OCfoodie的个人专页

黎到大埔嘅感想就係大埔人應該有好多煩惱ʕ •ᴥ•ʔ 因為係大埔真係有太多好野食，揀到我有選擇困難🙈琴日食左嘅哩間burger kitchen，佢地嘅漢堡包有好多款，連平時好少食到嘅軟殼蟹吉列蝦都有，我諗左成五分鐘先揀到食咩！質素仲絕對唔輸蝕港島賣百幾蚊嘅burger，會再encore😚 大啡菇芝士牛肉漢堡配薯條 $84Lunch set有湯或沙律、主菜同熱飲。我嗌左個沙律，份量都滿一個飯碗架🥙主角burger好厚身，齋睇相都數到有七層🤤麵包用左內酥外軟嘅軟包，大啡菇同牛肉都好juicy，完全唔會乾爭爭！Patties唔多肥肉粒但絕對唔會鞋口😛個side係好新鮮炸出黎嘅粗薯條，實在太邪惡喇🍟最後良心過意唔去所以冇加錢要特飲，嗌左熱檸水當減肥💀…查看更多

哩間大麻二酚(CBD)主題餐廳佈置用左紫色tone同大量霓虹燈，營造出一種迷幻亢奮嘅感覺🤙其實CBD只係大麻中減壓嘅成分，絕對冇迷幻成分，大家可以安心食用～唔夠皮仲可以點餐嘅時候註明要double CBD (+$20) (亦可以唔要)🙅‍♀️咁我慕名而來就緊係唔會走CBD😝鐵板青咖哩安吉拉雞捲 $118青咖喱汁充滿椰香，加左好多煮到入曬味嘅配菜😍捲皮索汁但唔會過淋，包住啲滑雞一齊食，每一啖都係幸福🥺 柚子漬三文魚半熟吞拿魚赤身珍珠飯 $148勁豐富！配料多到蓋過曬啲飯，一粒米都睇唔到😆柚子汁酸酸地中和左魚脂肪嘅油膩🐟調左味嘅豆角(?)微微煎過，好有趙口😙 日式芥末忌廉香煎廣島蠔闊條麵 $158忌廉汁濃郁得黎有wasabi吊味，煮到傑身好掛汁🤤蠔大大隻，煎得好香。整體都好creamy但食多幾啖就有啲膩🤭 流心菲達芝士撻 $58 慶祝朋友生日就嗌左個撻，餐廳好貼心提供寫字服務，不過用士多啤梨醬寫出黎好似血字，好驚嚇😂餅底脆口，芝士流心得黎好濃郁，唔會過甜，一切恰到好處🥰唯一挑剔等候時間太長，淨係甜品就等左廿分鐘🤯 Virgin Mojito $35 雖然叫mojito但其實係一杯無酒精嘅梳打飲品🍹梳打加上檸檬汁同薄荷葉，飲落又fresh又透心涼🆒🍋 後記哩間樣樣都好高分，味道上無懈可擊！頂多係話好肥膩，食完勁有罪惡感☠️朋友話食完當晚好好訓，唔知係咪心理作用呢?🤣…查看更多

大埔區真係美食雲集，掃街cafe茶記樣樣都有🤣今次就試試新野黎到哩間主打fushion高級法國菜嘅餐廳～餐廳幾隱蔽下，因為門口完全遮蔽街外係睇唔到餐廳入面，私隱度好高！入面裝潢都幾高級，我同朋友都坐得好舒服😉忌廉加拿大海膽扁意粉 $258海膽幾新鮮無怪味，食落有啲甘甘地🤪忌廉雖然相對淡，但反而食到好香橄欖油味，食曬都唔會太膩，係好食嘅😋不過份量較細😣 法式西鰽鱸・椰菜花蓉・紅腰豆 $258哩碟正☺️魚皮煎到好脆，肉質好嫩滑但略為鬆散好難夾，食到我無曬儀態😂椰菜花蓉打到好滑，口感似淡淡地嘅薯蓉🥰份量都幾多架有兩塊魚扒👍 House White Wine $58食魚嗌白酒幾夾，餐酒唔會搶左主菜嘅味☺️不過我唔識品酒所以就唔自暴其短喇😂不過收得咁嘅價錢，服務可以再好啲🙂個waitress有啲西面🌚…查看更多

