eatmugfoods的个人专页

今日同朋友諗住上諾士佛台飲下野, 傾下計食個生日飯! 係金巴利道見到間日本餐廳好似好好味!就不如食完野先去飲野啦!我地2個女仔叫左好多野食呀!牛肉鍋、上級刺雜錦剌身拼盤、天婦羅拼盤、壽司...上級刺雜錦剌身拼盤真心材料好新鮮! 見到佢有個包住個青瓜既係魷魚! 非常爽口, 好味!其實魚生都好新鮮, 總共有6款!而壽司方面, 我地order鵝肝壽司、海胆壽司、甜蝦蟹膏軍艦同樣超新鮮既壽司呀! 由其個甜蝦蟹膏軍艦超好味呀!滿足!!!牛肉鍋都好味! 甜甜既湯, 配上蔬菜, 豆腐, 牛肉...美中不足既係佢煮左好耐都未滾..最後係天婦羅拼盤!脆脆的!  有蝦、軟殼蟹同埋蔬菜! 好味呀!哩餐生日飯好滿足呀! 但地方比較細! 最好就要book位呀! …查看更多

今日生日, 同老公黎反哩度食! 之前黎過2次都覺得唔錯! 環境舒服所以反兜一下~頭盤有湯同沙律!另外叫左個白酒忌廉煮紐西蘭青口(5件)味道都唔錯! 但老公話有小小腥味! 主菜今次我地就叫左個牛扒同埋意粉!紐西蘭特級肉眼扒配牛燒汁配薯角!其實好重牛味! 食落去唔錯的!但店員就冇問到我地要幾成熟! 我自己覺得生左小小..都OK既! 而且勁多著角~ 正呀!另外係意大利黑松露什菌意粉好濃既黑松露味! 食落有啲漏! 最啱鐘意食濃味既人!最後仲有cheese cake做甜品!好滿足!...…查看更多

今日又係觀塘搵下野食！知道駱駝漆大廈而家都有好多餐廳...就上去睇下有咩食😋見到佢menu 啲lunch set好抵食好似唔錯！套餐仲有餐湯同飲品最終我叫左我最鐘意既焗豬扒飯雖然簡單既一個飯 但我勁鐘意...哩個焗豬面層滿佈蕃茄!!仲有芝士呀！而朋友就叫左鮮茄大蝦拼豬扒意粉!大大既蝦配上豬扒! 普普通通既午餐都可以整得好好味!而我地就加錢叫左特飲!天氣咁熱飲反杯特飲真係透心涼!!!哩度都算幾抵食! 不錯既選擇!!!…查看更多

今日朋友幫我慶祝生日！搵到哩間西班牙餐廳試試佢！我地7位都叫左好多野食呀！睇menu見到哩個幾得意西班牙炸油條白甘荀絲配朱古力燒汁！但哩個既味道就冇咩特別 脆脆地咁...頭盤仲叫左蟹肉黑松露多士！2件要$40蚊！但味道係不錯既！好香黑松露味呀！然後到主菜！我地叫左4個主菜！鹽焗爐魚（$260）上碟時一舊野 之後卜碎啲鹽！幾特別 魚又夠滑 又入味！扒頂級肉眼配海鹽（$360）牛扒超正！好腍身！牛味都重！連小朋友都話正！溫煮黑毛豬梅頭（$290）哩個又係堅好味！佢既肉汁好鮮！咬落去完全係爽口！ 正呀！同埋燒羊架（$300）哩個係medium既羊架！我就麻麻地羊！但朋友都讚好！完全冇so味！最後叫左2個西班牙炒飯！我覺得哩2個炒飯真係偏貴左！一個係西班牙風腸雞肉焗飯伴燒春雞（$400， 2位用）西班牙飯整到好有口感，好好味！入面添加肉腸！而且燒春雞好滑 ！本人覺得吱啲檸檬汁上去仲好味！另外係西班牙大蝦海鮮焗飯（$380，2位用）而哩個大蝦佢先燒左 燒到好香！同樣 佢既飯整得好好味呀！最後切蛋糕！員工也非常体貼！幫我地用即影即有相機影相！再送上一個相架！總括其實食物質素係好好！但價錢偏貴！…查看更多

