violeta3的个人专页

首先一入門口 個女仔就問你幾多位，差一個都唔得喎要齊人先比入，我話就到啦 佢問仲有幾耐呀？ 我話係附近，10分鐘到啦 佢先勉勉強強比入。當時有吉枱，但佢唔比你 照叫你搭枱啦。咁算啦照搭，一坐低 Menu都未打開佢就企係度望住你問要咩。大佬你唔係急成咁呀？？我叫左一個牛扒+帶子餐（$118）到後面我食緊 仲未食完（如圖），我已叉住一舊西蘭花食緊，仲有咁大舊粟米同西蘭花未食，佢就收走我碟野。我：我未食完喎。佢疾左一下照拎起要收，我再講一次我未食完喎，佢先擺番低 一句唔好意思都無。但其實我先食左35分鐘，完全係正常用餐時間，仲係算係食得快啦，咁都要趕我？！完全係離哂譜！野食一般啦唔係好食又唔係難食 位置細又逼 仲咁衰衰格 0分呀！👎🏽👎🏽👎🏽👎🏽…查看更多

一年前好中意食呢間，差唔多全部炸雞都食過。依家Menu改左好多，全店最好味其實係芝士波，依家都無左。至於炸雞，炸法都以前唔一樣，我個人中意食之前果種多D。而重要一點係，D粉落少左超多！！以前D粉真係多到令每舊雞都變成橙色。依家少到咩程度？我以為比錯原味我！！D雞只有🤏🏻好少粉，要知道雪霜芝士款係貴D喎？？好唔滿意！！！…查看更多

13/4 7點-8點一小時限定10蚊碗芋圓7點唔夠，見到條隊好似唔係好長，結果排下排下就過去左半個鐘⋯然後買左係比張飛你，要再等半個鐘先有得拎⋯最後我就快8點時新黎D人唔洗排隊就咁買到（不過都係要等半個鐘先有，但起馬唔洗排半個鐘隊先）打開第一眼，咩黎好似打掃完咁D水好混濁唔多開胃😖第一淡，果碗水唔知咩味，食落就係仙草有仙草味，其他圓同D糖水一樣咁唔知咩味，食左好似無食咁同埋個紅豆係紅豆珠黎，真係好奇怪食左兩淡真係唔想食啦，仲買左兩碗結論係：10蚊碗，真係10蚊甚至無10蚊質素⋯提外話：老細真係好型啊（指行為，樣我無睇真）。隔離賣褲個阿嬸嬲爆爆話排隊D客阻住佢做生意，係咁投訴保安係咁過黎，老細好冷靜話我做左咁耐淨係今次搞活動一個鐘咁大把，你地愈嘈我愈慢就愈塞住。排隊D人部分係有睇阿嬸舖的褲，但見佢咁火爆都收手（對面阿姐就醒目啦，見咁多人即叫黎買撈麵燒賣啦，真係好多生意😏）咁多人黎買對每個人都好耐心咁重覆要等半個鐘，有人問買野飲係咪就唔洗等，老細都係話好多人個個都要等無得打尖👍到差唔多完時大多係等拎，老細都會大聲問有無人未落單可以埋黎，態度真係十足…查看更多

唔再幫襯之幾宗罪1. 12點黎，12點半都未有飯。期間我同其他客都走去睇有未。然後廚房個人好唔耐煩咁話：未有啊一陣啦2. 其中一個裝餐具的櫃筒內居然有隻反肚小強屍體😰😰😰😰😰為左我唔未食先嘔一直同自己講睇佢唔到😰😰但大家明啦有一隻代表全家已經安居樂業，甚至餐具可能被小強爬過😰3. 我個Set係有清酒煮蜆，之後離開左先醒起無上。唔知係要叫佢上先會上定係漏單？但係如果係要叫先上肯定唔只我一個會唔記得⋯4. D飯勁水勁痴，真係唔好食…查看更多

炸雞好食，皮脆同肉質嫩，就算放到夜晚都仲好食！但希望再出新味。之前食過芝士（粉）味，Ok但好快會膩，今次叫微辣蛋黃醬。但佢原來係Wasabi黎⋯係微辣，但同時好攻喉嚨😭Menu寫微辣蛋黃醬，無講明有Wasabi，知我一定唔會叫😭我同屋企人都頂唔順😭😭兩個味我都覺得唔岩我口味😭然後芝士波真係好味，上次叫過3粒好味今次直接3+6粒！一定要試！仲叫左炸豬排紫菜飯卷，但係其實真係食唔出豬排，應該無下次…查看更多

開業時買過一次，當時得兩個人，一個負責收銀另一個整野飲，忙到整好左，擺到一枱都係但又無人得閒拎出黎。但都明人手不足。時隔咁耐又黎幫襯，十一紅日。今次唔係人手問題，係準備問題。話珍珠仲煮緊要15分鐘後先有。奶茶店特別係專賣黑糖珍珠，竟然無珍珠，唔係應該提前準備好材料咩？後來經過樓上奶茶店，見佢地員工人數多左，人落單即整到好快，目測材料準備好哂。紅日假期，仲係消費劵第一日，竟然準備不足，無考慮過？黑糖珍珠鮮奶一杯，價錢間間都差唔多。呢度唔抵幫…查看更多

