柯鎧澄的个人专页

放假去做body check，本身打算去禧利街新分店食，點知睇錯地圖去左呢間分店Check完都已經1點，再搭車去到已1點45分，我們再糾纏揀邊款魚好，想試左口魚，又想試黑線鱈魚，最後都係揀大多數人都讚的石頭魚享用到買一送一呢個優惠，送的是藍鱈魚，落單後我們行到附近的海旁，搵左張長凳坐低，欣賞陣海景，屋企人行返去攞，熱辣辣新鮮陣陣炸魚的味道隔住個盒都飄晒出來石頭魚真係嫩滑，有新鮮魚的味道，但唔係腥味，（本人是極怕腥唔太食魚的麻煩人），屋企人就欣賞藍鱈魚多啲，覺得有種鱈魚的香味2件魚柳的外皮都極脆口唔油膩，一邊近距離望住個海景，一邊嘆住個fish and chips ，幾咁寫意地要討論下次試邊款魚薯條是粗扁身，同樣極新鮮辣口脆薯香但係原來薯條是可以揀粟米，配粟米感覺上健康啲，內心的罪疚感又可以減輕啲…查看更多

星期六放假瞓醒掛住佢哋個煎蛋，又要去朝聖嘆個早餐喺app點單時竟然見上星期侍應哥哥話無的美祿呀！今日要食雪菜豬扒米粉，屋企人食榨菜雞扒米粉，米粉等左一陣已來，雪菜偏咸左少少，屋企人食完榨菜覺得雪菜比榨菜更咸，米粉份量少左啲，比上星期的麵少左1／4啲米粉都食晒，先上豬扒煎蛋，豬扒份量十足，煎到好香口，肉質嫩滑，味道啱啱好2隻煎蛋實在煎得太好，好啱我口味，鬆化唔死實，外脆內軟，唔係嗰啲膠膠地實的的質地食左半，雞扒來了，雞扒比豬扒更脆口，但偏咸，可能開始人多，這碟的煎蛋唔夠豬扒嗰碟咁脆面平時早餐跟的嘅包我都唔食，但唯獨蘇媽個意大利包，我點都要食埋先滿足…查看更多

星期六瞓醒，10點幾突然見到G2000長沙灣開倉大特賣，拿拿聲換衫出去長沙灣搵食，食飽先有力去搵心頭好見到有人介紹呢間越南野，我們2人決定一試，落車沿途行經不同食肆都不用排隊，只有小貓零丁幾枱客，唯獨呢間坐近8成滿，我們只能坐最近門口的一張枱我們叫了一個乜都有火車頭湯金邊粉+咸檸七，一個香茅豬排湯檬粉火車頭牛骨湯金邊粉，金邊粉好幼身幾滑，牛肉有油香軟滑唔鞋口，牛丸爽彈，牛栢葉爽口，蘿蔔夠淋入味，湯底濃郁唔油膩帶淡淡藥材味，面有大量芫荽香茅豬排雞湯檬粉，正常不過不失，豬排份量略少，不過$58就不能再要求性價比計火車頭勝一籌…查看更多

平時行過都覺得有點少貴，一直未敢踏出第一步嘗試咁啱見到做一週狂eat優惠，$35----＞$22就可以試到＜香濃黑芝麻吉士撻＞星期四，仲要捱多日先可以放假，lunch time就買3個回去下午茶時段為自己＆同事叉叉電攞到返公司，同事已嘩嘩聲，精緻的外表令人目不暇給。終於到3點3，喺雪櫃攞出來，大家再當藝術品咁欣賞左3個圈影埋相打下卡就開動喇一口咬落去，撻皮唔太甜又夠脆，唔係嗰啲又淋又油的感覺，面層黑芝麻唔算太香濃，好戲果然係在後頭，原來底層有極濃郁黑芝麻流心，如果中間的吉士饀可以減返少少甜就perfect…查看更多

作為朱古力控的我，滿心期待星期日優惠的朱古力棉花糖撻今次竟然覺得特濃開心果撻比朱古力撻更優勝試過坊間幾次款不同開心果味的產品，每次食完心靈都得唔到滿足，味道都是淡淡無乜開心果味，但今次《扮清糕》的特濃開心果撻實在令我驚喜萬分，絕對唔係［扮清高］！食曬全個都唔會有甜到漏的感覺，中間底層的開心果饀更是滿滿濃郁堅果香，每一粒味蕾都充斥住開心果的味道雖然原價感覺有點少貴（星期六特價$30係超值），但一個撻的份量唔算細又可以切開同朋友分享，喺想食開心果味甜點時絕對係不二之選朱古力棉花糖撻，星期日$22特價亦係性價比之選，中間的朱古力饀濃而不膩！就算買一件撻，都有一個紙盒，紙盒又有膠紙固定撻底咭紙托，咭紙托又有朱古力固定撻的底部，細節位值得一讚…查看更多

初嚐蘇媽早餐，意大利包外脆內軟，雞扒煎得香脆肉嫩，麵質略軟，對愛食爽麵的人就麻麻，煎雙蛋唔係死死實實嗰種唯美中不足是馬來西亞的餐廳竟然沒有國民飲品-美祿期待下次試午餐及下午茶…查看更多