大龍貓的个人专页

吉壽之前食過一次，覺得幾好。呢日朋友生日，佢又未食過放題，就試下呢間野啦。七點去到都要等位，好多人。等左陣就入去坐。落完野食都好快到。食食下無影到相，所以重點介紹下。（左上）蟹籽沙律：味道正常，賣相求其。（右上）辣味三文魚：普通刺身較優勝。下面三樣我無試。*炸物*雞翼：香口，味道可以，但不會再叫。海老：蝦大隻，不會炸得太厚粉沙律醬可比多少少，其他好似無試。串燒和牛仔骨？一般般，牛仔骨較juicy。刺身盤：三文魚唔夠上次新鮮。甜蝦玉子好味。其他無食唔知。燒什麼魚腩？聽講好好味，朋友encore左幾次。再encore的刺身盤，至愛甜蝦和玉子。平日散叫玉子覺好搵笨，放題就可係咁食了。但小刺身盤冰較少，要快手點。第二次叫的羊架，以任食放題標準，質素可以，香口，微脆，連骨位juicy。（第一次就一般，叫幾舊就幾舊切開一半比我地。〉再encore的刺身盤。火炙壽司，飯size細，但味道只是一般，不試亦可。海鮮湯和帶子，朋友叫的，我無食，但可見唔偷工減料。後來叫左個蟹粥，無影相，好甜，係好飽既情況下都食哂。Overall比起第一次，有Ｄ野進步左，但有Ｄ野就退步左（如三文魚刺身），應該關來貨事吧。任食只有兩個鐘，好快過啊…會有下次。:)…查看更多

平日的朗豪坊food court，食飯時間，好不容易搵到位。　　原本想食pepper lunch，但見朋友買韓國野，我又跟埋去睇下，咦？係幾吸引喎。　　雞肉飯包野飲$52，內有泡菜、青菜、粉絲、雞肉和飯，好似仲有蛋？太耐前食了。只記得C/P值頗高。　　同Display一樣咁大碗。　　質素可以，樣樣無特別好食，都無特別難食，少許偏油，雞肉幾大舊，較喜愛的是粉絲。總括來講Average啦。　　朋友的牛肉飯，有埋醬汁，好香。　　呢日無食過野，所以食完仲有空間可食多個（當然我無），平時食就勁飽肚啦。　　跟餐野飲熱柚子茶，沖得濃淡恰宜，係咁嘈既foot court飲一啖，唔知點解有d睡意？…查看更多

呢日同朋友出尖沙咀食飯，就食返呢間幾乎次次同佢地出尖沙咀都食既萬豚屋。　　一如以往，要等位。　　入到去，年幾無食，加價。平均貴左八至十蚊？　　野食來到。今次叫左香辣豬扒烏冬。之前都係食牛肉，今次試下食豬扒啦。　　仍足料，有我至愛融係湯底既蛋。豬扒外鬆內軟。沙律醬屬於較creamy果類，岩我口味。　　而配料栗米清甜，加分。　　只係香辣湯底，個湯會cover烏冬既味道，包括口感。猶記得第一次係食辣，覺得好味，之後食清湯，更出色，烏冬口感細緻有彈性。明明兩樣野無衝突，唔知唔解就係會咁。　　朋友叫左牛肉烏冬同海鮮烏冬，都係香辣，我就無試啦，反正湯底一樣。　　加埋一九十蚊碗。係第二啲餐廳可以食到好多野。然基於呢間野充滿中學時期的回憶，次次食都會覺得自己仲係好青春，加上質素無咩大變，仍會有下次。　　下次唔跟風，食返清湯哈哈。…查看更多

