Winki Chan的个人专页

星期日下午茶時段同朋友叫左，兩個菠蘿包豬扒包餐，兩個餐同時間上枱，離奇地，一個係脆面，另一個就好似隔夜咁，一D脆面都冇，菠蘿包由細食到大，都冇見過咁頹嘅！叫職員來想佢換走個頹廢包，結果，3-4個待應走來圍住我地張枱，其中一個不禮貌地話「換過比你都可能係一樣㗎喇，你o唔ok？」 其實，你係覺得比d咁嘅野客人食，係ok嘅？仲恐嚇我地換=唔換，又係啱嘅？ 而家咁多餐廳做菠蘿包豬扒包，真係未見識過咁差嘅， 話哂呢間餐廳坐立灣仔銅鑼灣做得遊客生意，好心比d水準嚟睇下喇！ 無謂做衰港人嘅集體回憶啦！ 唉～…查看更多

年初四，一家人去左人流較少嘅科學園飲茶，飲完就在園內周圍行下。見到呢間西餐廳有開，旁邊有小型遊樂設施。唸住睇下冇咩玩，下次同小朋友嚟！ 不過，設施就喺水池旁邊，矮欄河阻隔，小孩周圍走會有D危險。朝早落過雨，吹氣設施濕笠笠，未清潔返！而有個木製樹屋型滑梯，條滑梯係膠製，接駁位只用牛皮膠紙痴住，膠紙仲爛哂，滑梯都幾淺同直，地下只得塊1.5x1.5尺膠墊，都幾得人驚！設施張貼住「如有損傷，不會負責」之類嘅告示，有D關人鬼事嘅感覺！餐廳內顧客不算多，cashier 旁有隻船仔+玩具廚房，兩歲半仔仔一見到就入左廚房仔玩，見餐廳柜架上有d organic，紅酒產品賣，於是幫襯下買包糖仔，可能太濕碎啦！女職員收完錢就立即向我地講，唔消費唔可以玩！ 要喺度食野先可以玩，仲人釘人迫使我地離開！ 新正頭，攪喊哂個小朋友，在場冇乜小朋友玩緊，咁嘅行為的確好小氣。有時做生意大方D, 客氣D, 下次咪做到人生意囉！ 人地ikea 幫唔幫襯，都任你玩啦！…查看更多