Wili Hangry的个人专页

有一排無論係喺社交平台定係OpenRice，都經常見到關於呢間餐廳嘅食評，睇啲相就覺得好吸引，所以嚟咗試吓。-由於佢嘅特色係手工意粉，所以就叫咗Spaghetti Carbonara 同Penne al Pesto Genovese，其實都係啲大路嘢。-每款意粉都差唔多成$200，但佢就俾唔到呢個價錢嘅體驗我。首先，啲意粉嚟到嘅時候已經唔係好熱，所以食到後面都凍晒啦。調味亦唔係特別出色，環境非常普通，唔會再次光顧。…查看更多

首先呢個價位就一定係有返咁上下期望，所以要求會高啲。————————————————————刺身種類唔多，但係全部都好新鮮，特別係拖羅夠肥，魚子脹卜卜，帶子同甜蝦都好鮮甜🫶🏼😋————————————————————可惜蟹就冇想像中咁好食，唔需要為咗麵包蟹同長腳蟹以嚟！————————————————————其他嘢包括牛肉，羊架就非常普通，有少少失望。————————————————————應該唔會再嚟。。。…查看更多

Starter❤️香茅柑橘檸檬油甘魚刺身有四片又大又厚嘅油甘魚刺身🐟，沾滿柚子汁啲friend，作為前菜嚟夠晒fresh，啲刺身又夠厚，所以好滿足。-❤️‍🔥日本和歌山蕃茄蟹肉米餅‼️必試算係幾特別嘅一個前菜，有四個空心好似個波咁嘅米餅。而蟹肉俾得好多，可以完全填滿嗰四個波。蟹肉混入咗洋蔥同蒜頭，味道好夠。👍🏻-Main❤️海膽三文魚子扁意粉睇到個樣已經好滿足，海膽好甜，冇怪味。好啱打卡。-💔松露牛油牛肝菌雞肉卷從來都未食過呢款雞肉卷，見到OpenRice有人推薦，所以就試吓。雞肉都幾滑，但係完全食唔到雞肉以外嘅味道。…查看更多

諗住係附近搵間平平哋嘅餐廳搞掂個晚餐🌃，最咪就揀咗呢間啦。嚟到先知原來都幾受歡迎，當晚都排咗一陣隊。-最特別嘅大概係可以加汁，有麻辣同咖喱選擇，嗰陣我揀咗小汁，覺得唔係好夠就加多左啲咖喱汁落去，點知越食越辣，先知原來咖喱汁都係好辣嘅。🥵🥵🥵🥵🥵🔥-整體來講其實每樣食材都唔錯，比一般嘅車仔麵好食。但係感覺對比起永年又好似冇永年咁好食。重點都應該係佢嘅咖喱汁同麻辣汁比較特別，相信以後想喺呢一區食返啲平啲嘅嘢就會選擇呢間餐廳。…查看更多

❤️‍🔥❤️‍🔥Fancy Beef Tartare $188由於本身就好鍾意beef tartare，所以基本上去到邊見到都會食，而今日又真係有surprise 。松露醬好多，味道又好濃，松露味係口入面炸開🌋。份量亦好多，好少可以大啖咁食beef tartare，好滿足🥰-❤️‍🔥❤️‍🔥Cheese Wheel Al Tatufo $338呢個芝士輪意粉好好味🤤，意粉好有口感，啲意粉除咗係芝士輪上炒過，仲刨咗好多parmesan 芝士落去，係每一粒都掛滿咗芝士。🤵🏽‍♀️個職員真係好好，我哋食食下個陣，佢問我哋覺得啲芝士夠唔夠，洗唔洗落多啲。-⭕️Beef Tenderloin Alla Boscaiola $388口感好，但食唔到牛嘅香味，醬料亦冇加分。-⭕️Tiramisu 偏甜，好普通。…查看更多

