tasteperfection的个人专页

今日放工好想食重口味嘢，於是嚟咗銅鑼灣京都廣場嘅川滿居，裝潢古色古香，滿滿傳統川味feel，啱晒試麻辣川菜🌶️！川香鮑魚雞煲🍲，原煲上桌暖胃到爆，鮑魚腍滑有嚼勁，雞件嫩滑好入味，紅椒青椒爽脆，川香醬汁鹹香麻辣，惹味得停唔下來，啱晒今晚重口味嘅心情😋！黃金蝦球🦐，每粒蝦裹上濃濃蛋黃碎，蝦肉彈牙又鮮甜，外皮炸得香脆，鹹香得啱啱好，份量足超抵食，強烈推介⭐！麻辣招牌香鍋（香辣)🌟，有牛肚、土豆片、木耳、蓮藕片、萵筍同薯粉，24款香料調製嘅獨家秘方醬，香辣過癮！配料超多，牛肚軟嫩，蔬菜爽脆，裹滿麻辣醬汁，食到好滿足😍！仲有40款配料任揀，超自由，必點🔥！川滿居真係重口味川菜控嘅天堂，氣氛同菜式都好正，放工嚟食真係爽到飛起💖！…查看更多

喺銅鑼灣嘅清原，係台灣甜品過江龍，主打仙草冰品同台式飲品，夏天嚟解暑真係一流！😋雙芋冰嫩仙草凍🍨，呢款真心推介！入面有仙草凍、紅豆、芋圓同芋頭球，仙草凍份量多，帶淡淡甘香，配上送嘅奶油，滑到不得了，超啱做解暑甜品🌞。芋頭鮮奶波波🥤，啱外帶！有鮮奶綠同Q彈芋圓，芋圓咬落有嚼勁，鮮奶綠清新唔膩，飲落好舒服。小芋圓Q奶🥛，另一款外帶飲品，入面有小芋圓、珍珠同椰果，每啖都Q彈滿滿，口感好特別，飲到好開心😍。薑汁湯圓豆花🥣，薑汁味濃到爆，夠晒辣，暖胃又過癮，冬天食都啱！芋頭鮮奶露🌟，滿滿西米露，每啖都充斥口腔，芋頭味香濃，食完好滿足💖！…查看更多

放工同朋友去咗元朗嘅YAKINIKU KAKURA試吓，燒肉控真係要mark低呢間！😍大判燒黑毛和牛西冷（$178）真係好正！雖然一塊唔平，但和牛質素超值！店員好細心幫我哋燒，會摺起某啲位燒到半熟，牛脂香濃，入口即融，牛味同油香喺口腔爆開，配上溫泉蛋同蛋汁，滑到飛起🥚🥩！黑毛和牛特上嫩肩里肉（$268）一樣出色，入口即溶，油脂香爆，每啖都好滿足😋！黑毛和牛上嫩肩里肉（$198）肉質嫩滑多汁，油香好重，食完好回味🐄。佐賀紫菜飯（微辣，$48）係必點！面頭鋪滿紫菜，入面有溫泉蛋同XO醬，配彈牙日本米，微辣好開胃🍚🌶️。塩味牛舌（$88）爽口彈牙，簡單用鹽調味已帶出濃濃牛味，有仙台牛舌嘅感覺，超正😜！生菜（$28）份量6-8塊，但燒肉配生菜清爽解膩，點少得🥬。牛板腱肉（$98）肉質較實，油脂少，咬落有嚼勁，唔錯嘅選擇🍖。甜品（免費）係驚喜！每枱都有，送杏仁豆腐同雲尼拿雪米糍。杏仁豆腐滑溜入口即化，杏仁香氣超濃；雪米糍軟糯，雲尼拿味香甜，完美收尾🍨💖！…查看更多

