ca__ca的个人专页

已經很久沒來光顧了，想買咖哩牛臉肉給爸爸，所以選這裡食，但熟悉的服務員話已轉了新menu，牛臉肉已經無了😓難得朋友要求食呢樣嗰樣，太好唔需要我想要食咩！招牌即燒乳豬，暖暖的，但皮跟肉是分離的，皮都脆，肉亦軟及有汁椒鹽九肚魚，這個朋友話好抵食，雖然是餐前小食，都有10多件，亦都美味，脆脆的。雞樅菌煸四季豆，正常的，豆豆跟菌是偏乾。上湯龍蝦，新鮮，味道都好，只是這次的龍蝦比較細😉雪糕楊枝金露， 柚子肉不夠多不夠香甜…查看更多

我知呢幾個月飲食業生意艱難， 其實各行業都差。 星期日早上因工作關係經過這裡， 剛好想買點心給家人吃，上禮拜已在ifc買了添好運，今日就在這買， 樓下有推廣寫外賣點心6折， 就點了幾款點心， 付款後看看收據， 外賣盒連膠袋收了$9, 服務費要12%? 你給了什麼服務給我？ 就是打單收錢呢, 10% 還不夠，要12%? 再看點心價錢， 中點要$39? 高級食府嗎？ 之後去了上環新開的翰林軒，大，中，小點都是$22, 算， 一定說堂食是不同的， 總括沒有下次。…查看更多

今次已不是第一次來，係某apps一早訂了位，有折扣，條件要早點進餐，1830要到達。大雨的晚上，食客不多，只有3，4座。外籍侍應非常親切，笑容加分！法包皮脆內餡好軟，暖暖的，好好吃。海鮮湯， 雖然無一塊塊的海鮮在內，仍嘗到龍蝦，魚，蟹的味道，如果竭一點就更喜歡。好大塊的burrata cheese, 就是喜歡淡淡的芝士味，配新鮮硬淨的蕃茄，好清新。配菜加了個烤雜菜，有椰菜花，紅蘿蔔，菌，青豆，等等。鱸魚，雖然知道不是新鮮的，但都不錯，肉質結實，沒有魚腥味，配炸的kale，牛油果醬，不錯.Flat Iron Steak, 點了medium, 來到的真是medium,沒有血水，粉紅肉，剛剛好，肉很嫩，肉味濃。有機會都會再來，還有一個好處是鐘意這裡夠靜。…查看更多

今日黎食個sunday brunch，對上一次來已經係剛開張嗰陣子，之後有次都想來，但好多人要等位了，今次再來，跟朋友講不需要排隊的話就食啦。大約是下午1點，剛好朋友說不需要排隊，就決定嚟啦。點了一件三文治， 有炒蛋，磨菇，牛油果及沙律菜，麵包是麥包，烤得脆脆的，可惜就是放錯位置，啲濕濕的炒蛋令到片麵包濕淋淋了，真係浪費了。牛油果有頗多，十分大方，但我記得他的定價亦不低，這三文治好像要70。。80元？都忘了，哈哈。我記得跟朋友說過這裡是中環價錢呢。不知是否這原因，這裡客人比以前少，亦有可能另一原因係抽風設施問題，我感覺自己好像在粥店食緊早餐，廚房在炸緊油條，吃完後好想回家沖個涼先。…查看更多

今日想快手食完唔餐繼續做野， 就叫左個外賣粉， 差不多5分鐘後會行到，打電話叫定外賣先，好貪心想食好多樣野，因為通常佢地的份量都不大的，所以叫了墨魚丸拼魚片拼魚餃拼雲吞河粉再加紫菜，聽電話的女士話『呢個唔係4寶價錢呀，會貴啲』，我話『好呀，無問題。』入到店跟坐櫃面的婆婆說是來拿外賣的，她都無問我要甚麼，她就話 『$54 蚊啊，最好食嘅妳都叫晒，識食啊！』哈哈，真的嗎?  付款後大約等多2分鐘食物就做好。魚餃，墨丸，雲吞都有2粒，魚片有3片，紫菜都有頗多，這些連湯一起放.另一碗就只有粉及蔥花。魚餃可能浸在湯耐了，啲皮有些散了，肉質仍好吃，亦唔會好多肥肉，只覺咸了些。墨丸好彈，不是淋淋的一隻。雲吞不是很大粒嗰款，每粒都有完整蝦一隻，肥肉不多是我最喜歡。魚片吃得出係新鮮，但都係咸咗啲。今日叫河粉，覺得比麵份量多很多呢，上次點幼麵，唔夠飽呢，這次就飽到食唔晒。…查看更多

