healingbobo的个人专页

跑馬地新開嘅居酒屋，唔似其他居酒屋淨係做串燒，依度仲有飛機貨，可整燒魚同刺身，選擇多咗唔少。前菜送嘅自家醃蘿蔔、淮山同筍，爽脆開胃入味。House Beer $58德國返嚟嘅啤酒，用雪凍杯裝住，入口冰爽，食串燒配佢好解膩。串燒類大蔥雞腿肉 $42嫩身有蔥香免治雞肉軟骨棒 $68肉碎夠腍滑，咬到軟骨時有卜卜脆口感，撈埋蛋黃食好香口。雞皮串 $38燒得脆，唔會油淋淋藤椒豬肉腸 $33最正，咬落會爆汁，辣度夠惹味蘆筍豚肉卷 $45 豚肉嫩，夾住蘆筍嘅爽脆，口感幾平衡。雞翼串 $46、五花腩 $42 同燒火雞腎 $38 都有水準，冇失手。3點刺身拼盤 $268有吞拿魚、三文魚同帆立貝，新鮮度夠，切得厚身食落滿足。拖羅蓉辣卷 $188 拖羅香濃，辣度啱啱好。枝豆 $48份量大，啱晒一路食一路傾計。 價錢算中等，環境有居酒屋feel，仲有啲向街好chill嘅座位，想食串燒又想試刺身，依度值得過嚟。 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺子の日跑馬地黃泥涌道33號地舖…查看更多

唎酒師朋友介紹上環有間清酒放題嘅居酒屋，我哋揀咗bar檯位坐，仲同隔離新相識嘅朋友傾得好投契，一齊把酒言歡，過咗個好開心嘅晚上！而且食物同酒都好唔錯，性價比超高😍Sake放題 $138/位想飲幾多就飲幾多，而且唎酒師朋友認證依度嘅清酒係比較高價，所以依個放題真係抵到爛！我哋飲咗好多款清酒，最鍾意一定係榮光富士 Crimson Glory 純米大吟釀無濾過原酒，開瓶就聞到士多啤梨香氣，酸酸甜甜好易入口，赤色酵母嘅獨特酸爽感充滿成個口腔，甘酸平衡得好正，淡淡粉紅色好靚，Pink Sapphire依個名好貼切，一定係女仔至愛🥰薯仔沙律 $48薯仔夠淋身，加埋炸蒜片，開胃又唔膩，作為前菜夠晒香口。牛肉膾 $98牛肉他他切得幼細，夠新鮮無腥味，調味好清淡，突出肉本身嘅鮮甜，配埋旺旺一齊食好新奇，同清酒真係絕配。雞軟骨 $58炸得外脆內軟，咬落卜卜聲好過癮，鹹香調味唔重手，送酒最岩，越食越想飲。熟成牛舌 $158牛舌熟成後香味好濃，入口彈牙好有咬口，好有肉香。玫瑰露雞翼 $48玫瑰露酒香好突出，但又唔會蓋過雞翼味，乾身唔油，肉質唔柴，鍾意酒香嘅朋友必點。金蠔 $48/隻蠔身夠大隻，好肥美，咬落juicy爆汁，調味鹹鮮適中。南乳炸雞 $58南乳味好香，外皮脆卜卜，入面雞肉好嫩，唔會好油膩，鹹淡啱啱好，推介！依度真係啱晒放工想chill下嘅朋友，bar檯位容易識到志同道合嘅朋友，餐廳仲有房間座位，適合情侶約會傾密計，下次一定要嚟試下其他菜式同清酒，再同朋友傾偈暢飲超爽🤩評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺@nami.yoshoku浪上環皇后大道中338號338 Apartment UG樓1號舖📍上環港鐵站A2出口5分鐘路程#healingbobo #foodie #hkfoodie #foodiehk #香港 #美食 #香港美食 #上環 #SheungWan #上環推介 #上環美食 #日本菜 #高質 #清酒 #Sake #居酒屋 #NamiYoshoku #浪…查看更多

