KellyChung516的个人专页

一心想去打邊爐，但係旺角要搵間無時即，好食而又坐得舒服嘅店真係唔多🤦🏻‍♀️。 同朋友唔打唔撞去左女人街入面一間叫明記。潮鍋，入到去環境好乾淨企理又寬敞，唔洗坐到逼逼澀澀，感覺已經好舒服😄。坐底就問啲員工有乜好介紹，佢地本身有幾個 海鮮set揀, 2個人可以叫唔同 set, 我地就叫左 set A, B ，加本地手切肥牛。第一樣上嘅係刺身，新鮮😋，個盤放左好多冰凍住啲刺身，慢慢食都唔怕！之後好快就上海鮮拼盤！ 海鮮完全新鮮，鮑魚同🦐 仲係到旭下旭下，見到都開心，話晒係旺角打邊爐好少見到活海鮮放係面前，唔臭都已經係"奇蹟" ，更何況係活的吖😱😱😱！我地仲叫左本地手切肥牛，唔洗多講，大家見到啲紋理就知"正" ！ 相都未影就已經比我好快手食左一片😆。手打四寶丸，唔好見一碟得一粒，每一粒都大粒過乒乓波，一粒可以一人一半食，每粒都爽囗彈牙😋。凍OT, 真心覺得好貼心，大大杯超夠飲，最緊要係仲有熊仔OT 冰係入面，就算放內左啲冰溶都唔會減淡 OT 嘅味道😍。其實仲叫左油炸鬼，炸午餐肉同明記自家包嘅雲吞。 炸物熱辣辣一上檯我就已經係咁食，停唔到囗😆。 雲吞大大粒，入面係冇肉嘅雲吞但就有1 1/2 大🦐係入面，而啲吞皮仲有🦐味，唔同平時食嘅雲吞。全餐食得好開心同超驚喜，坐得舒服，員工好nice, 老闆好 friendly, 一睇就知係家庭式生意，感覺舒服自然會去關心客人需要啲嘢。出去埋單仲送每位$50 coupon, 下次去食每人可減$50👍🏻👍🏻👍🏻👍🏻👍🏻👍🏻👍🏻。鍾意食海鮮嘅朋友 don't miss it 吖～～！PS---- 湯底我地叫左芫茜皮蛋，湯料多而清，大家可以試試👍🏻👍🏻👍🏻👍🏻👍🏻👍🏻…查看更多

依2日天氣涼左就好想煲仔飯😍！上網見有煲仔飯外賣舖，價錢又唔貴就試一試新嘢😆。 今晚叫左滑雞臘腸加蛋飯，如意吉祥飯（ 臘腸潤腸飯加一條潤腸）同焗白蜆。收工拎到返屋企都已經過左45分鐘左右，我怕會凍左，但點知打開石紙蓋仲有煙出😲，之後加左少少豉油，蔥同埋菜脯勞左再食。啲雞好滑，焗左一段時間都唔鞋，而臘腸同潤腸好好味，一啲都唔硬，又唔會好肥食到成口油，但如果張其切小段，流多啲腸油入飯成個飯仲香，豉油都唔洗落咁仲原汁原味😄。焗蜆味道好鮮好新鮮，冇一隻臭蜆😆，加左青🌶️，黑胡椒，🧄 同小小鹽已經好好味😋，最重要係冇乜沙，🐼外賣$60幾我覺得都算平而且又清，真係值得一試👍🏻！整體嚟講成個飯都好乾身，飯底仲有少少焦燶，一啲都唔油，如果加多一條菜咁就100分😍…查看更多

上星期日27/11 book 檯試下依間泰國餐廳，我係因為比佢地嘅二人餐吸引去食。平時我同屋企人都係去九龍城啲泰國舖多😆。入到餐廳環境闊落，又坐得舒服，最方便係用 code 落單，我同朋友就緊係第一時間叫個二人餐啦😁。嘢食好快就到，炒菜，串燒（我地叫🐂🐔串）同木瓜沙律！！串燒好入味，雞同牛肉都好淋，完全唔鞋口唔乾"曾曾" 👍🏻👍🏻👍🏻👍🏻👍🏻👍🏻👍🏻。炒雜菜好香🧄味，好自然你會不段追住食。木瓜沙律本人就覺得味道太淡，唔辣又唔酸，冇左平時食果種野味！！炒金邊粉算叫正常，不過不失，但冬陰功湯就差左的，又係唔辣，一啲酸味都冇，我只係飲到有啲苦澀味，因為湯面放左好多🍋葉令到個湯有啲苦，但佢地有放左2大隻蝦係湯入面感覺 豐富啲。加$38蚊就可以轉烏頭，我地緊係即轉啦😁。條魚好新鮮，食落的魚肉仲要有啲甜味，只係個人覺得個湯扁清淡，仲有少少泥味，但都算 ok啦！總括嚟講個餐4人食都得😆，每個餸份量都大大份😍。但有一點如果其他朋友仔食開九龍城嘅泰國鋪的話就會覺得依間嘅味道扁向港味，泰國本身煮嘢食會放好多香料，但依間本身就扁淡一啲，啲嘢食唔太酸辣，小左啲 惹味感覺。如果喜愛冇咁刺激嘅朋友依間非常適合你哋😉😉😉😉😉😉😉😉😉…查看更多

