martin2013的个人专页

今日同老婆去買完貓糧經過大南街見到呢間好燒息串燒專門店，因為好耐冇食串燒，所以就入去試試其實平時經過都見到呢間店，應該開業左好耐，只不過不嬲對串燒既認知係cp值唔高，用唔化算嘅價錢去食孜然粉講下叫既野食7味魚翅-第一次食，感覺好特別，燒完有d似雞泡魚乾，但比雞泡魚干軟糯好多陰公豬-份量超多，燒完之後肉汁仍然係度蒜蓉燒扇貝-正常發揮，但扇貝係好新鮮嘅牛舌心牛柳串牛舌串-我自己覺得就比較乾身啲冇乜特別雞胸軟骨串-呢個幾得意，平時好似喺出面比較少食到，應該要去居酒屋嗰啲先有。幾好食鹽燒馬友-呢個正條馬友好新鮮，我條仲好似係螺絲條，燒完嘅馬友真係好好食，入面仲有好多自帶既黃油總括嚟講呢間嘢真係唔錯，因為你平時喺出面食串燒根本上所有嘢都鋪滿孜然粉，食粉多過切食串燒，但呢度嘅串燒就係輕微嘅調味，食食材本身嘅味道💪🏻…查看更多

好耐無同女友出街撐枱腳，去尖沙咀搵個有feel既地方食好西先，所以黎左天文臺道呢間8Five2 restobar 試下墨西哥菜先我哋散叫咗幾個main1. Grilled Chicken Salad-雞肉燒得非常之嫩，加上個牛油果靈魂醬汁，成件事好正2. Steak Nachos-個底係粟米片，加上牛肉粒同靈魂醬汁，份量好充足，好fresh3. BBQ Pork Ribs ( half)-超佢型，其實2個人真心食唔哂，肉嫩多汁唔會柴，不過要趁熱食，凍左好似變得乾身左4. Spicy Beef Quesadillas -平時都鐘意食呢款酥餅，佢裏面再加埋少辣既牛肉餡，好得🫰🏻5. Big Bang/Avocado Smoothie-牛油果奶昔香滑飽肚😂，big bang就用芒果/熱情果/菠蘿汁 mix埋個咪好消暑feel本身諗住去bar食既野都唔會有咩期望，純粹食個feel，加上天氣咁熱胃口都麻麻但估唔到d菜式係完全刺激到我既味蕾，佢d菜式好醒胃,加埋d靈魂醬汁，成件事好fresh,真係好適合而家咁熱既天氣食，兩個人埋單1000左右，但真心食唔哂，正常可以叫少個dish🫰🏻…查看更多

今日突然好想食燒味放工經過旺角道，見到有兩間燒味餐廳，見未食過呢間棋子燒鵝，入去試一試佢先我哋叫咗個二人套餐，套餐裏面包含1.棋子燒鵝例牌-燒鵝肥瘦適中，油脂分布均勻，識落唔肥膩，個皮亦燒得非常之鬆脆2.燒味例牌（我就要咗燻蹄）-燻蹄平時出面賣好貴，佢呢個餐包埋真心抵，份量好充足，熏蹄夠凍，亦都好咬口3.油菜-油菜唔知點講😂4.飯/湯/飲品-奶茶OK啦，個湯就真係老火湯，幾好飲兩個人食埋單218，呢個價錢食晚飯都真心抵嘅，有燒鵝又燻蹄，贊👍🏻…查看更多

今日想食下泰菜，正常泰菜多數會諗去九龍城，但九龍城人多又難泊車，轉下場去尖沙咀食下先😀呢間餐廳朋友介紹，坐落係亞士厘道，沿路行都見無乜人，唯獨佢就要排隊😅泰式燒牛肉沙律-有西冷扒嘅厚度，配上新鮮嘅沙律菜，食main戈之前食佢特別開胃😆冬陰功大頭蝦意粉-味道夠晒特別望落去似蕃茄味食落去就冬陰功味😆酸酸甜甜，大頭蝦我連頭都食埋非常之正😆香茅烤豬頸肉-燒得出色，皮脆肉嫩，配上佢個醬汁無敵營火串燒-叫咗雞牛豬，豬同雞都唔錯，反而牛唔知係咪擺得耐咗，無咁好食芒果糯米飯甜筒-呢個甜品打卡一流，外觀靚不在話下，用椰子味雪糕代替椰汁，非常特別夠晒創意Undon thani-呢杯酒有葡萄汁,接骨木花,荔枝house wine，飲落去似Fruit Punch得黎又飲得出有酒味，幾得意總結：呢度環境beautiful, 打卡岩哂，又好味有乜辦法唔嚟🙋🏻‍♂️💁🏻‍♂️…查看更多

