馬馬的个人专页

呵呵，早上又來買定我的午餐，今次試呢一款！蕃茄火腿蛋蕃茄有4片，感覺好fresh，我好鍾意食蛋，但其實只有面頭果幾片，三文治後面其實係冇料嫁！火腿就整件三文治都有的！呢間D三文治真係新鮮！間中當午餐食都夠飽！…查看更多

之前已聽聞同事介紹呢間的三文治、沙津同水果都很美味及新鮮！每天上班都會經過，總是不會買來嚐試，這次決定要試一試作為午餐，因為太熱不想外出用膳！購買情況：早上上班時間人流不絕，有三位收銀，動作很快！且三文治貨架不停補貨，更可以優惠價選配飲品，飲品種類非常多，有１０多種，總會找到合適的！由於我個人不太喜好飲料，且公司有水，故沒有加錢購買！三文治品種亦有很多，有些雙拼，有些單拼，我這次選擇了能一次過滿足我多個願望的三文治！哈哈，吃了一半才記起要拍照，便是「煙火雞胸粟米蛋」三文治$11哈哈，材料非常多，不單有煙火雞胸、粟米、蛋，仲有菠蘿！這個配搭十分好，粟米鮮甜、菠蘿微酸，加上有幾片煙火雞胸及以碎蛋混合！我最喜歡那種酸甜交集的感覺，讓人感覺很開胃，超快速就完成我的午餐！份量亦適中，完全不覺得有過多或過少，三文治是選用麥包，感覺也較健康呢！作為早餐、午餐或晚餐是不二之選啊！…查看更多

當天星期五，而且該店開張不到一個月，人比較多。我們三人等了又等，依然很有耐性地等，雖然很多人取籌後離開，但亦有很多人在店外默默等候！因為想試試！接近一小時後，終於有卡位了，而且在店舖內！舒服地坐下！細心看餐牌，選擇並不多，有黑白赤武骨拉麵、沾汁麵及小量小食。我們三人都選擇了叉燒黑或白武骨沾汁麵（$75），本人是第一次享用，幸好店內細心提供建議食法，讓我可以一嚐這「過癮」的食法！不怕失禮！叉燒黑武骨沾汁麵上枱了，由於方便拍照，所以黑白兩碗汁放一起，上黑下白！那個汁相當濃郁，拉麵粗身煙韌，口感很好，叉燒入口即融，肥瘦均勻，相當淋。溏心蛋更香滑美味！一食難忘！意見：沾汁也真的很多油，如果可以減少油份量會比較好。大家看看那張圖也可以清楚看到有一層3mm的油！大鄉里趣事話說沾汁麵的建議食法說明享用完畢後可以免費加湯飲掉那些汁，於是我在進食期間就跟隨我的同事嚐試盛一匙來喝，怎料，相當的咸！濃湯的確是濃湯！其後同事請店員加湯，店員取來一壺白色的「水」，加進我的汁內，然後再品嚐一下，味道淡了，似麵豉湯。…查看更多

屯門市廣場開左好多呢類日式食店，呢個位前身係元綠，開左一年左右！呢間主打飯類、小食and雪糕新地。佢門口D滑蛋飯圖片已經好吸引！不過，最唔鍾意係佢地的打招呼方法一入去會全部侍應叫，真係嚇鬼死，我地坐bar台位，佢地一有人入黎又叫，真係咪話唔驚！我知呢D係佢地的禮貌，但我認為招呼我果個講咪得囉！比大家睇圖，大家認為點呢？價錢都算實惠！上菜時間都好快！嘩，呢個滑蛋雞肉飯($48)，簡直係JUICY，雞肉份量充足！Ｄ雞蛋汁好香甜，好滑，撈埋Ｄ飯一齊食真係一流！飯又唔會淋，我只用了10分鐘已經ＫＯ哂！同事的鰻魚飯未到我已經食左一半！終於出場喇！鰻魚飯($98)係連石頭鍋上，熱辣辣嫁！睇下Ｄ鰻魚，份量十足，厚度一流，絕無取巧！我本身都唔係特別愛食鰻魚，但間中食下都唔錯，我試左一件，肉質好嫩滑，啖啖肉，連埋Ｄ汁真係絕配！再加上飯焦唔會過燶！食落口好非常香脆！粒粒飯都覺得好香，用石頭鍋上零舍唔同！…查看更多

