catngu的个人专页

今日去咗「遇見小麵」試下午茶，真係抵到難以置信！我叫咗個金碗酸辣粉配炸豬扒同凍檸檬茶，全套只係28蚊。酸辣粉份量十足，可以自選口味，我揀咗重慶味，不過味道就唔太啱我——一入口超酸，之後帶點苦，最後先感覺到麻，唔係好辣，而且粉身偏腍，整體一般。但係塊炸豬扒絕對係亮點，又大塊又鬆化，配蜜糖芥末汁，甜甜地超好味！凍檸茶都唔錯，清爽解膩。雖然酸辣粉未如理想，但以呢個價錢來講，性價比依然高，值得一試。餐廳採用數碼點餐及付款，服務員很有禮貌。…查看更多

今日試咗碗自選車仔麵，餸菜揀咗咖哩魚蛋、豬皮、豬紅、糖心蛋同韭菜餃。重點推薦滷水豬紅和豬皮，呢兩樣絕對必食！麵底揀咗粗麵，油麵，麵質爽身唔會過淋。醬汁可自選兩款，極力推薦滷水汁＋蒜辣汁：滷水汁甘香帶甜，蒜辣汁蒜味重但不會太辣，雙汁混合後濃郁又醒胃，重口味，不過食完會有啲口渴。整體份量ok～咖哩魚蛋入味，口感較淋，味道正常豬紅用滷水汁煮，滷得入味，入口滑溜毫無腥味，必點韮菜餃餡料肉多韭菜少，我自己就喜歡吃多韮菜的，適合鍾意食肉的朋友，味道正常豬皮吸汁力極強，爽口惹味，必點糖心蛋用鹵水汁浸到味道剛剛好…查看更多

剛開業時嚟過一次，今次經過，決定試另一款拉麵。今次食套餐，$118包括一個拉麵，一半小食，和飲品（部份食物或飲品需要加錢）慢煮地雞胸雞白湯拉麵，慢煮雞肉三大片，厚度足且雞味濃郁，口感滿足。半熟蛋香甜入味，處理得恰到好處。拉麵我選了硬麵，彈牙有嚼勁，整體風味出色。唯一美中不足是湯溫不夠熱，稍影響體驗。小食選了大阪燒餃子，醬汁過多且偏甜，掩蓋了餃子本身風味，較為可惜。餐飲搭配焦糖咖啡，焦糖香氣濃郁，但甜度略高，嗜甜者或會喜歡。整體而言，拉麵本身值得回味，細節調整後會更完美。…查看更多

喺D2 Place 3樓行到最盡頭，發現有幾間餐廳，其中一間係食蛋包飯，我哋叫咗兩個餐西班牙豚肉漢堡蛋包飯，醬汁可以自行選擇咖喱汁，蘑菇忌廉汁，菠菜忌廉汁等等，我就選了蘑菇忌廉汁。蛋包飯入面係白飯，唔係日本嗰種有茄汁炒過嘅飯。忌廉汁好香，濃稠適中，雞蛋有蛋香和好滑，豚肉漢堡，口感較實，味道香濃。芝士雞肉漢堡蛋包飯，醬汁選擇了咖喱汁，咖喱汁好香，唔辣，雞肉漢堡入面佈滿芝士，口感軟滑，豚肉漢堡和雞肉漢堡比較，我自己就比較喜歡雞肉漢堡。配菜新鮮，套餐亦有配飲品，如果以份量和價錢嚟講，價格有點偏貴，但係味道很好，下次會再去試埋其他款式…查看更多

經過見到門口有個牌寫住套餐，啲嘢又幾啱食，最重要係可以選擇半圍，我哋六個人就入去試吓。冰鎮鮑魚，一共六隻，每隻都會一開二，入味而且好腍滷水拼盤，份量都好大，有滷水鵝髀，豬腸，紅腸，豬耳，豬脷，豆腐，不過略嫌滷水味唔夠香，較為淡魚片頭拼蟹棗，每樣六件，夠彈牙欖菜四季豆爆蝦球，好多欖菜，蝦球爽口仲有魚翅，熏雞，菜苗，炒飯，魚和甜品，一共10道菜，連埋茶錢加一，埋單$1200。其實好抵食，份量足夠，最重要係味道很好。…查看更多