係旺角食野食到悶悶地，行去大角咀搵下野食先大角咀口心大角咀呢邊其實好多特式食店，價錢又親民我搵左呢間吉勝吉列串揚專門店主，前排食過唔錯，再回味下先，呢度店面乾淨整潔，坐既位置又夠闊落講吓叫咗咩先和風刺身沙律-有八爪魚、帶子、三文魚加上個汁酸酸甜甜，開吃前食完佢個胃容量即時提升😆和風刺身拼盤7品-份量十足豐富、擺盤精美，有7款刺身，包括油甘魚，三文魚，梭子魚，刺身蝦同帶子，新鮮又夠凍，梭子魚外皮火炙過，非常之正😆燒日本花魚一夜干--呢款魚用黎燒真係無敵，外脆又香，內又夠嫩，無得彈一大堆吉列串串-迷你甜薯、秋葵、日本南瓜、多春魚、外面脆漿夠薄，內在岩岩好，特別要講下紫蘇雞肉同豚肉韭菜卷，咁樣配搭拎黎炸真係幾好食總結：呢度Cp值超高，食量大嘅人岩哂，因為平得黎質素又高唔貴，重推介🙋🏻‍♂️💁🏻‍♂️…查看更多

今日難得好天又熱熱地，行過去奧海城搵下野食先見到呢間日式食肆，入去試試先💁🏻‍♂️呢間店名金子半之助主打係炸天婦羅丼飯，店面乾淨整潔，坐既位置都尚算闊落講吓叫咗咩先:江戶前天丼-份量十足豐富、有超長穴子、魷魚粒粒餅、海老、炸紫菜等等，最正係個魷魚餅同穴子，同樣外脆內嫩，再配合埋佢嘅秘製醬汁簡直冇得輸☺️上天丼-都係份量十足，赤甘鯛、海老、魷魚粒天婦羅餅，最正係大大條赤甘鯛，可以同江湖前天丼個鰻魚互相輝映總結：呢個價錢對得住個質素，Cp值滿滿，同埋食量大嘅人岩哂，因為一個人食哂成個真係好飽(對我嚟講)…查看更多

今日去九龍城附近做嘢，順便嚟九龍城搵吓有乜食，見口淡淡就食吓川菜啦，入咗嚟呢間’有口福‘先講吓叫咗咩-孜然脆骨-一定要熱辣辣咁食，好友大陸風味，因為我食唔晒攤凍咗之後冇咁好食炒米粉-又係大陸口味既炒米粉,香港真係好少見,重口味之選，另外食到佢鹹蛋香味，唔知係食錯定佢真係有放😂脆椒雞軟骨-呢個真係幾過癮，雞軟骨外脆內軟，最過癮係嗰啲紅辣椒🌶️可以當薯片咁食☺️口水雞-呢個反而麻麻地，d雞肉好似唔太入味計cp 人值真心贏晒，佢碟碟都超大碟，我食左4樣野+埋兩罐天地1號都係$400唔駛，份量應該夠3個人食，良心小店☺️…查看更多

夜晚搵地方泊車食個晚飯，泊完行過見到慢煮工業入去食下先先講下叫左咩美國安格斯西冷牛扒-肉質鮮嫩，唔會柴口加隻煎鵪鶉蛋幾得意😂芝上菠菜焗蠔-蠔肉鮮味配上焗芝士無得輸蒜香芝土排包-香味十足，包身軟熟，好味荔枝挼骨木特飲-味道配搭好特別有荔枝香，但似係d醬溝出黎咁，麻麻地蜆肉蝴蝶意粉-呢個好食，蜆肉份量十足，加上個汁好奶滑，正！慢煮工業食過幾次，cp值一向唔錯，但要留意係太子道西呢間菜式會比白楊街個間較少，佢似係pub型式飲酒傾偈多🙃…查看更多

今日陪個fd去長沙環整車，見師傅話無咁快拎得，經過見到呢間靚靚地既餐廳La Barra Tapas Spanish Restaurant，坐低hea下順手食個lunch我地各自叫左一個lunch setEntree：炸魷魚圈-好脆口松露蘑菇可樂餅-呢個細細粒又脆口，一咬落去濃烈嘅黑松露creamy，正Main西班牙燒春雞-聞落好香，但食落有點乾身，焗雞感覺好難好食黑毛豬肩胛肉-肉質超嫩滑，食落似牛多過似豬😂另外再加多個西班牙海鮮飯-味道好特別，係好食既，不過飯太小😂最後甜品係好綿既雲呢拿雪糕😎…查看更多

今日晏左成2點先放lunch,見籠太子呢個鐘數無乜人行入去試試佢先先講下叫左乜金蒜蒸排骨-肉味十足，肥瘦適中，即蒸係特別好食鮮竹生肉球-肉汁豐富+埋喼汁係絕配多汁蟹籽小籠包-咬落去爆汁個下真係無得輸，但唔係幾食到有蟹籽味🥺瑤柱濯湯餃-咬開淡淡肉，但我比較鍾意整碎佢當湯飲，咁凍既天氣，咁既食法真心爽原隻鮮蝦腸-原蝦夠爽脆，但腸粉皮太厚🥹自家豆漿-呢個幾好，$10咁大枝，飲得出唔係7仔個d化學豆漿，豆味濃、帶少少渣，正🫦…查看更多