一直對呢間路德圍既小食店情有獨鍾，呢晚臨時起興，同朋友去食宵夜。　　因為未食晚餐，所以大家都幾肚餓下。兩個人叫左兩個主食同兩個小食。　　小食兩個上左先，一個係魚片，一個係咩咩卷，唔記得左佢叫咩名，魚片有口感，食完會想再食。咩咩卷脆得岩岩好，唔會太硬，微辣。只係加左價，唔係咁值。　　我的餃子拉麵，天氣好熱，一定要飲可樂。麵係超市買到既辛麵，不過佢配料多好多，雖然自己屋企整都得，不過整唔到佢咁好味！以前係用碗，今次真係用個鍋放麵，更韓風。　　朋友既豆腐鍋飯，以前食過，好味的。　　食左小小既大合照。　　呢餐飯食得開心，但佢加價加太多，小食平均加五蚊以上？我記得最過份既係部隊鍋，以前食，一百尾就得，依家竟然要二百尾，簡直恐怖。不過主食又無咩點加價，但只叫主食唔叫小食又無癮。 :( 未必有下次了。…查看更多

呢晚同朋友仔散步到河畔的烏良食飯，順便欣賞晚上城門河既風光。　　去到簡野食，叫左個二人餐，有沙律小食燒物同壽司。　　好快上左沙律先！無放題店咁HEA，又比普通連鎖店定食餐新鮮，合格以上。　　食物陸續到齊。　　燒鯖魚（左上）：好香！夠入味！但……之後覺得幾口渴。　　鹽酥雞！？（左下）：和普通炸雞確係不同，只係我講唔清果種味叫咩，然而並無特別回味之處。　　壽司X8（中）：最好味係玻璃蝦，其他一般。記得上次火灸壽司極好味，可惜普通二人餐只有凍壽司簡。　　烏冬（右）：第一次食呢間野時並唔覺得佢Ｄ烏冬格外好味，第二次食更覺好一般，超市買稻庭烏冬比佢好。湯底似出前一丁麻油味。下次叫飯食。　　Overall都可以，始終一分錢一分貨，二百蚊兩個人食日本野食到好飽，有幾味好味，又可欣賞城門河風光，同好友享受河畔情調，良辰美景，所有野都美化了。會有下次。…查看更多

星期六，去旺角買野，順便食個下午茶。星期六日既MOS BURGER同其他地方一樣，都係無TEA SET既，不過，LUNCH SET都有LUNCH SET既好處，就係多D野食同多D款。同行既友人都係MOS BURGER既FANS，所以我地好快決定好食咩。我叫左摩斯芝士漢堡（下），配摩斯雞塊套餐，飲冰凍抹茶鮮奶。摩斯芝士漢堡：茄味濃郁，食落有肉醬意粉果D肉醬，正到不得了！摩斯雞塊：彈牙，有雞味，唔點醬都己經好好食，點左更惹味！冰凍抹茶鮮奶：濃淡恰宜，完全唔似快餐店質素，次次必叫！會有下次。…查看更多

呢日下就約左朋友仔去好耐都無食過既普洱食下午茶。三個人叫左一個吐司餐同兩個點心餐。講左野飲先，香蕉籃莓奶（前），次次必點。下次反而想試下後面朋友果杯籃莓味既有氣飲品，好香。朱古力吐司，只是把朱古力醬查左面包上，連烤一下都唔使。味道只是像吃朱古力醬加面包，不似普洱這麼有心思的餐廳出品的。之後點心拉返分數。春卷（左）：內有蘿蔔，幾清新。豆腐（中）：只是微微炸過，不會太油太熱氣，好岩我口味。炸花枝丸（右）：呢個我地一致認為最好味，唔通炸過真係唔同啲？煎包：餡料一般，湯汁幾甜，煎得香。鹵水雞翼：無特別，要說較優勝之處，隻汁比坊間幾他的鹵水雞翼較有層次一點點，唔係一味得個咸字。平時係普洱食飯餐、米線餐就多，第一次試點心，有小小驚喜。加上價錢合理，以後會多Ｄ去食！…查看更多

