keeper4145的個人專頁

呢日同幾個朋友睇完模型車已經好餓，於是就响附近搵嘢食。行到嚟呢個門口，望到有火鍋，於是大伙兒入去諗住 “拾拾下”。點知其中一個 “拾郎”坐低咗先嚟講自己作感冒… X(好彩呢度仲可以叫餸食…但係睇睇下個Menu我就開始驚…喂，川菜嚟喎，我唔係好食得辣架喎！大家睇咗5分鐘，你眼望我眼，似乎都係諗緊　“辣”既問題…有個似部長，自稱 “肥仔”既哥哥見我地啲表情都知我地諗乜，主動走埋嚟同我地講唔洗擔心，師傅習慣就客人口味，一般香港人食唔到咁辣，可以試 “少辣”，但又唔會失咗川菜個特色。我地見佢拍晒心口咁，就即管試試 “少辣”菜色。由於花多眼亂，最後都係由呢位哥哥介紹，點咗幾味招牌菜：水煮豬面青(必試)平時叫得 “水煮”一定有番咁上下辣，何況單睇面頭既辣椒就夠辣啦…戰戰兢兢咁夾件豬面青試，嘩，堅係唔辣(少少辣啫)，而且醃得入味又唔會太咸，啱晒一向鍾意淡口味既我。豬面青本身好新鮮好爽口，加上少少辣確實惹味。招牌烤魚(側魚 必試)據部長哥哥講呢個招牌烤魚之所以係招牌貨，原因係在於個酸辣湯底，因為師傅係用雞骨同魚骨熬幾個鐘，跟住將烤到半熟既魚一齊上菜再滾一陣就食得。呢次我地試咗條側魚，唔試尤自可，一試真係忍唔住要讚，因為條魚真係好新鮮好甜，夾雜埋呢個酸酸地既湯，真係好醒胃，連平時唔多食魚既 “拾郎”都一路飲個湯一路話正。不過今次少辣都真係辣咗啲，如果唔食得辣又想試就記得落單時講聲唔好咁辣。尖椒爆肺片食川菜當然要試肺片啦，不過今次試既係爆，唔係冷盤。老實講，可能本身食材冇點醃，少咗辣味之後覺得淡咗啲。不過食得出食材好新鮮，可能真係要食得辣先好點呢味餸。川醬爆臘肉呢味就剛好相反。據部長哥哥話，呢啲係正宗四川臘肉，醃得好濃味，所以如果你鐘意重口味一定唔好錯過。咪以為 “臘肉”就好肥，幾乎全部都係瘦肉，唔會食肥人。麻辣水鵝腸呢晚唯一既冷盤。如果你鍾意食 “麻”，我推薦你食呢個餸。因為佢冇平時食辣椒既辣，取而代之既係一種留响口腔既 “甘甘地，涼涼地”既感覺。而且個鵝腸爽口夾彈牙，絶對冇介紹錯。杞子菊花茶唔好誤會，呢壺茶唔洗叫架，一坐底已經係飲佢。菊花茶飲得多，加杞子都係第一次，(後尾發現原來係自己大鄉里，呢個茶有清肝明目，清熱祛火既功效)大概係店家體貼客人食辣之後要降火吧。我仲見到 “煎pan”………………………………..張相!總括嚟講我覺得如果唔係好食得辣但又想食到川菜風味，呢度係一個唔錯既選擇。食物新鮮而且價錢亦算公道(貴過茶記晚飯時間少許啫。我試過同等價錢既川菜館求其得多…)。美中不足既係，個招牌…離遠望真係唔知係間食店。…查看更多

很難解釋我對"隱家"的情有獨鍾。或許是因為當初只是路過，卻被其拉麵香氣吸引而令我留下深刻印象吧！今天剛巧要到深水埗，趕頭趕命都要食番碗呢度主打"沾麵"(雖然我唔知同其他麵有咩分別，總之好食啦)，同埋只係有三款湯底俾你揀。我今次揀"赤伝"。唔好誤會，唔好見紅色以為辣味，其實係好濃郁既蕃茄湯底。(應該係用類似意式茄醬做，所以唔係一般茶記果種蕃茄湯)點菜時服務員問我個蛋要半熟定溫泉蛋(吓，乜有得揀架咩？)，平時食拉麵都係半熟蛋多，咁梗係試溫泉蛋啦！由於肚餓加趕時間，麵未到就先食個蛋。蛋本身無乜味，主要都係睇佢個汁。呢個汁唔係大重味，所以冇搶走蛋味，而且加咗少許橙皮(或者係檸檬皮)，幾清新架!麵嚟喇(最鍾意係佢印咗店名既紙菜)。麵同湯係分開上既，因為佢地話沾麵係要好似過橋米線咁食，即係夾麵放落湯度再食架。(有相為證)當然我有聽教，加咗啲昆布醋落湯度，真係幾好食架!個人覺得呢度可以食到日本地道拉麵風味，所以大大話話都食咗四、五次。不過呢度缺點係地方細同埋坐得唔舒服，有時仲要等好耐先有位，不過食到好嘢就抵番啦！(今次食完仲要打的番工!)…查看更多

