612721831HK的个人专页

依家香港好多地方有椰漿飯食，因為親戚係新加坡，係果邊食過好多當地正宗的。試過好多香港出名的，都好一般，尤其是斑斕椰漿飯，全部都係螢光綠色、用斑斕香精同色素整的，好化學又超難食。呢間店幾近屋企去試吓，發掘到好美味嘅椰漿飯！連續去咗幾次，試晒佢嘅4款椰漿飯。最出名嘅生炸雞髀椰漿飯，我覺得雞髀太大隻食唔完，反而蜜糖芥末唐揚雞椰漿飯，無論係唐揚雞定係椰漿飯，都調味得非常好味！食得出椰漿飯係用新鮮斑蘭葉榨汁自己整的，用嘅係珍珠米而非一般用嘅泰國米。雖然我鍾意硬嘅泰國米多啲，不過珍珠味都OK，最緊要係味道十分對板。如果唔係次次都貪心食埋甜品，真係想叫多飯，淨食個椰漿飯都好美味😋仲有辣參巴尤魚椰漿飯，係4款裡面最辣的，都十分之惹味，適合食得好辣嘅人士食～ 阿根廷青醬豬頸肉椰漿飯又係好好食！不過都係太大份會食唔晒😅佢跟飯可以加嘅甜品，試咗D24榴槤波波，超級美味！另外是日娘惹甜點，食當日係類似斑斕椰子糕(kuih)，味道食得出係全天然材料，唔會太甜好美味。跟餐一份有四塊飽死咗🥲之後都請店家比半份就好（純粹唔想浪費食物，唔會半價左）。佢仲有好多星馬食品，但都未有機會試，椰漿飯肯定係全港最好的，甚至比起新加坡都不會給比下去，值得一試👍🏻…查看更多

係酒店裝修易名之前食過幾次Harbourside dinner buffet，都非常滿意，由沙律到熱盤到甜品，都非常多元化、多種類，多到試唔曬每一樣，味道都十分之好。雖然貴，但值得係全港第一嘅buffet。今次係佢裝修之後第一次嚟食，係完全失望。全場只有一張沙律+cold cut+凍海鮮+刺身壽司嘅枱，另一張係熱盤嘅枱，第三張係甜品雪糕嘅枱，非常之少嘢食，味道亦十分一般。朋友試咗牛扒話好韌，啲甜品亦都冇咩特色，除咗甜之外冇乜特別嘅味道，都唔知自己食緊乜。唯獨係Tiramisu同雪糕叫做比較好啲。即製嘅pancake亦都整得好差，個妹妹仔職員好似唔識整咁⋯仲有buffet包一杯嘅嘢飲，朋友叫咗Cold brew coffee，佢話難飲到飲一啖放棄咗，完全係零咖啡味，唔知自己飲緊咩... 我叫咗熱嘅Black Coffee，亦都係難飲到一個點... 從來未試係酒店飲到咁難飲嘅咖啡，好似係用好陳舊、好霉嘅豆沖出黎🤢 Ibis啲咖啡都正常過佢好多...唯一值得一讚係服務態度，仍然維持到水準。另外我哋去toilet時發現佢啲廁紙同抹手紙都係個平時公司Office嘅水準，令人十分感覺到Harbourside之死於新世界財困🙁一間最好食嘅buffet殞落，好可惜呢😞…查看更多

朋友介紹左間新開係元朗市中心嘅貓貓Cafe😸Cafe係樓上鋪1/F, 我地有book定先上去，因為佢好似係不定休(?)去到見到好多超cute的貓貓，原來一共有9隻呢😻 全部都唔怕人，好樂意同陌生人玩，仲任摸唔嬲～野食方面，見到menu都係甜品同野飲類嘅輕食，我叫的Earl Grey好有heart係用Totoro杯上的～啲cakes都幾好味👍🏻當然主打係同貓貓玩(聽型男店主話仲有好多board games，不過我地掛住同貓貓玩冇玩到)，不經不覺坐左成3個鐘，期待下次再去探😸之旅～…查看更多