ander的个人专页

真係估唔係北角仲要咁傳統嘅糖水店 竟然都係咁有良心嘅小店我實在太開心了 因為一向只食佢呢一家嘅湯圓！本身佢舖面已經唔大 而且真係好少去北角所以一去開北角都會買佢哋生湯圓走😋佢哋嘅湯圓皮比坊間厚啲 但就好軟糯漲卜卜超足料 咬一啖就爆饀😍以往係超市買/出面食嘅芝麻湯圓總係覺得有陣芝麻腥味但呢到嘅湯圓真係令我好驚喜炒得好香 甜度適中 唔會有腥味而有少少厚度嘅皮又可中和到饀嘅甜味👍🏽額外一提 佢嘅花生味一樣咁好食不過我都係鍾意芝麻多啲😍…查看更多

超鍾意食餃子做正餐 自從甜記開咗之後就做咗常客淨係嗰份良心已經夠哂charm🤩餃子湯底主要有雞湯同番茄薯仔魚湯揀試過一次雞湯配淥餃 似味精湯咁覺得普普通無乜特別之後再試茄湯配煎餃 其實個湯感覺都無乜魚味😂不過飲落茄味清新又多薯仔 當飲茄湯咁就好滿足同埋都好住家湯嘅味道 而家去親都飲茄湯而佢哋煎餃皮厚薄適中 好脆卜卜 夠哂香口餃子脹卜卜 啲饀好飽滿我最鍾意食椰菜冬菇雲耳餃餃冬菇香 椰菜雲耳又爽脆 配搭清新唔易滯 所以仲可以食多個米線😂😋另外芝士雞肉都幾鍾意 但就會易滯啲😝😝…查看更多

我嘅其中一間甜品愛店食完晚飯通常好飽 waffle又飽肚但呢到嘅waffle有種吸引力 令人好飽都想去食waffle中間有麻糬 呢樣已經夠吸引呢到仲可以整到外脆內軟 加埋煙韌嘅麻糬 口感一流waffle味道有好多 我就鍾意食棉花糖同百利甜酒味兩隻味聽落都係甜到痴線不過佢本身waffle唔會太甜 所以都未糖尿病🤚🏽見佢仲有切件千層賣 味道都唔少有機會都想買嚟試吓😚😚😚…查看更多

本身想去食開餐 後來發覺on list嘅越興園係同一條街果斷改變主意✌🏼小店熱情招待 叫外賣都叫我入去坐低慢慢睇餐單超好人😍食物即叫即炒 揾到位坐低打開依然熱辣辣🔥外賣嚟講都算靚靚仔仔叫咗馬拉盞通菜、馬拉盞蛋白炒飯同沙爹炒牛河通菜炒得爽脆 不過略嫌味唔夠濃反而炒飯就濃味得多 本身已經炒得香又粒粒分明加埋馬拉盞嘅辣 非常惹味😋😋唯一一點挑剔 希望唔好用嗰隻假蟹柳炒🤣而炒河係外賣之下亦不減穫氣個汁調得好味 又無浸淋啲河粉 實屬難得埋單$17x 又大份 抵到爛🤟🏽大家係呢段時候除咗要居家抗疫更加要多多支持真香港小店呀😖…查看更多

每次係白楊街附近食完晚餐都想食埋芋圓不過一係太多人 一係太飽今次終於試到了😋😋!店舖非常專一 幾乎款款甜品都有芋圓睇嚟都對自家出品非常有信心今次試嘅係鮮奶椰汁桃膠芋圓先講主角芋圓 人手製果然非常煙韌而且真係會食到芋頭同蕃薯味挑剔一點就係佢外型似粒方糖多過芋圓😂😂糖水底反而更令人驚喜除咗桃膠仲有紅棗同圓肉 足料！而且仲令到鮮奶味道更豐富添順帶一提 友人叫咗椰汁西米露雖然我無試食 但一上枱就聞到好香芋頭味覺得舖頭好有誠意 糖水真係煲出嚟而唔係好似坊間咁 加啲椰汁加啲糖漿溝水就話係糖水難怪平時咁多人等👍🏽👍🏽…查看更多

除左厚福街之外 而家山林道都慢慢形成一條黃店街😍而家仲要進駐多一間主打健康既台式茶飲店 為食之人又可以多一個選擇 實在太好了！😚佢地賣既飲品同坊間台式飲品店好唔同 比較小清新配料好多新奇嘢 有決明子、茶露、薏仁等等 好特別😻研究咗好耐先決定到揀蜂蜜玫瑰紅麥茶飲甜度固定無得調較 但飲落唔太甜 甚至有啲清淡但茶既麥味好香好濃郁 如果夏天飲一定好舒服平時飲開奶蓋呀黑糖呀 有時都覺得太膩偶爾有啲清新健康既選擇都唔錯🥰…查看更多