呢晚同朋友仔食宵夜，兩個人去左譚仔叫套餐，再加一個小食。唔知係因為食慣左定係佢真係無以前咁辣，以前叫五小辣都好辣的，依家三小辣都無咩感覺。而朋友又幾食得辣，所以就挑戰小辣。套餐小辣走九走芽。堅係幾辣，而且嘴唇有種麻痺感覺，正！湯同餸好多，米線份量少，雖然話食餸都飽，雖然最近譚仔似乎全線米線份量都少左，但食兩下就無呢個情況似乎唔應係套餐出現。口水雞，個樣好似好辣，不過凍冰冰的雞翼同個熱辣辣的湯底比真係小兒科！野飲無特別。埋單兩人共八十元。依家百物騰貴，都無得話好介意野食加價，但我寕願加多幾蚊，份量同以前一樣大大份，咁樣仲好！起碼無令人失望嘛！除左份量和期望有點落差外，食物水準還是可以的，不過評分只在OK至笑之間。基於呢晚同朋友幾開心同埋一直以來對譚仔的情有獨鍾，還是比笑吧！:)…查看更多

呢晚同個朋友仔小聚，佢提議食吉野家打邊爐，諗起自己最愛既清湯邊爐，不禁欣然同意。　　原本可以兩個人Share一個鍋，再叫其他小食，不過朋友仔鍾意濃湯，我鍾意清湯，咁就只好分開叫，獨樂樂了。　　至愛清湯湯底，今次個爐夠猛火野食好快熟。個獅子狗內有芝士，大愛，蟹棒亦愛。其他配料不過不失，只是同清湯一齊食，吸哂湯底精華，份外好味。　　主食粉絲，大大碗good！以前最愛烏冬，有次朋友叫粉絲，比我試左小小後就立即愛上。粉絲同清湯更夾，熟左軟淋淋滑溜溜痴埋一齊，加埋個芝麻醬，簡直係極品！　　牛肉無特別，份量愈來愈少，不過這也是大勢所趨吧！　　另外叫左個關東煮，同以前唔同，分左葷食同素食。健康小小簡左素食吧！原來係熟左有埋湯的，以前的關東煮係要打邊爐食，吸下啲湯，依家就咁食也可。不過其實我叫關東煮的目的是想做邊爐配料，所以都係放入鍋滾下再食，似乎有點浪費了。　　一餐豐富又好味既打邊爐，只係需要六十幾蚊，真係抵玩過任飲任食好多！會有下次！:)…查看更多

呢晚同朋友食飯...近近地係荃灣食...諗起之前係openrice睇過呢間野,好似幾ok...就試下啦~兩個人叫左兩個set再加一個小食~set 1:廚師精選-蟹肉黑松露意粉,跟餐湯,野飲加錢黑松露好多好香,但沒有食到任何蟹肉味...白色的那些...相信99%是蛋白~芝士份量岩岩好,50幾蚊唔可咁高要求,收貨~餐湯簡左忌廉湯,較杰身,味道正常~set 2:羊扒餐,野飲加錢個羊扒好大份...雖然多骨,但我最鍾意吮骨...好juicy~扒煎得岩岩好...微脆,脂肪位好正!估唔到70蚊有咁既質素!!小食: 炭燒雞翼22蚊4隻, ok但個人覺得有小小咸~overall真係平靚正,唔怪得開業至今全好評!希望一直keep住水準啦!羊扒特別回味,會有下次~…查看更多

之前同朋友仔約左今日食飯，但唔知食咩好，上團購網睇睇，最後簡左呢間。星期六，七點左右到，個場都仲係大半空，可能位置較偏吧。兩個人叫左兩個烏冬，一個刺身，一個小食。首先上三文魚刺身，幾乎係食日本野必點。如色澤所示，不太新鮮，芥辣唔辣。之後上炸雞軟骨。炸既食物通常不太差，呢個雞軟骨都無失望，炸得岩岩好，食到幾粒軟骨！之後烏冬都上了。朋友的招牌烏冬鍋，見到顆生蛋即雙眼發光，好似好正。我的牛肉烏冬，熟蛋……如果係糖心蛋就好了。牛肉份量正常，唔多唔少，烏冬質感滑嫩，和一般手打烏冬分別不大，只是要說特別的地方，倒也沒有。栗米香甜，湯底味精湯，好味。見到MENU價錢正常，係普通日本野價錢，有幾款睇落特別抵，例如生蠔，可以簡烹調方法，好似都只係廿幾定三十幾蚊隻，不過個人唔好生蠔，就無緣一試啦。鄰座有人叫燒茄子，倒是很吸引，正所謂隔離飯香嘛！八點左右走，間野就大半滿了。…查看更多