今次搵食搵到黎上水‼️ 蒜香辣椒扁意粉配香烤辣蝦 $98第一啖嘅印像係「嘩真係油過我塊面」，佢落左好重手嘅橄欖油，對我黎講有啲太油膩😫兩隻蝦都係細細隻冇咩肉食咁，成碟份量偏細，所以整體唔高分🤭 叫左個花生醬煉奶窩夫配雪糕(?)做甜品，哩個組合好難唔好食🥰不過略嫌甜得滯，同朋友分就啱啱好🙂哩個幾好食同性價比高🥳 總結哩間嘅食物質素中規中矩，唔係唔好食嘅但定價偏高😟dinner嗌一個burger要九十幾蚊但唔包薯條... 同埋服務真係麻麻地，員工掛住傾計、漏單同比錯野食嘅情況幾嚴重🤓食餐飯都催左兩三次野食🥺 …查看更多

未上主菜之前，員工首先會送黎胡椒餅同薄荷醬😗胡椒餅似墨西哥脆片，但多左種胡椒香。薄荷醬好新奇，唔係我最憎嘅牙膏味😣Butter chicken 驚辣嘅朋友哩碟係必叫！醬汁係好濃郁嘅蕃茄同忌廉味，加埋滑嘟嘟雞肉，用黎點或者夾麵包一流☺️ Bread basket 嘩Naan全部都係naan🥰一個籃有齊garlic naan同butter naan，每款三塊，仲要塊塊都大大件🤤撕開有好多層次，食落好鬆軟，一定要嗌黎點咖喱！ Green salad沙律有多款蔬菜🥬有青瓜、蘿蔔、洋蔥同蕃茄等等，淋左啲酸酸咸咸嘅汁，好開胃～不過些少硬😅 哩間openrice book有八折，每人平均一百蚊唔洗但已經食到要攬住個肚走，食物同服務質素都好好又抵食😉臨走個員工仲送左張VIP 八折卡比我地🤣…查看更多

西貢巴士站附近有條行仔隱藏左廿幾間餐廳🤪而哩間小食店就位於行仔嘅入口位～大概有三四張細枱，賣嘅小食同其他港式小食店大同小異啦，都係燒賣腸粉粉果嗰啲。燒賣：幾好食，唔係齋食麵粉嗰種燒賣😄腸粉(六條)：口感中規中矩，勝在份量多，三個人都好夠食魷魚：爽口，加埋沙爹醬一流坐就一定唔會好坐，但佢質素唔錯，黎個快閃再繼續遊西貢都仲得。…查看更多

約人西環食dinner誤打誤撞去左哩間埃及菜餐廳。入面裝修好靚，佈滿左異國風情嘅壁畫同燈飾。餐廳光度調到暗暗地咁好有情調，好適合同人撐枱腳。睇其他人comment疫情前仲有肚皮舞表演添，可惜依家暫停左😔Aziza Vegetables Tagine $112泥窩(Tagine)係地中海國家好常煮嘅菜式，似係韓國石窩飯咁樣。哩個雜菜窩份量唔多，勝在蔬菜款式多，有豆角、西蘭花、椰菜花、西芹、蘿蔔等等。個汁有濃郁番茄汁同香料味，夠曬地道☺️ Pita Bread $20因為雜菜窩冇跟薯菜或飯，所以散嗌左啲餅黎送下。份量上佢得兩塊，咁嘅價錢黎講有啲少🥺食落有啲乾身，但用黎點下汁都還好😐 Oriental Talapia Fish $126可能係飲食習慣差異，我真係食唔慣😢魚柳煮到好柴，食唔出有咩調味。配菜又乾又硬，脫水咁樣。整體份量都係好細，得兩塊細魚柳同沙律😩 不過埃及菜係香港真係好少有得試，而佢啲佈置擺設都睇得出落左心機，員工亦都好熱情，教左我講埃及話😂其實見到網上都有好多好評，無奈係我食唔慣😞大家自行決定試唔試🤪…查看更多

放假冇野做，心血來潮就同屋企人去文化博物館做偽文青🤫因為唔想同人係新城市度迫，所以揀左好少去嘅乙明邨食午餐。食飽飽先醒起附近有沙田名物豬柳蛋雞蛋仔，決定去下潮聖🤘豬柳蛋雞蛋仔 $26 無諗到咁嘅組合會咁好食🤩每粒雞蛋仔都包住粒豬柳，絕對冇比少！夾埋芝士同蛋一齊食，一時甜一時咸，係味覺嘅衝擊呀💣見到佢有好多其他特別味雞蛋仔，下次試埋佢款夾心手撕雞雞蛋仔先🐤…查看更多