店舖隱閉，在九如坊巷仔內，如果不細心留意，根本看不到店舖門口，因為好似沒有看到招牌店內有一個房間，可以坐到約十人，店內吧頭位約八個位。餐單是廚師發板，會因應不同情況和季節更改，而且大部分食物都是熟食上每道菜式，廚師都會向我們講解食材和所配搭的清酒。配搭的清酒溫度也很講究。當中印象最深刻的是將海膽海苔粥放在大蜆內，味道清甜，超好味食到最後，甜品亦配搭了士多啤梨清酒，估唔到牛奶布甸加上士多啤梨味清酒係咁夾，有生果的清香又不會太甜…查看更多

新蒲崗地區想在中午搵嘢食，大部份餐廳都爆滿，排隊，坐位擠迫的茶餐廳，難得搵到一間Cafe，店內座位只有10個左右，可能因為價錢偏高，所以不會太多人和擠迫，可以慢慢嘆慢慢食。朋友叫了那不勒斯牛肉配牛油果酸種包，牛肉好腍，好入味，配料有蕃茄和紅蘿蔔，店員話師傅每日用好多個鐘頭炆煮，朋友已經食咗好多次，佢話有一次晏咗去就賣晒，極力推薦給食牛肉的朋友。我叫了蒜蓉大蝦通粉，原本係跟意大利粉，我加錢改了通粉，通粉較煙靭，大蝦爽口，份量都幾足夠，不會太油但好香蒜蓉味…查看更多

中午四個人去飲茶，唔使等位，以為係食小菜，點知原來有好多點心，比較接近茶樓。小籠包皮薄，好多地方上菜時唔夠熱，又或者皮太厚，太薄又好易破，呢間厚薄適中，入面有滿滿的熱湯酸菜魚，不會太酸和太油，每一間餐廳做的酸菜魚味道都不一樣，但我覺得這間味道很適合我，因為唔會太酸，又唔會太辣，魚很滑，份量亦很多，有配一個白飯。酸辣湯，材料豐富，有肉絲，木耳絲和筍絲，酸辣適中，味道夠濃其他點心都不錯，而且價格不是太貴…查看更多

中午13:00，好多吉枱，我3個人，坐4人枱，14:00 我2個朋友走先，我食到14:15仲有點心未食完就係咁走過嚟問啲野要唔要，答左要，轉頭竟然安排兩位客人過來搭枱，被安排搭台的客人都覺得奇怪，因為當時場內還有很多吉台，而且他們已在另一張台洗了杯沖了茶，卻被職員要求坐去我張枱，咁好明顯目的係要趕我走，自助煲水沖茶又得一個，這個設計本來就不是搭台設計吧。如果當時有人等位，全場爆滿，我絕對理解，但事實係冇人等位，7成入座率大把吉台都要趕客，所以唔會再返去。…查看更多

因為見到拉麵關注組長期討論，終於有機會試吓，平日六點左右唔係咁多人，等咗5分鐘就有位，入面好細，座位唔多，不過都唔算太迫嘅。我叫咗地雞鹽味拉麵，配料有叉燒，筍，半熟蛋，慢煮雞胸，京蔥和洋蔥。因為我鍾意食硬麵，所以特別同店員講要求硬麵。湯底係好清甜嘅雞湯，雖然放了雞油，不過唔油膩，一邊食一邊飲湯，食到最後會覺得偏鹹。雞胸有煙熏味，幾特別，不過有少少鞋。配料放了大量京蔥和紫洋蔥碎，都幾重口味，如果唔鍾意蔥或者唔想食完個口全日一大浸味，可以走蔥。餐廳有一個細心位，就係有橡筋提供俾客人們紮起啲頭髮，我都係第一次見枱面有橡筋提供…查看更多