早幾日喺南洋中心食咗間有廿幾年歷史嘅日本菜，門面好懷舊，店內環境好有氣氛，仲有唔同嘅廂房，勁多熟客。日本枝豆 $48枝豆係必叫嘅，好大兜，夠飽滿，傾計時慢慢食好適合。雞泡魚干 $88 脆卜卜，好香口。沃川刺身拼盤(特上) $598八樣食材好豐富——油甘魚肥美、八爪魚爽彈、海膽creamy、三文魚子咸鮮、帆立貝同赤貝鮮甜、牡丹蝦大隻厚肉、吞拿魚夠鮮，依個價錢有依個質素好抵食。串燒：雞蠔肉 $32/串好矜貴特別嘅部位，係雞大腿嘅兩塊小圓黑肉，咬落軟嫩。秋葵 $18/串燒得夠爽，唔會太淋番茄豚肉捲串 $28/串豚肉香嫩，包裹住多汁番茄，酸甜解膩雞頸肉 $32/串烤得夠香，肉質唔柴雞軟骨串 $22/串有咬口，軟骨脆而不硬雞皮串 $32/串依個好特別，係餐廳自己包，脆得嚟唔油，熟客幾乎每次都點海鮮天婦羅 $298有海膽帶子、沙錐魚，依兩樣入面仲包咗紫蘇葉，特別鮮味；另外仲有蠔，茄子同蕃薯，外皮夠脆。蕎麥麵 $78最後食返碗熱辣辣嘅蕎麥麵，好滿足。評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺沃川自家料理尖沙咀麼地道75號南洋中心UG樓5-8號舖📍尖沙咀/尖東港鐵站P2出口6分鐘路程#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #日本菜 #TsimShaTsui #TST #seafood #海鮮 #sushi #壽司 #sashimi #刺身 #日本菜精選 #香港食評 #美食打卡 #日本料理 #人氣 #高質 #尖沙咀 #尖沙咀美食 #香港美食 #Yokukawa #沃川自家料理…查看更多

「星·South Beauty」，隸屬北京海歸海餐飲集團，聯手米芝蓮星級廚師團隊用心研發，以傳統魯菜為底、創新川味添風韻，今次選擇了$988兩位的魯味商務套餐，真係滿是驚喜。前菜方面，「熗拌濰坊鮮蘿蔔皮」爽脆又帶清甜，鹹甜交融間剛好喚醒味蕾；「水晶垛子黃牛肉」特色是將經過燉煮、口感軟嫩的黃牛肉切成薄片，入口軟嫩細滑，再配以辣椒粉等調味料，味道香濃。 這種做法能讓牛肉的口感更加滑嫩，並透過薄片呈現出水晶般的視覺效果。湯品「酸辣花膠烏魚蛋湯」最亮眼，酸味來自天然食材的鮮活，辣味也夠溫和，烏魚蛋彈牙有勁，喝一碗下去，暖意從裡到外散開，暖身又暖心。主菜「魚籽醬烤鴨配山東煎餅」簡直是經典翻新——師傅在現場切片，魚籽醬的鹹鮮纏着煎餅的麥香，鴨油的醇厚在嘴裡慢慢散開，鴨香濃郁，風味超飽滿。「膠東蔥燒渤海灣帶魚」也見真功夫，魚肉細嫩，蔥香徹底鑽進肉裡；「蟹對蝦醬非遺饅頭」更有心思，王哥莊非遺手工饅頭外酥內軟，塗上蟹黃和蝦醬熬的濃醬，鮮香濃郁得剛剛好。「傳統魯味爆三樣」講究火候，豬潤綿密粉糯軟嫩、豬肚爽彈、豬腰鮮嫩無腥，大火爆炒的鍋氣濃郁，盡顯魯菜功底。「膠東鍋燒大燴菜」以砂鍋慢燉，白菜、豆腐與肉類吸飽湯汁，濃而不膩，滿是家常的溫暖滋味；「膠東海鮮燴鍋面」麵條吸滿海鮮湯的鮮甜，口感筋道，即使已近飽腹，仍捨不得停箸。最後收尾的「阿膠絲滑酸奶」，可以按喜好加阿膠糖漿，質地絲滑還帶點淡淡膠香，補身又解膩。若想品嚐正宗魯菜的韻味，又追求創新的驚喜，「星·South Beauty」絕對值得預訂，慢慢品嚐味蕾與視覺的雙重享受。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺星·South Beauty上環德輔道中173號南豐Place 3樓📍上環港鐵站E3出口1分鐘路程#healingbobo #foodie #hkfoodie #foodiehk #香港 #美食 #香港美食 #上環 #SheungWan #上環推介 #上環美食 #高質 #東北菜 #魯菜 #米芝蓮 #MICHELIN #星SouthBeauty…查看更多