叫左一個白汁香酥骨飯同一個葡國椰汁排骨雞翼飯。啲肉咬都咬唔開，食啲肉時感覺似撕拉緊樹皮咁嘅口感😓白汁無咩味，葡國椰汁唔香，總之唔會回購。同台灣麵咁飲品選擇比較多，但又唔似台灣麵咁會為左杯野飲特登黎食，例如我叫左香橙綠茶，大約就係茶包沖綠茶再加橙汁咁，無必要食佢，而且個飯真係好難食。另外扣分係，明明去時好多位，佢安排我坐門口。背後就係餐廳電話，有電話黎時，電話聲就係我腦後響。而且全程食飯都有電話黎，職員唔知去哂邊，電話響好耐都唔黎聽😓總結今次午餐體驗非常不良好👎🏽👎🏽…查看更多

叫左個炸雞漢堡，個包好大個一隻手都拎唔哂！塊炸雞都好大塊好好食！不過入面生洋蔥好辣，而且嚴重影響其他野食個味（食左生洋蔥個口就得生洋蔥個味）建議走洋蔥。重要！3點-6點係閉店！唔好摸門釘啊（中招的我）。個包唔記得影相得張單影左orz…查看更多

叫左個綜合8號，有魷魚圈同鹽酥雞。個魷魚圈係咬唔斷，唯有食左炸皮先再一次食本體魷魚。然後鹽酥雞好重口味，唔係香果種鹽酥味而係落調味太重，但都食得出肉有小小臭。老實講佢就唔係鹽酥雞只係重口味企圖遮味的雞。同埋有一點係，我地一直企係收銀台個位等出野食，當時全程都無其他客，整好出黎都無出過一句聲所以我地唔知出野食，等好耐想問先發現佢就咁放左係台面，然後店員唔知係邊，我地都係黑人問號咁擺低張單係枱就拎野食…查看更多

今日叫左個oreo梳乎里，有蛋味，好食（唔記得左加3蚊要其他配料orz）。至於雪糕，本身期待會係咩味（見有人食左蜜瓜味話好香，但我地唔係）食左都唔知食左乜好似無咩味又有小小甜，兩個人都對雪糕「？」。另外再要左果茶，果茶係可接受但唔係話好正下次一定要encore程度，但跟梳乎厘，$14就有一杯野飲都抵啦。總體係ok會再幫襯…查看更多

之前睇食評話未開門就排好多人有d擔心，但12.1（二）中午12點半左右黎無咩人順利即刻入座。因為媽媽黑松露敏感唔食得，所以叫左一個吉列牛定食（$128）同安格斯牛定食（$138）一齊share食，安格斯牛好快熟，但因很薄，口感無吉列牛咁好，同埋味度比吉列牛咁淡；吉列牛比較咸。飯本身加左好多調味粉同醬汁，好咸，撈雲左都好咸。餐跟汽水，有可樂忌廉zero簡。整體唔錯，吉列牛定食比較好食，仲平安格斯牛10蚊，建議大家都係食吉列牛。如果想share食叫唔同野，我都覺得可以唔叫安格斯牛。同埋waiter好好態度，唔係西口西面仲好人性化，值得繼續再去食…查看更多

買左杯芋頭歐蕾（$28）完全中伏，一陣好難飲的奶粉味，再加少量同珍珠差唔多size的芋頭，再加一球雪糕。芋頭口感一般，用奶粉沖出黎亦都唔好飲。個價錢夠哂係其他台式飲品店買更優質好飲的飲品。見其他comments對甜品唔錯，但飲品真係唔得…查看更多

本身好期待芝士蛋糕，但呢個芝士蛋糕0芝士味，同街坊麵包店賣的普通小蛋糕一模一樣，無乜特別。惠康芝士蛋糕起馬都香芝士味，呢個稱唔上芝士蛋糕，好失望。超細個都賣廿蚊，不如食番惠康40蚊唔洗仲大個d…查看更多

今日兩個人黎食，一個叫日式鰻魚飯（$98）（仲有個係鰻魚炒飯，兩個唔一樣，唔好叫錯啊！）一個熔岩芝士雞脾飯（68$）。鰻魚厚肉，唔錯。焗飯要15分鐘，趕時間就唔好叫啦。佢會上飯同埋有個人拎住舊芝士咁切一pat上飯面。個焗飯其實好多，一個人食唔哂，叫埋我爸一齊食仲淨番咁多（下圖係食淨），我覺得可以兩個女仔share食，因為我食左一半已經好飽，同埋芝士真係好多，有小小膩。依家有外賣自取7折都好抵下，係附近番工又有位食飯可以考慮下…查看更多

野食唔好食，首先個雞勁鞋，口感好差，食白飯好過食個雞。牛都麻麻地。淨計食係光輝圍一定搵到更好食的店。但超驚喜係，呢杯涼粉紅豆冰（+8蚊）超正，紅豆超軟超糯，紅豆口感超好，而且超大杯，係啤酒杯size。如圖所見同我把芭蕉扇差唔多大杯！個飯太難食我食左好少，但飲呢杯野飲都飲飽左。野食難食係無錯但野飲搭救，為左呢杯野飲幫襯個下午茶都ok但晚餐就唔好啦。黎呢間一定要加8蚊飲呢杯特飲！隔離枱叫左無杯奶茶都係加8蚊但好似都係呢杯正同大杯好多…查看更多