呢晚入左禾輋食馳名沙田既大排檔陳根記。星期六晚，爆哂場，好多人，搵左陣終於有位。:)兩個人叫左三個菜，四個飯。首先係魚香茄子煲，新鮮熱辣不會太咸但份量少。之後係蠔餅，五十幾蚊有三餅見到果下都嚇左嚇，真係好大份。蠔不會太少，炸得夠脆，味道不俗，雖然相比荃灣麗園的蠔餅遜色一點，但份量多拉回分數。鼓汁煎烏頭，烏頭開邊，肉質新鮮嫩滑，鼓汁好甜好開胃。白飯四個，點解兩個人食四個，因為佢好細個！（當然都因為ｄ菜好味啦！）整張圖對比下魚香茄子煲既細小份量，不過用另一個角度諗，蠔餅同烏頭好大碟！最後所有菜清碟，一件不剩！伙計做野算快手，間野咁大都可一眼關七，神乎其技！埋單兩個人食到好飽都係二百左右，又好味又抵食，會有下次。…查看更多

是日同朋友仔食宵夜，去左tst呢間想食好耐既拉面店，因為9點後有半價，好抵！四個人叫左三個豚骨湯拉面，一個辛辣拉面，兩個小食同三杯野飲。講左小食先，餃子新鮮熱辣上，煎得岩岩好，ＯＫ！雞翼，同樣的新鮮熱辣，不會太咸，ＯＫ！豚骨湯拉面，湯底味道正常，拉面無特別，但糖心蛋同叉燒好味，尤其係糖心蛋，口感細緻。辛辣拉面，成個面都係油，朋友嚇左一嚇，「筆」哂層油出來先食，小小辣，聽講還是好味的。野飲方面，叫左兩個綠茶，而送到的綠茶只是茶包加水……同一支芒果飲品，朋友仔的，聽講好難飲，話唔似芒果味。野食大合照。overall算係不過不失，半價野食唔可以咁高要求。如果係宵夜，都可以有下次。:)…查看更多

六點半左右去到，間野都仲無咩人。第一次食，佢係自助形式，有小小似SUBWAY，同師傅講要咩烏冬，之後自己簡小食同野飲再比錢。我叫左個咖哩烏冬（中），再加一個炸海苔魷魚。咖哩非常香，不辣，烏冬滑，好正！炸海苔魷魚唔係炸得好勁，岩岩好表面脆，好味！朋友仔的豚肉湯烏冬，再加海老ｘ２同一個炸雞。豚肉湯好味，但食到最後略嫌咸。海老無特別，炸雞好似炸完放左好耐咁，KFC果類，不要太大期望。食到差唔多七點到就無啦啦有超多人，我地快手快腳食埋汁野就走了。如果想坐耐點，建議非繁忙時間來。overall烏冬好味又抵食，小食好似海老天婦羅咁十幾蚊得一條又只是味道普通就不是太值。野飲得softdrinks，唔飲既可自助拎水，會有下次。…查看更多

呢晚好肚餓，於是食宵夜。入到都十點幾，坐卡位，好闊好舒服，裝飾靚。兩個人叫左兩杯野飲，一個飯同兩個小食share。野飲上左先，朱古力雪香，內有珍珠，珍珠較硬，味道ｏｋ。等左好一會兒，野食終於來齊。炒年糕，泡菜酸酸辣辣，年糕質感好，最緊要係夠辣！好味！魚籽海鮮炒飯，味道可以，無魚籽不要緊，可惜只是溫熱，如果可以熱小小就好。咖哩薄餅，哇呢個真係好好味！新鮮整好熱辣辣上的！sauce同雞肉同咖哩薄餅夾埋一齊，一啖咬落去，真係正到不得了！食過都返尋味！埋單用減$10 coupon，total$168.2，物有所值，會有下次！…查看更多