夏日熱辣辣行西貢行到攰，就是旦揀左一間餐廳食下午茶😆哩間餐廳分左露天同室內兩區，唔怕熱或者有寵物係身邊嘅朋友可以選擇坐露天享受下西貢風情🤣但當日實在太熱我就選擇入去嘆冷氣🥵 魚柳包 $32 (包熱飲)高質！包面烘到脆身，夾住熱辣辣新鮮炸魚柳🐟配上蕃茄同大量沙律醬，食落heavy得黎又好有快感！絕對贏某連鎖快餐店嘅魚柳bell幾條街🤫食完真係要宿番個肚腩😛 雙拼咸牛肉炒蛋三文治 $30 (包熱飲)不過不失，同其他茶記差唔多👌加番烘底應該仲好食…查看更多

Bookmark左好耐嘅一間鋪頭❤️餐廳長期爆人，當晚八九時見到walk-in條隊仲係好長！好彩前幾日已經打左去book位，等左幾分鐘就入得～所做大家真係要記得早啲book位🥺 雙拼13’’ pizza $228  (Summer Of Love 1967 +雞味濃)餐廳選用sourdough麵團做pizza底，食落同出面機製嗰啲口感好唔同，食落特別煙韌🤩我本身好抗拒pineapple on pizza，硬係覺得兩者唔啦更，所以唔係好想食1967，但見朋友堅持想試就屈服左😢點知食完改變左我嘅諗法，菠蘿甜甜地反而好開胃解滯，同其他配料好夾🤪相比之下我嗌嘅雞味濃就比了下去，但佢配料幾多，都係個唔錯嘅選擇😚 Garlic Cheese Bread $148網上見人話哩款仲好食過pizza所以點都要嗌下！但食完覺得係吹大左👉👈佢食落較單調，得芝士味冇咩蒜茸味，冇咩特別🥺到邊話好食過pizza嘅人係諗咩🙂…查看更多

有位朋友介紹我一定要食黑毛豬叉燒滑蛋黑麥包($88) ，叉燒夾滑蛋哩個組合居然令我諗起「食神」嘅黯然銷魂飯🔥而我食完都比哩個包驚豔左🤤唔知係咪食得樓下廿蚊叉燒多，我已經唔記得叉燒可以咁好味🤧佢嘅黑毛豬叉燒份量多之外，仲係肥瘦均勻，食落好鬆軟燜滑，重點係佢索曬個加左葡萄酒煮嘅叉燒醬汁！而黑麥包烘到脆身，食落似sourdough非常煙韌。 今次淨係食左一樣，下次會返黎再戰其他食物❤️P.S. 哩間餐廳除左食物高質之外，都具有故事同藝術感。由於店主家族係從事紡織業，鋪頭不同角落都設置左行業所用嘅機器同元素架。✅ Keto friendly (供應生酮麵包🥖同低碳貝果🥯)✅ Pet friendly…查看更多

咁啱朋友生日，就搵左哩間網上好高評價、比平時貴少少嘅西餐廳慶祝😜餐廳環境較細，座位之間較近，但唔會話近到唔舒服嗰隻。餐包方面有竹炭包、提子乾丹麥包、同麵包條，配牛油同果醬。三款都有西式麵包舖買返嚟嘅質素，特別係丹麥包，好有牛油香🥰 蒲燒特長鰻魚流心意大利飯 $238 條魚生前應該係痴肥，又大條又肥美，食到啖啖油香🐟鰻魚下面收埋左隻溫泉蛋，用蛋汁撈埋啲飯好正🤪意大利飯煮得幾正宗，微硬並且掛汁😋BBQ蜜糖醬燒美國豬仔骨配脆炸蕃薯條 $228豬仔骨三個人分每人分到兩大件☺️每件都佈滿bbq醬，多肉仲要一撕就甩骨😍蕃薯條唔夠熱同脆，攪到有少少油淋淋😣餐廳選擇配千島醬做dipping sauce，但由於主菜已經係bbq醬，再點千島醬就嫌太重口味，建議薯條都係配翻茄醬夾啲🙂 加拿大海膽松葉蟹膏蟹肉忌廉汁意大利麵 $198 最期待嘅一碟反而表演最差😕賣相雖然好得但味道上好多野挑剔。最大問題係海膽，唔知係咪處理得唔好，食落好唔新鮮😞整體貴食材嘅份量細，蟹膏少到得一毫子大細，非常珍貴，相反菇同意粉就好多，所以我覺得哩碟性價低😕 ❌ 值得一提，當晚得一個侍應係樓面服務近二十枱客，令我無一種覺得賓至如歸嘅體驗，係個扣分位🥺…查看更多

