nnnnllle的个人专页

星期日夜晚九點幾，係中環選擇唔算多，剛好男朋友話想食牛展飯，打開外賣平台見到呢間有，心諗滷味應該點都唔會死啦。最後叫左個滷味拼盤加白飯，拼盤成100蚊，唔緊要，覺得食得飽就好………結果裡面係鹵豆腐一舊，非常細，唔夠兩隻手指公加埋咁大，重點係老細想食既牛展變左做金錢肚因為係外賣，所以翻到屋企打開先知。可能係台灣滷味既關係，滷味食落去唔知點解有好明顯酸味，:(值得讚既係，珍珠米白飯係唔錯，分量唔細，食落口感好好~…查看更多

三個人埋單1500左右 抵食！海膽飯超讚！細份已經夠三個人share白子同生蠔都好唔錯！推介！！白子好食到我連配菜青瓜絲都清埋，會想ancore，好讚！另外仲叫左推介既十貫壽司，主要以魚為主，讚！反而燒銀鱈魚，同埋串燒對比以上兩樣唔太出彩，建議留翻多d quota比壽司同魚生，串燒就睇心情啦:(始終燒物都唔係算平，對比其他食物性價比麻麻。下次黎會想配sake，仲有新既海膽set，見到都覺得幾吸引希望會有驚喜！…查看更多

下晝經過灣仔見完客，諗住附近搵少少唔太heavy既野食下，係合和正對面見到有間新外賣店，就過去睇下。剛過馬路，剛行到街頭就聽到有雞叫聲😅😅😅係寵物小精靈主題曲，應該80-90後都會好有共鳴。店面有個著綠色關公袍既哥哥係度收銀，店員好有趣。聽店員講因為扔在試業中，所以暫時只有手寫menu。上面有招牌炸雞髀飯，各種小食，有炸餃子，薯條，炸魚皮，最後我叫左個蜜糖雞髀飯，38蚊仲要包野飲冇諗過會係呢個價錢，幾抵wo又真係。落單3分鐘就攞得！有餐具有膠手套，幾好！呢隻雞髀，應該係我近年食過最好食！！！！！仲有彩蛋: 個飯不是白飯，有雞湯味！！！好似油飯咁下次經過灣仔會再試。…查看更多