irisnov11的个人专页

喺佢社交平台問咗三次開工收工時間，終於夾到時間買到～呢間小店唔早開，有次諗住買早餐，要中午12點先開，願意等；有次喺外區趕返嚟荔枝角，不過佢話收7:30我趕唔切，又試唔到。終於今日又嚟荔枝角辦事，夾到時間試到第一次。結論：會再試其他嘢。原本諗住試吓開心果Tiramisu，店主突然推薦開心果芒果蛋糕，我就即管一試，正如佢所講唔太甜，幾好味，只係開心果味唔太濃郁～下次先再試開心果Tiramisu同埋傳統Tiramisu，可能要帶啲朋友嚟一齊揀⋯店主仲有話三文治，我份人係鍾意睇實物/ 圖落order，當其時睇到店面冇三文治，我就唔識得叫，之後send返社交平台叫佢俾幅相我睇佢頭先所推薦嘅三文治，下次鹹點就點店主推介。咖啡都OK。好開心荔枝角有意大利小店，近MTR，又響區內有名商場地舖，容易買，即使營業時間唔長，希望佢哋可以休息多啲，因為見店主太太（應該係除非唔係）好似唔係好笑得出😂明明今日陽光明媚☀️心情應該好好🤣Anyway, 值得再幫襯，希望佢生意好，繼續屹立荔枝角！…查看更多

純路過見有招牌越南豬肝醬法包，就買嚟試吓，睇吓會唔會同荔枝角嗰間一樣咁好食，只可說失望～其他未試過不能作評論，只可說包冇乜特別，啲肉嘅味道麻麻，成個包毫無特色，如果有幫襯過荔枝角嘅小店就知我講乜，冇比較冇傷害…查看更多

食物好，服務好，優質小店，值得支持！請朋友食lunch，近深水埗港鐵站D2出口，行無耐就到⋯朋友讚appetizer好睇又好味👇🏻Fresh Crabmeat, Crab Miso Paste Cucumber Salad我叫咗牛柳鵝肝，牛柳五成熟，非常軟熟，鵝肝正常水準👇🏻Grilled U.S. Beef Tenderloin with Goose Liver可惜食到中途有隻好微小嘅昆蟲，我直接用橙汁杯撳落去當冇事繼續傾偈🫠 set lunch跟嘅橙汁似乎唔係鮮榨，但味道都OK嘅⋯⋯唔多寫食評，但有心做嘅小店值得支持，希望多啲人去欣賞美食😊…查看更多

蛋黃濃郁、豬扒柔軟易切易入口、特色陪襯紅腸選擇，加菠蘿油抵食同不俗嘅茶走～呢間冰室令我一去再去。奶茶嘅茶味可以再濃啲⋯仲有ViuTV睇添。至於環境，咪就係懷舊囉，配合餐廳名😆…查看更多