wkcheungc的个人专页

試咗蠔湯拉麵，本來以為會好清淡，點知都好夠味🤤個人覺得蠔可以再煮耐啲👉🏻👈🏻套餐包，一杯梳打同炸雞。唔記得影相🙈白雞湯沾麵第二次食，覺得今次好似過咸😫但雞肉好淋，好食😋我鍾意食香口嘢，覺得薯片雞翼好食✨✨因為當日著白色衫，驚啲汁彈到件衫，自己攝咗紙巾，以防啲汁彈到，煮麵嗰位店員，疑似店長，佢見到之後，好貼心咁叫同事拎即棄圍裙俾我，仲話唔好意思咁遲先留意到👏🏻👏🏻👏🏻坐吧枱，如果煮麵位有起碼半塊板同客人隔一隔，感覺會更衛生❗️味道正常，唔可以話驚為天人，但係一般價錢拉麵嘅價錢，貼心嘅服務嚟講，我覺得性價比都幾高👍🏻👍🏻…查看更多

兩位服務員姨姨態度極好，天氣太熱叫凍檸水，其中一位姨姨話見到我條頸有做刮痧，叫我唔好飲凍野。我問咁豆漿有冇唔凍。佢話冇，不如飲熱檸水。我話好。但佢見我嗰樣唔係好想飲熱野，（天氣咁熱，食麻辣米線，唔會想飲熱嘢）😖😖佢主動話幫我坐暖豆漿，我話好。之後聽到水吧有個疑似老闆嘅男人好大聲同個姨姨講，浸熱水？唔做呀，做得一次，就有下次。聽唔到嗰姨姨同佢講咗啲咩，嗰男人就話，同嗰客講只有今次，冇下次。姨姨體諒客人反而比人話，好在唔係我自己話要，如果唔係我會仲內疚。真心湯底好好味 但無論米線定餸嘅份量都勁少，米線26蚊，加厚腩肉12蚊，但腩肉得1.5舊，其中0.5舊仲要全部肥膏🙄以為係底，拎筷子🥢搵極都係得1.5舊水吧嗰男人將口罩拉到落條頸，冇戴好口罩幫啲客沖嘢飲😡😡冇下次😇都係教育路川味閣性格比高，大碗，好食，態度好…查看更多

125蚊一個餐，飲品，多士，蛋糕。凍咖啡，淡口，有啲水啡分離。多士，自己整都好食過佢。得意大利芝士蛋糕有啲水準。紐約芝士蛋糕，山崎麵包出嗰啲，都好食過佢。態度嘛嘛。我指一指，問朋友想坐邊。個女侍應即話，嗰度未執枱，你唔好為難我。其實你點都要執枱，出面冇人排隊，我哋冇吹你，我覺得唔使咁講。你可以話，嗰邊未執枱，唔方便。為難新定義🙂🙂🙂如果想邊睇景邊食嘢，仲有好多選擇。吹捧過盛。冇一次😊😊😊…查看更多

店主夫婦待人親切友善😄😄😄飯團豆漿足料好味🍙✨✨紫米飯團好少見😈😈😈黑芝麻豆漿味道好濃郁🤤🤤🤤支持本土小店💪🏻💪🏻💪🏻💪🏻飯團入面嘅餡料如果唔啱食可以落單時講，例如走沙律醬。希望大家都多d支持下，本土小店✨✨✨…查看更多

平時好少飲走糖，茶味一般奶蓋夠厚身，但本人比較喜歡薄身d，覺得易入口d不過貢茶勝在夠大杯，不過不失，$21，平價好選擇係略厭奶蓋有少少咸，如果比例上甜少少會夾d…查看更多

第二次黎食飯。上次過煙肉白菌濃芝士汁長通粉，好足料又大份，男仔一定包肚😋又有得叫少飯少意粉，女仔唔洗怕食唔囇，浪費食物👍🏼第二次黎，負責收銀個店員認得我，可能我第二日又黎😂好貼心，見唔太多客，特別轉長通粉比我。同店員傾開計，先知道原來係一家人經營，所以無論食物定服務，都希望做得好d。檸檬忌廉煙三文魚好夠味，唔會太淡又唔好咸，本身以為得煙三文魚，原來重有番茄仔同白菌，好豐盛！加左$12轉即磨咖啡，一個餐$77，今時今日咁高質又大份，即使加左錢轉咖啡，一d都唔貴。CP值超高👍🏼👍🏼👍🏼下次會再幫襯！ …查看更多