Da Vin的個人專頁

在灣仔，中午吃飯，想找一處舒心的地方可以唔好太迫太吵，真係唔太容易。這日又約左個灣仔朋友食Lunch，往日都係去Times square食，但朋友就話佢公司附近開左間新酒店，行過見到好靚，大家決定試下。餐廳就在Lobby對入，坐位闊落，人不是太多，對住一大幅green wall，果然好舒服relax。叫左兩個set lunch扒餐，價錢同Times square差唔多，烤加拿大豬扒配芝士蕃茄汁同埋肉眼扒配野菌汁。首先有個是日紅菜頭湯，少少甜甜地，好Creamy。主菜上場，真係有驚喜。個豬扒竟然係帶骨厚切，大大件，切開好JUICY帶少少粉紅。牛扒又係厚切，目測最少有8安士。六成，牛味當然無安格斯濃，不過就合乎澳牛的Balance，有牛味又嫩滑，而且煎得剛剛好，咬下去有一份焦香。最後還有甜品和咖啡。服務也不錯，經理好nice，見到食完好快就清理及上下一道菜。新張還有9折，好滿足的一餐。BTW，間酒店真係好新，經理話只係開左一個星期。雖然個Lobby唔大，但樓底好高，仲有個大大幅既GREEN WALL，好舒服。我地從此有多個開飯點了。…查看更多

過百蚊食個Lunch叫唔叫抵呢?! 起碼我唔會餐餐食到過百，偶然一次試下就無妨。今次同幾個同事上左和幸，試左個 $138 Lunch，其實係一1.5小時半自助餐Lunch。點樣一半法?? 即係一半食物係只上一次，另外一半係任食。講左食一次先︰有蟹籽沙律、帆立貝、奶凍、麵豉湯。個帆立貝會用塊大貝殼裝住，不過唔係本身塊殼，要連殼一齊燒，因為佢有D牛油同清酒汁，除非你淨係想燒粒帆立貝。食落又幾好味，食唔出有雪味，同埋牛油味勁過酒味。另一半任食︰乳飼牛小排、黑豚五花肉、鴨胸肉、雞肉、雞翼、栗米、南瓜片。牛小排OK滑，加上佢薄切，雖然未至於入口即溶，不過真係滑住入口，我追加左1次。但係數最得，反而係 黑豚五花肉，因為燒得好香，同埋燒起黎幾有難度，燒得太耐會變豬肉乾，好似勁硬煙肉咁，相反可以好好食。另外雞翼都係唔錯，細細隻好易搞，入面個肉好滑，就算個皮燒得太乾，入面都仲係OK。…查看更多

以前都係食樓下茶餐廳，快快手食完就走。今日有D時間，可以上3樓THE ROOM食下西餐。當然，貴過樓下好多，不過坐得舒服，靜D食物都好似幾靚。因為已經過左2點，就問WAITER姐姐有下午茶未，佢好有禮貌話問下經理先。跟住聽到好大聲驚叫:「無呀!2:30先有。」得得，甘叫午餐，唔使叫到半個場都知....當我正在享受緊我個好味日式吉列豬扒嘅時候...「拉張枱!」「甘拉唔得架」.... 一時間好似坐左係G/F茶餐廳，我唔懷疑個經理之前係做樓下，升上黎。D野真係幾好食，但真係要安靜D。…查看更多

今年提早2個星期做端午節，去左LEE間街坊酒家。勁抵!!!!9個人，有海斑兩味、薑蔥蠔、龍蝦伊麵、聖子皇、沙薑雞、加D小炒同冬瓜盅。好豐富嘅海鮮餐~~薑蔥蠔有手掌甘大隻，入味，邊位唔鞋。龍蝦伊麵，龍蝦彈牙鮮甜，不過伊麵過lum，芝士味唔夠濃，鍾意食芝士嘅人會失望。不過通常一家大細，細路仔同老人家都唔鍾意食濃芝士。聖子皇一人一隻，用蒜泥粉絲蒸，蒸嘅時間剛好，正!冬瓜盅就一般。本人唔鍾意有蟹柳條出現...當中最抵嘅係沙薑雞1蚊1隻 - 每台實有1隻最後仲送糖水同生果TIM~ …查看更多