宮囍10/21 剛開始試業時我就因為佢地有🦐多士$45蚊一份，胆粗粗就買嚟試下。點知好有驚喜，雪白嘅蝦肉幾彈牙，多士炸到脆卜卜，真係好好食，之後每星期一定最少食一次😂。到近排（11-11-2022）啲🦐多士己經變左質，啲🦐膠真係變得膠左，明眼一睇就知加咗好多膠粉，同初時食時己經變左！之後都要諗下仲叫唔叫。海南雞飯都仲好似初開業咁好食，好食啱海南雞飯係旺角真份唔多，希望你地加油💪🏻💪🏻💪🏻💪🏻💪🏻💪🏻💪🏻💪🏻💪🏻…查看更多

今晚第一次試下新開嘅立食🍣店，收工收得晏就為有外賣自取。我去拎時門囗位小姐話因為有熟食，所以幫我分開左2袋，怕影響D🍣🍣，真係真心覺得細心😄。今晚叫左好多嘢食藤之特上魚生丼～魚生幾新鮮，份量一啲都唔少，外觀一睇就好吸引。藤之上壽司盛合～有三文魚，油甘魚（依件D魚有啲散,味都 ok) ，甜蝦，北海道帶子（好味）,火炙左囗魚 (👍🏻👍🏻), 海膽。鰻魚壽司～一件$18蚊，真係好底食，件鰻魚幾大片，仲要好滑，無骨好厚肉，真係覺得自已叫太少🤦🏻‍♀️。吉列蝦反卷～睇相以為唔大件，但完全諗錯晒！需然係一隻蝦嘅長度，但真係唔少卷😆，食時炸蝦仲暖同脆卜卜，條蝦尾炸到食埋都得，又多飛魚籽，$38蚊有依個量真係唔少嘢😆。炸蠔（4pcs) ～蠔Size 唔算好大，但一啲都唔厚粉，啲蠔一啲都唔苦，外皮好脆，鍾意食炸物嘅朋友真係要試下。蟹肉蟹膏手卷～真係俾其他店多好多蟹肉，一啲都唔咸，加埋紫菜同有小小味嘅壽司飯，一條真係唔夠😆。仲有外賣筷子set 都好靚😍今餐真係好驚喜，好少見有味飯，真係連豉油都唔洗，再加上每件魚生都唔細件，價錢合理，真心覺得都底食👍🏻👍🏻👍🏻。。絕對會回頭👍🏻👍🏻…查看更多

今晚又用🐼叫左BistroBloom 2 人 set 餐 D，第一次試，有D期待。食物款式都算多，前菜同甜品可以揀4款- 前菜: 芝士腸仔沙律 + 地中海八爪魚仔沙律 + 意式冷肉拼盤 + 香燒雞肉意大利麵沙律外賣自選2人套餐 - 甜品: 布朗尼 + 歌劇院蛋糕 + 啫喱糖 + 朱古力撻。而主菜佢地本身set 好左，我就揀安格斯牛扒同埋煙肉意粉。牛扒好香，有我最喜愛嘅炭燒味，但最慘嘅係塊扒超多根又無肉味，只可說清談。其他食物都偏向清淡（ 淡味）, 尤其係個頭盤燒雞肉意大利麵沙律一D味都無，我食左D蕃茄就無再食依個沙律。而甜品好食，一D都唔太甜👍🏻👍🏻👍🏻。 整個餐嚟講其實水準都ok味道清淡都可以接受， 而份量頭盤一啲都唔少，大家都可以一試😄。…查看更多