週末晚上6點左右，排咗半個鐘入位。🍽️特別想提吓，當時我哋啲碟有啲污糟，盒入邊嘅筷子亦黐咗啲嘢。-❤️‍🔥❤️‍🔥❤️‍🔥羅勒醬蒜香橄欖油煮魷魚蕃茄 $48啲油好香🤤，想一直點嚟食。佢比嘅5塊法包係唔夠嘅。-⭕️杉玉號獨品舟盧 $158分量幾多，魚刺身切到好厚，但係感覺唔太新鮮。-❤️‍🔥大啖滿足茶碗蒸 $28蛋嘅質素同壽司郎差唔多都係好滑好香。用料就比較好，入邊有帶子、三文魚子、蜆肉同蝦。-❤️‍🔥生海膽軍艦 $58海膽多同甜，唔錯。-❤️‍🔥❤️‍🔥❤️‍🔥水信玄餅個人本身鍾意食呢個甜品，而佢又整得幾好味。-⭕️吞拿魚山藥泥 $48喺香港好少食到山藥泥。但呢個前菜總係感覺味道唔夠。-⭕️海苔日式炸豆腐 $48比想像中大分好多，味道不過不失。-🥲炸池魚 $33衰過大家樂早餐嘅炸魚柳。炸粉好厚魚肉亦偏硬。-🥲🥲魚子醬壽司 $38唔值得試。…查看更多

終於試到呢間嘅拉麵啦😆😆7點左右入位，完全唔洗等，竟然係差唔多最尾一枱入坐。本身想試鯛白湯，但係已經賣晒lu🥲-❤️‍🔥鯛清湯 ($138)食之前有睇人講話鯛清湯得個鹹字。但試完之後，完全唔覺得係咁！個湯底好鮮，有魚味，唔會鹹到要飲水。🆚聽店員講白湯係blend 咗啲魚肉落去煮，清湯就冇。我平時鍾意食硬啲嘅麵，而佢呢款麵條係幼身嘅，但又唔會好淋，所以都ok。🦪佢有配一小碟蠔油，但我覺得唔加好食啲。-有機會會再嚟試下個白湯。…查看更多

到咗晚餐時間，但又唔係好肚餓，行咗個food court 一圈，最尾揀咗呢間餐廳，點知一食佢個烏東，驚為天人❗️，能夠將烏冬整到咁難食都真係好難，❗️仲要話係手打烏冬，真係要寫返個食評記錄下。-💔💔💔蜆肉烏冬烏冬完全唔Q彈，好粉，一咬一斷，毫冇口感可言，係超市、759是但買款烏冬都好食過佢，咁大個人第一次食到咁難食嘅烏冬。個湯底好淡，完全唔夠味，好似食緊病人餐咁。😵‍💫啲蜆肉都唔算好食，但要食到個麵就要靠啲蜆肉，雖然最尾都係食唔晒碗麵。…查看更多

之前嚟食過極上呑拿魚盛合，覺得好大份，太飽肚，同埋都幾貴咁，今次就試下平成60蚊嘅呑拿魚丼。-❤️‍🔥❤️‍🔥❤️‍🔥極上呑拿魚丼佢啲呑拿魚嘅質素好好，好肥，肉眼可見咁肥！肥到碟豉油到後期有好多油浮起面。呑拿魚亦俾得好多，一條都幾長同埋一啲都唔薄。同時亦好有鮮味，好推薦！🤤個人覺得抵食過盛合好多，係旺角俾呢個價錢食到呢個質素真係唔容易㗎~-💔茶碗蒸唔滑，蒸到有啲乾，啲蛋亦冇咩高湯味。目前最愛依然係壽司郎。冇影到相唔好意思。…查看更多

❤️‍🔥大蝦蝦頭膏炒河粉蝦幾大粒，但都係脆口個種，唔係新鮮嘅口感。 河粉唔係白色個隻，係透明嘅，有彈性同煙韌嘅口感，同有啲獲氣。👨‍🍳調味亦啱啱好，連嘅蔬菜都炒到軟硬適中，保有原本嘅口感同味道，好好食，同泰國食到嘅差唔多，一定要試下呢個河粉。👍🏻-套餐配埋湯，小食，同甜品。整體都唔係太好食，冬陰功湯就太鹹同辣，飲咗幾啖就飲唔到落去。小食就有啲硬，同埋唔係好知食緊啲咩，唔太好食，甜品亦冇咩特別。…查看更多