喺啟德Airside頂樓嘅bellavista，吹住微風，環境真係好chill🌬️，啱晒同friend嚟聚會聊天！BBQ PORK RIBS（半份$198）半份已經好足，偷睇隔籬枱點全份，份量真係震撼😲！Ribs醃得啱啱好，唔會過濃，保留肉質口感，唔係焗到太腍一咬散晒嗰種，輕易離骨好juicy🍖，旁邊薯條炸得金黃酥脆，超加分🍟！TRUFFLE MUSHROOM RAVIOLI（$168）松露同蘑菇味好香濃，意餃大隻，咬落餡料滿滿，滿足感爆棚🍄😋。飲品叫咗兩杯：Mocktail ROSEMARRY SMASH（$75）清新迷人，飲落好refreshing🌿；Strawberry Smoothie（$75）士多啤梨味濃，凍冰冰啱晒夏天飲，又夠晒吸睛🍓❄️打卡一流。推介嚟啟德Airside 6樓空中花園嘅bellavista，食物質素正，地方輕鬆又chill，適合同朋友一齊飲嘢傾偈🌮💬！…查看更多

放工約咗舊同事搞gathering，揀咗The Pearl呢間餐廳。頭盤蒜片橄欖油封大蝦配佛卡夏多士真係好正！蝦肉爽口彈牙，煎到好香，超新鮮，加咗蒜片好惹味🦐✨，多士脆卜卜，配搭一流！秘魯吞拿魚拌蕃茄莎莎配香烤鱈魚脆片同黑醋汁，呢個ceviche好refreshing！吞拿魚片嫩滑，莎莎酸辣好開胃，脆片香脆，黑醋汁令味道更突出🐟🌶️。和風原隻璣煮鮑魚配野菌意大利飯，下次黎一定要再點！鮑魚用醬油煮到軟腍入味，咬落好juicy，野菌忌廉汁creamy得黎唔膩，飯粒硬身有咬口，啱晒口味🍚🍄。慢煮西班牙黑毛豬鞍架，厚實嘅黑毛豬慢煮到超軟嫩，配上蘋果醬甜酸酸，味道更上一層樓🐷🍎。飲品First Crush青瓜味好清新，飲落涼浸浸好舒服🥒，WANDERING VOYAGE椰香濃郁，酒香撲鼻，飲完有種chill嘅感覺🥥🍹。呢度職員講嘢溫柔又友善🥰 食物擺盤精緻😻 環境氣氛浪漫☺️ 放工黎同朋友傾偈食飯，煩惱一掃而空😆…查看更多

最近銅鑼灣呢間A.T.A.S新加坡風味餐廳好多讚賞，所以今次同朋友專程過嚟試一試🌟！叁岜蟹肉炒飯🍚，飯粒炒得乾爽，每粒都分開，味道好濃郁，頂級水準🦀。辣椒蟹配饅頭🦐🥟，之前喺新加坡試過辣椒蟹後一直回味，見Menu有即刻落單！五粒炸饅頭，外層脆口唔油膩，辣椒蟹醬汁香濃，蟹肉滿滿鮮甜，帶點辣味超開胃😋！淨係識嗰醬都覺得好好食咖啡排骨☕🍖，頭一次試咖啡香嘅豬肋排，每件份量夠大，肉質 juicy，表皮香脆，咖啡味恰到好處，唔會太重或苦，好有新意。美祿爆炸🍫，美祿味濃得誇張，冰溶咗都保持風味，上層滿滿美祿脆粒，食到好過癮！斑斕奶茶🍵，斑斕香氣撲鼻，甜度零，清爽解渴，飲落好舒服。裝修簡單樸實，但菜式充滿特色🌟。食完覺得呢度係一間被忽略嘅隱世美食天堂，絕對值得一試💖！…查看更多

