farnshu的个人专页

之前叫過呢間甜品嘅delivery 覺得個芒果班戟好好食 星期六特登遠d都行去再買一次諗住回味吓 一盒兩舊要$40都唔平 叫外賣仲要收多$1 本身個班戟都已經喺個膠盒入面㗎喇?! 返到屋企滿心期待 一開見到班戟皮上面有幾點綠色 已經驚會唔會係壞咗 再食落去覺得唔對路 d忌廉完全唔係應有嘅質地 已經硬曬一粒粒咁 再睇下入面個皮又啡啡黑黑 已經唔敢再食 食咗兩嚿芒果就成盒揼咗 勁失望 我懷疑係擺咗好耐唔新鮮 已經唔係平仲要咁嘅質素 一陣食壞人就大鑊 唔會再幫襯!!!…查看更多

Red Lobster想去食好耐 見有$1牛扒promotion即刻book位 星期六夜晚full哂所以去食lunch 叫咗個鮮果蝦沙律 兩份龍蝦加兩份$1牛扒再加支Prosecco 食物係唔錯嘅 龍蝦好鮮甜 主要係想講吓服務無其他食家講得咁好......首先支酒好耐都無嚟 催咗幾次先話因為搵唔到個冰桶 真係匪夷所思 最後起碼等咗半個鐘先有得飲 另外第2份龍蝦又係勁耐都唔嚟 問個waitress再問男經理都無人返嚟同我哋跟進 直到個廚師攞住碟龍蝦出嚟同我哋講唔好意思頭先碟龍蝦俾錯咗第2枱 嗰時已經等咗成個鐘......其實無嬲嘅 廚師嘅道歉都誠懇 只係覺得其他員工好似唔關佢哋事咁 lunch已經唔係咁多人都咁樣有D意外 令到原本好食嘅一餐扣咗唔少分 有少少可惜呢......…查看更多

外賣叫咗肉骨茶同蝦麵 肉骨茶偏淡 蝦麵個湯就超鹹要加水 都唔緊要 最恐怖係食第一啖油炸鬼已經覺得好唔新鮮好難食 再望一望原來D油炸鬼發曬毛 好彩即刻lur返出嚟 咁樣都畀得客人食好恐怖 永久blacklist!…查看更多

今日(29/9 ~2pm) 同家人(共三人)到康怡廣場分店 當時冇人等緊位 女侍應要我哋坐路口嘅二人枱 搭多張凳畀我哋 我哋覺得好迫所以話情願等一陣 等咗成十分鐘之後 有一個工人帶住個阿婆嚟 佢哋又唔肯坐路口位 然後高級女侍應叫佢哋入去坐 我話我哋嚟先 佢話阿婆五個人 我覺得好唔合理 即係佢其實一路入面有位唔畀我哋坐 同埋我見D人一個人都坐緊卡位 我見係阿婆我冇再拗 我問多佢一次入面係咪真係冇 位 如果冇我就走喇 佢話你要走我都冇辦法 其實我父母都已經係長者 係呀婆有特權定係因為係熟客? 今次係我哋第一次去 嘢食好唔好食就唔知啦 不過應該唔會想再去 煩請跟進 希望會有改善…查看更多