休假最好就是閒逛，以為一個人逛餓了也不用為吃飯太傷腦筋。這天逛新世紀，想起革新了的新世紀，3樓的美食廣場升格為"Food Opera"，而裡面多了許多不同口味的店(不過還不是中,日,韓)，於是一心找一下有沒隠世美味...來回走了兩個圈，最終選了"濠江風情小炒皇"，因為賣點是現炒，就做快餐的地方而跟你說是現做，滿以為可以其待一下...點了一客"酥炸猪扒炒河"，猪扒看不到如何炸，但你可以看見師傅現炒你的河粉。這是個套餐，附送例湯及油菜。光看賣相還可以。油菜沒話說。先說例湯，看到有青蘿蔔，可想而知是青紅蘿蔔湯。喝一口已知道跟預期一樣，非常夠味(精）！再來試一下主角：酥炸猪扒看上去非常鬆脆，但吃上發現皮是硬的，應該是預先炸好再翻炸所做成的結果。(他們應看"學是學非"，加些少水先翻炸就會脆番)這還不止，最災難的是，猪扒本身吃上仍吃得出雪味...即未解凍透就炸了(或是翻炸未夠)...最後是河粉，現炒這點沒話說，只是師傅似乎重手了點，或是小弟習慣吃得清淡，總覺得這個河粉也太咸了。(吃完回家要不斷喝水...)總括而言就是失望。果然美食廣場的"美食"確是不能期待。…查看更多

今天休假，逛到旺角時已屆午飯時間，就在山東街找上這家"烤"雞店。起初還擔心要排很久，但可能因午市人們都比較趕，全店不到半滿，一出電梯就有位。雖然知道是烤雞店，但沒想到菜牌內差不多都是烤雞…當然是不同味道的烤雞。為了方便客人，每張桌上都有一個鐘，按鐘就有服務員招呼。這次選的是"蜜糖咖喱烤雞"上菜先知原來係成隻雞咁多…這雞味道不錯，少許甜味加上咖喱香味，食落幾開胃，加上香而不辣既芥辣，算是惹味。加上烤走了很多油，所以絕不肥膩。如果先吃掉皮再吃肉，你會發現肉並不太濃味，都算幾健康。(如果你不吃雞皮的話不建議試這家店)另外試了一個"韓式炒年糕"但老實說這個炒年糕並不特別，牛肉過老，年糕也不入味兼過硬，全鍋只有底部麵條及湯汁好味，並無特式。大鄉里的我，點了一個自認為特別的特飲(好似叫Apple Rita，$88):都幾醒胃好飲。(不過中午飲酒好似過份少少)桌上提供了手套及盛骨桶，方便食客進食。美中不足既係，由入店到離開餐廳都冇主動提供開水，我旁邊的一桌客人要向服務員要開水，未夠細心。由於餐廳提供食物份量多，建議至少四人來幫襯。…查看更多

今天跟同事嚟葵芳馬會側既茶記食晏，原本冇乜得別，只係冇諗過會撞到明星。戴帽果個!(同事好艱難先影到一張清少少)講番間茶記。今日午餐食咗個XO醬蒸猪頸肉:原本以為茶記冇乜特別，不過雖然係猪頸肉，可能因為蒸，一啲都唔肥膩，而且味道唔算濃，唔怕食肥人:)。聽講老孫成日出現，有興趣可以來碰碰運氣。…查看更多

偶爾聽人說恒豐中心地庫開了一系列日式拉麵店，特地來逛逛。今次選了"阿修羅"，全因圖裡的叉燒很吸引阿修羅拉麵基本上很簡單，分別在於辣、唔辣、有冇蛋、幾多叉燒，所以不怕選擇困難症發作。這次單點了小辣湯底，足料叉燒及一隻蛋($98)。小辣對於我呢啲鍾意辣味但又唔食得辣既人嚟講可以話啱啱好。猪骨湯底味道剛剛好，唔算太咸。蛋就同其他鋪味道差唔多(味付玉子都係食佢個質地架啦)。主角叉燒有陣陣炭燒味，係我以前食拉麵未試過有既，值得一讚。美中不足係瘦位比較乾，有啲難咬。整體上覺得呢個價錢算合理。除單點外，更有一人、二人前套餐，但由於小弟食量有限，未有深究套餐餐牌。題外話，由於即叫即整，全場都派部機，起菜震你去攞，唔洗企到腳軟。另外入門口俾張點菜咭你，靠佢點菜，食完靠佢埋單，唔好唔見呀！…查看更多

估唔到鋪仔細細魚蛋咁好食，又彈牙，味道又好，絕唔係一般街邊魚蛋可比。香辣醬好味，唔算好辣，仲有其他醬可試。10蚊6粒真係唔算貴。仲可以試埋芝士汁"黑白"(墨魚丸拼墨汁丸)…查看更多