apangappcy的个人专页

在6月15號晚上大約6:30到葵涌廣場富華冰室舊舖入座用膳，我張枱同埋我後面嗰張枱都係同一時間入座，一位女侍應只係俾水、紙巾同埋筷子我哋後面嗰張枱，冇俾我，於是我問佢拎杯水，佢竟然同我講，落咗單先有水，我話後面嗰張枱你都俾咗水，佢就話人哋落咗單，之後佢態度非常不悅地俾咗一杯水我，3分鐘後，我發現後面嗰張枱先叫佢過去落單，咁即係唔係落咗單先有水，再講無論落唔落單先客人叫你俾杯水都應該要俾啦跟住我叫果位女侍應過來，佢問我係咪落單，我同佢講後面嗰張枱佢係俾咗水之後先落單的，再講拎杯水係咪一定要落咗單先？問佢點解要咁樣同我講，佢仲喺度狡辯，因為佢嘅態度非常差，所以我最後決定唔喺呢間餐廳食飯我之後打去餐廳問富華冰室老闆嘅聯絡方法，我直接同老闆提出投訴，餐廳員工俾咗聯絡方法我亦都同我講話有唔少客人投訴果位女侍應，果位女侍應咁嘅服務態度唔適合做服務性行業，如果富華冰室繼續聘用佢只會令更多客人不滿…查看更多

在2025年6月15號晚上6點到老港冰室，當時餐廳滿座，冇人等位，我哋同收銀員講3位，收銀員同我哋講一有客人離座即刻比枱我哋，我哋係排第一個，之後有一兩群客人等位，收銀員都係叫所有等位客人排我哋後面，之後有客人離座，侍應竟然先俾枱一群4人嘅客人，我哋要繼續等，嗰張枱可以坐到4人即係都可以坐到3人啦，我哋係第一個排隊等位加上收銀員講話一有客人離座即刻俾枱我哋，咁點解會先俾咗枱其他人先呢？之後再問收銀員點解會咁，佢又喺度辯駁又話以為我哋係2個人，佢明知我哋係第一個等位仲要問咗我哋兩次幾多人明知我哋3個人，擺明就係做錯左唔認啦，因為服務態度咁差，最後冇喺呢間餐廳食，服務態度咁差比85折都唔食啦…查看更多