係旺角行街行到好攰，附近商場又冇位坐，想揾個安靜啲嘅地方休息下都冇。🥲咁唯有是但揾間餐廳食少少野。點知就係呢間餐廳食咗一個好伏嘅甜品。。。-💔鎌倉紅葉茶屋抹茶白玉白玉完全冇彈性，又唔軟身，比平時食開嘅湯圓、小丸子之類都難食好多。白玉本身好大粒，又得麵粉味，配料好似好多，但其實冇乜味，亦唔係好配啲咁硬嘅白玉，要點好多糖醬先食到。對啲白玉非常失望。-可能咁啱我坐咗係餐廳最凍個位，真係凍到要着住厚外套先頂得順。…查看更多

⭕️酸辣鴨血烤魚 江團魚 小辣 小麻之前食過佢哋嘅水煮魚，叫咗中辣，點知辣到pk。🌶️今次叫咗小辣又好似唔係好食到辣咁，可能可以叫返中辣。🐟條魚係煎過再上嘅，所以外皮有啲焦香。兩個人食一條魚望落好似太少，但其實條魚又有幾多肉，所以都食到好飽。🤰🏼🧂調味就有啲失望，大概就係得鹹味，食到後面已經有啲厭。-個爐入面有幾個蠟燭保温，食食下佢熄咗，飛晒啲煙出嚟，好乸眼🥲。‼️食完之後，過咗一陣先發現我哋個口，包括條脷同啲牙都變咗黑色。😨…查看更多

係出面望咗兩眼個餐牌，以為會有好多野食揀，但實際食物款式比較少。-❤️牛油果香芒烤雞沙律 酸 胡麻醬幾fresh，唔錯。烤雞幾出色，口感偏軟熟，有少少燒烤嘅香味。🔥 -❤️英式早午餐煙三文魚好鹹，而炒蛋配咗少少黑松露，成件事即刻升華咗，好香。🤤豬肉腸就冇咩特別，齊柏林好食好多。乳酪反而最有驚喜，值得一試！-整體來講，食物唔錯，但氣氛一啲都唔似cafe。記得好耐以前去過太子個間，個感覺好chill好温暖，而家做大咗，就冇個種vibe lu。…查看更多

❤️‍🔥海南鴛鴦燒麵包麵包烤得啱啱好，成個都好脆，唔會乾同硬。有好厚嘅牛油同咖咉醬，JENG🤤一定要嗌呢個！-❤️檳城福建蝦麵(油麵)一夾起啲麵就有濃濃嘅蝦味撲面而來，兩、三個人share 嘅話的確係好惹味。-❤️大雜錦肉骨茶入面有豬腩肉、豬腸、豬腳、豬骨同雞腳等等。比佢免費送嘅肉骨茶甜好多，唔會苦，果然有肉係唔同啲。如果啲肉可以煮得淋啲就好啦。-⭕️馬來西亞拉茶可以試吓嘅，但就唔係特別好飲啦。…查看更多

🏙️環境好嘈同逼，如果想靜靜哋傾下計就唔適合啦。見到餐牌，即刻俾佢嘅特選套餐吸引到，一個餐有晒沙律、湯、餸、飯同甜品，咩都可以試少少。-特選套餐炭燒豬頸肉配絲苗•冬陰功•青芒果沙律•班蘭千層糕 $148❤️炭燒豬頸肉好juicy ，好香炭燒味，調味啱啱好。👍🏻唔會乾同柴。-💔冬陰功都幾辣，但味道就得個鹹字，冇咩香味。☹️-❤️‍🩹青芒果沙律唔夠fresh同開胃。-❤️斑蘭千層糕唔錯，幾香斑蘭味。…查看更多