sikmudholeh的個人專頁

#只分享食物給朋友🫶🏻#尖沙咀食乜好呢 ～ 今次去咗 @soi.29_chef.key 呢間泰式大排檔已經係第3️⃣次回頭🥹 本人本身都幾麻麻泰國嘢 食親嘅泰國餐廳 都純粹覺得係正常發揮 未去到驚豔嘅程度🥺 有一次朋友話想食泰國嘢 上網一查 發現好多人推介呢間 所以就去咗試一試 點知去到嘅時候 發現實在係太天真！！🥵 係大排長龍😌 呢間嘢冇得book位 所以唯有硬着頭皮咁等落去 入到去食嘅時候 發現樣樣都勁好食🥹 今個中秋 特登5:30就嚟到（成功做到第一個排隊嘅顧客🙂‍↕️)佢6點開門的！—————————————-—————————————-———————1. 燒牛肉 $138 ⭐️⭐️⭐️⭐️⭐️呢個真係必嗌‼️‼️基本上每一台客都會嗌一碟～覺得佢燒嘅程度係啱啱好 唔會太生 又唔唔會太熟🫶🏻 同埋佢醃得好好食 唔會太鹹🥹 食食吓 食返一啖🥒一啖🍅 又可以重新refresh一下🤩2. 醉貓炒河 $138 ⭐️⭐️⭐️⭐️個人覺得呢一種炒河 同茶餐廳嘅乾炒牛河係有分別 比較鍾意食呢隻可河啲😋 佢係會大片啲 同埋有咬口啲🙂‍↕️ 不過本人譚仔都淨係食到10小辣 （廢廢的） 所以就覺得呢個炒河對於我嚟講有啲辣 不過都係可以接受倒嘅程度👍🏻 不過唔食得辣嘅人 就要諗吓嗌唔嗌好啦～🌶️3. 串燒拼盤 $138 ⭐️⭐️⭐️⭐️⭐️本身自己好鍾意食串燒😎🥵 佢每一條串燒 都係好大嚿肉 絕對唔係hea你 我自己就比較鍾意食佢嘅雞軟骨串 真係勁好食😭 我覺得呢個拼盤 絕對係啱晒有選擇困難症 或者同朋友食飯 一齊share嚟食😍 佢有齊晒🐮🐷🐔同埋腸仔🥳 佢嘅沙嗲汁係有花生香 鹹鹹地甜甜地咁 勁開胃🙂‍↕️4. 蟹肉奄列 $108 ⭐️⭐️⭐️⭐️呢個係真係勁大份 啱晒啲鍾意食🍳嘅人 佢有啲似炸蛋咁樣🤓😛 食得多可能會有啲漏 所以呢個係一定要同人一齊食 我自己覺得 就算係兩個人都未必食得晒 佢奄列入邊有蟹肉真係好加分🥹🦀 5.椰青 $48 ⭐️⭐️⭐️去泰國餐廳食飯基本上都會嗌 冇乜特別 就係椰青一個 過下口癮 解渴一流🙂‍↕️ 6.龍眼冰 $42 ⭐️⭐️⭐️⭐️⭐️呢個真係好驚喜!! 朋友堅持佢要飲龍眼冰 唔要同我哋同流合污🥱 佢話喺泰國 龍眼冰係出名過椰青🫨 佢杯龍眼冰嚟咗之後 M咗一啖嚟飲 發現出奇地真係勁好飲🤤 簡直係打開咗我嘅新世界🫶🏻 我諗我之後都會嗌龍眼冰instead of 椰青lu 🥹大家記得如果想嚟食嘅話 一係早啲排隊🔥 如果唔係嘅話 就做定心理準備要排一段時間隊❤️‍🩹 呢間嘢真係每次經過都見到勁多人排緊隊😭環境：⭐️⭐️⭐️⭐️⭐️服務：⭐️⭐️⭐️性價比：⭐️⭐️⭐️⭐️⭐️6粒⭐️係滿分～ ⏰: Mon-Sat 18:00-00:00📍: Soi.29 👣 尖沙咀寶勒巷29寶昌商業大廈地舖TST mtr P3 exit ~…查看更多