朋友話裕民坊YM有間充滿花佈置嘅Cafe🌸，名叫INN I’m not nothing，以前試過佢其他分店，食物水準一流👍，今日嚟試真係令人眼前一亮✨！香煎虎蝦扁意粉🍝，手工麵彈牙，掛滿濃郁虎蝦汁，超香！虎蝦新鮮又彈牙🦐，食得好滿足😋。香煎銀鱈魚柳巴馬火腿蘆筍卷伴蘆筍茸鮮魚忌廉汁🐟，銀鱈魚嫩滑入味，火腿同蘆筍卷搭得啱🌱，忌廉汁鮮而不膩，幾好食😍。芝士奶蓋梳乎厘班戟🥞，輕盈得黎入口即化，搖吓碟仲有彈跳感，好似2D動畫咁有趣🎬！芝士香氣撲鼻🧀，味道濃而不膩，甜度啱啱好，想再甜啲加啲pancake醬，簡直係甜品控嘅幸福滋味🍮💖！放工想輕鬆鬆嘅朋友可以嚟一試😌 我今日好早，下午六點就嚟到，差唔多人影咗張環境相，真係幾靚架😆…查看更多

放工想食簡單啲，同男朋友去咗捌加廿陸天婦羅居酒屋。餐牌有自選天婦羅配搭同丼飯，仲有多款特色小食，部分係店主自家創作，好有心！自選天婦羅定食($30)真係抵食！好似車仔麵咁可以揀自己鍾意嘅配料，主食有飯、冷/熱烏冬、冷/熱蕎麥麵，每份定食仲送龍蝦味噌湯同前菜。味噌湯用龍蝦熬煮，鮮味十足🦐，我同男朋友都揀咗烏冬，扁身烏冬彈牙，掛上海老味噌湯超好味🍜！價錢真係親民，$30起就有自選天婦羅定食，包烏冬/蕎麥麵/飯＋自選天婦羅，仲有其他丼飯同小食揀。天婦羅即叫即炸，大大嚿好有誠意，食落熱辣辣，抵食到爆，啱晒放工想簡單輕食嘅人！我哋叫咗天婦羅帶子，鮮甜juicy；大啡菇，香脆多汁；半隻軟殼蟹，size適中，新鮮脆口；魷魚鬚，彈牙鮮味；吉列豬扒，外脆內嫩；芝士年糕，香濃拉絲；仲有蓮藕，脆口清甜，全部都好滿足🍤🍄🦀🥢！…查看更多

放工突然諗住食牛扒，朋友就介紹咗 Day22 Steak，話性價比超高，當然要試吓！🚶‍♂️餐廳離地鐵站大約 10分鐘路程，但一到門口已經 大排長龍，睇嚟都幾受歡迎👀！今次我哋點咗個 二人套餐：🍲 酥皮湯：上枱時熱辣辣，撕開 香脆酥皮，滲出濃濃嘅 蘑菇香氣，啖啖暖入心！❤️🍝 茄汁意粉：酸酸甜甜，味道平衡 好開胃！😋🍟 炸薯條：炸得金黃香脆，口感 脆卜卜，夾埋茄汁一齊食 一流！🍗 花蜜雞翼：雞翼先煎後 淋上蜜糖，帶有淡淡甜香，皮脆肉嫩！✨🥩 鵝肝配安格斯封門柳：主角登場！🔥 鵝肝煎得香脆，內裏細膩柔軟，完全無腥臊味，入口即融！牛扒係即煎，可以 自行調整熟度，咬落 肉汁四溢，食落超滿足！💯 圖2有片😆 熱辣辣、喳喳聲！💥🥤 大杯飲品：分量夠大，飲落好爽口，配埋成餐 超滿足！😌✨ 整體體驗：店員 服務態度超好，細心講解煎扒技巧，座位夠闊落，唔會逼夾夾，環境舒適，仲可以預約，CP值爆燈！…查看更多