好耐無食 OCIO, 今日專登早啲係 OPENRICE Order 晚餐, 有全日餐，軟殼🦀意大利飯同小食拼盤。收工去拎外賣，返到屋企即刻打開我鍾意嘅意大利飯。我第一時間就講左句 "異型吖" ！！！！外賣啫，隻軟殼🦀唔洗迫到變晒樣嘅，可以分多個盒嘅，如要加錢我拎外賣時可以問我拎，我ok 嘅。而全日餐就 ok 啦，一定有瑕疵，唔太差我都唔理，我只係希望外賣唔好同堂食差太遠咁就最好。各位睇相了解下我話"唔好咁大分別" 嘅意思係咩🙏🏻🙇🏻‍♀️！！！！PS-----我有寫明薯條分開放，但冇，啲薯條搞到 林bet bet😑！…查看更多

收工前叫外賣，每次行過都好想試下佢地煮果條，炸到開花嘅桂花魚，今晚就專登試下😃。同時我仲叫左沙煱雲吞雞，小籠包同炸春卷。條炸魚一開盒就覺得"好厚粉", 而跟果個甜酸汁真係酸到眼都擘唔開，但一樣要👍🏻個汁入面好多青紅椒同波蘿，夾埋D魚一齊食層次豐富左，好彩我無倒D汁落條魚到，如果唔係條魚真係唔洗食，因為太酸😆。沙煱雲吞雞湯味濃，係D雞細嚿左，料唔多，無乜肉食，我真係以為同圖一樣有隻雞批😝，但好彩嘅係勝在雲吞大大粒，拉上保下😆。小籠包。。。係咸左D無乜特別，而春卷就 No Common 😑。整體今餐都 ok, 會再叫依間餐廳，但唔會係短期內囉🤷🏻‍♀️🤷🏻‍♀️🤷🏻‍♀️…查看更多

今次係第二次叫 euro go go, 第一次試時有影相但無 post 到，今次一定 吓。每次都係叫🐼外送，收得晏就係咁，D嘢食一到手就凍凍底，但都唔影響食物質素😁，對依間平平底又幾好食嘅店舖真係會再幫襯😀。我都唔太需要點講，但有一樣就係，叫意粉的話，蕃茄味會濃味過白汁，因為白汁真係無咩味😆。咁次我一次過 upload 晒2次叫嘅嘢食先😍😍😍😍😍😍😍😍P. S. ～每次我都會叫埋甜品，香蕉班戟，真係幾好味😋😋😋😋，香蕉酥皮餅就少餡，好彩啲酥皮夠香，同埋最緊要咁係太甜，味道啱啱好😁。…查看更多

收工收得晏，好彩有外送如果唔係真係唔知有乜好食。今晚叫旺中嘅川婆婆，好耐無食麻辣嘢，見佢地唔係太貴就試一試！我叫左2人麵餐，另外加個酸菜魚同鴨血。講真本身都係抱住ok唔難食嘅心態就算，但今次真係唔難食，由其酸菜魚，又大碗，又多料，$88蚊真係唔差。而其他都算叫 ok, 份量都多，佢地係做車仔麵型式， 配料上講真都算多，我覺得最特別係啲蒜蓉醬， 撈埋落去啲麵度食又真係幾好味，可能本人鍾意食蒜🤣。配料：雲吞（同粉麵店舖嘅雲吞無咩分別）。腩肉片（其實係煙肉😑），醬爆肉丸，黑椒牛丸（唔係粉團咁🤷🏻‍♀️）， 枝竹。。。。！講真，配料同其他車仔麵店無嘅分別，佢地既湯底唔係好咸， 辣味因為我叫小辣所以都唔係太辣。而魚旦同鴨血上面果啲都只係辣粉，一啲都唔麻，但$20幾蚊都叫 ok。😆😆😆😆😆😆…查看更多

天氣凍凍底，好想食啲熱嘢暖下身。今日晏晝就叫左附近間許榮記麵店嘅菜肉餃墨丸撈麵食（扣底）。因為係附近就叫堂上（環保嘛😆）。等左10鐘左右就有得食😋，一嚟到就見到碗熱辣辣嘅魚湯就忍唔住飲左啖，啲魚湯奶白色，唔太咸，無油，好清，我一囗氣飲左半碗😆。西洋菜餃係麵店自己包，好多料，食多幾隻都唔覺肥。墨魚丸好爽口，入面仲有啲芹菜粒同墨魚粒，好有咬囗，一啲都唔似其他店，入囗好似成嚿粉團咁。食完個餐成個人暖晒😍。熱嘅粉麵最啱凍嘅天氣食😄😄😄😄😄😄😄。PS----唔食蔥記得叫走蔥吖😁！撈麵可以揀蠔油畫腩汁， 我今次揀蠔油因為冇咁肥😆。…查看更多