#只分享食物給朋友🫶🏻#黃大仙食乜好呢 ～ 今次去咗 @big_sweet_house 呢間甜品舖 我覺得都算係隱世高手 應該係住呢區嘅人先至會識 好似都冇乜聽過其他人推介 呢間係之前同老竇行街經過嘅時候 無意中發掘倒嘅甜品舖 自此就成日都會特登入去食😋 佢賣嘅甜品種類好多 絕對會有一款啱你食 佢呢間舖 夜晚只賣甜品🍮🍦🍨🍧 裝修幾有心思 btw懷疑店主幾鍾意Snoopy 之前去過幾次食心太軟個碟佢都話咗Snoopy 🤭🫶🏻—————————————-—————————————-———————1. 榴槤椰皇燉蛋白 $55 ⭐️⭐️⭐️⭐️⭐️⭐️第一個一定要介紹嘅甜品就係呢個！佢勁足料 有椰汁、西米、小丸子、椰果同榴槤肉！！！🥹 真係食每一啖都咁滿足😋 小丸子勁有咬口 呢D就唔駛講啦～😎 佢D椰果肉真係jeng 到爆 用🥥裝住打卡一流🤩 D榴槤肉有4-5舊 好食😋 總之總之 榴槤愛好者絕對唔可以錯過😍 2. 冰鎮鮮果椰凍 $52 ⭐️⭐️⭐️⭐️⭐️如果唔鍾意食榴槤嘅話嘅 可以食呢個🙂‍↕️ 呢個真係消暑一流🥵 而且佢亦都好足料 本人好鍾意食🍈 佢入邊有🥳 所以真係好加分🥹3. 芒果拿破崙配雪糕 $55 ⭐️⭐️⭐️⭐️佢整嘅拿破崙係好脆 然後cream嘅份量係啱啱好 唔會太多又唔會太少🫶🏻 但係呢個甜品都係建議至少兩個人分嚟食 因為都係幾飽肚🥹 我只可以講 佢呢間舖整嘅拿破崙同埋窩夫 都超級出色 唔係只係得個樣 賣相好睇 味道又出色😋 4. 懷舊窩夫配雪糕 $50 ⭐️⭐️⭐️⭐️⭐️佢有D花生碎喺窩夫上面 勁香🥜窩夫係佢即時整出嚟 所以可能要俾D耐性等下 不過呢個等待 我覺得係絕對值得🫶🏻 呢個啱兩個人share嚟食 因為都幾大份 每次食完都好飽🤰🏼 如果唔係食得好甜嘅人可以揀呢個 如果想食甜D就可以揀🥭味 本人覺得懷舊窩夫幾特別 好似出面少D有～🤤5. 芒果窩夫配雪糕 $52 ⭐️⭐️⭐️⭐️鍾意食芒果嘅一定要嗌呢個 就係咁～🙂‍↕️🫶🏻6. 芒之戀配雪糕 $42⭐️⭐️⭐️⭐️好足料！芒果大雜會🥭💛7. 朱古力心太軟配雪糕 $48 ⭐️⭐️⭐️呢個係純粹食返個回憶 細個食甜品 一定係叫心太軟🥹 正常發揮～環境：⭐️⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️⭐️6粒⭐️係滿分～ ⏰: Mon 12:00-00:00 Tue 14:00-00:00 Wed-Sun 12:00-00:00📍: 大街小館 👣 黃大仙銀鳳街16號地舖 👣WTS mtr exit A~…查看更多

#只分享食物給朋友🫶🏻#旺角食乜好呢 ～ 今次去咗 @seesilver_restaurant 唔知有冇人同我一樣唔太鍾意去集團式酒樓飲茶 比較鍾意去小店多D呢🥹～ 呢一間茶餐廳佢冇華麗嘅裝修 但佢基本上每一樣野食都好高質 又大件又多款式😋 佢連新潮D嘅甜品都有⭐️ 重點係一D都唔死甜🫡 平時諗唔倒食乜 就會想去飲茶🤔 已經帶過好多朋友去食🤭🫶🏻私心真係好鍾意😍 重點係十次有八次去酒樓D地下都好濕 但呢間係幾乾淨 乾淨嘅茶餐廳真係好加分🩷—————————————-—————————————-———————1. 千島醬蝦多士 $38 ⭐️⭐️⭐️⭐️⭐️⭐️好似好少地方有得食蝦多士 重點係佢真係炸到啱啱好 唔會話勁油嗰隻 配埋佢個千島醬真係世一 每次去都必嗌😎2. 雪山叉燒包 $28 ⭐️⭐️⭐️⭐️本人係好憎食叉燒包 但朋友好鍾意食 有一次被迫咬咗一啖就愛上了 不過真係幾飽肚 所以我最多只會食一件 留quota 比其他點心😋3. 蜆蚧鯪魚球 $42 ⭐️⭐️⭐️⭐️⭐️呢個又係平時都唔會嗌 但有一次有個朋友好鍾意食鯪魚球 佢堅持要嗌 我食咗之後發現係我鍾意食嘅嘢🙂‍↕️仲要好上癮 因為唔油 調味又好🤤4. 