元朗國又進駐一間新飲品小店啦身為元朗國民當然要去試試元朗既黃飲品通常都係元廣/又新街一帶(一頭一尾🥵不過而家連中間都有了位置係大坑渠環保涼粉嗰邊bye兇嬸牛肉飯😉真奶主打水果乳酪飲品 新鮮感🆙🆙我睇一睇啲飲品名諗都唔洗諗 緊係要「大隻巴打」啦😏其實佢係芒果乳酪奶嚟嘅味道同個名一樣咁令人lamlam脷😋🤤😋🤤水果同乳酪好balance 飲落唔會好heavy飲品即叫即打 預設少甜 感覺又健康了一點望落細細杯 但以乳酪飲品黎講好足夠了😙…查看更多

一直想食616好耐 可惜武肺影響 只係去過食set lunch而家終於可以一試了 (無book等位等左超耐..)等位時見到有鮮牛油麻辣湯底偶爾都會掛住中國味既我即刻扑槌不過佢真心同中國味係唔同既無佢地嗰種牛油香同香料加埋既濃味(或者只係無加不同化學劑🤭)想食返中國味就無啦 不過辣味都夠既 而且頗有後勁🔥🌻去得616當然要食牛佢有好多款唔同肉 太多選擇我都係亂咁點48-68蚊一碟得少少 望落少貴但佢呢到真係一分錢一分貨唔同既肉食得出有唔同口感或味道我個人今次鍾意食澳洲五花趾、吊龍伴(相中最下兩碟)有啲油花又唔會好肥膩 牛味濃又淋滑😋牛上肋我本人未必encore 實在太肥😭至於其他配料就不過不失咁鴨血唔太啱口味 太實了😫…查看更多

本人最愛黑糖珍珠鮮奶 搬舖都要飲由深水埗圓圓追到銅鑼灣圓圓小姐希望九龍區快啲開返舖啦🥺本身我唔太鍾意飲奶 以前跟風飲吓黑糖珍珠鮮奶啦第一間試了x起 覺得麻麻地不過我係圓圓附近返工 同事成日話好飲咁就再試吓啦 結果一鳴驚人！首先因為係真鮮奶 所以又濃又滑黑糖珍珠感覺佢真係手炒甜得黎真係有陣香味 唔會死甜珍珠有時會偏硬少少 但9成時間都係煙韌有嚼勁係出面試過咁多間都飲唔到咁啱我口味既完美配搭好好味不過真係好肥 請小心節制😁…查看更多

作為天水圍難得既西餐 由細舖食到佢搬大舖 門口依然咁多人等就知佢係幾受歡迎啦話佢超級好味又未至於但作為平民西餐 食物質素實在對得起價錢有餘最鍾意叫佢地既lunch set$5x就有交易 仲包埋湯同冷熱品今次加杯美祿恐龍都係加多10蚊姐 抵玩🤩而我今次叫嘅鮮茄龍脷柳扁意粉都唔錯龍脷柳稍稍煎過 帶有香味不過本來肉質就唔算太好而且比較薄身至於意粉就煮得唔錯 口感好好鮮茄汁雖然稀啲 不過都有好多蕃茄蓉酸酸甜甜好開胃呀🍅😋呢到食物都算多選擇 意粉 pizza burger都有啱哂同朋友share食🍔🍟🍕🥗🍝🍰…查看更多

多得家中小妹出開去銅鑼灣 先食到告急中既為食龍!!今次嗌左三樣野食👉🏽川式麻辣雞飯糰一粒粒的麻辣雞 真係麻辣的!咁講好似好廢 不過坊間真係有好多麻辣都係得個辣字呢到既雞粒真係有麻香 食完勁出口水🤤爽就咁食略嫌少咸 加埋飯食就balance返👉🏽除了明太子我甚麼都不要飯糰一睇個名就知咩料啦內餡除左咸鮮又飽滿既明太子就甚麼都沒有了不過 經典簡單就是好吃 非常滿足❤️👉🏽黑松露帶子(腐皮系列)開頭傻傻以為係腐皮飯糰🍙原來係軍艦黎既樣子好精緻 (係我影得衰）黑松露比得大方 而且唔係cheap雞嗰隻味帶子好滑 無錯黑松露味係會蓋左帶子味不過我想食黑松露呀嘛😝😆一啖啪落口 加埋甜甜地既腐皮 正😋張相影得求其啲 唔好介意🤣🤣🤣🤣…查看更多

