peiidy的个人专页

中秋前夕去買糯米糍，超多人！Order了一個開心果味和一個花生味，共$20。回到家打算同家人每個味一人一半，切開😫點解兩個都係花生味…..明明張單見姨姨都無寫錯…個糯米皮的確比出面好食，涵略嫌甜了少少。大家買時記得check清楚…查看更多

晚餐唔想食飯、又唔想食熱狗漢堡…見有炸雞同意粉,就入去一試。叫了煙三文魚白汁意粉同半隻甜辣炸雞,即叫即整,熱辣辣,好味。煙三文魚份量多,有三大長片,汁夠,配料又多,好味。半隻甜辣炸雞都有七件,有槌、有翼、有雞胸,熱辣辣夠哂脆,$88好抵食。+$5仲有汽水飲,不過唔夠凍😅見+$20有小食同汽水,下次試埋佢啲小食。小店食物係有質素,不過態度就…可能男人講嘢係咁！…查看更多

聞說好出名，好好食，今日路過見到唔使排隊就買嚟一試。買咗朱古力味味同伯爵茶味。兩款個面都好脆，裏面都幾煙靭，伯爵茶味入面嘅麻糬比較多，伯爵茶味都比較香，朱古力就比較一般。$10一粒都可一試。…查看更多

今晚好想食泰國嘢,近近地,揾咗華都哩間泰國餐廳試下。去到門口,職員已好有禮貌接待。我哋兩個人都細食,所以只叫了泰式蝦醬炒飯,豬頸肉沙律同青檸梳打。泰式蝦醬炒飯: 又幾香幾好食, 唔油,配泰式腸(甜甜地),好味。豬頸肉沙律:微微辣,同平時出面食嘅唔同,哩到用生菜包住豬頸肉食,無咁膩,不經不覺就食晒成碟。青檸梳打:我叫了少甜,鐘意佢夠酸😊餐廳仲送了兩件椰汁糕俾我哋,好重椰汁味。見隔籬枱個蝦餅好似好好食,下次要試。仲想試埋串燒。…查看更多

星期六晚同朋友食飽飯,未夠八點,當然要揾下場。路過見到有不少人買外賣,店內已坐滿人,出面已經開咗兩枱做生意, 睇落好似唔錯,於是入去一試。我叫了豆花紫花園(走花奶),有紫薯雪糕、黑糖水晶、紫米、芋圓同豆腐花,紫薯雪糕好特別, 第一次見,雪糕好有紫薯味又唔太甜,值得一試,芋圓同地瓜圓都好QQ,食到芋頭同番薯嘅味,豆腐花好香豆味, 配上紫米同黑糖水晶甜到剛好又有咬口,這個甜品值得encore。朋友叫咗黑糖珍珠檸檬愛玉,佢話略嫌有啲酸。…查看更多

星期日店內坐滿人, 顧客絡繹不絕。一個人叫咗個雙拼(煎釀豆腐加魚腐)同凍豆漿。煎釀豆腐同以前一樣好食,豆腐好滑夠晒豆味,但魚腐就…唔知食緊咩,太炸、好油、好鹹…豆漿太甜,下次都係叫無糖, 唔知係咪太多人食嘢嘅關係，杯豆漿一啲都唔凍！…查看更多

之前試過佢嘅糖水,幾足料,今次試下佢嘅法包同飲品。蟹柳蛋法包同辣雞碎蛋法包,外賣拎到家食,包仲係脆👍🏻 包好多料,一邊食一邊滴,不過嫌個蛋淡味咗啲，辣雞夠哂辣。+$15有杯大嘅紅西柚綠茶，不過飲落似百香果，不過都好味。…查看更多

Wkend三個女仔想揾間cafe食下野傾吓計。去咗食啡奴荃灣茜雞肉意粉,香香嘅芫荽味,但又唔會太重味,可一試。咖啡醬配烤雞髀扒漢堡,正👍🏻,好好食,個醬有少少咖啡味甜甜哋,配包食一流😋黑椒豬手肉ssss配莎莎醬bagel,bagel正常,豬手肉夠淋夠入味。Mocha都幾好飲,唔係好甜果種,似dark chocolate?? 如果可以熱啲就prefect,飲落口係暖！最後我哋三個都話最好食係個漢堡,可以encore😌…查看更多

預先係OpenRice訂咗枱,去到同職員只係講咗句訂咗枱,check都唔洗check就叫我上樓上…今晚無其他booking?樓上得一個侍應,全程得佢一個招呼客人,但眼見已有5枱客,所以上菜好慢!我哋叫咗香辣烤鱸魚鍋(少辣)、大盆咸肉菜花、口水雞(少辣)、酸梅湯同桃膠冰粉。烤魚少辣辣度剛好,內有不少芽菜、海帶、豆卜同蓮藕喺底，好味😋大盆咸肉菜花,好重孜然粉,好野味,成盆最快食哂。口水雞少辣略嫌唔夠味,下次可試中辣。雞肉好滑,好大隻,食唔哂最後要打包。酸梅湯好飲,唔太甜又夠酸,夠哂解渴。桃膠冰粉就好一般,得好少好少桃膠,而且唔夠凍。…查看更多

之前去過一次,記得玻璃窗位可望到海,但今次去無咗,因為出面放咗帳幕俾露天的食客坐, 完全遮晒個海景！講返食物,杯cappuccino好一般,冇咩咖啡香！煙鴨胸薄餅非常咸又唔脆！無下次了！…查看更多