早排同朋友去荔枝角D2 Place嘅「銀座炎藏燒肉」，卡位好舒服，食物質素試完真係想即刻再去！ 重點必叫佢個炎藏和牛「極致」6點拼盤$588，完全夠2個人食到飽！和牛肋肉厚身重牛味，有咬口；冇得散叫嘅橫隔膜厚肉又彈牙，咬落好有口感；和牛芯芯薄身，燒幾秒好嫩滑；和牛腋下薄身得黎超有牛味，燒幾秒保持粉紅色，唔駛點調味都好正；和牛友三角，厚切有牛味；和牛羽下，軟腍到入口帶住重油香，每款都好有特色，牛味超濃郁！ 另外叫咗厚切上等牛舌芯 $138，厚身有咬口，重牛舌香；清酒煮大蜆 $88 重酒香，蜆肉大隻飽滿鮮甜，連汁都想飲埋！飲品揀咗白桃同巨峰提子乳酸梳打各$42，清新解膩，配燒肉一流～ 仲有佢個柚子胡椒同昆布鹽，點燒肉超夾！鐘意和牛同燒肉嘅朋友快啲嚟！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺 銀座炎蔵燒肉荔枝角長義街9號D2 Place ONE 3樓302號舖📍港鐵荔枝角站D出口1分鐘路程#healingbobo #foodie #hkfoodie #foodiehk #香港 #美食 #香港美食 #D2Place #荔枝角 #LaiChiKok #吃貨日記 #打卡美食 #燒肉 #Yakiniku #GinzaEnzoYakiniku #銀座炎蔵燒肉…查看更多

今次同朋友去咗依間近期hit爆嘅羊肉火鍋店，好好彩訂到檯，餐廳環境好有特色，餐具好有中國風，食物同飲品都有好多選擇。鴛鴦鍋湯底 $88清甜雞湯鍋夠晒鮮，卜卜蜆鍋裡面嘅蜆肥到爆汁，滾起之後香氣夠濃，未食餸先忍唔住飲兩啖湯，夠晒開胃😍招牌高鈣肉 200g $188每隻羊得600g，仲要每日限量㗎！肉上面帶住月牙脆骨，涮10秒就熟，入口嫩到冇得彈，仲有淡淡肉甜，脆骨咬落「咯咯」聲，好特別羔羊後腿肉 200g $168肉質緊實有嚼頭，咬落juicy，就算筋膜煮耐咗都唔會韌，鐘意食有口感羊肉嘅朋友，一定要叫依款。百日羔羊肉 200g $148取自180日大嘅羔羊，肉質特別嫩，羊香味好濃但完全冇羶味。桂花蚌 $138份量大，新鮮爽脆，咬落口感清新。響鈴 $38放落湯度浸幾秒就吸滿汁，咬開超入味，打邊爐必叫。馬鮫魚丸 7粒 $48依個好特別，好少地方有，粒粒都彈牙，咬開仲見到一粒粒魚肉，用料好實在鮮淮生 $32煮軟之後吸埋湯底嘅鮮味，咬落粉糯，中和肉膩啱晒。招牌經典烤羊肉串 $18外皮微焦，肉裡面juicy，一嚿羊一嚿肥膏，2嚿一次過食，超滿足。水果蜜桃茶 $48清甜帶住蜜桃香，飲落好解膩，成餐飯食到飽飽，飲返杯超舒服。評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉翻兜指數：🩺🩺🩺咩記打邊爐旺角通菜街61號德發大廈2樓📍旺角港鐵站E2出口2分鐘路程#healingbobo #foodie #hkfoodie #foodiehk #香港 #美食 #火鍋 #打邊爐 #高質 #羊肉 #香港美食 #打卡 #hotpot #旺角 #旺角美食 #咩記 #咩記打邊爐…查看更多

