bellalaaa的个人专页

終於有多間台灣餐廳選擇，食物選擇多元化。新開張期間超多人排隊，午市排唔到唯有等下午茶。下午茶二點開始，選擇花多眼亂。唔想太飽，叫咗個「醉雞卷滷肉飯配花枝丸紫菜湯、地瓜條」，配杯薑母茶。聽個名有四樣嘢好豐富，未上菜之前都怕食唔晒。好彩，食物份量每樣細細份，勝在有唔同款，又幾啱我個人心水同口味。薑母茶都幾靚有心機，配有紅棗同玫瑰，唯獨係主角— 薑味略嫌太淡。最後埋單$46，地點係火車站附近商場，夠方便。會再試其他食物。…查看更多

Book 五人枱，比四張櫈，同侍應講加張櫈，侍應完全嘆慢板，見到好似見唔到咁。叫你等。坐低好耐，水都無杯，叫佢，又叫你等。等到終於有人，飲完，又冇人幫你加水。食完成餐飯最大嘅感覺係口渴。前菜食物係唔錯，刺身新鮮，牛肉他他好食。侍應問有邊款想再添，講完有啲都無上到。食咗陣成隻碟都係骨同蠔殼，全程都無人同你換碟，想換碟食沙律。叫佢，佢就話一陣上主菜會幫你換，最後都係冇碟食沙律。到要上主菜，就嗱嗱臨換碟。唔理碟入面仲有食物，問都無問將啲紙巾扔落去，然後發現有食物，施施然一句”oops, sorry”就走左。Weekend brunch 時間11-1pm. 我地11.15開始入座，食物到11.45都未上，前菜係unlimited serving, 去到12.50仲食緊前菜，仲未上主菜，但就不停同我哋講得10分鐘要交枱有其他人等緊要食快啲。最後全部主菜就喺嗰幾分鐘食咗幾啖，1 點正就叫我地換張枱去酒吧嗰邊食甜品。所以平撳唔到主菜食物。甜品係精緻可口的，擺盤靚。埋單差唔多$700一個人頭，我屋企樓下間茶記啲服務態度都好過佢。老實講，要靚景靚嘢食其實大家有更多更好嘅選擇，上面寫嘅只係冰山一角，仲有好多嘢寫唔出個神緒，大家自行斟酌考慮。…查看更多

今日入荃灣行山，先到川龍彩龍茶樓飲茶。呢間茶樓係一間貌似村屋嘅建築物入面，下層上層同外面平台位置都可以用餐。不過要有心理準備假日入嚟飲茶的人非常之多，等位係一件好痛苦的事，基本上每張枱都有人等緊。等到枱之後，就開始體驗呢度最大的特色 —— 全自助用餐體驗：由基本樓面開始，收拾上一手食完嘅碗碟，自己抹枱，自己開茶，拎餐具，到出去拎點心，都真係全自助；有嚟過嘅茶客相信已經習慣。餐具建議最好自己再認真洗洗；至於點心食物全部都係自己拎張卡出去點，一般傳統茶樓嘅食物呢到都有。蒸點係我哋覺得最好食嘅，鵪鶉蛋燒賣嘅燒賣唔係就咁一舊豬肉，而係好似真正燒賣咁有蝦肉喺入面；雞扎嘅材料好豐富，味道同口感都好好，係令人滿足嘅一款點心；煎釀茄子上面嘅魚肉煎炸得香脆可口，茄子腍身多汁，非常飽滿；嚟到當然要點腐乳西洋菜，雖然係貴，但係菜真的是新鮮好食。至於個炸豆腐就普普通通，下次唔會再叫。總體而言，呢度嘅食物水準，尤其是蒸點是十分出色；環境衛生則未必人人接受，亦不要預期有服務（唔係佢哋唔好態度，只是根本冇咁多人手去服務），所以基本全程都係自己自助。不過呢點亦都係好多專程入黎嘅原因，食嘅係一份傳統茶樓的地道情懷。…查看更多

今日係復活節長假期嘅第一日，入到西貢人山人海，想搵一間價錢親民嘅餐廳，路過呢間小店，見到餐牌好似頗有特色便入去試試。店員同老闆娘都好熱情，我哋兩個人叫咗一份白咖喱墨魚餅飯，同埋一份椰香荔枝烤鴨飯。白咖喱好香，墨魚餅好厚啖啖肉，脆炸不油膩；椰香荔枝烤鴨飯，烤鴨皮脆肉嫩，椰香荔枝汁有少少似喇沙同馬沙文咖喱味道，加上荔枝肉嘅酸甜清新，味道平衡不錯。兩個汁送飯都一流。午餐包餐湯，上餐時亦伴以沙律菜，仲有杯餐飲。食物份量和質素都誠意十足。假期餐牌會加左$10，不過都只係大概$70-80左右一個餐，綜合呢到的食物質素、味道、環境、服務，呢個價錢絕對係抵食。下次會再去試試其他菜式！…查看更多

