chochob的个人专页

上次經過seafood stand咁岩食飽，無緣試食。事後諗起問下朋友意見，佢地話薯條好食，今次就突然過去食lunch。如其話lunch，不如話係tea，因為放假妟起身，第二餐都晏埋。因為咁就無食漢堡飽，改咗食tea set。下圖係lunch menu。地點係科學館附近，有一棟紅卜卜嘅建築，seafood stand就係個度。門口細細，但除鋪位內，隔離亦擺咗幾個位。個人覺得坐係廚房隔離會有啲熱，不過同店員互動就會多啲。坐低點餐無耐，比較似老闆娘嘅員工拎咗隻"波士頓龍蝦"出嚟，擺係汽水櫃上面，話做display。聽到咁得意，我同朋友都忍唔住望咗過去，豈料佢話可以影相，可以拎上手玩，但因我細膽，影相都唔多敢，佢就幫我拎住俾我影，超級好人。過咗一陣食物就到啦。佢係兩碟一齊嚟，唔洗因為等齊order，搞到啲食物林哂凍哂。老闆(我已當佢係老闆XD)仲好貼心，提醒我地薯條岩岩炸好，要慢慢食。我對眼即刻發哂光，心諗一定好好食。影完一輪相，應該都唔會燙到啦。不出所料，薯條係外脆內軟，符合期望仲有餘，十分出色。朋友個薯格都好脆，平時食其他炸定哂，通常都好林，seafood stand就唔會。點茄汁嘅時候仲發現混入咗香草，好得意。然後入正題，試下塊漢堡。肉眼睇見佢面積唔係好大，但係好厚，份量好足。因為肉質唔係落好多鬆肉粉個啲，同埋用膠刀嘅緣故，有少少難切。味道就好牛好香，食下食下覺得有啲粗獷，好美式，不過都係個人感覺。食食到半途，老闆拎住碟招牌漢堡，叫一叫我下，單係賣相已經超吸引。另外補充一下，原來seafood stand有紀念品賣，係一隻毛冷勾出嚟嘅漢堡，同鋪頭所賣嘅一樣(無論係外表，定係價錢)，感覺好搞笑。飲品就無咩特別，汽水檸檬茶個啲。不過如果整杯咖啡，綠茶咩咩個啲，俾我都唔叫。食重口味野當然係飲可樂啦。最後最後，仲有樣野唔好忽略咗。店入面播啲歌好好聽，係英文慢歌，好有品味，聽得好舒服。老闆老闆，我得閒再嚟試食其他野，千祈唔好加價啊。…查看更多

因為屋企同餐廳比較近，所以閒時都會嚟食下野。記得以前，每次食完呢度啲早餐都會肚痛，十分慘烈。最近這間裕發茶餐廳忽然大裝修起來，暫停營業好一陣子。今次在家人提議下，再次來進餐，不過今次是晚餐。首先餐廳用嘅桌子椅子全部換新，連牆壁也翻新了，感覺乾淨舒適。細看之下，竟然每張桌的牆壁都有一個小清新風的裝飾，環境一下子又加哂分。上菜之後，原來杯碟器具都換新了(很重本呀!)。而菜式更是誠意之作。由於只是四人家庭用餐，只點了三個小菜，一個例湯，三碗飯，份量都剛剛好。碟子乾淨雪白，令人放心。魚柳下有少量配菜。我們一家最滿意的，便是煎豬頸肉。份量十足，味道油而不膩，外脆內嫩的咬口，煎完都唔乾，而且超juicy的質地令人食慾大增。如果酸辣醬分開上就好啦，因為酸辣醬始終唔係個個鐘意。總結! 裝修後，無論環境、衛生、食物等都有大進步，水準令人十分滿意。食完沒有再肚痛，以後不再抗拒來了。…查看更多