最近聽朋友介紹依間餐廳有清酒放題，$88一位就可以暢飲3個鐘，真係好抵飲，仲有好多唔同選擇。我哋飲咗9款Sake, 其中三款精選sake各有特色，原酒忠愛有令人心曠神怡嘅香氣同濃郁嘅甜味，清新得嚟有果香滿溢嘅風味。雄町米釀製嘅七水攞咗Oriental Sake Awards 2023「年度最佳清酒」，豐富酸甜感帶出輕透感果香。最驚喜係「松の司純米吟釀生酒」，口中滿滿荔枝同蜜瓜果香，清爽得嚟平衡度又高，飲多幾杯都唔會覺得膩！ 精選魚生刺身壽司盛 $388刺身：三文魚油甘魚赤蝦壽司：深海池魚，間八魚，赤鯛，三文魚，左口魚邊，蟹子一個價錢有3款刺身6件壽司，性價比超高。三文魚油潤、赤蝦鮮甜彈牙，全部都新鮮度滿分！宮崎大米豚壽喜燒 100g $228本身想叫A5和牛霜降壽喜燒，但餐廳話冇， 依個豚壽喜燒份量都好多，有皇帝菜冬菇金針菇等，兩個人share食啱啱好。唐揚雞件 $68粉唔厚好貼，感覺唔會好油膩厚燒牛舌芯 $98一串有三件，幾有牛舌香味黑松露鵝肝多士 $98 一客有兩件，睇落好清淡，唔油膩，啱晒怕肥嘅人士軟殼蟹沙律 $108蟹好脆，份量亦多，沙律中和晒油膩感依度星期周三、四有推廣，蒜香燒廣島蠔原價$78一隻而家先$7.8！真係抵到冇朋友！鍾意飲清酒同食日本菜嘅朋友，千祈唔好走雞！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉翻兜指數：🩺🩺🩺 昼月銅鑼灣謝斐道535號Tower 535 3樓301號舖📍銅鑼灣港鐵站D1出口3分鐘路程 #healingbobo #foodie #hkfoodie #foodiehk #香港 #美食 #銅鑼灣 #CWB #日本菜 #日本料理 #居酒屋 #居酒屋美食 #深夜食堂 #銅鑼灣美食 #香港美食 #串燒 #壽司 #買一送一 #食在香港 #銅鑼灣美食 #美食推廣 #清酒任飲 #試飲會 #清酒 #Sake #限量優惠 #DayMoon #昼月…查看更多

喺屋企附近散步，經過依間外賣甜品舖，之前已經喺將軍澳堂食過，今次忍唔住再買咗嚟食，雖然餐廳只做外賣但裝修都好可愛好有特色😍 超煙韌榴槤奶蓋 $80未開蓋都聞到D24榴槤香！打開見勁多榴槤肉，椰奶香滑，小丸子同珍珠仲係煙韌口感，豆乳布丁軟嫩，三色芋圓好足料。加埋榴槤奶蓋，每啖都有榴槤香味，好正，榴槤控必試！ Oreo奶蓋珍珠布丁 $52可可豆乳濃而不膩，豆乳布丁入口即化。珍珠冇黐埋一舊，仲有芝士奶蓋同Oreo碎，另外有一塊Oreo餅乾分開裝，可以自己加上去，好有儀式感，鹹甜夾埋好正！ 慢煮豬軟骨玉子粢飯 $50本來只叫甜嘢，見到有粢飯又好想食就追加！豬軟骨軟淋，加埋玉子，青瓜解膩、肉鬆夠多，油炸鬼好脆，仲要係新鮮即包，好滿足！ 評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺 SOYmart by 豆乳狂人沙田大涌橋路20-30號河畔花園地下28號舖📍港鐵沙田圍站C出口10分鐘路程#healingbobo #foodie #hkfoodie #foodiehk #香港 #美食 #香港美食 #沙田美食 #沙田 #Shatin #吃貨日記 #打卡美食 #甜品 #dessert #SOYmart #豆乳狂人 #SOYmartby豆乳狂人…查看更多

