stephyllc的个人专页

尋尋覓覓，終於俾我搵到我認為最正宗嘅麻辣火鍋店!!本人極度好辣，經常為了食好味嘅辣野花好多時間返內地覓食!!因為呢度俾你搵曬港9新界，川湘菜館好多，但好食嘅真心冇幾間!!麻辣火鍋好味吸引之處就係，你好難想像佢地用幾多種同咩品種材料去熬個湯底出來，even俾你睇到曬湯底材料，個種獨特嘅味道，你自己屋企整可以講係冇咩可能成功!!煮滾嘅湯底麻香四溢，聞到都精神一震呢度食材都好有川菜特色，地地道道!!蔬菜粉皮最能吸收湯底精華，唔洗特別加醬油點汁，湯底有夠濃郁!!花椒嘅麻，辣椒乾嘅香辣，充斥整個腔,刺激每一個味蕾整盤血紅嘅辣椒紅油，唔洗擔心，其實佢辣得來比較溫和,一啲都唔難入口!!連我朋友不吃辣的都讚不絕口!!食到混身大汗都停唔到落來冇介紹錯，我愛死二姐啦…查看更多

午餐來到呢間佈置懷舊搞怪嘅一間冰室，餐牌選擇幾多樣化幾特別試左個炸雞脾保齡球一上枱有啲驚訝，好大份似珍寶分量嘅脆辣雞腿包，佢地用左脆猪夾住隻雞脾，脆猪幾香口，不過雞髀炸得有啲過火 ，外層炸粉顏色黑黑地，食落好硬， 雞髀應該用咖哩汁醃過黃黃哋，可惜味道太重有啲鹹苦味、同好乾身同我期待嘅冰室炸雞脾好大落差望到隔離枱類似炸物顏色都偏黑，認真麻麻，有特改善…查看更多

印象中龍華乳鴿係好大隻好多肉嘅!好耐冇來試，今次食完覺得好味左例牌叫左兩隻燒乳鴿，明顯細隻左但外貌一樣吸引，戴手套食最痛快，熱辣辣一啖咬落去，外皮唔夠脆 不過啲肉好嫩滑多汁、易咬，而且特別香濃入味，可能係因為細仔左嘅原因!平時食唔到半隻，今次食左一隻，齒頰留香…查看更多

突然想食忌廉蛋糕，愛人又想食pizza,咁啱來到呢度滿足曬我地嘅需要呢度嘅pizza係相當唔錯，但估唔到今次試呢個鮮果忌廉蛋白餅係咁surprise分量都幾大舊，白雪雪嘅忌廉上淋滿熱情果醬同幾款含豐富維他命C嘅水果粒，都係女仔喜歡嘅士多啤梨，奇異果，藍莓等等!望落似雪糕多啲!!以為可以輕易用叉筆起來，但原來裡面係真係有舊餅，白色嘅蛋白餅，好鬆脆，味道質感都好似麥提莎個餡一樣，而且呢度係一大舊麥提莎餡，超滿足一大啖忌廉撈埋鮮果仲有好美味嘅蛋白餅，絕配價錢覺得有啲貴，食個甜品都要百幾蚊，不過真係好味，下次叫多啲人再來食過就冇咁肉痛啦…查看更多

最喜愛來食嘅一間雲南米線本人好辣，試左好幾間唔同嘅雲南米線，始終都係呢間食過之後念念不忘其中麻辣係我至愛，餸菜唔需要多，點一兩個，靈魂係佢個湯，每次熱騰騰放上枱我都要先用佢地提供特大湯匙盛幾口濃湯襯熱飲，mum~好麻辣呀!好好味呀米線軟硬適中，湯底由好多配料炒制而成，所以夠油水香濃，感覺佢係即煮嘅一個湯底，唔似其他味精粉湯底!每次食到連湯都想飲清光呀!!呢度米線真係辣，奉勸大家想食大辣要三思，會辣到冇曬味覺!!建議中辣，可以滿足你好辣嘅心靈同時品嚐到佢美味嘅一面…查看更多

幾好食嘅一間日式拉麵!!今日一開門就來食唔洗排隊，環境都同日本嘅普通拉麵店相似，夠簡約叫左個最平嘅豚肉拉麵個湯好似牛奶咁夠曬濃滑，好有膠質嘅感覺，拉麵揀左中粗，因為易入口，每夾起一啖都沾到好多湯汁一齊送入口，咬落煙煙韌韌豚肉亦唔肥，薄切，肉味濃厚整體來講係滿意嘅中規中矩嘅日式拉麵…查看更多

有水準嘅一間排房，愛人最歡喜來呢度幫襯12安士肉眼排，厚度剛好，5成熟，外層煎到香脆微焦，輕輕鋸開，肉汁滿溢，食開牛嘅絕對接受到呢啲血紅又充滿牛香味嘅肉汁!!yarm一啖蘑菇汁，入口外脆肉軟，成個口腔都係肉汁牛香!!食每一啖都不禁流露出幸福嘅表情!!…查看更多

老遠走入來沙田想話食下火鍋，呢間野門面幾靚仔一於試佢任食火鍋配料湯底都係好普遍個幾款，叫左個咸菜黑椒猪骨煲，其他就肉呀丸呀菜呀咁!!個湯一上來係清嘅，第一次見猪骨湯底咁清澈見底!味道清到連唔多有益嘅味精味都食唔到，猪骨碎蘿蔔碎菜少量，比起我食開個間同樣係任食免費湯底嘅稻X簡直差天共地頓時冇曬食慾!!而其他火鍋料上枱亦唔美觀，直頭更加影響食慾!!生肉同丸呀腸呀血淋淋撈埋一隻碟送過來，分量唔多唔係問題，太多反而怕浪費!唔緊要!全部一獲熟倒曬落鍋、照食可也!!食後感~除左芝士腸，其他我講唔出係咩味，感覺好似食左啲仿制品落肚!!食咩冇咩味!!火鍋任食$138一位都幾普遍下，但質素絕對唔至於淪落到咁!仲要係一間咁四正嘅海鮮酒家!所以話凡事唔好睇表面失望…查看更多