老闆娘係我食左多年既愛店 亦係最愛既米線 沒有之一❤️呢到既湯底除咗一般既麻辣/酸辣/酸/原味之外仲有啲好特別既湯底 eg 蒙古/水煮等等不過我每次黎都係食麻辣 因為真係一試上癮+愛上食得出佢既麻同辣係分開既 好有層次辣夠香 麻都好過癮 真係口都震埋嗰種 好正曾經我都試過嗌錯麻酸辣 我自己就唔鍾意不過食開酸既朋友就話好正 所以呢到既湯底真係好睇個人口味😌除左湯底特別之外 佢既餸都好好味滷水配料己經正 不過炸物更出色 唔會有陣千年油味又脆卜卜！近年我既最愛都係圖中既蝦膠豆卜 同長洲甘x泰嗰款其實差唔多味不過呢到更大粒 豆卜炸得更加脆卜卜 入口要小心戒親內饀係蝦膠 又彈又有鮮味 感覺似住家手打嗰種😋😋作為佢既打手級忠粉 比少少建議大家1. 好x多人排隊 聽住老闆女指示一路郁一路填食咩好快有得入去 不過入去都預等返陣先有得食2. 米線同炸物不時都分開上 唔洗出奇 等就得3. 接近50蚊一碗米線仲要得一餸好似好貴 但你食完就知抵4. 星期三例休 平日不定期係fb突發休息小心摸門釘(我已經奶過好多次☹️) …查看更多

好多人成日都問有無黃店食點心嫁 其實元朗都有間小店- 老馮茶居🍵佢係一間行懷舊路線既小店  裝修落足心機 呈現返6/70年代既老香港出黎連碗碟都係公雞碗/缽 十分適合打卡點心方面亦唔馬虎 有而家好少係酒樓食到既點心例如：古法馬拉糕、奄春蛋燒賣特別推介➡️蒸飯唔知係咪因為用缽仔蒸 啲飯粒粒分明 正➡️鮮蝦腐皮卷炸得香脆 蝦膠彈牙之餘啖啖都有蝦食到最緊要無我最憎既臭葱臭茜😭滾動小店早排比人報食環搞到要停業一星期不過而家已經開返 聽講日日都比人重罰😂各位可以多多支持…查看更多

好喜歡呢間雪糕店老細同店員好好人 會好主動介紹唔同味不斷強調想試咩味就即管講 試啱先好買所以係比錢買之次都試食左唔少味 嘻嘻😬除左舖面 佢仲有個倉收埋左好多唔同味連豉油 wasabi味都有 當然仲有呢排最既催淚彈味不過我就無膽試 大家即管試試佢地啦 hahaha雙球係55蚊 分別試左兩次甜奶酒&拖肥味兩種味道都充滿奶味酒味唔算好濃 但雪糕好滑 而且甜滋滋 係好幸福的感覺💕另外仲有葵瓜子&雜莓乳酪味葵瓜子味比較特別 同樣都係屬於奶底雪糕仲有陣椰汁既味道 而且真係有好多瓜子碎好新年既感覺另外雜莓乳酪味就係穩陣之作 乳酪+莓唔會太酸基本上鍾意食乳酪既人一定鍾意❤️呢到好多好靚既裝飾 識食一定順便打埋卡先走…查看更多

morokok既lunch有set叫比dinner抵好多嗌左個泰式肉碎煎蛋飯食物既賣相好靚 啱哂打卡隻蛋煎得好好 係燶邊既太陽蛋蛋邊香口脆卜卜 又可以用蛋汁撈飯食 唔錯啲肉碎都似泰國味既 好惹味不過飯同肉既份量就唔係咁平衡食到最尾仲有好多肉碎 就咁食又太鹹有啲浪費左😫另外朋友就嗌返最傳統既金邊粉 呢個中規中矩啦 同出面食既差唔多 但呢個價錢就唔太值啦另外加左個炸蕃薯條 反而有啲驚喜本身蕃薯甜甜地都幾好味仲可以點茄汁同黑松露醬 黑松露控表示好喜歡💕今次仲有叫泰茶飲 但sorry 真係好難飲😌杯野送到上黎啲冰已經半融咁成杯野淡茂茂 茶香奶香都無 sadsad🐷…查看更多