Moondidi的个人专页

星期四晚，門口侍應講6人同行1人免費，我話唔係4送1咩，佢話你哋6個都係送1個，我明係送1個，表示方法唔可以正常啲嘅。之後QR落單，我深信佢地係差唔多就係會比，例如我哋叫泡菜蘿蔔，佢比泡菜，結果張枱有4碗泡菜⋯⋯要醃青瓜，佢哋比泡菜3味，於是枱上又多一碟泡菜⋯⋯要牛肉湯泡飯，佢比牛肉拉麵，結果有2碗拉麵，起初以為自己真係落錯單，睇清楚之後，真係店岀錯，同個白頭老店員講，佢確定我哋係咪要泡飯後把拉麵拎走，一直等到夠鐘都無比返個泡飯我哋，都算啦，唔食就算，老店員衰到一路行一路自己口up up話食麵就食啦又要飯，好衰唔衰同行朋友就一直跟佢後面去廁所。我哋去食飯，唔係嚟乞食，我哋要個泡飯，唔係要一隻牛，點解要咁差服務。我哋永遠唔會再嚟。…查看更多

睇到YouTube 介紹，馬上訂位試下。平日晚上6點正入坐，餐廳都好寬敞舒適。一心以為會有滿滿游水海鮮任你食，少年你太年輕啦⋯⋯眼見只有海蝦，不知名嘅螺，仲有沙白⋯⋯說好的花螺，鮑魚，賴尿蝦呢⋯⋯直到我2小時食完，都只係拎到4隻賴尿蝦，鮑魚？花螺？係不存在的，而且賴尿蝦一出係要搶嘅⋯⋯嘩，每人要7百幾蚊，唔係平架，唔好咁啦！我哋唔係食緊2-300嘅放題呀。另外啲乜丸乜丸就無心機試啦，衰過牛大人好多。湯底雙拼，麻辣+蕃茄，麻辣唔得，蕃茄正常。甜品得雪糕⋯⋯係cheap 雪糕，甜筒，孖條，阿波羅果啲。回本位可以叫日本國產牛，不過無論你叫幾多，佢哋都只會比4薄片比你。係薄過0.03嘅，好刀法。總結係⋯⋯500蚊可以去食下，7百幾就⋯⋯咗…查看更多