晚飯來試下大榮華既猪油撈飯，但原來佢地嘅燒鵝都超正!!見到隔離柯打個碟例牌，流曬口水一上枱，賣相係冇得輸嘅~幾棵芫茜同香脆可口嘅花生作伴碟,油光閃閃火紅色嘅鵝肶，仲等咩即刻一啖咬落去嘩~鵝皮香脆燒到剩番啲啲脂肪做皮與肉之間既隔心，鵝肉棉軟，肉汁充滿成個口腔~香烤味燶!!唔係講笑!!口感味道一絕，落有幸福嘅感覺希望會好快再來食過…查看更多

來到元朗當然要來試下b仔糖水雞翼尖啦~果然名不虛傳，蒜香雞翼尖辣辣地又勁香蒜味!!煮得夠曬火候，放入口一lun即刻骨肉分離超入味，越越過引!一個人食一碟係唔夠架，仲要打包拎走唔該…查看更多

潮流興海鮮蒸汽鍋，今日首次和朋友來到水上人試下，一嘗佢既魅力由於佢地供應嘅食物種類超多，我地選擇左叫套餐，唔洗諗好方便!!我地分別叫左唔同既set餐，所以平時街市見到嘅海鮮都幾乎上曬枱!!一開波工作人員先整好個蒸氣鍋靈魂---雞粥底wich我地係超期待嘅然後就逐一將啲海鮮放上粥上層蒸熟上碟!花蛤大大隻，冇沙，食落好鮮美!! 珍珠蚌、象拔蚌一啲都唔腥，蒸既時間亦控制得恰當!爽口彈牙，賣相感覺好乾淨新鮮，大啖食完全冇顧慮!!生蠔 、扇貝手掌咁大隻! 口感豐盈，超juice食左頭幾樣已經好有滿足感，值回票價!睇埋跟住上嘅 波士頓龍蝦~大過我塊面肉質鮮嫩剔透，放落個鍋度仲郁左幾野有啲殘忍、但證明佢係新鮮到冇朋友!!啖啖肉，唔洗點醬油，原汁原味!不得了! !接住仲有兩款蟹!我食左花蟹，呢個時候有啲飽!但見隻花蟹飽滿又結實既蟹鉗彷彿向我招手，唔食對唔住佢食埋幾個菜同肉， 期待已久集合各款海鮮精華嘅雞粥底終於上場，可以想像得到佢既味道嗎？!!冇需落調味，充滿海洋氣息，鮮甜美味，好飽都難以抗拒砌左兩大碗唔緊要!!呢餐海鮮鍋好食得來營養十足又唔熱氣!!唔試過真係唔知有幾潮流興…查看更多

假日午餐R爆頭，就來個選擇多價錢實惠既lunch buffet啦!! 呢度熱食冷盤甜品加埋都有三十幾款可供品嚐，每樣試一舊都夠曬飽我就當然會主攻冷盤同燒牛肉啦凍蝦大大隻，啖啖肉，鮮甜美味，隻隻都好乾淨，無需故意挑蝦腸!!而且供應充足，唔怕冇 ! 翡翠螺都好大粒，大到要用刀叉切開分幾啖食鮮甜爽口又彈牙，滿分享受但呢度嘅燒牛肉就認真麻麻，太熟，有啲柴皮 ，不過賣相吸引，落都好有肉香，忍唔住食左兩舊其他熱食甜品都不過不失，咁既價錢絕對超值…查看更多

好辣既我一直尋找好味既麻辣火鍋，未食過正宗既但呢度既辣得唔過份但食得好過癮最基本花椒既麻同辣椒乾既香辣都俱全非常刺激味蕾，令人胃口大口而材料方面絕對不能不提佢地既招牌牛拼盤有多種不同部位既牛肉，叫一盤就試曬幾種牛肉既口感，味道!在麻辣湯底既襯托下，簡直是絕配其次呢度既炸物全部都即炸，鬆脆可口，欣賞佢點解可以炸得咁香口，味道亦難以抗拒食多幾舊，熱氣都係咁話…查看更多

住呢頭咁耐剛剛先發現街市樓上平台有大!排!檔!即刻call齊人馬來試下海鮮好多種類，菜式亦多不勝數而我今晚最欣賞就係呢個燒乳鴿單睇表面金啡色閃閃下經已口水直流大小啱啱好，一啖咬落去皮薄到一啲脂肪都冇細細舊但係啖啖肉仲好有肉汁，唔似平時食過個啲炸得好死實覺得佢好新鮮，絕對唔係番炸， 醃得好夠味 ，齒頰留香!食到連骨頭都唔放過，越越香實在係正…查看更多

胃口麻麻諗唔到食咩呢度既開胃越南生牛湯河就啱曬啦～牛肉全瘦薄切生熟怡好落一啲都唔柴皮個湯熱辣辣清清地面頭浮游住牛肉碎同一層薄薄既油光加埋店內自家調制既酸辣汁胃口即刻番曬來好食既越南生牛河冇幾間呢間地方雖小但本人覺得絕對值得一試…查看更多