做完個小手術 今日出院即刻搵好野食....因為要禁食餓左我好耐...,哈哈哈去到楊屋道街市原來而家開左好多食店! 係百悅坊上一層就見到大丼屋, 睇佢既menu都好吸引!係好多選擇下我就揀左燒牛肉爆丼同埋巨型富士山爆丼! 另外再叫左蔬菜天婦羅同埋炸魷魚鬚!哩個燒牛肉爆丼真係唔簡單呀！雞蛋加入爆爆牛肉上！撈埋牛肉食好好味呀！牛肉又入味加上佢真係勁爆多牛肉...食極都未見到啲飯!好抵食呀！另外係巨型富士山爆丼!佢既材料非常新鮮呀!魚生鮮甜美味! 賣相又非常吸引!  好鐘意! 全部材料既份量都唔少架! 小食方面乜不錯!佢會唔滿滿既粉張住咁!薄薄既炸粉配上新鮮蔬菜! 好味!炸魷魚鬚哩度又唔洗加一收費!仲有麵豉湯送好正好抵食好滿足呀！…查看更多

今日同老公去荃灣廣場行街, 見到一間好靚既餐廳... 係我最鐘意既粉紅色...咁就睇下佢既MENU有咩食! 餐牌有D SET揀, 又好似好多選擇, 就入去試下!今日好采又可以安排到卡位比我地坐, 坐低店員放上好美既餐具!餐牌真係好多選擇!!!套餐$358最後我地選擇左Bossy Royal set...set入面包左沙律、頭盤、Main Course、Pasta & Risotto、Burger & Pizza!頭盤係蟹肉牛油果蘋果青瓜沙律，餐湯!而家個個都食得健康, 用牛油果黎做沙律我真係超鐘意!再黎煎鵝肝，白酒煮蜜桃配烤爆谷好特別!呀仲有龍蝦玉子燒, 黑松露野菌薄餅!!!賣相很美! 而食物味道都好好呀!主菜黎啦!燒一口安格斯西冷，焗薯粒，薈蔬菜，香草法式牛油!一口安格斯西冷超好味呀! 入口好腍身! 加上佢既香草牛油香! 好好味!芝士龍蝦意大利飯哩個意大利飯要讚呀! 龍蝦啖啖肉! 意大利飯好有口感!上面仲有好多芝士, 好好味呀! 飲品方面 我就選擇左佢地既果茶!飲品食物味道不錯，賣相又靚! 真的不錯!總括哩度環境又靚! 食物質素都好好!最啱girls talk 或情侶黎浪漫一下...…查看更多

今日約左亞媽食飯! 見到佢冇咩人就入去試下! 我地2個人叫左4樣野! 好大食呀! 哈哈哈!5越湯河粉生牛肉、牛肚、牛丸、牛腩片、牛扎肉河粉味道不過不失! 好普通既一碗河粉! 都要$92, 都貴呀!籠仔蒸粉包好似蒸得唔太夠熱! 賣相也做得不太好! 但味道都算ok的!鮮果沙律菜米紙卷佢有好多米紙卷揀! 而我又想食清d, 所以叫左哩個!!!!用火龍果加上沙律菜既米紙卷!點d酸汁食落都唔錯~好fresh!  酸辣鳳爪哩個都唔錯! 好夠味呀! 份量仲好多!總括係不過大失既晚餐!價錢偏貴!…查看更多

今日同老公撐枱腳~去到荃新天地搵野食!佢想食拉麵我唯有陪下佢! 見到佢既餐牌都有好多唔同既選擇! 仲有d二人套餐!我地選擇左自選二人套餐-哩個2人餐超抵食呀！自己選擇2款拉麵或飯！（部份另加$10）再配3個小食都係$199我叫左鰻魚飯+招牌牛油拉麵厚厚既鰻魚係我既至愛! 饅魚汁撈飯勁正啦!招牌牛油拉麵好特別 ..佢舊牛油容左落去拉麵果度食落有d牛油香~另外再加三個小食!我叫左炒魷魚鬚, 北海道南瓜薯餅再加燒牛舌!炒魷魚鬚!好味喎! 炒得好香!我自己再加d七味粉落去~北海道南瓜薯餅我覺得哩個係最好味既! 剛炸起熱辣辣~食落入面既南瓜溶同薯仔 外面好脆  超好味呀! 最後燒牛舌我係好鐘意既! 佢唔會話整得太厚! 而且佢2人餐既份量係好多!哩餐超滿足呀！ …查看更多