今日同老公去拍拖，見到OpenRice有間新餐廳，一間叫本店的日本居酒屋新開張不久坐落於將軍澳，廚師來頭好似不少，一於去試吓。我哋係比海膽燒雪場蟹腳吸引而來的，當然先點一個，服務員都好盡責提示呢款菜式需時製作大概要30分鐘。所以期間我哋先食其他嘢，先來一份六件的廚師發板。廚師發板的魚生是非常新鮮。其中一件是甜蝦，肉質和鮮甜度都非常之好。其餘五件的魚生壽司，水準也不錯。我哋亦叫咗一份新鮮豆腐皮海膽前菜，豆腐皮非常嫩滑，配上海膽，佐以醬汁，一併放入口，有一種很溫柔的感覺。我們前後點了共四款的串燒，包括黑豚豬腩肉，黑豚紫蘇葉卷，雞腿肉，免治雞肉棒。黑豚豬腩肉燒得十分出色，外皮有層薄薄焦香，但內裏保持肉質鮮嫩，非常好食；黑豚紫蘇葉卷的配搭非常有趣，廚師巧妙地在黑豚肉上加上梅子醬，其清新的酸甜味道完美地中和了黑豚肉本身的油膩感，而黑豚肉中夾住紫蘇葉，又有少少葉的草香味道，這串燒份量雖小，但口感味道都層次分明，玩味十足；免治雞肉棒上的燒汁味道濃厚，配上玉子醬油以及紫菜，令人回味無窮；而炭燒雞腿肉這款低挑戰性的串燒反而令我們有點失望，雞腿肉燒得有點乾身，鞋口不嫩滑。食完串燒，主角仍然未出場，於是我們叫了一份牛肉烏冬試試。烏冬質地彈牙有口感，牛肉略嫌太碎及有點乾身有少許老，湯頭很濃郁。整體水準中上，不過我諗在居酒屋一般都不會特地來食烏冬。最後主角終於出場——海膽燒雪場蟹腳，以這個價錢來說這個份量絕對超值，有一隻原條雪場蟹蟹腳，上面鋪了滿滿的相信是馬糞海膽，這份量毫不吝嗇。這款海膽與前菜的海膽似乎是一樣的，都是十分鮮甜。燒雪場蟹蟹腳的火喉嚨控制得不錯，亦都啖啖肉，只是略嫌上面的芝士海膽醬有點過多，有少許蓋過蟹腳的光芒，不過仍然十分滿足。另外值得一讚的是，全程所有服務員都非常細心，待客態度非常好。用餐後，服務員有來認真聆聽我們的意見，並立刻反映我們的建議比廚師聽，重視客人的餐廳。食物水準以致整個用餐體驗，都是令我們非常滿意和滿足的一餐。最後埋單由於全單有八五折優惠，吃了這麼多也不到$700 ，非常抵食！…查看更多

是咁的 見這餐廳好評如潮 於是我們選擇中午就去食訂枱時, 已經感受到接線生的不耐煩, 諗住都是咁岩佢心情唔好啦.但估唔到呢個水平的服務唔只佢一個, 我仲差啲出意外.去到餐廳 睇完LUNCH MENU 後, 我們選擇了最貴的SET ($480 + 10%)其實我們沒有認真望過個餐牌,只打算這個SET 咩都有啲, 可以試唔同的食物滿心期待, 但上菜的職員呢, 好似茶記啲伙記咁, 求其放低就走當你以為佢都會簡單介紹係道菜, 又或者最少都話比你聽嗰道菜係咩佢已經走左由於佢無講 ,只好憑我的感覺去形容啦前菜係豉油豆腐, 上面支左少少WASABI, 一啖食落口就係呢三隻味;  刺身算新鮮的, 帶子好鮮甜,配左片薄薄的青檸好青新, 但其中一款白色的魚有少少腥味(可能是本身味道係咁的)重點, 最期待的天婦羅啦, 先上醬油, 正常天婦羅的醬油入面會有一個蘿蔔蓉球的呢類高級餐廳 (至少價錢係)通常都會務求令到個上枱的食物PRESENTATION 好靚 等客人可以打卡但啲伙記上枱時並不輕手, 內功深厚一下就震散左個蘿蔔蓉球, 變成左一堆白色浮油物喺醬油上面浮下浮下我地望住伙記, 佢就話, "係咁架, 係會散架啦, 你食都會散架啦"...按照佢的邏輯, 佢無SERVE , 你要偷笑.都算啦 我地唔打卡食天婦羅, 有茄子, 青椒, 蝦, 同魚啦同樣地,伙記放低就走左, 乜都無講, 係唔知情的情況下, 我是無想像過天婦羅白魚入面是有魚骨的我咬下去的第一啖就被魚骨插住牙肉 (請隨意配上任何你可以諗到的粗口)!佢的骨絕對唔係好似饅魚嗰啲咁細條咁幼希望大家唔好同我地一樣, 諗住天婦羅炸白魚, 一定去左骨或許係好細條, 小心啲食!!!十分慶幸的是 最後只有一條魚骨插在我一邊的牙床唔算好深的位置, 但當刻不好處理個餐咁貴, 我又只係食到一半, 只好硬於頭皮, 繼續慢慢食淨返落黎的餐, 只能要用另一邊牙輕輕咬食得好小心. 呢條魚骨就陪左我一餐.可能因為我只得半邊牙去咬, 個牛肉薄燒好多根我咬唔到 最後個飯, 醋物等等, 每食一口都好似行刑咁. 寫到虎頭蛇尾 因為我已經形容唔到咩味道我諗, 如果職員有提示的話, 呢個意外唔會咁容易發生.只怪我太傻太天真.只好提自己 提大家食魚記得小心啲食魚記得小心啲食魚記得小心啲我享受唔到呢餐飯, 亦感受唔到佢的價值所在,味道都中上的, 但服務真的不可恭維了伙記收碟時,正常剛食完筷子仍放在上面, 只是無想過比接近五舊水一個人食中午, 都要受伙記面色, 佢會[好有禮貌]咁[唔該你拎起對筷子]作為客人你會感受到你阻住佢收碟嗰種不耐煩只是覺得體驗過這次, 我更欣賞佐敦光速旦治餐伙記的態度同貼心.…查看更多