以前響附近番工，同事介紹黎食過一次！早排留意團購優惠，只需＄２９，有包、薯條及汽水。感覺有D懷念，加上今日係同honey拍拖７年的７月７日，必別意義！環境唔錯，有免費wifi，地方幾大，座位舒服！當時下午５點幾，人流唔算多，不用等位！我點左個肉眼牛扒三文治，個包外脆內軟、牛扒又薄又JUICY，大家睇睇幅圖！Ｄ薯條好正，啖啖薯肉，我最鍾意呢款粗薯條！Ｈｏｎｅｙ叫左呢款雞肉凱撒沙律三文治，份量好多，我試左少少都覺得唔錯啊！雞肉沙律的比例好啱！…查看更多

雪耳燉原個雪梨：聽男朋友講都幾潤喉好味！蜜瓜涼粉：真係勁多！朋友都食唔哂！但蜜瓜好味！椰汁黑糯米：我同另外兩個朋友都叫左！好好味！食哂！$14抵食！罐頭雜果涼粉：朋友說D罐頭生果的確冇咁好食！而且份量真係超多，根本可以兩個人食！…查看更多

有60款壽司任選16件，款式真係好多，而且新鮮！平均$7一件，另外仲有巨大壽司，大約$1x一件，而且真係好大片三文魚！軟殼蟹反卷，軟殼蟹好味，但比較少！三文魚炒飯真係好差，D味又怪，又唔夾，加埋D蝦米的味，好鯹！沙律都幾好味！青瓜好新鮮！滑蛋吉列豬扒飯，D飯比較硬左D，味道比較淡，D蛋真係幾滑！八爪魚壽司，都幾多！另外仲叫左個烏冬鍋物，份量比較少，但好好味！…查看更多

之前已經有留意呢間咁有特色的Cafe，因為佢D座椅同環境好似幾特別，巧合地留意到YAHOO團購$59(+$22服務費)食西餐，都幾抵呀，咁就買黎試下啦！由於13/3將會到期，所以我5/3打電話想BOOK 8/3，他說整個星期已經FULL哂，佢提議我不如BOOK定下星期，於是就BOOK左12/3 7:30PM。我們7:00PM已經到左，所以試下WALK-IN，佢比左張4人枱，而且要8:30PM前交枱，冇問題啦，被安排個位唔係特色位，好似普通茶餐廳。留意到個個都因為團購而來，因為大家都交左張紙比侍應！睇以下呢份MENU，未食前的確幾吸引嫁！只係睇左一陣MENU，未落單，有個侍應放低左份餐，我地即提出：我地未落單！！！！！！個侍應冇任何回應，只係望一望我地，就繼續走左去派餐，之後又行左埋黎，不發一言，拎走左份餐！真係好無奈，呢度D侍應真係好特別！我落左單唔夠兩分鐘，我份豬仔骨已經到，好高效率呀！我同男朋友感到好奇，唔係應該有頭盤同餐湯先咩？於是又問一問，係唔係我地嫁？佢又好快放低，不發一言走左去！完全冇回應！真係無奈Ｘ10000000000.....接著，佢終於為我放上頭盤同餐湯＝＿＝精選是日餐湯：忌廉粟米火腿湯：幾好味呀！不過我覺得比罐頭湯稀D。頭盤包括：－田園沙律，得幾條...－歐洲北海藍青口配意式油醋(冷盤)，冇味的！－巴馬火腿焗岩蠔，唔錯的！－法式鵝肝醬多士，塊麵包勁淋，鵝肝醬冇味！－法式薯茸田螺塔，好似同MENU有少少唔同，係煙三文魚，都唔錯嫁喇！紐西蘭西冷牛扒配(6oz)配牛肝菌汁：男朋友話都算唔錯，起碼比我件豬仔骨好好多！我食左一啖，D肉幾鮮味。美式半邊豬仔骨拼紅酒鴨胸肉(配薯菜)：我比左件男友食，男友說：係咪要練牙力？Ｄ肉真係好硬，好UN！咬勁耐都咬唔爛！最好味係薯條！好過M記！甜品，MENU上的甜品係法式木糠脆脆杯1杯 或 法式燉蛋1客，我地點餐時每款叫左一樣，但上菜時就見到３盒唔知咩黎，好彩食前我已經上OPENRICE睇左食評，預先有心理準備！一盒係CREAM(唔好食，又唔滑)，一盒係提子啫喱(勁酸)，黃色果盒真係唔知咩黎，味道怪怪，仲食到粉粉地！…查看更多

