S_Pobo的个人专页

本身對食冇乜要求，所以開左account好耐都冇寫過食評，好食唔好食都係差唔多，但諗唔到食完呢碗糖水之後會令我有"唔寫唔得"既想法!晚餐之前想食D熱野，原本想去附近既泛后，但見到呢間小樽未食過，就去試下，見佢D湯圓有幾隻唔同味，又可以續粒計$$，(泛后同B仔都係得芝麻湯圓同fix左要幾多粒)，於是就叫左碗芝麻糊+4粒湯圓，芝麻花生芋蓉淺草各一，返屋企一食，芝麻糊唔夠甜，又晞，不過都叫食得落口，再試湯圓，第一粒就試淺草味，個饀係紅豆，真係.......X! 點解可以咁難食?! 湯圓D皮一咬就斷，一D都唔煙韌，而且湯圓皮最外係透明，愈近饀就愈白，真係唔知熟未!D饀既味道.......就好似D一堆乾花mix埋一齊既味，or都有D似某牌子既hand cream味，由於我淨係食左一粒，所以其他咪難唔難食就真係唔知，不過可以肯定個皮就粒粒都一樣.......難食!呢間小樽開既位附近有一堆糖水鋪，如果唔係因為未試過都真係唔會去，價錢仲要比其他店貴，以我呢碗糖水為例，泛后芝麻糊$12，加湯圓+$7，total都係約$20，B仔都係差唔多價，而呢間小樽，芝麻糊$15，加湯圓每粒$3，加4粒已經要比多$12，total $27，而且份量比泛后 / B仔 少一半，收貴人咁多仲要咁難食，佢係覺D客太好呃定佢太自信??BTW，大家所講既美女侍應其實就係D 十六、七歲既妹妹，同MK係街叫人買書果D如出一轍，可能真係會吸到某D客既，不過如果食物質素繼續係咁我諗應該連宅男都唔想去!…查看更多