使用本地材料+日式煮法的拉麵拉麵：永樂製面廠醬汁：悅和醬園我選擇了雞白湯拉麵，配料有叉燒，慢煮雞肉，鴨肉，半熟蛋，蔥。我選了第一代幼麵，硬度可以自行選擇，我覺得正常嘅話麵偏腍，所以選擇硬麵比較好。湯底好似好濃，但係一啲都唔油膩，配料好多好足份量，超級大份。配料叉燒冇臊味，雞肉好滑唔嚡，半熟蛋好入味。濃厚胡椒豬肚湯拉麵，配料有豬肚絲，叉燒，葱和半熟蛋。湯有好重嘅胡椒香味，豬肚好腍，比想像中好味好多。呢個拉麵好港式，幾特別。…查看更多

位於Mikiki 2樓的拉麵店，平時食開豬骨湯或雞白湯，第一次食魚湯拉麵。一入去店員會比一杯飲品我，我以為係熱茶，點知原來係一杯暖暖的魚湯，好好飲。我叫咗特製飛魚鹽味拉麵，佢個麵係粗麵，好有口感，冇鹼水味，配濃味的湯底好夾。以為魚湯會有腥味，點知冇腥味仲好清甜，可能係燒飛魚，所以有少少煙熏味，湯底好特別。配料有竹筍，因為唔食筍所以走筍，紫菜，糖心蛋，京蔥和叉燒。叉燒係切到好薄，而且冇臊味。糖心蛋好入味，甜甜地，好好味。套餐可以配餃子，餃子皮薄多餡，味道都OK。唔知係咪因為價錢有啲貴，下午時間去全店得我一枱客，不過服務，食物和環境真的不錯，下次有機會會再去。…查看更多

餐廳位於D2 Place二期，由於我六點幾過去，所以人不是太多，店員服務超好，如果第一次去，佢會好有耐性地講解佢哋主打嘅湯底，亦會同你介紹Menu入面嘅食物。佢哋主打牛骨湯底，但因為唔食牛，所以最後點咗個比較較冷門的「黑豚肉辣櫻花蝦湯拉麵」。配料好豐富，有黑豚肉，粟米芯，糖心蛋，昆布和紫菜，黑豚肉比較厚身但好腍，糖心蛋係用醬油醃過，甜甜地，超好味。湯底我覺得好似冇乜蝦的甜味，湯的辣味係好似有層辣油喺面咁，我就覺得麻麻哋好食。我見隔籬位客人點了雞白湯拉麵，佢全碗連湯都食晒，我下次一定會試雞白湯。特別想讚店員的服務真係好貼心，佢見我食食吓又再睇Menu，佢即刻主動過嚟問我係唔係想加食物，主動問我有冇嘢需要幫忙，睇得出佢好留意客人嘅要求。…查看更多

行過見到有間新開的蝦湯拉麵，因為新開，傢俬裝潢都好企理和乾淨，座位寬敞，即使滿座都一啲都唔迫。特濃蝦湯拉麵：配料有三隻蝦，紫菜，木耳，半隻半熟蛋，蔥。湯底比想像中淡，本來見到寫住「特濃」，以為真係會好濃味，但係比我想像中淡，雖然有好多櫻花蝦，但係我覺得味道可以再濃啲。用QR code落單，面質冇得選硬或軟面，配料三隻蝦新鮮爽口。雞白湯拉麵：配料有雞胸，半熟蛋，紫菜，腐竹和蔥。湯底也是覺得太淡，可以再濃稠啲。雞胸唔夠軟滑，有啲鞋，不過佢切到好薄，所以都OK。阿根廷紅蝦雞肉餃子：雖然賣相不是太好，但係我覺得好好味，入面好Juicy, 餃子底部煎得好脆，唔使點任何醬汁都好有蝦的鮮甜味。…查看更多

餐廳環境舒適，位置闊落，有Wi-Fi，枱腳可以插USB充電。食物質素好高，服務亦很好自助式提供調味料，冷熱水，竟然有提供sparkling water素食全日早餐：好豐富，有牛角包，亦可以選酸種麵包，炒蛋好滑，好濃蛋味，蘆筍鮮甜爽口，西蘭花餅好特別，好似好少地方可以食到，蘑菇，粟米都好甜，唔會太乾身，沙律配黑醋，乳酪布丁有啲酸，不過就好消滯，最尾先食啱啱好。份量足夠，夠飽。咖啡好香好好飲QR code落單時可以選喜歡的咖啡豆，和燕麥奶。…查看更多