想試依間米芝蓮一星法國菜Louise好多年，難得restaurant week有La Terrace by Louise嘅Elite Signature 6道菜晚餐，又有HSBC信用咭，於是即刻訂檯！Elite Signature Dinner $688 per personCourse 1Sago & Mimolette "Arancini"  依道炸飯糰波波，外面好脆，裡面有西米粒，面層舖滿米莫萊特芝士，微辣開胃，好有特色😍Course 2Potato & "Baenki" +$98 per piece我係為咗依道菜而嚟😍大量嘅Baenki 魚子醬舖滿喺薯仔千層酥上面，香濃嘅薯仔配咸鮮嘅魚子醬，順滑綿密，香味喺口中，餘韻久久不散。Course 3Foie Gras Ravioli +$68牛肉清湯倒入鵝肝意大利餃，好有儀式感， 加上貢布胡椒油，感覺好清新，意大利餃咬開爆滿鵝肝醬，配搭埋湯一齊食，感覺唔會膩。Loire Valley White Asparagus    鮮甜嘅羅亞爾河谷白蘆筍配搭魔鬼蛋以及西洋菜蛋黃醬，加埋烤麵包粒，口感豐富。Course 4Moules Marinières (Served for two guests, 400gr)  法式白酒煮青口，兩人份，雖然有啲冇開口，但整體數量超多，而且好鮮甜，同平時任食嚡口果種完全係另一種食法。Course 5½ Roasted Yellow Chicken (Served for two guests)  半隻香烤本地三黃雞，配新潟米雞油飯，飯舖滿香脆嘅雞皮碎，撈埋雞醬汁食簡直係絕配，烤雞香口肉嫩，果然係依度嘅signature dish😍Course 6🍋Amalfi Lemon “Givré”  阿馬菲檸檬冰沙，檸檬上有脆脆蛋白霜及羅勒，裡面係柑橘忌廉，酸甜交集，非常清爽。Pure Vanilla Millefeuille  雲呢拿千層酥，每一層都有果仁脆粒同焦糖，加埋雲呢拿雪糕，香濃有口感，為依餐食咗3個半鐘嘅晚餐畫上完美句號。餐廳樓上係Main Dining Room，會有其他菜式，例如Brittany Pigeon，而且上層有露台座位，感覺更chill, 天氣涼啲果陣可以再嚟🥰依晚食飯現場仲有live band, 聽住柔情嘅音樂食飯，亦唔會阻住傾計。另外，餐廳樓上係Main Dining Room，會有其他菜式，例如Brittany Pigeon，而且上層有露台座位，感覺更chill, 天氣涼啲果陣可以再嚟🥰🍸Cocktail : Saint Earl Grey評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺Louise上環鴨巴甸街35號元創方JPC地舖📍上環港鐵站E2出口5分鐘路程#healingbobo #foodie #hkfoodie #foodiehk #香港 #美食 #香港美食 #上環 #SheungWan #上環推介 #上環美食 #高質 #米芝蓮 #MICHELIN #法國菜 #Louise…查看更多