食串燒去邊好???遠就新加坡、泰國，不過呢期無錢去旅行。近就九龍城，已經成日食。一次意外，去佐敦LEE間泰肥牛食，意外係因為唔知佢有得食串燒，以為只係食泰式火鍋。老實講我覺得佢唔就腳，不過好食另計，九龍城都唔見得方便喇，RIGHT?!無學人食火鍋，串燒反而叫左一盤，計過廿幾蚊串，有燒雞肝、燒蠔仔、燒八爪魚丸、燒鴨胸肉。個燒蠔仔比較少見，1串數過有8隻，配個甜甜地咖喱汁唔錯，蠔味好夠一啖一隻。八爪魚丸係第二好，入面有碎八爪魚粒，食落唔粉抵讚，我地再ENCORE左兩串。飲埋泰啤，小食多滋味呢句說話真係無錯。之後整左個生菜包，清清地又係餸酒，仲有咖喱蛋白花竹蝦，蝦係游水蝦，蝦夠新鮮其實一定唔會差得去邊。反而就諗唔到蛋白汁好重蝦味，用黎撈飯同配法包食就最覺個蝦味，本內唔想叫白飯，點知添多兩碗飯，哈哈又爆quota~~~~…查看更多

太驚人啦~~~ 尋人去食lunch嘅時間竟然....有烏蠅.....係好細隻...有兩隻成日係我面前飛來飛去 我先剛剛坐底夾左d野食想開始shabu shabu，睇到甘嘅情況，緊係舉手同waiter姐姐反映情況，希望轉位啦。點知，個姐姐只係用好平常嘅語氣講:「係亞，係有d烏蠅同蚊。」跟住就行開左....喟，甘即係點亞，我使唔使你重覆我講嘅野亞。其實佢唔講有蚊，我都feel到有野咬la~~ 不過係蚊定係....真係唔知。尋人我真係超速食完，雪糕都唔食，20min.食完走人。我唔想又叫又罵，只係想食個平平安安坐得舒服d嘅lunch姐。一定唔會再去!!!!!! …查看更多

本來lum住食"重慶燒"，太多人之下，去左lee間。佢叫得龍蝦燒，龍蝦應該有返甘上下，我地3個人一人點左一隻:xo味: ok la蜜桃味: good try. 但唔係好match蒜味: 最香最好味D龍蝦都新鮮，當然大隻D會好味D，不過個價錢都合理。本人最鍾意嘅首選燒羊肉串同燒大蘑菇。D羊嘅調味唔係好濃，特顯D羊本身好嫩，似羊仔肉。燒大蘑菇應該加左D汁料燒，一D都唔乾，好JUICY ^^，食完想再叫多ROUND TIM!!叫下叫下都食左好多野，最後叫個燒菠蘿。燒完嘅菠蘿果然好甜，美中不足係有"根"。…查看更多

去親酒樓飲茶，必食流沙奶皇包，「流」、「爆醬」LEE類食物係我致愛。見豚組有隻包包豚會勁流芝士出來，睇食評D相又真係幾吸引，二來都有一段時間無來豚組，放假自己去家樂一試。打鐵趁熱，炸野唔擺得耐，一切開包包果一下，湧芝士汁出來個感覺真係好正，淨係玩LEE一下都好得意。之後同個FD講話帶佢下次試玩下，竟然話怕肥，聽見好飽唔使試。超錯!!! 如果係芝士族，係唔可能唔試。老實講食得芝士都有定心理準備係飽架LA，同人Share LAW~~再唔係我食芝士，你食烏冬，你睇住我食LAW。下次諗住TEA試個三文治，塊吉列望埋去勁厚。加上三文治都係我致愛，yeah yeah ^^…查看更多

先人係寶福山到住，年年都叔伯兄弟成家人一齊去拜下。拜完山後，11點幾，都係一齊去飲茶。食左幾年龍華，真係一路食一路發皮四，今次近近地係鳳城食。唔知係咪大家都轉黎LEE度食呢?超級多人，等左半個鐘先有位。好彩，大家都LUM左想食D咩，叫完D野都上得好快 :)平均黎講，D野都幾好食。D WAITER哥哥又會講明某一D菜式係要等好耐，甘大家都唔好叫LA~~ 無希望就無失望LAW蝦多士平時好小食，食過個D都係細細片。LEE個係有成隻蝦係多士上面，好靚。不過有D油，1件夠LA~蓮牛餅。幾爽口，又係平時好小食嘅，有新鮮感。O魚球有D失望，個樣幾靚，但太實。而且D蜆蚧唔得。大家都認為羅富記好食好多。個魚頭好大碟好味，出色! D魷魚鬚唔係好大條，但好香脆、彈牙。LEE個牛肉睇出鳳城嘅功力。打開D牛係紅色，唔會係過左時嘅啡色，好LUM，無好多粉嘅感覺。正!大家一志決定，下年拜完山都係黎返LEE度啦!…查看更多

