碩門彭于晏的个人专页

我哋一行五人，叫咗最貴嘅極緻和牛套餐，每位連加一都要666蚊，滿心歡喜諗住同好朋友一齊盡情享受和牛，點知叫咗幾十碟牛肉全部都係同二百幾蚊嘅牛冇分別，都係咁差，一啲油花都冇，又韌。我望住個QR code入邊啲相同實物，真係同卸左妝嘅港女一樣，完全係兩回事。最後我哋總共叫咗四、五十碟牛，只有一碟係值得叫做日本和牛、充滿油花嘅級數。你呢間嘢咁樣對客我會永久Blacklist同埋會通知所有朋友，永世都唔再嚟你呢間舖頭度食，而且琴晚連埋我哋都係得三至四台客，我唔明點解佢哋切牛肉可以切咁鬼死慢。我order咗之後要等成最快五至十分鐘，最慢試過20至30分鐘先至上菜，實在令我哋非常掃興。…查看更多

明閣，掛著米芝連一星的大名，早有想試的衝動。奈何其價錢和名氣成正比，只能望門興嘆，適逢最近酒店做推廣，房價全數回贈於餐飲，是以馬上訂位以一嚐心願。我們一行四人，點了龍皇披金甲、至尊蜜汁叉燒、酥炸釀鮮蟹蓋、明閣炸子雞、香煎黑椒牛舌粒、蔥香鵝肝M9和牛窩燒飯、點心 （蝦餃、燒賣、鹹水角）。酥炸釀鮮蟹蓋：蟹肉量雖多，而且在視覺上和嗅覺上令人感到驚喜，可惜的是因為其濃郁的醬汁再加上洋蔥令到完全吃不出蟹肉的味道。香煎黑椒牛舌粒：用上超市的鹹牛舌，令人失望，我還以為在米芝連一星最起碼會用澳洲和牛。至尊蜜汁叉燒：終於遇到比較像樣的菜式，叉燒既鬆化且肉味香濃。明閣炸子雞：炸得皮脆肉嫩、令人回味。龍皇披金甲：龍躉和蝦膠完美的配合、美中不足的是炸得太油膩。蔥香鵝肝M9和牛窩燒飯：完全吃不出是和牛、名字要改一下蔥香鵝肝碎牛窩燒飯。點心方面蝦餃燒賣鹹水角也沒甚驚喜。總結來說，可能是我期望太高，又或是我只點便宜的菜式，總之吃罷就只有失望二字。…查看更多

沙田一，睇個名即係話沙田第一名，呢間野睇落好似好出名，門口掛起啲燒味睇落都唔錯，又多人幫襯，咪諗住去買半隻燒鵝外賣返屋企加餸，點知返到屋企打開個盒，發現起碼冇咗最少五六舊，我都明師傅有時會攞你一舊半舊，但係攞成五六舊真係好過份，半隻燒鵝，我食咗兩舊胸，其他嗰啲都唔知去咗邊，仲有隻鵝脾，隻上髀又係唔見咗嘅，半隻鵝都要成$248 㗎，隻鵝味道係唔錯嘅，但係啲師傅手腳咁唔乾淨，影衰晒成間店。味道係唔係第一名就唔知，但係偷工減料來講我買咗咁多年外賣燒味呢間真係第一名啊…查看更多