呢日放假去咗長沙灣行街，見到呢間餐廳門口好靚，忍唔住入去試吓！餐廳有兩個好靚嘅打卡點！🤩🥰 係乾花佈置，仲有木製座椅同燈籠做點綴啱，女仔黎呢度一定要打個靚卡先走😎食物方面，我地叫咗三款嘢食😆小食拼盤🥳拼盤有炸雞翼、炸魷魚同炸蝦，全部都係即叫即炸，熱辣辣又脆口，唔會太油膩，好滿足！全日早餐🌤️呢個早餐好適合唔想食飯面嘅朋友，內容豐富：有柔軟又香嘅大啡菇、煙三文魚、肉腸，同埋燒到香甜嘅菠蘿，每樣都好有質素，味道配搭啱啱好！開心果疏乎厘🍰成餐飯嘅亮點！🥰 其實佢有好多口味可以揀、但我作為開心果迷，諗都唔洗諗就揀左開心果！🤭🥳賣相精緻吸引，鋪滿咗香脆嘅開心果碎，而且只係小小甜，仲有淡淡開心果香😚 唔會覺得太heavy 🤣，好推薦呢個甜品♥️呢間餐廳啱晒環境舒適，好適合拍拖或者同啲女仔朋友聚會傾計打卡。😙食物水準唔錯，推薦試下☺️…查看更多

🌟 Happy Friday 約朋友小聚一下！🍷🎉星期五放工，當然要搵間舒服嘅餐廳chill吓！今次同朋友嚟到荃灣 WM Cafe and Bar，餐廳空間感十足，座位寬敞，最驚喜係仲有戶外用餐區🤩涼涼哋又唔太凍嘅天氣坐出面應該好 chill✨🦞 龍蝦湯先嚟個龍蝦湯，鹹香味濃，入口帶住淡淡嘅龍蝦鮮味🧀 芝士蟹肉釀大啡菇配牛肝菌意大利飯意大利飯鋪住一層燒芝士，焗到微微金黃，香味四溢，入口煙韌有咬口，軟硬度啱啱好👌。大啡菇juicy到爆，每一啖都滲出菇本身嘅鮮甜，加埋蟹肉同芝士嘅濃郁！以上呢個係 Dinner Set，仲包咗飲品同甜品，我哋揀咗藍莓芝士蛋糕，口憑順滑，又好香芝士味香濃，兩個人爭住食😆🤭另外我哋仲爭點咗兩個食物：🍖 WM焗安格斯牛肉醬芝士千層麵配薯蓉呢個千層麵每一啖都超足料，熱辣辣食落去暖入心💓，呢個天氣食真係超滿足！🌶️ WM手撕豬肉薄餅呢款絕對係鍾意食辣嘅朋友必試🔥！手撕豬肉入味，配上墨西哥辣椒🌶️，香辣惹味，餅底薄脆唔油膩，食落去特別爽口，辣勁十足💥！總括嚟講，呢度環境、食物、氣氛都好適合Happy Friday放鬆一下🍻，又有室外座位，啱晒想輕鬆chill住食飯嘅朋友～💫💕 推介大家都去試試！💯…查看更多

今日放工約咗朋友食晚餐，朋友喺網上見到一間喺尖沙咀嘅餐廳叫Royal INN，評價唔錯，就決定嚟試吓🍽️。餐廳裝修好精緻✨，職員見我哋兩個人仲俾咗張四人枱，坐得好舒服👍。頭盤嚟咗龍蝦湯🦞，個湯真係好濃郁，蝦味滲透到每一啖，熱辣辣嘅，啱晒呢幾日轉凍嘅天氣❄️。隨湯送嘅仲有一塊曲奇🍪，奶油香十足，一啖湯一啖曲奇，真係好滿足😋。跟住嚟咗燒三文魚香草忌廉手工戒指意粉🍝，個意粉形狀好特別，係戒指咁樣，口感唔錯。三文魚食落鮮味十足🐟，冇腥味，配埋個香草忌廉汁，味道好平衡👌。最後試咗個法式大蒜蘑菇忌廉烤雞🍗，睇到隔籬台幾乎人人都叫，就知道應該唔會錯。個忌廉汁真係濃郁得嚟好香滑，用蒜蓉包點嚟食真係一流🥖！烤雞外皮脆脆香香，入面肉質仲好嫩滑，加埋啲蘑菇🍄同薯仔🥔，配埋個汁，成件事好融洽🥰。整體嚟講，Royal INN係一間值得一試嘅餐廳🍴，食物質素高，環境又舒適，非常適合約朋友一齊黎！✨👏…查看更多