因為疫情關係就只好叫🐼外送，我就叫左個2-3人炸雞餐。外觀上都好似 ok嘅，一食啖飯就覺得奶嘢😨，點解咁似反叮飯？因為D飯係微暖，又硬又實，可能係因為開始凍掛。炸雞林bet bet，一D都唔脆，好彩D雞肉唔係死硬，唔乾。泡菜餅得個咸字，無泡菜味，仲要幾濃下。辣豆腐腩肉湯又咸又甜，真係有啲唔知個湯想點。成個餐最好食嘅都係條紫菜卷，凍晒個外皮都仲好硬，勁👍🏻👍🏻👍🏻👍🏻。 綜合嚟講，成個餐都唔好食，我都未試過難食嘅韓國料理。…查看更多

係唯港薈Book左2個月嘅自助晚餐，6號終於可以去試啦，講真，真係好期待，因為我知唯港薈D嘢食一向唔差，榴槤甜品仲要做埋依個月就無，所以先一早 book枱。佢地6點開始，我同朋友6點半去到，當然知坐邊後就即刻去睇下有乜食。第一碟一定係冷盤海鮮～有🦀腳🦞🦐同 蜆仔。龍蝦真係又乾又鮮，D蜆仔加左小小🍋汁都好過龍蝦，🦀腳同🦐真係好甜仲有少少海水嘅咸味，食完第一碟好快就再出去拎過😋。當晚無燉湯變咗蛇羹(我仲以為係碗仔翅😆) ，見好耐無飲過緊係試2啖啦，味道我淨係知落左好多花雕酒之外我真係食唔到有乜其他味😑。🦀粥好味，無味精，清清甜甜最啱就係食完濃味嘅食物後食。之後我仲食左～咖哩雞加薄片（雞好硬，薄脆片好咸），炭燒牛扒（有D肉味但多根，不過都 ok, 因為我鍾意有炭燒味，咖哩炸魚件（😑😑😑），帶子刺身（好👍🏻👍🏻👍🏻👍🏻又大隻又唔會有苦甘味）。凍花雕雞翼得沙薑味無花雕味，可能D花雕落晒去D蛇羹度😆。仲有D沙律，小吃我都唔講，因為無乜特別🤷🏻‍♀️，唔開心係無鮑魚， 生蠔同 片皮鴨😭。最後當然係主角榴槤啦，其實講真。。。都幾失望，當然榴槤係幾好，但得幾款，炸榴槤球淋晒， 班蘭榴槤蛋卷，奶凍同榴槤撻真係無食第二次。但有一點各位食甜品時一定要拎埋最前排，原味榴槤醬，依個真係驚喜😍，榴槤雪糕都好味😋。 整體，真係唔好咁大期望，因為都幾失望😟！ 值得一提既係當晚有一道菜係叫魚子醬蟹肉脆片，蟹肉味道清淡加魚子醬少少咸味真係估唔到都幾好味😍！！PS---- 相片嘅箭咀指住嘅就係榴槤醬大家記得拎啦😄。…查看更多

我一早係網上一次過付款和朋友一齊試依間D自助餐，睇完其他試過嘅朋友的回覆覺得 ok, 一來在他們網站上訂枱有6折，我地就揀在星期日一齊去食。我地6：15左右到，去到講左電話號碼話無我 Booking😨. 好彩我有 show個 Booking QR Code比佢地睇，最後好有禮貌咁講唔好意思。我地入坐後好快就行左一個圈，我同朋友一開始就揀熟食，一來剛好有燒龍蝦，二來熟食多選擇啲。我就拎左燒龍蝦， 天婦羅， 焗帶子等試一試先。今晚啲龍蝦好失水準，D肉實滴滴仲要縮水，我同朋友都只係食左一隻就再無拎過，但蝦和長腳🦀都 ok新鮮。而其他openrice 之友所講嘅腸，豬扒，海鮮煱，叉燒，鮑魚壽司，炸蠔等我就見都無見過，但就有燒三文骨，油🐔同炸墨魚圈。我估。。。。佢地係不定時就會出不同食品，睇下各下果晚好唔好彩。最後提一提，鮑魚壽司係要「問」先有，仲要早問，如果唔係好快無😭。今晚都有啲失望，因為有好多想食嘅食物都無☹️。好彩嘅係其他食物味道都 ok。最重要嘅係，每位廚師和侍應都好有禮貌，俾我係自助山見到果啲真係禮貌N倍😆。…查看更多