平時在德福商場行街 每次經過敏華冰室外面總是一條長長的人龍淘大的茶本關店後敏華冰室就進駐了這日經過難得沒有長長的人龍就坐得叫了份早餐沙茶牛肉公仔面+多士+炒蛋+奶茶多士外脆內裏好軟熟不是乾乾硬硬的那種炒蛋香滑而不太油膩與多士配搭非常好至於沙茶牛肉公仔面餐廳的招牌茶牛肉筋太多感覺像咬擦子膠港式奶茶就夠地道香濃非常…查看更多

限聚令又起 本來想食淘大敏華 但長長人龍  放棄了過左十一點半 好多地方都做午市了見到峇峇娘惹 仲有早餐食又不用等點了一個魚腐清湯米粉+炒蛋 + 班蘭咖央多+拉茶另一份叫了沙嗲牛肉美極面+炒蛋 + 咖央多+南洋咖啡+雞扒峇峇娘惹的魚腐一向出色 平時下午茶愛點它的魚腐喇沙 早餐還是清淡點好清湯魚腐 軟綿綿又多汁 好似噬著啖啖雲朵估唔到係 它的炒蛋都炒得出魚腐的口感滑而不會油膩配著甜甜的班蘭咖央多 味道平衡都還不錯再配上一杯熱拉茶味道香甜 似淡茶版的港弍奶茶喝著個人覺得挺舒服的至於另一份的沙嗲牛肉美極面我淺嚐了一口牛肉質量不錯南洋咖啡的咖啡味亦甚為香濃這個早餐這個價錢 心滿意足希望能捱過疫情讓大家過了十一點半還可以有食早餐的地方…查看更多

在家太久 外出走走去到長洲  熱到想抖抖見到間餃子冰室老公喜歡食餃子餃子不是我最愛 但見到有其他選擇就入去坐低點了一份最普通的菠菜鮮蝦餃子 配 黑醬油雞飯再加一份雞絲粉皮  和  冰糖紅棗桃膠餃子可選煎或蒸的老公要了蒸菠菜鮮蝦 餃當時我心中就想像酒樓菜苗餃的味道往往沒期待 反而可能有驚喜好好食喎不是一般的餃子皮  這皮薄而煙韌肉餡味道均衡  但又層次分名 老公要了8 隻, 我本來只打算吃一隻 .. 最後吃了3隻 不好意思吃4 隻 而黑醬油雞飯 和 雞絲粉皮 呢?一般般 ... 餃子好味啲 但我好喜歡那杯冰糖紅棗桃膠啊清甜解渴  好舒服一般長洲小店的格局 人流不多  我們用餐時 只有另一組客人所以坐得好舒服很安靜 很慢活看見兩個年青人在經營 細問下他們原來都是長洲人上年9月份才開店希望下次去  仍然有機會試到他們其他的餃子…查看更多

偶爾經過得寶見到這餐廳 見到有潮洲菜相約與朋友一試先叫了燒味燒乳豬併叉燒一流!乳豬皮薄脆鬆化 絕對對得起化皮乳豬這名稱叉燒肥瘦適中 蜜味濃而不膩我打電話訂座時 接線員問我要不要預留凍食烏頭  就要一條我和朋友皆為好魚之人朋友覺得肉不夠實但我幾喜歡軟身的魚肉另外小食叫左涼拌苦瓜甘口清甜 不錯但不推介手撕雞  除非你想練牙力小菜叫左個粉絲蝦煲色香俱全 ......就是無味 .....百思不得其解拎左碟豉油淋完 都係無味  .........下次會再來但應該只會叫潮洲菜和燒味  …查看更多