AMMO嘅週末限定午餐，唔只有悠閒舒適嘅氛圍，啱晒weekend想鬆一鬆嘅人，仲有升級版體驗，尤其是龍蝦瑪奇朵同伊比利火腿，簡直係亮點！$328一位嘅午餐，由開胃到甜品都有驚喜，每道菜都食得出心思，絕對值得嚟👍 BeginningsIBERICO HAM & MELTING EGG Mustard potato foam, croutons, girolles, chives 伊比利亞火腿配溫泉蛋，火腿鹹香，有少少油潤，個蛋黃一戳就流心，加上輕盈嘅芥末薯仔泡沫、雞油菌嘅嫩同烤麵包粒嘅脆，一口落肚好似咬到春天嘅晨光，清新又有層次，開胃啱啱好。🦞LOBSTER MACCHIATO +$45Concentrated lobster bouillon, lobster foam, lobster chunk龍蝦瑪奇朵真係必試！濃縮龍蝦湯離遠已經聞到好香，入口龍蝦味極濃郁，加上龍蝦泡沫，同埋搵竹籤拮住嘅大嚿龍蝦肉，非常彈牙新鮮🤩 EntreesHK TYPHOON SHELTER FETTUCCINE WITH ABALONE & CLAMS +$30Clams stock, tossed in fried crab chili, garlic black bean infused EVOO 香港避風塘鮑魚蛤蜊闊條麵滿滿港式風味，闊條麵吸晒辣椒嘅香辣同蒜香黑豆油嘅濃郁，熱辣辣好惹味，食得好過癮！🥩8OZ USDA PRIME RIB-EYE STEAK +$70Yorkshire pudding, fried egg, veal jus8安士美國特選肉眼牛排，牛排煎到外邊微焦、裡面嫩，切開仲有肉汁慢慢流出，配埋外脆內軟嘅約克郡布丁、滑滑嘅煎蛋，蘸少少牛肉汁，肉香濃郁，好滿足🈵️Sweet Endings ASSORTED FRUIT BOWL 雜錦水果碗色彩繽紛，有齊士多啤梨，藍莓，提子，火龍果，蜜瓜，紅桑子，水果新鮮清甜，為呢餐豐盛午餐帶來陣陣清爽。🍮EGG CUSTARD CARAMEL Coffee jelly, whipping cream, cherry blossom焦糖布丁收尾就最完美！布丁香滑，配埋咖啡啫喱嘅香，仲有淡忌廉，甜得嚟唔會膩。最後各自嘆返杯咖啡同埋茶，週末依啲懶洋洋時光就變得好圓滿啦！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺AMMO金鐘正義道9號亞洲協會香港中心低層📍港鐵金鐘站F出口6分鐘路程…查看更多

兩年前食過世貿中心店，一直念念不忘，因為太多食物同甜品想試😍今晚終於約到朋友去K11店，餐牌太多選擇，我哋有選擇困難症揀左好耐😂🐷香茅豬肉菠蘿米紙卷 $78每件米紙卷都有紫蘇葉包住，米紙有啲粉皮嘅感覺，同平時食開嘅好唔同，咬落有菠蘿嘅清甜同香茅豬肉嘅惹味，蘸埋酸辣汁超開胃，一人食兩件都唔夠！ 🦀濃汁泰黃咖哩軟殼蟹 $228軟殼蟹炸到脆卜卜，浸喺咖喱汁入面吸晒醬汁，咖喱夠濃稠仲有椰香，撈飯簡直絕配！ 🐮炭燒牛肉串燒 $56/2串串燒都好有水準，牛肉燒到帶少少焦香，肉質嫩唔鞋口，醬料惹味唔搶喉。 香辣炒通菜 $88份量大夠鑊氣，通菜爽脆，揀左小辣，辣度啱啱好， 唔食得辣嘅話可以揀唔辣 。 🍍🍹Pina Colada with Pineapple Popsicle $78依杯cocktail酒精都幾重，椰香同菠蘿味好夾，仲有枝菠蘿雪條好得意，可以當埋甜品食，凍冰冰飲落超消暑，成餐飯食得好滿足！🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺阿閒泰尖沙咀河內道18號K11購物藝術館2樓219號舖📍尖沙咀/尖東港鐵站D3出口2分鐘路程#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #泰國菜#TsimShaTsui #TST #THAI #香港食評 #美食打卡 #人氣 #高質 #尖沙咀 #尖沙咀美食 #香港美食 #AHANTHAI #阿閒泰…查看更多

