Tszying_channn的个人专页

位於旺角小巷中的小店-仁芝初今次同朋友食完飯，經過見到有糖水食，就坐低左叫左3碗中式糖水。椰汁紫米露$34-味道正常，唔會話好甜合桃露拼芝麻糊$34-兩款都想食，唯有叫雙拼，味道唔差，但系芝麻糊唔順滑..食到一舊舊固體？？有D失望限定甜品-姜桃露-朋友：唔岩佢口味，有少少怪…查看更多

五星級酒店Regent HK-自助晚餐翻新後麗晶酒店自助餐一直係人氣滿分長期Full Booking，見人share就睇得多，一直未有機會去試，今次朋友生日決定借機試一試。景色一流，被安排既坐2人檯，就同隔離有少少親密，服務就真係唔錯。自助晚餐星期六及公眾假期下午 5 時 30 分至晚上 8 時 (第一輪)晚上 8 時 30 分至晚上 11 時 (第二輪)$988 per person 冷盤/前菜-唔同風味既沙律、cheese、ham 、煙三文魚等-刺身魚生有拖羅、三文魚、甜蝦、帶子、油甘魚、三文魚子、海膽（壽司）、火焰三文魚（壽司）等等，選擇都多同新鮮，第一輛拎既拖羅好食入口魚油滿滿，但系第二輛拎既就有少少筋。-鱈場蟹唔重鹽水味，仲食到蟹既甜味，麵包蟹爆膏、青口、蝦都錯熟食大大隻鵝掌非常入味、足料鮑魚、即包片皮鴨、羊架、西冷、即蒸龍蝦、即炸天婦羅、花雕蟹肉雞油蒸蛋白、幾款pizza等等唔少賣相都好吸引，味道亦唔錯甜品琳琅滿目嘅靚靚蛋糕、撻、布甸、小蛋糕、馬卡龍、葡撻、仲有自製雪糕雪葩望到就覺得開心、幾飽都全部試晒最鍾意嘅係特濃朱古力蛋糕🩵…查看更多

木系。迷利毛MINIMAL。簡約文青風木系cafe，平日3點去到都坐滿哂人，店內有唔錯既打卡位，地方闊落，適合聚會傾吓偈，咁自然環境就比較熱鬧。Mon-Fri 11:00-17:30有Brunch Set 比較優惠，主食有六款簡，由$78-$138，跟餐叫飲品凍飲熱飲可以-$10，再叫甜品亦可以-$10，一次過滿足3個願望🤣非傳統Tiramisu $80外層質地輕柔綿滑，咖啡味唔夠濃可以再重啲，酒味就個人覺得重手左少少，底下有脆脆，增添左口感。—————————————————————灸燒北海道帶子海膽卡邦尼闊麵 $138醬汁味道正常麵質較淋，無特別，味道中規中矩，唔算好好食亦唔算難食，賣相就還好…查看更多

暖心芝作—黑芝麻甜品中午經過路德圍既時候見到有人排隊，所以好奇去睇下，發現原來係為左買黑芝麻菲林卷，由12:00開始一個鐘一次限量供應25盒，每盒$25，即刻排隊買返盒黎試試先。一盒$25 有6條，到手時仲暖暖地，黑芝麻味都夠香但唔算濃，質地唔算滑溜，不過唔會過甜，清清地都幾好食既，自己食哂6條…查看更多

日山。日本米芝蓮一星既壽喜燒。店內環境寬敞，不過坐位就唔算多，能夠保持適當既距離用餐，預早訂位就能夠望住維多利亞港既海景嘆壽喜燒，每道菜都會有店員介紹，亦都由店員為你烹調壽喜燒。今次選擇日山和牛盛宴 $1698 per person （嚴選七個A5和牛部位 腰脊.肩胛.牛柳.牛肋.內裙.西冷.肉眼）前菜- 季節前菜五品盛刺身- A5 和牛肩胛、黑松露、魚子醬向付- A5和牛腰脊紫菜脆餅燒物- 香煎 A5 和牛柳旬砵- A5 和牛牛肋肉、辛香煮強肴- 炙燒 A5 和牛內裙 壽喜燒- A5 和牛嚴選 肉眼、西冷 部位各一片 野菜五品盛飯 / 烏冬- 日本米飯、漬物及味噌湯或稻庭烏冬(冷/熱)果物—日山·松 $1298 per person 前菜- 季節前茶四品盛刺身- 北海道海膽、拖羅、生蠔蒸物- 清酒蒸鱈埸蟹酢物- 赤貝、車海老壽喜燒- A5 和牛嚴選 肉眼、西冷 部位各一片 野菜五品盛飯 / 烏冬- 日本米飯、漬物及味噌湯或稻庭烏冬(冷/熱)果物…查看更多

