vincy1874的个人专页

$298一位，任食兩小時，另外仲要加一然後野飲又要再加30蚊先有得任飲，我地冇加錢，飲茶算，職員比左一大壺我地自己斟。啲刺身都ok，燒肉都係果啲款，不過不失。另外冇甜品食。最難忘係菜單有樣野叫凱薩沙律，但實物係咁既樣，同麥記漢堡飽果幾條菜加啲沙律醬冇分別。雖然圖片同實物唔同係常識，但都唔洗差咁遠架...仲要幾難食下。職員收碟好快，可能因為今日冇咩客。好鐘意問我地：介唔介意夾埋舊肉落去燒？（等佢可以快啲收碟）呢個價錢黎講，唔值得黎囉。。…查看更多

琴日六點入座見到呢度有海鮮燒咪試下以前食放題都係得刺身呀炸物果啲不得不說，雖然間野大，但呢度啲枱好逼我地兩個人，張枱細到唔知點擺野首先就緊係叫刺身先砌得好靚，但唔知點解係暖架囉？！有啲不能接受燒海鮮方面，唔錯既，啲蠔好大隻出面有啲前菜拎，不過唔好食，所以冇點試最後，啲員工態度認真麻麻，仲有啲黑口黑面，尤其係同佢講話啲刺身暖果陣試過就算…查看更多

是日夜晚叫左個dinner set意粉+湯+沙律+野飲好似$72左右意粉啲味太清，不過都算抵食既朋友叫左芝士蛋包飯平過我果個，又好食過我果個職員態度都ok，有後生妹妹做侍應係咁多…查看更多

去得樓上cafe都對食物質素唔係太大期望只期望可以睇下貓一杯野飲$40，窩夫$4x，個窩夫比我想像中少，得一小塊，仲好似有啲燶燶地，我冇影到相，請參考其他人po既相。今次好似冇時間限制，店員有派雞肉比全場餵下貓貓唔驚人，而且都幾多貓下黎一次體驗下都ok既…查看更多

今日諗住食韓燒而係openrice見到呢間店就諗住試下。一上到去好多遊客，入到去坐低左想叫職員幫手開爐，點知佢話張枱係預留左比旅行團，唔怪之咁多遊客，原來做旅行團生意。之後就安排我地去另一邊。食物方面，有一般韓燒會食既野都有，仲有三文魚燒。熟食方面有菜心等等，炸物方面有麥樂雞，薯餅等等，麥樂雞顏色非常瘀黑，所以冇試。薯餅係凍既，唔知放左幾耐?仲要係得個脆既殼，入面冇薯餡。可能我去既時候係晚市岩岩開始，所以選擇亦比較少。另外仲有壽司，刺身，沙律，甜品拎。壽司真係求其左啲....啲飯完全係求其拿起一汁，放舊魚生係上面就當完成，飯完全係散開哂的。刺身就正正常常。沙律冇試，甜品有啲果凍同雪糕揀，仲有朱古力噴泉同棉花糖機，可惜唔識玩後者。最後，公眾假期208/人再加一埋單。值得一讚係員工態度唔錯同雞翼醃得好食，甜品種類多同飲品種類都多。但200幾蚊可有更好選擇。…查看更多

琴日去完睇我的少女時代，忽然又想食下麻醬麵，就去屋企附近間茶木，近近地。除左叫麻醬麵之外，仲叫左我至愛既麵包磚。睇到個外型就流哂口水，同朋友一人叫左一份不過好似太大舊，食唔哂，下次兩人share一份應該會好啲…查看更多