知道AMMO為咗慶祝13週年，期間限定下午茶優惠先係$368/2，咁抵食緊係要同朋友去chill下啦，餐廳位於金鐘亞洲協會，雖然果日落雨，但周圍環境好靚，好有熱帶雨林feel，餐廳仲安排卡位比我哋，坐得好舒服，氛圍洋溢濃厚傳統氣息，可以慢慢享受😍 Tea set好精緻，好有儀式感，即刻影相打卡先！ Savoury Bites 鹹點 Crispy Chicken Sliders 脆炸雞肉漢堡🍔咬落脆卜卜，雞肉juicy唔乾，包身鬆軟，第一啖就好開胃。Prosciutto & Melon Roll 火腿哈蜜瓜卷火腿鹹香配哈蜜瓜嘅清甜，配合得啱啱好Braised Mini Abalone Tart 迷你鮑魚撻鮑魚軟腍入味，撻底鬆脆有好多層，最驚喜係依個！Shrimps & Quail Egg Skewer 蝦鵪鶉蛋串🦐蝦肉爽彈，鵪鶉蛋好香，串住食方便又好味。 Sweet Bites 甜點 Condensed Milk & Espresso Panna Cotta 煉奶咖啡布甸🍮滑溜到入口即化，面層嘅咖啡凍香濃，布甸唔會太甜Marble Cheese Cake 雲石芝士蛋糕雲石紋好靚，蛋糕綿密，芝士味濃而不膩，底層餅底令口感更豐富！Matcha Mousse & Macaron 抹茶慕絲配馬卡龍抹茶慕絲香滑，馬卡龍唔會太甜，兩樣夾埋食好清新。Mini Strawberry Pavlova 迷你士多啤梨蛋白脆餅🍓蛋白餅脆卜卜，士多啤梨及藍莓，清新得嚟又好食。Scone 鬆餅配埋玫瑰草士多啤梨醬同凝脂奶油，鬆軟又香甜。飲品方面，除咗花茶，我哋揀咗signature cocktail Popping White，白酒底加士多啤梨及藍莓，仲有爆炸糖，飲入口滋滋聲好得意！另外仲有無酒精嘅梳打Peaceful，青蘋果，青檸加櫻花，夠晒清爽。兩個人先係$368真係好抵，環境又靜又舒服～依個set只賣到10月31日，想食嘅朋友要快啲預約啦！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺@AmmoHKAMMO金鐘正義道9號亞洲協會香港中心低層📍港鐵金鐘站F出口6分鐘路程#healingbobo #foodie #hkfoodie #foodiehk #香港 #美食 #香港美食 #Admiralty #金鐘 #金鐘打卡 #金鐘好去處 #cafehk #金鐘美食 #金鐘美食 #admiraltyeats #下午茶 #期間限定 #13週年 #limitedtimeoffer #Asiasociety #亞洲協會香港中心 #ammohongkong #Ammohk…查看更多

8月尾嘅一個晚上去咗大埔，有好重要嘅任務😂我哋之後去咗食喫茶，想食依間餐廳好耐，雖然尖沙咀銅鑼灣都有分店，但感覺喺大埔會開心啲😍夕暮夜煙燻牛舌蛋包飯 $128賣相非常靚仔，有六大件幾厚切嘅牛舌，本身店員話幫我哋切開個蛋，但我哋又想自己試下切，可能刀工唔好，切出嚟冇乜流心澎湃嘅效果🤣昭和咖哩牛肋肉蛋包飯 $130牛肋肉份量都多，蛋包飯配埋咖哩汁睇落色彩繽紛，套餐明明可以揀刨芝士或者刨朱古力，我哋揀咗刨芝士，因為店員話會夾啲，但最尾冇芝士出現過，我哋食完先記得😂不過服務overall係好好👍抹茶牛乳 $42好靚嘅杯杯，面層鋪滿有餐廳logo嘅抹茶粉，幾香亦不會太甜。夏汐青甜蜜瓜刨冰依個係送嘅，本身嚟係想食布丁，但唔駛錢冇理由唔要😂，店長話依個刨冰好出名，自己淋啲蜜瓜糖漿，好有儀式感，仲有蜜瓜粒同cream, 刨冰質地唔係綿綿冰，而係傳統刨冰果種，好大兜兩個人都食唔晒😂差不多食完嘅時候，店長擰住個好靚嘅藤籃走埋嚟做推廣，依個名為秋夜月下菓匠禮籃 $288，本來想話唔使㗎啦，但聽完又覺得真係好抵，有好多優惠券可以即場使用，於是就落咗搭，事後計返真係有賺，係一個開心嘅落搭😂 藤籃有六件月見牛乳及抹茶蛋糕，再加一條靚靚嘅月兔便當巾，好有中秋氣氛，而且仲有好多優惠券，包括免費蛋包飯，甜品，小食，仲有一個皮革吊飾可以無限次使用，只要出示吊飾就會送一杯飲品，所以一定要再翻兜😂評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺🩺喫茶ちょうぼ大埔安邦路8&10號大埔超級城B區2樓276號舖📍大埔墟港鐵站A出口15分鐘路程或轉港鐵巴士#healingbobo #foodie #hkfoodie #foodiehk #香港 #美食 #大埔超級城 #TaiPo #大埔 #喫茶 #喫茶ちょうぼ…查看更多