同朋友chill一定會諗起諾士佛臺，但有時真係唔知揀邊間好🤨今次就揀左依間GULU GULU，由美麗華商場嗰邊入穿過曬所有bar行到最篤篤就會見到騰龍閣😙可能係樓上鋪關係，當時大概5:30pm個場一個人都冇⋯⋯佐酒小食🥜：坐低侍應會serve每枱一客咖哩味薯片($20)唔好係免費架，睇單先知會收錢🤓但出得黎happy就無謂計婆仔數啦～佢小小(其實多多)咸卜卜脆咁，送酒食好快清曬😗飲品🍸：Pina Colada ($78)主要材料有蘭姆酒、椰漿同菠蘿汁，係一款好夏日風情嘅飲品🍸睇落勁似鮮奶其實暗藏玄機😂飲落幾重酒精味，但同椰漿溝埋都幾易入口🤤不過飲唔到菠蘿汁嘅味串燒🍢：原來星期五至日冇串燒happy hour優惠😢真係哭左因為價錢真係差好遠質素係OK嘅，但比居酒屋價錢就有啲肉痛😂牛舌 ($75)：最多人推薦嘅串燒👍中意爽口趙下野嘅人一定啱食多春魚 ($68)：燒到脆皮，幾好食😄芝士年糕 ($68)：係咸食搽左燒汁嗰隻唔係甜食😂入面啲芝士流心好好食🥰但好油膩啲油多到塊紫菜都淋曬🤡✅ 見到同場有beer pong玩🍺如果多人啲一大班朋友一齊玩應該幾有feel⚠️ 如果會食串燒嘅建議平日先去，因為happy hour優惠真係抵好多，最平$10串🤑…查看更多

當日冇book位唔想同人迫，所以6:30 pm就到左。可能時間真係比較早，個場好清靜，計埋我地得兩枱。主菜🍛：「鮮蝦炒金邊粉」($122)Pad Thai係我係泰國餐廳最中意同必嗌嘅菜式～所以我對依個菜式嘅要求好高😎賣相好靚！有三隻大蝦做點綴之餘仲有蛋皮蓋住🥰成件事高級曬佢唔係酸嗰種pad thai，甜甜辣辣咁我反而好中意「青咖哩雞配薄餅 」($129)唔同其他餐廳，佢嘅咖哩冇得跟飯，反而有薄餅同米線比你揀～因為好少機會食所以揀左薄餅，不得不說咖哩配薄餅依個組合真係一流！薄餅係千層嗰隻，好香酥油(?)味🤪 但冇記錯佢好似比得四塊，依完仲有好多咖哩淨😢如果多幾塊就好wuwu青咖哩唔算好濃，比較稀，下次都係食番重口味啲嘅黃咖哩～雞嘅份量唔多，但有多種蔬菜做配菜，所以唔會唔夠食「燒豬頸肉」($89)自己唔多中意食豬頸肉，但都忍唔到口食左幾舊😛佢肥瘦均勻，唔會變左齋食肥肉；但嫌佢唔夠熱同炭燒味🙊整體評分：✅ 服務好周到，一飲完水即刻有侍應過黎斟，feel到佢地好attentive同有禮貌😙✅ 環境好：裝潢幾靚，加上當時冇咩人，靜靜地咁傾計幾舒服⭕️ 性質比中等 ：好好食又未算，4個人加埋一大概$100蚊落樓但未飽😥(可能我地大食)…查看更多

朝早call去book位被告知full booking，所以當晚6:30同朋友預早左啲walk in，唔洗等即刻有位😙餐廳佈置左好多日本主題嘅裝飾，好似置身日本咁🇯🇵 就當係解下啲遊行癮主食🍛：我就嗌左「吉列豬扒冬陰公汁富士山飯」($78)個賣相真係好特別！飯嘅造型係有雪時候富士山嘅樣🗻份量比想像中細，女仔食啱啱好夠，如果男仔可能要嗌定食先夠飽～汁個味較淡，完全冇冬陰公應有嘅辣🥺素豬扒食落唔似肉 (曾經食過另一間素食店嘅素豬扒好似真肉，有比較有傷害)，啲餡料較為鬆散。整體一般發渾啦～餐飲🥤：跟餐嗌左「蘋果士多啤梨綜合花茶」(＋$8)花茶飲落清清地帶果香🤗 完全解左吉列豬嘅膩，好飲！(冇影到相😢）兩個朋友跟餐分別要左士多啤梨同抹茶奇亞籽燕麥奶，兩個都讚話好好飲！甜品🍮：相對於主菜，我反而幾中意佢個甜品。朋友定食跟左甜品「海鹽焦糖冬甩雪糕」(原價$48)，佢冇因為跟餐所以比細份啲～幾良心😜冬甩食落Q彈，點埋焦糖同雲呢拿味雪糕，咸咸甜甜咁又幾好食喎🤤…查看更多