Kellytammm的个人专页

同朋友行完山諗住開心食雞煲，就book左18樓。先前都有朋友介紹過呢間幾好食，咁就諗住試下啦～～我哋係叫咗B餐。🌸雞煲正常，口味偏甜唔算辣，份量應該係半隻少啲？咁佢就只會嚟一round，就冇得仼添的。我覺得味道還好，唔算話好正宗好惹味嘅雞煲，但因為偏甜所以食落都開胃！😳🌸接下來我哋就加湯打邊爐，因為我哋都鍾意食海鮮同牛，所以大部份都有叫。牛係完全唔OK，勁硬，煮快啲等佢冇咁熟都係幫補唔到，所以叫咗一round已經放棄咗。海鮮方面，扇貝第一輪上到嚟係好污糟😢😢😢，但第二三輪上到嚟係OK嘅，質素比較唔穩定，但呢樣嘢係唯一我哋覺得可以不停叫嘅食物！😳***我覺得佢最大問題係啲嘢食都好似洗唔乾淨，有啲會見到腐竹上面有黑色污糟嘢，唔敢食。然後擺盆係有啲唔同類型嘅食物都會擺埋一齊上，俾我感覺係好求其～😵‍💫😵‍💫🌸另外仲有小食，鴨血ok正常的。至於個酥肉，係難食到飛起，又凍又難食！！！😒🌸全場最好味應該係乳酪雪糕😹😹😹最正常，本人食咗兩杯，已經夠皮了！🥹👌🏽🌸總括嚟講，我係唔會再嚟多次！但唔知點解啲好評可以多到飛天？？？但我食過真係唔會再嚟，畢竟佢都唔算話好平，呢個價錢其實可以有更好嘅選擇。但如果真係冇乜要求食個雞煲打邊爐，我 都 唔 建 議！呢個質素呢個價錢，出面有啲仲可以任食雞煲再打邊爐，所以其實真係唔需要嚟呢度食ಥ_ಥ好失望…查看更多

收工同朋友去米線陣食，都要拎飛排一陣隊。我見佢期間限定有豆花米線 就想試吓～～我哋見隔籬枱有一碟大豬扒好似好正，我哋都忍唔住嗌咗大汗豬扒🌸湯底夠味唔夠辣🥹所以我會叫員工比辣椒油我，我再倒超多落去😹😹😹豆花米線還好，配料多，有酸菜花生腐竹，好搞笑啲豆花係甜嘅，但我覺得都滑嘅幾好味，連米線食一流～同埋好難得有豆腐串😻佢仲要成條上，非常高興🙈🌸最有驚喜係呢個大汗豬扒！！豬扒炸得啱啱好，一啲都唔油膩，份量都好足(⁎⁍̴̛ᴗ⁍̴̛⁎)個辣椒粉係精粹，食到我同朋友不停點頭話好味好味😋總括嚟講，本人覺得米線都算正常發揮，反而呢個豬扒就非常有驚喜，如果再嚟食嘅話我諗都係因為比呢個豬扒吸引！🫶🏽…查看更多

收工麻辣燙癮又起，快快跑去馬姐到食，希望唔使排隊，結果係唔使排隊嘅真係好彩！👍🏽我點咗一碗麻辣燙+涼拌三絲 中辣🌶🌸湯底好香，夠味夠辣🥹佢嘅辣係陰啲陰啲，屬於後勁好強嘅辣度～～我唔覺得特別麻，正正常常。湯底有蒜蓉，所以蒜香味令我越食越想食！🌸因為我鍾意食薯粉之餘仲想嗌好多餸，所以我就會喺麻辣燙嗰度揀埋薯粉，呢個價錢真係平到笑，$5 1個餸都有！出面唔多正宗嘅麻辣燙舖頭，都夠膽死賣$8-15一個餸🥲我見其他食客都係嗌到大大碗勁多餸😹😹重點係佢有我鍾意嘅豆腐串(唔係間間都有㗎陰公😢😢)冬瓜好林好入味，牛柏葉，萵筍都好食～🌸涼拌三絲都係我必點之一，涼拌汁超好食😋非常開胃，酸酸辣辣。海帶絲土豆絲同埋粉絲三樣加埋一齊好有口感。總括來講!非常開心香港有呢一間頗為正宗嘅麻辣燙店，而且價錢非常便宜，味道一流。本人已經係咁推介比其他朋友仔，個個都話好食😋！…查看更多

去完大角咀按摩，就諗住試吓呢間稍有名氣嘅米線食啦！好好彩去到唔使等位😍🌸我就嗌咗麻辣中辣豬紅響鈴米線。飲咗一啖湯，已經覺得好正，湯底較濃烈，適合重口味嘅人士that's meee😏除咗湯底濃郁之外，氣味都幾香，而且米線係比較淋，啱曬我鍾意食軟嘅米線。（仲有啲脆卜卜嘅豆，餸米線一流🌸豬紅同埋雞翼方面都好入味好好食，不過今次就冇試到個個都讚不絕口嘅豬頸肉，下次有機會再試食先哈哈😽總括嚟講呢間會再光顧的，因為好少何食到一半仲繼續好想食，皆因佢湯底真係好濃好香，越食越惹味～～🔥不過食完之後會好頸渴，所以久唔久食一次就好了hehee🤣…查看更多