Cookie Vission 姊妹店，主打美式蛋糕。今日原本係去Vission bakery ，一眼掃過去見到依間鋪頭超長玻璃窗入面既蛋糕好吸引，望一望個店名，發現係姊妹店，然後就決定要帶埋佢返屋企trytry至得🫡—Pistachio Log $98招牌開心果海綿蛋糕，外層有開心果忌廉包圍，綿密幼滑，中層有開心果生朱古力和酸酸甜甜既莓果醬，第3層有生朱古力之外仲有D脆脆，增添口感。總體而言，開心果味尚算足夠可以再濃會更好，酸甜莓果醬能夠解膩不過有少少酸，蛋糕偏甜，食哂成件都難免有少少濟，雖然大件但系價錢較貴，味道未達預期。比較喜歡Vission bakery 濃濃開心果味既Pistachio Custard Danish，有機會可能再試下其他蛋糕…查看更多

🌟超人氣Vission Bakery🌟鄰近bakehouse，隔離就係蛋糕系列既Vission Nine一次過可以滿足3個願望💙平日下午2點到店，想食既款都有齊，排隊都係5分鐘內，非常幸運🫡—Matcha Mochi Danish $60抹茶麻糬丹麥酥💙抹茶饀有2層一層仲係流緊非常濃郁，茶味足夠，亦唔會有苦澀味，抹茶控表示滿意滿意，內層係煙韌得黎又軟熟既麻糬，而外層充滿牛油香既酥脆丹麥酥，係值得攝入既卡路里🌟—Pistachio Custard Danish $68開心果吉士丹麥酥💙少少流心既開心果古士醬，唔會太甜又夠開心果味，丹麥酥皮同樣香噴噴脆卜卜🌟—雖然無即買即食，返到屋企先慢慢品嘗，但係酥皮依然非常香脆，可惜係運送過程中好多意外..搞到佢地唔靚仔🥲，不過兩個都好好食🥳，好大件同人sharing就最啱(share 卡路里）💙…查看更多

🐟深圳過江龍人氣酸菜魚🐟近依一兩年殺到落黎香港開分店，愈開愈多間，經過唔同分店都有大量人等候，即管試一試！環境非常闊落，位置好多，就算2個人都會比卡位你坐，點名方面係用QRcode，有圖慢慢睇，另外陳皮洛神花茶免費供應，仲可以自己調配份量，每個座位都有紙巾牙線叉電線等等，幾貼心啵！—老壇子酸菜魚 （3-4人份量） $388+粉絲 $20+金針菇$20+脆豆腐$20酸菜魚準備上枱時，staff會大聲講「好吃的酸菜魚來了」少少驚嚇加好笑，一上枱就傳黎好香既麻椒酸菜味，魚肉份糧當然足夠（因為我地得2個人），我諗真系夠3-4人食既，魚肉嫩滑，大大塊易夾唔會好散，金湯湯底好飲，非常開胃，雖然睇落好多辣椒但唔會話搶哂味，湯頭調配岩岩好，配搭吸味既粉絲同金菇簡直一流，當然唔少得既係撈白飯，簡直係白飯神偷，不過$20一款既配菜份量就真系少啦，幾啖就食哂，有D可惜。酸菜魚既金湯係好飲，不過建議適可而止，因為之後會好口渴。—糊辣口水雞 $68口水雞醬汁唔錯，不過唔係雞件而係雞絲，肉質都唔滑嫩，唔值得食—西瓜椰椰冰粉 $22依個小甜品又幾好食啵！鐘意佢既椰奶椰汁味冰粉，mix埋西瓜好清新仲有少少椰子片加左添左口感，亦唔會話好甜！唯一敗北既小丸子，硬硬地又粉粉既小丸子，完全唔煙韌，唔加好過加。不過D冰粉我就好鐘意，會想再食。…查看更多