睇過其他人話LEE間上海野OK，LUNCH時同同事去試下。下午差唔多3點去到，有張吉可金枱坐，唔使同人迫。我地叫左擔擔麵、回窩肉客飯同小籠包。D野係好大碟，個客飯有一大碗湯同兩碗白飯，小籠包有成十隻。我地3個人食到好飽，D麵仲食唔曬TIM。不過，樣樣野都布唔太好食。擔擔麵唔係好似擔擔麵D味，有D似食緊茄蛋麵...又唔係話唔好食，不過一心LUM住食擔擔麵嘅人(如在下)，會好失望下LAW~~~回窩肉LEE個幾好味，不過真係甜左D。雖然上海野都係比較甜，但LEE個有D OVER。不過都幾好味。小籠包D肉好似肉丸，真係一D湯汁都無。就食物而言，唔可以話唔好食，不過就MATCH唔到小籠包個STANDARD。我覺得作為一間上海餐廳，佢係唔合格GEI。如果作為一間飯堂，D野幾好味(唔好理佢個名)，D野大大碟，一個客飯$30，係一間完成合格嘅大飯堂。:)…查看更多

星期五晚去旺角食野超多人。本來lum住去東大門食，但要等成10張台...食緊個D好似剛剛開始....無法，去漢陽苑law，有位已經好好超肚餓之下，唔理咩肉(肉格無名稱)，都夾左先。不過，我lum佢地D肉係"黤"左好耐，牛同豬都係差唔多味，係有D肉"鞋"D我地lum係豬, haha~~ 個樣真係認唔出，件件都係黑色...不過佢地D熟食都OK wow~~ D魚幾好味，放係個燒板到grill下仲正 最無奈係佢地D員工好忙，完全無人換燒板，燒到有成層炭係面。不過最終佢地都有幫我地換，其實佢地都係太忙，都有禮貌既，如果多D員工會好好多。…查看更多

一大班朋友突然話去西貢食海鮮，好彩打電話去有得book位，成12個人，比左張二樓大台我地。前菜食左D沙薑雞腳，MY飛佛，食左兩隻，哈哈。跟住即上魚生盤。D魚生超新鮮，件件都好厚，個蝦加青瓜好FRESH，D象拔夠爽口。三文魚好厚一片!!大家食LEE盤魚生既速度係要用極速黎形容，HAHA~跟住黎左碟燒鵝，因為其中一個FRIEND話LEE度D鵝好正，甘就試下啦。真係好食，D皮好脆，不過我覺我比較肥，都係食左兩件。跟住開始食傳統海鮮 ^^辣酒煮花螺、西蘭花炒花枝片、椒鹽瀨了蝦、蒸頭腩、芝士烘龍蝦、蒸扇貝....個蒸頭腩好食，剛剛好，食得到D魚好新鮮 個蒸扇貝就蒸老左D。可能個碟太大，有D剛剛好，有D太老。事實上我好鍾意食龍蝦。但lee碟係好使人失望.. D龍蝦唔新鮮，反而D麵幾好食:(最後大家食完西瓜，打包未食完既去下一餐二百幾蚊，酒水任飲，大大碟到要打包，總括大家都好滿意，希望下次食到靚龍蝦la~~…查看更多

今日同同事極速食左個王家沙lunch，amp多人多到.......有位坐低，叫左1. 香蔥咸薄餅 $242. 小籠包 $293. 蔥油拌麵 $30小籠包第一個上，好食(好餓...)，有好多肉汁，個皮都唔太厚。但我地太肚餓，唔記得影相就比我地食曬la~香蔥咸薄餅即係蔥油餅。D味唔係好特出，但最緊要唔會食到成口油，夠乾同夠脆。蔥油拌麵係3樣野裡面最好味，好有蔥油味，D麵好有tension。同事都覺得可以再黎，試多D唔同野encore個蔥油拌麵。…查看更多

來到長州，點都要去蔡生話好好味紅豆餅既故鄉俱樂部排下隊la。大約有10個人排隊，但10分鐘就買到la，算快 :)以前都食過紅豆餅，香港又好日本又好，都唔係甘好食，個時都唔明點解日本人甘鍾意食。但今次lee個紅豆餅真係使我愛上左佢。個皮唔硬，好IN-UN。紅豆熱辣辣，好香豆味，唔會太甜。因為太好味，同朋友每人食左兩個。其實仲想再食，但又想去食海鮮，只好下次再黎食LA~~~ …查看更多

朋友生日，BOOK左台試下lee間新既shabu shabu。一坐底，就好快有WITER介紹有4種牛肉，有唔同時段選擇。甘個friend同我都鐘意食牛，就叫左個澳洲M7和牛。雖然時間唔多，但都好夠食。m7和牛好好味，有牛味又LUM。甘我地都有叫D美國牛牛黎試下，不過最鍾意都係和牛。除左牛，都有好多唔同形狀既魚旦，好似魚餅、獅子狗、魚旦、福袋等等。小食有雞串呀墨魚丸呀D大路野。不過時間有限、個肚又唔食得多，我地都係主要食牛，其他野少食。今次我同個FRIEND都食得好開心，滿足到對牛既"肉"望，不過有D FRIEND唔食牛就唔可以帶佢地黎LA，唔食牛真係無野食GA~~…查看更多