今日同男友去旺角食飯, 行完波鞋街見到有間2/F店舖, 睇佢MENU好似好吸引, 可能我地早又洗等位, 咁就試下!哩度地方唔算好大, 但裝修簡約, 坐得都幾舒服!睇MENU好多野食呀! 哩度而家主打係龍蝦既菜式! 我地2話不說叫左佢既Kama Signature Lobster Set餐入面有龍蝦包,烤蒜蓉牛油龍蝦半隻...龍蝦雜錦海鮮石鍋烏冬或飯我除左叫餐外 仲叫左個龍蝦湯!!!龍蝦湯味道濃郁 湯入面仲有個龍蝦鉗肉😍上面跟一條焗麵包條😋脆到不得了 點龍蝦湯勁正呀！而佢既龍蝦包焗過好脆口 中間夾住龍蝦肉！仲有個檸檬牛油醬黎點個包食！超級好味呀！🤗而佢既烤蒜蓉牛油龍蝦好香呀 啖啖肉😍最後既龍蝦雜錦海鮮石鍋烏冬係以龍蝦湯做湯底😍熱迚辣辣滾住咁黎到我面前😲入面仲有好多海鮮材料 😋美味呀！套餐仲跟埋沙津菜加薯條（有蕃薯同薯仔呀）無論賣相同味道都一流呀！超超超滿足既晚餐😋😋😋😋😋😋 - - -…查看更多

今日朋友帶我黎蜀味府試下! 朋友讚不絕口!鐘意食辣既我更要試下佢~前菜叫左一個雞腳...超超勁入味呀! 好夠辣! 食到唔停得口~ 主菜我地叫左3個, 一個水煮魚,一個雙椒回味田雞同埋窩荀!雙椒回味田雞好香~ 好多田雞呀又足料!田雞肉超滑又入味! 正呀!水煮魚我又係好鐘意, 佢唔會辣得黎入唔到口!佢既辣味好適中! 啱啱好! 入面仲有粗薯粉食! 入哂辣味!超鐘意哩個呀! 最緊要係D魚夠滑~最後食反個清清地炒窩荀~好味!…查看更多

今日收工搵野食, 係門口睇到SEASON PLUS, 睇佢MENU好似唔錯，就試下！睇佢既MENU都好多選擇,  店員細心講解, 佢地介紹SPECIAL OFFER 餐牌會定期轉既!咁今日佢就地推介生蠔拼盤, 真係勁抵食呀!拼盤有一打生蠔再送一支意大利白酒! 你亦可以加錢選擇你鐘意既白酒或紅酒!係佢地既SPECIAL OFFER! 味道仲相當唔錯呀!  生蠔好新鮮, 配上白酒勁正!  只需$198.....另外, 除左生蠔, 我仲order慢煮牛同埋PIZZA!!!慢煮美國安格斯牛柳, 而家興慢煮，就叫個慢煮試下~我又心心眼左喇😍 勁厚切既牛柳呀😍我地叫左5成熟 一切開粉紅色 啱啱好！但又唔會血淋淋😝賣相已經相當吸引😋食落勁牛味 食落 腍身煮得好適中！配上香草真係好正呀！哩個慢煮牛真心推介！又滑又腍身又好味!-優惠期內仲送左一份頭盤！芝士黑松露配大磨菇! 最鐘意食菇既我更係覺得好好味XD...最後再叫多左個意大利辣肉腸PIZZA!好快我地2個就食哂!今餐好滿足, 有驚喜呀! …查看更多