傳聞中嘅人氣手工意粉。🍝位於大坑既人氣手工意粉，bookmark左好耐終於有時間去一試究竟！店內環境唔算大，坐位唔多，平日lunchtime都差唔多坐滿，如果假日到訪建議Book位，咁就萬無一失啦🫡落單可以用QR code，不過無圖睇，或者都直接同店員落單。餐廳最出名既海膽意粉Sea Urchin Pasta 🍝 每枱都有一碟，當然我都唔例外，我直程為左佢而黎😜—Sea Urchin Pasta $228-海膽配搭手工意粉絕對好吸引既配搭，海膽醬汁較creany 仲會食到唔少一舊舊既碎海膽👍🏻，特登連埋一舊舊海膽+醬汁既時候海膽味道先會出，只有醬汁既話唔夠海膽味，手工意粉煙韌掛汁，不過真系好似上海粗炒個隻麵🤣都幾好味既，但未到傳聞中咁驚艷咁好食。—Wagyu Bolognese $188-和牛肉醬扁麵，一上枱濃烈既芝士味，未必個個鐘意，同行朋友就直程話有D臭🤣，撈埋左就即刻無問題啦，肉醬唔系一般既肉醬，有好多切到一粒粒既和牛同菇，增添左不少口感，擺係最面層既和牛塊，外層少少焦香，內裏就非常淋，咬落去有和牛既油香，整體味道都好食—Stewed Cloudy Bay Diamond Clams With White Wine $168-白酒蒜片煮紐西蘭鑽石蜆，鑽石蜆新鮮，個人親覺得味道較淡，無咩特登，唔洗特登叫黎食—Soup of the day $68黑松露蘑菇忌廉湯上枱好香，味道可以總體來講價錢唔平，味道唔驚豔，唔抱期望就唔會失望經過既話可以一試既？…查看更多

🌟葵廣名物🌟一定要食手抓餅，食過無限次，次次都咁好食😋每隔一段時間就會掛住佢既美味。慧食貓既手抓餅都系即叫即做，落完order就會叫你周圍行下十至十五分鐘後先返黎拎野食，一手交貨一手比錢，仲係自己找錢🤣百年不變，每次都食B餐-火腿雞蛋肉鬆手抓餅 $26不過今次仲額外加咗蟹柳😋外皮手抓餅脆卜卜咸香咸香，熱辣辣，餡料多都爆出黎，滿滿肉鬆，煎香左既雞蛋連火腿食配搭新鮮生菜，大大份！食既時候要記得小心扔走哂珍貴既肉鬆，醬汁份量岩岩好唔會太多而浸到個手抓餅淋哂，又唔會太少令到每一啖都脆卜卜之餘又juciyjuicy既feel，唔會乾口，依個配搭真系好好食😍😍😍大件夾抵食！🫡就算排長龍，要等好耐都要等阿！橫掂可以行街慢慢等🤣…查看更多

健康夏威夷pokebowl。今日想清清地扮下健康所以簡左pokebowl做lunch，當日大約1點去到，差不多坐滿同朋友3個人因為無位所以坐左係bar枱，位置mama地坐得唔系咁舒服..🤣夏威夷波奇 $88有吞拿魚、海帶、枝豆、紫洋蔥、蟹籽、枝豆、鰹魚醬汁、紫菜絲、木魚絲、黑白芝麻我同朋友都覺得味道真系麻麻地，成件事好dry🤣醬汁係另上可以自己控制份量，但系我成兜倒哂落碗，撈完醬汁都係好dry.好單調，知自己食緊咩又唔知食緊咩既一餐，性價比低，唔會再食..之前食個另一間pokebowl明明好好食….🤣🤣…查看更多

黑洞至愛🌟放題老牌子🥹極尚大瀛喜👍🏻仲有任食花膠、榴連、Häagen-Dazs雪糕好多年無食放題，突然心思思想食放題，就簡左老牌大瀛喜，果然無簡錯！星期日晚餐時段都系308@1，以前用紙仔落單，原來依家已經轉左QR code落單，好方便，又有圖睇住簡。上菜幾快，無漏單，叫幾多比幾多！味道唔錯推介😆自助區——爽脆既藤椒魚皮、爽口既泰式鳳爪、野味藤椒煮蜆、椰汁雪燕奶、足料青紅蘿蔔湯、蟲草花煲雞藥膳湯任食Häagen-Dazs雪糕！正！仲有其他冷盤中華沙律、螺肉、青口、翡翠螺、蝦等等..刺身——Ok: 三文魚、油甘魚、甜蝦 、松葉蟹腳、魚子手卷、海膽手卷、赤蝦、鮑魚Good : 赤貝、象拔蚌、原隻粒貝（好爽脆！要食、松葉蟹腳（雖然未到話好鮮甜，不過無雪味，唔重浸左鹽水味）、燒右口魚群邊熟食方面：鹽燒牛舌法式香草燒羊架枝竹羊腩煲川味蒸蠔川味蒸扇貝豉汁蒸鱔醬燒一口牛鐵枝鵝肝鹽燒鰻魚依D都幾好食👍🏻仲有啖啖肉既鮮甜榴連！叫左好多次！又香又甜！正另外有期間限定大閘蟹10蚊一件 唔大隻但系都爆膏！依間放題質素真心唔差，本身對放題冇乜特別大嘅期望，純粹好耐冇食，過吓口癮，點知好多都唔錯！價錢唔算貴！抵食！…查看更多