六國酒店踏入90週年，最近去咗佢哋嘅Le Menu食「極緻細嚐･華麗自助晚餐」，今期主打龍蝦、花膠同佛跳牆，連埋平時自助餐常見嘅食物，整體水準好好，性價比高。龍蝦新鮮，肉質彈牙；花膠炆得夠腍，女士們至愛😍，佛跳牆入面瑤柱、鮑魚都有，湯底濃但唔會太鹹，飲落幾潤。除咗主打食物，平時鐘意嘅刺身都有供應；熱食區仲有鐵板燒，扒類，火候控制得唔錯，唔會過油。重點推介嘅幾款都有水準，鴨肝滑溜，配多士食唔會覺得膩；片皮鵝皮脆，包埋青瓜蔥絲好正；芝士蘑菇焗蟹蓋好香；炸生蠔外皮脆肉嫩，新鮮juicy冇腥味。依度仲有現場表演睇，6:45pm會切葡式燒乳豬，皮脆度夠，肉質鬆軟，仲有煙燻牛柳，牛柳切開有肉汁，唔會太乾；7:15pm就有甜品表演，雙數日會整橙酒班戟，橙味清香，單數日係火焰雪山。其餘仲有好多甜品，Häagen-Dazs雪糕，食到超飽😂依度環境都幾舒服，想歎下靚自助餐可以考慮。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@gloucesterlukkwokLe Menu灣仔告士打道72號六國酒店一樓📍灣仔港鐵站C出口5分鐘路程#healingbobo #foodie #hkfoodie #foodiehk #香港 #美食 #WanChai #灣仔 #留港消費 #Buffet #自助餐 #GloucesterLukKwok #六國酒店 #LeMenu…查看更多

喺銅鑼灣做完facial要食晚飯，走左去希慎B2嘅food court, 諗起依間之前因為牛肉唔夠秤而上晒新聞嘅餐廳，即管睇下好唔好食😂🐮慢煮熟成美國優質牛肉 $88依個價錢包埋cream, sauce同日本珍珠白米飯，另外加$6要左蘭王蛋🥚, sauce我揀左唔駛加錢最基本嘅紅酒照燒汁，加左燒汁同撈勻雞蛋後係比較好食，但紅酒汁果種完全未揮發酒精嘅味道，加埋比risotto更硬嘅白飯🍚，好明顯係生米未煮成熟飯，而且飯嘅份量少，男士們應該唔夠飽😂至於主角牛肉，雖然好薄但勝在份量幾多，有焦香，算係唔錯。評分：最高為5分治癒度：👩‍⚕️👩‍⚕️👩‍⚕️抵食度：💉💉💉翻兜指數：🩺🩺牛丼新造軒尼詩道500號希慎廣場B2樓B217號舖📍銅鑼灣港鐵站F2出口1分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #希慎廣場 #HysanPlace #SLOWCOW #牛丼新造…查看更多