今晚又同男朋友來食海膽仔🫣大約八點左右，好彩冇人等位～🌸生蠔依舊每人兩隻～～！😍今次食鳳趾同厚岸，生蠔次次食都好新鮮🦪鳳趾好好食，又甜又爽口，厚岸就creamy飽滿。之前食開嘅令和怪物都好正好滿足，識落係飽滿多肉的(*≧ω≦)。**友善提醒：生蠔汁要開口問侍應拎的，如果唔係就得檸檬🍋🌸壽司就正正常常都抵食嘅，冇話特別出色。食過海膽三色丼，其實都係正常水準，無啲人吹捧到上天咁，份量都幾大，多飯，食完佢一個丼都差唔多飽咗(一人計😏🌸鰻魚串好好食，啖啖肉，醬汁唔會特別鹹。食過牛舌都好食😋番薯就一般有少少乾～🌸天婦羅呢我哋每次都會嗌雜錦的，因為抵食好多，樣樣都有，而且份量都多！不過就唔好預咗佢會係好高質素，食得出唔係專業處理，過吓口癮嘅話都抵嗌嘅🤣🌸蕎麥麵就一般～～不過佢會有啲天婦羅脆脆，配埋啲麵食係唔錯嘅😃。🌸飲品方面值得讚賞，因為大部份都係來自日本嘅飲品，唔係隨隨便便可樂七喜，而且選擇好多！有罐裝梳打、波子汽水、果汁、日本酒等👍🏽🌸總括嚟講，我覺得呢間都算係咁，食物唔算超水準，但我覺得有保證👌🏽環境都企理望落乾淨，空間方面有少少迫，不過坐落都舒服嘅～性價比可以✅，所以如果脆脆地想食下日本嘢，呢間都夠曬平民，埋單幾百蚊搞掂。😽…查看更多

今日同朋友book咗1:45pm打算食午市放題～～我哋揀咗最平嘅牛五花+海鮮任食放題🐷湯底因為我哋都鍾意食辣所以揀咗麻辣大辣！🔥🔥🔥🌸湯底好香，可惜都係唔夠辣🥹皆因上次食過中辣覺得唔辣所以今次嗌大辣點知都係唔辣！但個湯底係好香嘅。🌸牛方面揀咗最平嘅套餐牛五花，肥牛超硬好唔掂⋯⋯就算淥快啲都好，都於事無補，又鞋又硬，質素好差。🥲🥲🥲如果入嚟係好想食牛嘅，建議大家都係揀返高級套餐，之前食過係好食好多！😃🌸朋友話蝦硯質素好好，下次可以不停嗌代替個牛五花哈哈！硯真係唔錯，粒粒都精神大粒！❣️❣️❣️三款滑都ok!!🌸自助配料選擇好多，仲有好多好特別嘅台式食物可以夾，正常發揮。btw有我最鍾意嘅豆腐串好驚喜🥰！🌸嘢飲都多選擇，仲有好多都來自台灣嘅飲品，唔錯。🌸主食方面出邊仲有滷肉飯可以自己裝，仲有烏冬、新竹米粉、王子麵同埋寬粉。順帶一提，仲有鹽酥雞同埋台灣腸好好食，呢啲熟食係可以自己落單～總括來講都算係唔錯，不過就冇雪糕🍦🥲仲要我哋食耐左都冇人趕我哋走🥺so lucky!!…查看更多

叫親都有黎，無一次漏單，份量都足～✨刺身正常發揮，凍食有驚喜(自助區自己夾的)硯無沙、蝦結實唔'妹'、青口新鮮 完全無諗過放題有凍食👀搞到好似成個酒店buffet咁(*≧ω≦)✨壽司就淨係食咗唔多，都幾好，只係壽司飯一般，較硬食落一粒粒咁🥲個人認為黑松露帶子好食😋✨手卷有海膽，不過上咗唔該要快啲食，因為佢個紫菜勁快就變冧🥲✨炸物一流！天婦羅同埋芝麻雞翼正常發揮～連出面自助區攞嘅炸物都好好食(自助區有個炸蝦多士強烈推薦超好食！🥹)炸榴槤波波入面唔夠熱🥲炸鮮奶and 芝士竹輪天婦羅麻麻哋✨燒物可以😛牛舌、羊架、菠蘿、比目魚好好食！雞軟骨同翠玉瓜一般～✨一品料理正！香草牛油硯推介！分量多好味同埋硯無沙🥹🫶🏽仲有蟹粥！呢個最黐線，因為佢勁有誠意，入面隻蟹真係大隻架🔥仲有壽喜燒啲牛唔係垃圾牛，好味😋✨甜品一人一杯雪糕(Haagen Dazs/ movenpick)另外自助區仲有好多甜品：唔同款式嘅雪條雪糕、布甸、泡芙)試唔晒⋯⋯⋯✨自助區仲有前菜、熟食、湯，不過無試～～🧚🏽‍♀️放題黎講算超多選擇，仲要無漏單出貨快，侍應態度都正常嘅，整體有驚喜，會再食🫣😝(後尾掛住食已經唔得閒影相)自選時段$258 +1我係平日夜晚 (感覺星期五六夜晚應該忙到飛起所以只敢揀平日)食放題唔敢有期望，尤其之前見到大家post出嚟話好垃圾嗰啲⋯⋯但呢間真心幾正忍唔住要話比大家，我不是打手喔！！仲要第一次出post😹🥹完！！！！🫡🥳…查看更多