早有準備，朋友已經提早拎位。等足一小時，剛好齊人入得！五人坐四人卡位，是但啦！煙肉菠蘿比蕯$26：上菜幾快，而且味道可以，材料足夠！海鮮焗飯!$28：汁比較多，但味道可以，材料亦好豐富！波菜煙肉三文魚意粉$26：意粉份量少左D，但好好味！墨魚汁意粉$26：見到個樣好似好恐怖，但食落個味真係唔錯，但墨魚真係好少！得兩條！甜蝦焗飯：有五粒蝦，比較多汁！我就好鍾意喇！^＿^加單－蕃茄肉碎意粉：發生小插曲，佢上錯左另外一個意粉，之後仲等左好耐！味道唔錯！勁辣同多汁！佢地放低碟意粉時，將另外一碟野倒左落我地身邊，好彩我地避得快，但佢地冇拖下地，成地都係芝士汁....我地離開時已經９點半，都仍然有一堆人等位啊！真係旺！…查看更多

一去到門口，只見一對情侶在等位，入面就全店爆滿，望落都好擠逼，等了數分鐘，前面兩位決定唔等，過了數分鐘，有位喇！太好！本身對呢種麵都冇咩興趣，但黎得澳門，又見好多人都推介，都想試下，價錢的確係貴左Ｄ。叫了兩碟蝦子撈麵$22each，可能我不太識欣賞，一試無妨啦！一碟蜆蚧鯪魚球$32，新鮮炸起，Ｄ魚肉好JUICY，個口感好正！一碟牛雜$28，我冇食，唔知味道點樣！不過都幾貴！一支大樽裝可樂$9，食飽飽就繼續出發！行下條福隆新街！…查看更多

12點到達澳門威尼斯人渡假村，影完相參觀完之後真係太肚餓喇，實在忍唔住，近近地目到有間興記就二話不說入去坐低！我叫左豬扒包$15，男友叫左雞扒意粉$24，實在太肚餓喇～豬扒包一上，本身已經切開左兩份，我即刻拎左一件黎食，豬扒唔太乾，好ｊｕｉｃｙ，個包又脆脆地，唔錯！不過好似細舊左Ｄ男友叫果個意粉到左，我見到都流哂口水，又食左少少，Ｄ味道好適中，茄汁配合得好好味，都係第一次咁樣食！好想學下整....因為實在太正！…查看更多

我叫左個咖哩吉列豬扒set lunch，有麵豉湯，不過好咸－　－好多味精，仲有中華沙律蟹子手卷同茄子，都唔錯嫁喇，食到好飽，Ｄ豬扒都幾脆，咖哩汁有好多材料～平平地一個日式ｓｅｔ　ｌｕｎｃｈ算係咁～…查看更多

上OPEN RICE見到天水圍第一食肆，住天水圍１０年的我，當然襯機來試試！Ｄ野食都算唔錯，又唔係太貴，只係好多人，地方好窄好迫．．．男朋友食左豬頸肉肉燥飯，叫左杯香芋珍珠奶茶，好香好正！我叫左芝士焗飯，有魚柳同煙肉！Ｄ芝士同煙肉好香好味，魚柳又滑！叫左杯鴛鴦，落左少少蜜糖，好正啊！！！…查看更多

同舊同事，現任同事一齊食食飯，傾傾計，選擇左呢度～環境幾好，好靜！我第一次食意粉屋，都幾好！～４個人叫左ＰＩＺＺＡ（冇影相＝　＝）幾好味！拼盆，都幾正！同埋意粉，好香好正！＾＾…查看更多

我地通常2-3個月都會黎食一次，因為間野唔算太貴，而且食的野算特別，而且都近，我住天水圍～叫左５個餸，－沙爹串燒，雞牛豬各兩件，次次黎都會叫－馬拉戔通菜，都係次次黎都會叫－原隻菠蘿海鮮炒飯，最正係呢個飯，因為Ｄ料好足！－泰式炒青口，有１０隻左右，平時唔食海鮮的我，係覺得有Ｄ漏＝　＝－吔基吔基海鮮雜錦煲，唔知咩野黎．．總之好多菜響底，同好多海鮮．．．不過好多南乳響面－　－好彩冇撈落去！食完埋單＄２７９，食剩左３件串燒，整個菠蘿飯，個侍應哥哥好好用錫紙包好成個菠蘿飯！…查看更多