韓國旅行返嚟，仲掛住嗰陣炸雞味，啱啱見到尖沙咀有間韓式炸雞店Goobne Chicken，即刻入去試吓！🍗✨🧀 馬蘇里拉芝士球呢款真係必食之選！一咬開，入面勁多芝士流心，芝士味超香濃，仲可以拉絲拉到超長🧀🤩！食落口感煙韌，絕對係芝士控嘅天堂～不過記住要趁熱食，凍咗就冇咁拉絲啦！🔥🍯 無骨蜜糖香滑烤雞 + 🥒 酸蘿蔔呢個烤雞真係Juicy到爆！每塊雞肉都好嫩滑，烤到外皮微脆，蜜糖味滲透入肉，甜甜地又唔膩，食完一件又想食多件🤤！無骨設計，啖啖肉，完全唔駛擔心啃骨嘅煩惱，超級滿足！💯 仲有一碟酸蘿蔔送埋，酸酸甜甜，超解膩，食完烤雞再嚟一粒，瞬間開胃，可以再戰多幾件😆！🥭 芒果沙冰一上枱已經嚇親，成座山咁高⛰️！芒果味香濃，冰沙細滑，但記得快啲開始飲，如果唔係會溶到成枱都係😂。🍊 濟州柑橘香茅茶清新又解膩，帶有柑橘果香，再加上淡淡香茅味，飲落去好舒服🍃！我哋嗌咗少甜，甜度剛剛好，用嚟配炸雞或者烤雞一流，飲完即刻解膩，可以再食多幾件雞😆。如果你都係韓式炸雞或者烤雞愛好者，呢間Goobne Chicken真係唔會令你失望！🔥🍗趕快約埋朋友去試吓啦！💛…查看更多

有日係社交平台發現呢間餐廳🔍 環境好似居酒屋咁🤩 睇落好舒服，所以約咗朋友嚟食lunch😆店面幾闊落，傾偈坐得幾舒服☺️ 可以揀吧枱、或者榻榻米，打卡都唔錯🤗我哋揀咗蟹糕甲羅燒配蟹籽及三文魚籽，同埋原條蒲燒鰻魚😙蟹糕三文魚籽係模仿夕陽富士山🗻，蛋白打到好似落雪咁，打卡幾靚，食落又唔會甜🥰 鰻魚超大條🤩 食得好開心🥳lunch set係+$48就有飲品加甜品飲品方面，我地揀咗豆腐咖啡同埋美式咖啡，豆腐咖啡原來唔甜、好特別好驚喜♥️ 甜品係cheese cake，有啲檸檬香，都幾清新☺️整體嘅食物份量都幾大，有少少食唔晒🫣 好彩我哋只係加咗一份蛋糕😛見到店面寫住，逢星期一至四，+$12就有大大舊鰻魚壽司🍣，幾抵食咁，推薦大家想試吓嘅話，揀呢啲日子去！😙…查看更多

呢日放工同男朋友去咗呢間餐廳食晚餐，整體體驗非常滿意！餐廳俾咗個四人枱我哋，坐得鬆動又舒服。食物仲好有驚喜🤩 好推薦大家來試下🥰🍟 巴馬芝士黑松露薯條薯條熱辣辣又好脆，唔似快餐店嗰啲凍咗會變軟，呢度嘅質素超高！配埋個酸酸甜甜嘅醬汁，十足開胃🍝 大蜆香草忌廉扁意粉呢個真係整晚嘅驚喜之選！扁意粉好Creamy，忌廉汁味道啱啱好，完全唔漏，最重要係蜆非常新鮮，冇一粒沙，非常加分，必試！！！🍗 燒美國去骨野雞仔伴檸檬牛油汁雞仔份量夠大，燒得外皮香脆，內裡肉質仍然保持水份，唔會太乾，非常Juicy。配埋檸檬牛油汁，增添一層清新感，整體味道非常平衡。連加一都唔使500蚊，以咁高質嘅環境同服務嚟講，真係超值！👍 餐廳氛圍舒適，服務貼心，成個用餐體驗都好愉快，非常值得一試！…查看更多