真係點都估唔到會來這裡用餐，無聊的行到這區， 又無啦啦給這家酒家的外牆banner吸引，就走進這裡晚餐。來到時還差15分鐘才到6pm, 酒家還未營業，有一位食客已在等待， 見待客已站在門口，就問她要本餐牌看看是否合我們意， 見裝修地方不錯，而且陸續都有食客來到， 心想食物應該都不錯，不防試試。座位寬敞坐得舒服。餐牌是用平版電腦顯示。未來過的我們，當然問問經理有甚麼推薦菜式，經理提議我們食豬腳仔，筍殼魚， 牛肋骨， 因為我們少人，最後要了- 豬腳仔，我只見menu有味叫沙薑pork knuckle, 以為就是經理講的豬腳仔，原來唔係，來到的似係醬滷豬腳仔，豬腳好軟，很入味，好好食，但menu係無的。蔥燒羊肉， 好有鑊氣，蔥好食好甜，炒得剛剛好，熟恰到好處，羊肉份量亦很多汪肉絲苗，其實係有肉絲木耳絲浸白菜， 菜很新鮮，吃不到沙，肉絲很多， 好食。古法海帶魷魚湯麵， 反而這嗰古法麵沒有甚麼特別，魷魚味嚐不到，麵是雲麵的麵，海帶本身就沒有味，因為件海帶亦很大，可能煲的時間不夠長，所以比較遜色，就是平淡湯麵。經理過來交談，原來這裡是集團經營的，叫club east, 整座大廈不斷會開其他店，現在已有fitness club, spa, 西餐， 可以入會享有各樣折扣，可惜這離我活動的地方太遠，雖然吸引，但不考慮入會了，久不久來食飯就會。…查看更多

星期日一家人食飯， 來到裝修好的醫學會， 菜單就任廚師決定。呢d 就係今晚會食的幾道菜。人未齊， 先飲湯。西洋菜生魚湯 - omg 鹹過鹽水， 真係入唔到口， 侍應自己來試味，亦都非常同意， 而家人就話湯料的生魚就唔係好鹹，仲好食添。湯就收返入廚房了。燻蛋，有淡淡的煙燻味，味道剛好。薑蔥雞- 味道怪怪的，不懂怎去形容，不似是薑蔥味。京蔥牛肉， 又係好好鹹，沒有其他味道了。鎮江一字骨，普普通通，終於可以入口。竹笙扒雙疏，味道又是怪怪的， 竹笙有油益味, 醬汁好像漿糊的杰。荷葉飯，這個就缺乏味道， 加京蔥牛肉一起吃就差不多。因為大部份菜都麻麻，是否這晚的菜試太特別呢？？ 我們決定試d 平時lunch 有供應的咕嚕肉， 果然這咕嚕肉比較正常餐廳送的腐竹糖水， 水還水，腐竹還腐竹，不期望什麼了。…查看更多

今天約了自遠方回來的朋友加長輩加校長食lunch, 來到這未試過的餐廳。餐廳樓底頗高，所以一進去感覺舒服，不覺迫。來到時大約12點多， 客人大約有1半餐廳。其實點心選擇都不少， 點了些推介之選。這個特式包， 開始很多餐廳都有供應，這裡都做得不錯， 包軟熟，只是嫌內裡的雜菌少了些。蝦餃我就沒有嘗試，看外表就不錯， 大小剛好， 皮亦沒有痴住分不開。炸雲吞一放上轉盆就覺得好油，所以我都無食過， 哈哈。煎薄撐幾香，不多油， 不太燶，都不錯。肉絲炒麵，我喜歡佢麵不是炸到全硬硬的， 肉絲很多，醬汁又唔會過多，不錯。叉燒腸粉的皮剛好， 唔會太薄同痴，叉燒亦多。本來是點梅菜蒸菜芯， 但店話今日沒有梅菜， 就改了要金銀蛋浸菜芯，菜芯好甜， 份量亦不少。生煎菜肉包， 包底微微焦，包裡亦有肉汁，熱辣辣，好食。食點心唔少得的叉燒包， 略嫌包皮太厚，薄點會好些。甜點來個馬拉糕，8吋大的剛好一人一件， 來個完美的午餐。最後餐廳還送了紅豆沙糖水，不是只有水的貨色，好多豆， 味道就甜左d. 如果係沙田星期日飲茶又唔想太迫人，這裡是不錯的選擇。…查看更多

無意中得知這店開了分店在上環， 而且知道唔駛排隊就可以容易買到， 真係開心。 來到時大約6:30pm, 沒有客人。 店員好親切， 我今日target 係蛋撻，要了原味蛋撻，鮮奶蛋撻，同榴槤蛋撻，店員提我要多一個就有個盒， 我話唔想買咁多蛋撻，佢就介紹我要紅豆酥，佢話唔會太甜，所以我就買左個，佢就比多個盒我。最深橙色係傳統蛋撻，比較黃色啲係榴槤蛋撻，最白的是鮮奶蛋撻。食前我放蛋撻在焗爐翻熱，一陣就聞到香味飄來， 酥皮真的很脆但最好的真是不感覺太油,我不食榴槤撻的，家人食了就覺得好好食，我看到亦有頗多榴槤肉。相信如果新鮮出爐時一定更加好食。Packing 亦很靚。…查看更多

