mmmm2001的个人专页

發現屋企附近開咗間新茶餐廳 早上去試一試個牛扒麵餐 個侍應竟然問我 你想要幾多成熟嘅牛扒？ 當堂嚇一嚇。 第一次去茶記食早餐嗌牛扒會俾人問幾多成熟。 已經充滿期待。 點知果然不負我所望！ 牛扒好好食 似扒房嗰種牛扒 成個餐連埋飲品 $52 ！ 好開心屋企樓下開咗間咁有質素嘅茶餐廳…查看更多

本身係常客，一直食都覺得平靚正，只係今日去食時覺得個鍋好濕，個鍋底啲水多到可以煮公仔面我只係同個女職員反映有件咁既事（無諗過要換或者r任何優惠），但個女職員聽完之後當無件事直接走左，覆都唔覆我地！我果刻除左無奈唔知可以講乜，之後我揾第二個職員過黎講，點知個女職員見到我地揾第二個職員過黎既時候即刻截住第二個職員叫佢唔好理我地話佢跟進緊！我即刻燥左，我話「你跟進緊都講聲丫！又唔覆連講聲等等都無直行直過走左壽咁叫跟進緊？」之前有個類似經理既男人行過黎問咩事！我同佢反映返個鍋既問題，雖然唔係咩大事，呢間野我仍然會食既，但啲員工態度真係要再度培訓！係本身唔嬲都比佢地啲態度激很死！發洩完畢…查看更多

令人上癮既小店即拉腸粉簡直係我食過既最好食加埋特製豉油另外炸兩都係我嘅最愛但因為我收早既關係成日食唔到佢整嘅炸兩（炸兩預08:30左右開始供應）我未試過食一間店既炸兩係擺咁耐都仲脆卜卜😍…查看更多