香煎蘿蔔糕 $25 ⭐️⭐️⭐️⭐️⭐️勁鍾意食蘿蔔糕 佢唔太油 又唔會煎到散晒 點辣油食又係世一😍5. 銀津蝦餃王 $35 ⭐️⭐️⭐️⭐️⭐️細個鍾意食燒賣多D 大個發現蝦餃先係真愛 佢嘅蝦餃D蝦係大大粒🧡6. 銀津小籠包 $29 ⭐️⭐️⭐️⭐️⭐️鍾意食呢種小籠包 入面有汁🙂‍↕️7. 北菇棉花雞 $36 ⭐️⭐️⭐️⭐️⭐️好棉 同埋啱哂D驚唔夠飽嘅人😂8. 鮑汁鳳爪 $33 ⭐️⭐️⭐️⭐️⭐️鍾意食鮑汁多過名醬～ 🙂‍↕️🫶🏻9. 名醬蒸鳳爪 $26 ⭐️⭐️⭐️⭐️10. 蟹籽燒賣王 $31 ⭐️⭐️⭐️⭐️⭐️又係大大粒💛11. 山竹牛肉球 $22 ⭐️⭐️⭐️正常發揮～ 12. 醬皇金錢肚 $28 ⭐️⭐️⭐️⭐️⭐️又係會食上癮嘅🥹13. 竹炭流沙包 $25 ⭐️⭐️⭐️⭐️⭐️必叫！唔會好甜 唔會太漏 打卡又leng~ 🤭14. 奶黃流沙西多士 $23 ⭐️⭐️⭐️⭐️⭐️又係唔會太甜 又係啱打卡 不過少少漏 must share 🫠15. 蓮蓉西米焗布甸 $22 ⭐️⭐️⭐️⭐️⭐️又係冇諗過咁好食 又唔甜 我見有D老人家都會叫嚟食😆 老人家都食嘅甜品 就唔係只係普通好食咁簡單🥹16. 養顏紅棗糕 $22 ⭐️⭐️⭐️⭐️好有咬口 又一D都唔甜～ 🫡環境：⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️⭐️6粒⭐️係滿分～ ⏰: Mon-Sun 10:00-00:00📍: 銀津點心茶餐廳 👣 旺角花園街108號地舖 👣MK mtr exit B2~…查看更多

#只分享食物給朋友🫶🏻#西貢食乜好呢 ～ 今次去咗 @牛牛呢間其實食過好多次 由以前喺巷仔間嘅間舖 孖住咁樣開兩間 到依家搬返出去 開返大間少少 坐得舒服好多🙂‍↕️ 食嘅時候 連住播住幾首都係張敬軒嘅歌 加分加分😍😍 —————————————-—————————————-———————1. 沙嗲牛肉湯麵 $50 ⭐️⭐️⭐️有少少失望 覺得冇之前咁好食 之前食過佢沙嗲牛撈麵 覺得個沙嗲汁好好食 不過係真係有少少漏🥲 今次食湯麵 感覺冇乜花生味 本人好鍾意食花生味好出嘅沙嗲牛麵 然之後佢嘅牛肉都冇之前醃得咁好食 不過個麵質係幾好食 唔會太腍 👍🏻2. 色色薯條 $30 ⭐️⭐️本人好鍾意食麥當勞嘅Shake Shack薯條 紫菜味同BBQ味都勁鍾意 不過佢呢間啲薯條 我已經第二次食 都係仲係覺得 佢啲薯條整得唔好食 同埋佢啲紫菜粉 落極都係冇乜味咁樣😞 不過 佢有好多隻粉都可以沈落去 所以如果想食唔同味嘅朋友 都可以嗌呢個🤭3. 流沙鹹蛋爆汁雞翼 $55 ⭐️⭐️⭐️⭐️呢個幾好食 佢啲雞翼都好大隻 同埋鹹蛋黃味係啱啱好 唔會太淡 又唔會太漏 好啱兩個人share嚟食🥹4.黑松露滑蛋飯 $75 ⭐️⭐️⭐️⭐️呢個我覺得性價比幾高 佢真係俾好多黑松露你 而且佢個滑蛋整得好好食 之前食過呢間餐廳咁多次都從來冇食過呢個 所以今次食 本身冇乜期望 變到好有驚喜😍環境：⭐️⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️6粒⭐️係滿分～ ⏰: Mon-Sun 12:00-20:00📍: 牛牛👣 西貢福民路58號高富樓A座地下32號舖 👣…查看更多