一直都好想自己整下慢煮既食物, 但自己又冇時間, 咁啱返工附近見到有間慢煮工房, 睇佢menu 全部都係慢煮既食物! 好似好吸引就去試下!慢煮工房特別既係每一味菜都係以慢煮形式去煮既!香港會比較少有! Lunch menu好多選擇呀! 我就揀左慢煮特級美國安格斯牛仔肋那不勒斯大利麵而同事就揀左限量既慢煮剌身級拿威三文魚英式 豌豆燴飯前菜有餐湯，蒜蓉包，餐湯係南瓜湯, 杰杰的好好飲! 飲品仲送果茶呀! 特級美國安格斯牛仔肋非常腍身又入味又唔韌! 而且冇筋! 完全唔會有雪味! 份量仲要有好多!另外, 以我所知那不勒斯大利麵重點係佢用蕃茄醬做底! 再加洋蔥呀紅蘿蔔呀咁或可加入各式的蔬果! 而慢煮工房既用料比較簡單, 淡淡既蕃茄味意大利麵再配上入味既牛仔肋!令牛仔肋既味更加出! 不錯呀! -慢煮剌身級拿威三文魚英式 豌豆燴飯既味道都相當唔錯!佢既三文魚味道好適中, 煮出來我覺得好滑!先煎過另佢更加香! 配上lemon  更好味呀! 而佢既豌豆燴飯即係risotto我就非常鐘意!咬落好有口感! 如果覺得美中不足就係因為佢有青豆, 我唔鐘意, 哈哈!…查看更多

不愉快用餐經驗🙁有啲長...首先餐廳除咗食物質素要好，禮貌都一定要有!對客人冇禮貌啲嘢幾好食都無用！哩間餐廳之前應該都比人投訴過態度問題！-今日同屋企人一齊黎哩度食野！難得齊人諗住搵間餐廳開開心心咁啦！已order左3樣食物！味道一般！不過不失既味道 價錢也不便宜！真心平時我都會帶住隻狗入袋入餐廳的！因為佢好乖 從來都唔會郁又唔會出聲咁，我未試過比人話我！咁當然我知道 比你係人情 唔比你係道理！我有我既不對！你趕我我會聽 但我覺得 你要話我既都要有禮貌囉！咁我係攬住個狗袋既！一般我都係攬住佢又唔會擺多張椅 佢就會好安靜等我食野！咁有個女人走埋黎問我：你地係咪有隻狗...任何餐廳都唔比帶狗 你地要坐出面...（我隻狗係冇出聲的 只係佢地見到個袋）我地話：咁我地一齊坐 你比位我坐出面，因為佢出面既位置係只有2個位，佢叫我地分開，叫我坐出去，我火都黎埋！我哥出聲話我地一家人要一齊坐，佢仲講要分開坐，冇禮貌到一個點，再重複講句：你地入黎冇同我講你地有狗喎！咁你自己要坐出去！喂 哩啲係應該佢地安排好比我地 而唔係係咁重複講啲令客人不滿既說話！其實最後經理都安排好2位出面連住入面位，咁點解唔一早安排要講廢話！真心價錢不是便宜的餐廳 請回來既人咁無禮貌！真係要有Training! 如果唔係會拉低哂餐廳既水平！！---…查看更多

同朋友食車仔麵...6:30去到已經超多人呀！排隊買票等野食！哩度地方乾淨 新裝修! 比起平時既車仔麵擋會坐得舒服d... 哩度最正係仲有啲特飲！可以食到車仔麵之餘又可以有特別野飲！我地叫左抹茶紅豆冰同埋凍柚子蜜😍而味道方面 勁有傳統車仔麵風味！我叫左牛柏葉,魚蛋, 豆卜 小辣!份量啱啱好!豬腸最正....仲有九菜豬紅~ 味道都算濃, 幾入味!走時仲見到黃德斌排隊買野食😆 -其實我覺得佢幾型架😍…查看更多

Apm辻利終於開左喇,..又話6月尾開開到7月中xd...試下佢既雪糕沙冰!軟雪糕抹茶沙冰! 抹茶+焙茶雪糕!!!!雪糕可選擇妞紋~所以我揀左焙茶同埋抹茶2個味道!大約等左5分鐘就有得食! 雪糕好味！都算結實~ 味道都算濃! 但沙冰就冇乜味道！完全好似食緊冰咁...完全冇抹茶味!淡到不得了！唔好味!  …查看更多