今日過大角咀搵下有咩好食，呢邊不嬲小店多，時不時就有驚喜☺️見到呢間吉勝吉列串揚專門店，入去試試先先講下叫左咩炸物-日本南瓜、冬菇-粉漿炸得好薄，唔會蓋過南瓜同冬菇嘅鮮味👍🏻黑豚肉韭菜卷-黑豚肉同韭菜配合一齊炸又真係幾好食，豚肉嫩熟得黎韭菜又唔會炸到柴哂👍🏻紫蘇雞肉-呢個堅得😂平時我係唔食紫蘇葉，佢咁樣配搭一齊炸，個味道好得意，真心好食吉列蝦-普通野😂都係炸醬薄咁囉😂吉列黑豬柳1件-略嫌細舊，同埋肉質有點柴🥹泡菜豚肉鍋-份量超多，鍋上既豚肉十分嫩滑，味道亦唔會太濃呢度Cp 值幾高，坐落旺區價錢相宜，另外佢仲有個白酒menu🍶,不過我揸左車無機會試😅…查看更多

疫情又來了…連續幾日都喺6～7000宗以上，費事出街同人迫，又想食下Pizza所以用咗app叫外賣我女人叫左個啤酒套餐套餐包含Peroni樽裝啤酒x 2+ 雙重芝士脆邊薄餅x 1意式凍肉拼盤1有營茄子沙律/ 意式牛肝菌蝴蝶粉 × 1（3選1，我就揀咗意式牛肝菌蝴蝶粉）Peroni啤酒-我女人話順口麥味香（因為本身我唔飲酒，所以佢飲晒2支 😂）雙重芝士脆邊薄餅-呢個真係冇得頂，app大概15分鐘左右送到，所以個Pizza仲熱辣辣🤤兩款芝士個味好Match,拎一件出黎拉哂絲，識落夠晒煙靭，2種芝士個味道亦都好夾，餅底又夠脆，真係超正意式牛肝菌蝴蝶粉-牛肝菌味超濃郁，又夠creamy,蝴蝶粉細細塊，好似食飯咁，唔錯成個餐加埋都係二百幾，抵到爆又夠晒2個人食另外佢仲送咗個環保袋，嗰款幾靚🤓…查看更多

今日同個friend去尖沙咀行街，行到夠既時候見肚餓，所以黎到呢間the grill room食個晚飯先先講下叫左咩-King prawn salad-沙律菜新鮮配上獨特嘅醬汁，蝦size大大隻，應該係虎蝦，每隻蝦都充滿牛油既氣息，非常正Scallop pasta-濃郁嘅龍蝦汁打底配上寬條意粉，再加上濺到每邊好脆口嘅帶子，非常啱我口味🫶🏼16oz us rip eye-我要左5成熟，肉嫩多汁，加上綿滑嘅黑松露薯容，外配2款香草+燒汁醬汁，正☺️Spooky shake-呢杯野賣相太cute,同埋飲完超飽影響我食其他野😂總結：地理位置優越，環境夠grand，適合幾個fd叫野食慢慢傾計🐒…查看更多

今日同個fd打完波，見個肚仔餓餓地，想搵d野食下，咁岩球場隔離見到呢間安安燒，入去試試先我點左以下串燒～雞泡魚乾-呢隻野燒起上黎真無無得輸，香脆既外表+超香魚味，好食到停唔到口🐒燒茄子-茄子上嘅蒜辣椒絲非常多，又唔會燒到好乾身～正！皇牌燒牛脷-外脆內軟，燒牛脷堅正燒安格斯一口牛-牛味十足，我諗佢燒到五六成熟左右，所以入面既肉好Juicy 😛燒蠔-燒蠔反而一般，蠔肉過熟菊花杞子蜜-食埋咁多熱氣嘢，飲番呢杯清熱簡直係絕配🐒2個人大既人食左4百幾，價錢相宜，座位亦算標準，起碼唔會頂手頂腳，係滿座既情況下上菜速度真心快，平均5-6分鐘就有野食，呢個係驚喜，因為本身預咗等好耐…查看更多

疫情回落，繼續周圍搵野食，今次去到荃灣食呢間Ann mamma Thai kitchen，對上一次黎都差唔多2年前🥹#如果揸車去既朋友可以泊去路德圍/沙咀道，個邊有大量錶位☺️先講下叫左咩～炒雜菜—蒜蓉+魚露+油香炒咩菜都真係無得輸🙂大蝦炒金邊粉—酸味+鑊氣都恰到好處，開胃必食🙂沙嗲串燒(牛/豬)—燒完唔會太乾柴，配上迷人嘅花生麻醬～正！🙂泰式燒豬頸肉—係好食既，但唔知係咪人多遲上菜，唔夠熱辣辣😗粉紅番石榴特飲—呢杯嘢係冇酒精，但你食飲到mojito 既感覺，口感好清新得意😎…查看更多