屯門。隱世拉麵🍜位於屯門小巷既隱世拉麵店，每次經過都會見到排隊既人龍，今日行過見到排隊人數較少，決定一試。餐廳環境小巧但裝修都精緻，座位大約有12個座位，主打雞湯底，分別有雞白湯拉麵、塩雞清湯拉麵、醬油雞清湯拉麵和濃醬油雞清湯拉麵。坐既位置都可以目睹師傅們製作拉麵既過程，大約15-20分鐘拉麵就端上我們的面前。—醬油清雞湯拉麵 $98店員介紹湯底係由自家調製醬油和經20個鐘烹調既雞清湯組合而成，醬油雞清湯頭味道不錯，最頂層會蓋著一層雞油，非常香，但個人比較怕看得見的油膩感，拉麵方面係小麥麵，食落會有小麥既味道，比起一般拉麵未算好掛汁，不過較有口感，較爽身，叉燒是雞叉燒，嫩口有焦香感，味玉做到流心。下次會想嘗試其他湯底。—螢光魷魚（季節限定）店員推薦，好食😋—唐揚炸雞 $48 / 4件炸雞大大塊，外皮非常薄而香脆，即叫即炸，熱辣辣，脆卜卜，雞肉有經調味亦非常滑嫩，好食😋。…查看更多

胡同。高價中菜廳。位於尖沙咀中間道，餐廳個裝修華麗雅致充滿古典既氣息，可以一覽維多利亞港既景緻，景色非常開陽。當日餐廳，唔少遊客，應該都系受望住維港景色食中菜依個賣點所吸引，因此胡同既定位價錢都係比較高。—-火焰胡椒片皮鴨 whole $980 / half$490片皮鴨我地預先打電話預留左一隻，因為餐廳提醒最早預留避免售罄，原隻片皮鴨上菜時，廚師會係客人面前用火焰燒原隻鴨，然後片皮，儀色感十足。味道食落去就無咩特別驚喜，無胡椒味，一隻與普通餐廳無異既片皮鴨，蒸籠上既皮，未到熱辣辣只系暖暖地，所以都好快凍哂，性價比麻麻，可能價錢就貴於火焰燒鴨表演啦—黑毛豬叉燒 $398叉燒做得幾好，半肥瘦既叉燒，少少焦香感，肉質彈牙，唔係乾柴叉燒，味道啱啱好，適中既調味—松露鮑魚 鮑魚爽口彈口，不過味道都無普通—瑤柱焗釀蟹蓋唔夠蟹味，普普通通—蟹肉露荀蛋白炒飯$228有唔少蟹肉，炒飯粒粒分明，味道可以，不過唔特別—松露素菜炒麵$218有松露味，有菇同菜增加口感，味道足夠海龍皇 $168 per person簡單一個蟹肉湯，味道正常—精選甜品拼盤 $428-焦糖海鹽朱古力糯米糍 -芋蓉鍋餅-自家製雪糕-自家製雪葩—-總括而然，食景既餐廳，味道對比價錢非常地一般，有啲失望…查看更多

Tuned coffee & Roastery位於太子小清新打卡cafe，環境舒適，不過位置唔算好多，平日下午去到，都無乜空座。松露油忌廉大啡菇貓耳朵一開始被松露黑耳朵粉賣相吸引，但係..期望過高..有啲失望黑松露忌廉汁偏稀無咩味道，松露味唔夠香濃，不過貓耳朵粉煙韌，係可惜在醬汁真系太稀，賣相可以，整體來講味道一般..如果醬汁再濃郁啲會更加好，未必會再去。——慢煮黑蒜牛面頰肉燉意大利飯牛肉都夠軟唔老，意大利飯既醬汁味道好單一？只食到芝士味…賣相亦都一般..唔系我鐘意既味道…牛就清哂，飯就無食了….…查看更多