustine♥ Poulet Jaune♥ Patisserie——————————————————✨整體味道: 4/5 ✨環境裝修: 4.2/5✨服務態度: 4.2/5✨性價比: 4/5✨再訪興趣: 3.8/5. 💞整體來講食過Louise後再食呢一間，坦白講味道真係非常相似，但係價錢平勁多，值得為咗隻雞嚟試吓個brunch💖…查看更多

❀ 福和雍 #中環 ❀❗高級點心傳承「洋行買辦」 最後有訂座優惠❗——————————————————中環娛樂行有間開咗幾年嘅高級點心餐廳‼️為了傳承當年「洋行買辦」時代嘅文化精神，提供嚴選茶葉，及一系列嘅別緻點心🔥茶葉嚴選是中國各地，點心更由前富豪飯堂福臨門老師傅親自主理😮佈置採用藤編木椅，加上綠色植物點綴，西洋元素中帶點古色古香，大部份餐具都由有近百年歷史嘅香港老品牌「粵東磁廠」手繪所製😍.韭菜炸蟹盒係餐廳獨創嘅點心😆炸得香脆，包住比例剛好嘅蟹肉及韭菜。仲有份量十足嘅八頭鮑魚酥及軟殼蟹多士，用料高級，口感酥脆。我幾喜歡蜂巢芋角及古法醉雞卷，前者香口，後者入味嫩滑💕當然亦有經典蝦餃 、燒賣、小籠包等，發揮就一般啦🙈.最後試咗桂花糕，非常清香，食完油膩點心後品嚐剛好。另外餐廳亦提供買少見少嘅蛋黃千層糕，有興趣嘅要快啲試吓😆.✷𝑀𝑒𝓃𝓊✷☞ 蝦餃 $78☞ 灌湯小籠包 $78☞ 韭菜炸蟹盒 $78☞ 古法醉雞卷 $68☞ 蜂巢芋角 $58☞ 八頭鮑魚酥 $168☞ 原隻軟殼蟹多士 $98☞ 蜜香單叢桂花糕 $28——————————————————✨整體味道: 3.6/5 ✨環境裝修: 4/5✨服務態度: 4/5✨性價比: 3/5✨再訪興趣: 3/5. 💞整體來講位於中環娛樂行環境方便舒適，提供多款特色點心及高級茶葉，唯獨定價偏貴，建議特定時間OpenRice網上訂座會有八五折優惠‼️…查看更多