之前吃過hysan place 同葵芳的分店， 都覺得食物跟服務都不錯，這次來到康怡分店， 下次都係去返hysan 店喇。已經下午3時多，所以不用等位，見窗口位有2枱都無客人，就要求要窗口位， 但帶位就跟我們說窗口位是4人枱而不給我們，因為我們只2 人， 但她給我們的都是4人枱呢，算！而最不爽是他們的大垃圾桶就放在枱旁邊，雖然是有蓋的，但都不雅不衛生呢。先來了4小拼， 裡面有酵夫， 鎮江骨，涼拌秋葵雲耳，涼拌豆腐絲木耳絲。。。每樣都幾濃味， 對食清d 嘅我， over 左d. 南國薑蓉雞 ...好失望， 仲話咩名菜， d 薑蓉好鹹， 雞亦好鞋。老干媽炒年糕， 這個年糕都算chewy, 少少辣，就好汁。紅燒牛肉麵， 這個麵算最好食， 麵煮得硬度剛好。乾煸四季豆， 豆算炒得好， 亦不會很乾， 但亦很濃味。下次都係去返hysan 食。…查看更多

吃完晚飯， 肚還有些位， 經過這試業中的甜品屋， 就入去試下。應該係一家人經營？ 就試店員推介的桃膠， 朋友就試楊支甘露。因為沒有其他客人， 食物很快就送來。先來紅棗桂圓燉桃膠，應該係一路warm 住的，不是太熱， 可以即入口，都好足料，有成3粒紅棗，仲有桂圓，蓮子，雪耳，杞子同桃膠。不會太甜，讚朋友的楊支甘露， 我試了一口， 料不算很多，可能不是芒果的季節，不是太香， 柚子肉都不夠多同香。唯一個碗幾靚新店一定有東西要改善的， 加油吧。…查看更多

如果想快快在ifc 簡單食一餐， 又唔想等咁耐位， 正斗係一個好選擇， 因為大家都知正正樓下嗰間有時要等上一小時才有位。這裡如果想再快d 有位， 更可考慮搭枱。大約8點來到， 等了約5分鐘，不搭枱。炸兩 - 油條比較硬及多油， 始終唔係即叫即整， 下次可以唔叫。灼芥蘭 - 軟硬度剛好， 就是份量少d艇仔粥 - 粥夠綿，食到最後都唔會水汪汪， 料亦很多，就是魚片幾多骨，要小心食。豬潤雲吞麵 - 朋友食的， 賣想都不錯。細雲吞麵 - 記得好似都有4粒雲吞， 麵夠爽， 雲吞細細粒，啱啱好size, 好食。…查看更多

看到很多人提到這裡的粉好食， 有時間就來試下， 聽到話要排隊，哪我當然就早點到，1130am 開門，我跟朋友便1130am 到達， 客人開始進入餐廳，幸好輪到我們還未滿坐， 順利入去唔駛等。 完來裡面面積不大， 全部都要搭枱坐， 枱上面已經準備了食粉的伴菜一杯，有芽菜，辣椒，薄荷葉，青檸。其實餐牌選擇不多， 最後我跟朋友都選了綜合粉，加杯薏米水。粉來到， 湯不算好熱， 粉亦不算多， 餸的份量就都ok, 油算多了一點， 牛腩比較肥， 生牛肉都算厚薄適中，講好食， 我就不覺得是好好食， 只可以算是普通， 很多小店比他還好呢， 反而他的薏米水加了香茅， 多了點香味， 幾特別離開時12點都未到， 就已經有大約10多人在排隊等位。…查看更多

前幾天來這裡吃晚飯， 看到有這优惠， 就搵了在這附近工作的朋友食餐。 優惠好似係2-4人晚飯送鹽香雞半隻。我跟朋友都不是大食的人， 想就想了很多樣菜式， 都最後幸好都控制到只叫了一個客家釀豆腐煲，心想不夠才加多些。奉送的半隻雞來到，並不是迷你版， 正常份量， 味道亦不錯， 真的算是優惠客家釀豆腐煲， 這個煲真係唔講得笑，用料好豐富， 當然有釀豆腐， 還有白蜆，魚頭，芹菜同肉丸， 湯底亦好清甜。最後我跟朋友連2味餸都食唔晒…查看更多

因為這裡午膳時間是很多人的， 所以今天特別早點午膳， 亦答應1pm 就交返張抬出黎， 大家開心。 只是2人吃午餐， 所以只叫了數碟菜， 包括店推介的鹽水鴨， 嫩雞煨麵及津白油豆腐粉絲。店長推介的鹽水鴨， 暖暖的鴨肉， 非常軟淋， 鹹味剛剛好，又大碟， 好抵食好食，最後都食唔晒要拿走。嫩雞煨麵， 雞淋菜仍爽口，麵不會爛， 2人分一碗就剛剛好津白油豆腐粉絲， 這味比奶油津白清淡多， 非常好， 粉絲硬度適中， 只是豆腐卜再軟些會更好， 份量亦很足。食飽離開時剛剛1pm, 已經全餐廳滿座， 非常熱鬧(嘈), 都是早點去食好d. …查看更多