apm5zycdvxyb的个人专页

我同朋友今日喺呢間餐廳食得好開心。食物味道非常好，菜式新鮮又有心思，我最鍾意係佢個多春魚同埋蘋果豚肉卷，蘋果豚肉卷每一啖都勁有新鮮感，蘋果嘅酸味完全係令到成件事都唔油膩，多春魚就燒得真係好出色，調味啱啱好，好脆，一咬落去浸魚油味出晒嚟，勁yumyum ；員工態度親切有禮 ，服務周到，令整個用餐體驗舒服愉快，真心服務態度好到令我有啲驚訝 。餐廳氣氛亦好正，環境乾淨企理又有心思佈置，坐得好舒服，適合同家人朋友聚餐。希望你哋保持住而且愈做愈好，下次一定會再嚟！…查看更多

我好鍾意食泰國菜，成日都搵唔到啱心水嘅餐廳，要知道而家啲泰國餐廳周街都係，好多成碟嘢要成百蚊咁貴！仲要啲嘢食又唔得！😤最近終於搵到一間隱世小店，間嘢價錢好合理！啲餸全部都幾抵食，仲要啲味道超正宗！🤤最抵讚係我叫外賣嗰陣真係好快有得攞，啲餸仲要好好包裝，就算嗌咗好多嘢都冇漏汁！個老細仲要好nice！🙌真心覺得呢間嘢值得大家試下，間嘢真係好正！我諗住搵日約埋班fd一齊去食，等佢哋都知道呢間平靚正嘅餐廳！！feel到老闆好有heart！希望餐廳堅持做到落去！…查看更多

講真，今日真係忍唔住要寫呢個食評。一入到嚟已經冇招呼要自己搵位，諗住坐嗰張又話嗰張有人留，明明間舖得幾個個客，職員竟然安排我坐最差嘅位置（下欄污糟碟碗收集位置），我話要調枱，仲要同我講我想調嗰個位等陣要拖地？唔通我坐低食個飯都要配合你哋做清潔咩？最離譜係佢問我飲咩茶，把聲大到成個餐廳都震曬，仲要催促我落單。我諗緊要飲咩都要俾少少時間架，但佢就重複大大聲問我幾次，好似好趕時間咁。希望店方認真檢討員工培訓問題，起碼要教下最基本嘅待客之道同衛生意識。最後，建議各位老友去第二間食啦，呢度真係會影響心情。…查看更多

今日行開北角 平時消費都會盡量幫襯小店！係OpenRice 搵左呢間古月食真係食到一肚火先講服務方面🥲同朋友每人揹住個背囊 攞住袋野一開始店員安排我地去張二人座位細枱因為見到大半間餐廳都係吉既 冇人坐同埋嗰個位係廚房出入口，所以態度都好好咁問店員（著住白衫Hongkonger 短頭髮 帶住笑哈哈耳環既女士）：可唔可以調枱，我地攞住好多野同埋會好快食完。女店員：唔可以，你地多野比張凳你咪得。我真係不解，眼見其他一人或二人既客人都係坐4人枱，而餐廳半個場都係吉既，另外餐廳出面冇人等緊，仲要態度好差咁回應，我黎食野點解要受你氣？將心比己啦 你攞住好多野出去食飯 啲職員有位都唔調比你 要你縮埋一嚿食 仲要態度差 你會點🙁食物方面🥲見到OpenRice好多人推薦古"滑"雞飯呀！真係估佢唔到 啲雞髀係鞋既 啲飯係爛嘅 落得太多水😅環境方面🥲我成餐飯都係縮埋一舊食。地下污糟，牆壁都好多污跡。員工仲要全程係企住喺隔離，跟住出入呢係咁掃到背脊🤧黎左呢到先明點解有人話留港消費係智商稅🥺🥺呢間古月入我black list 呀！！！…查看更多

呢間小店除左野食服務環境媽好 仲堅有良心同人情味🥺從來都唔會打食評 但呢間餐飯 真係好值得讚😭係香港要搵到性價比高 味道好 好多都會排哂隊 但呢間竟然唔洗排 以上既野有齊哂 仲坐得好舒服！！🥺入正題了！食左個二人晚餐原諒我掛住食冇影到相🥺真係停唔到口主食/前菜1. 濃香喇沙煙肉長通粉有蛋黃撈埋一齊食，好濃既喇沙味，有少少辣，加埋煙肉🥓有啲咸香咁！超夾呀！2. 椰漿飯呢個一定係斑斕控必食！！！是咁的，我試過好多間既椰漿飯/斑蘭飯，好多都係個色係斑斕，但係食落真係冇乜斑斕味😭但呢間！我第一啖就真係忍唔住嗯左一聲😂😂個飯超重斑斕味！而且完全冇違和感！又係勁夾既組合🥺🥺🥺再加埋隻生炸雞髀🥺個皮脆卜卜！啲肉滑捋捋👅3. 串燒拼盤（雞肉，豬肉，年糕）雞肉同豬肉都好多肉汁！係會似日式果隻串燒多啲😛調味啱啱好！！！年糕就我覺得可以再多啲汁汁😛會再惹味啲keke飲品🥤1. 美祿山好濃呀好濃呀！！啲美祿粉好似唔洗錢咁成杯都係😂😂但又出奇地甜度岩岩好！啲粉溶左落野飲到好似有啲脆脆地嘅嘢可以咬下咁！好飲又好味👅2. 青桔仔梳打鍾意fresh 酸酸甜甜既你！呢杯岩哂你！叫左小小甜 ！桔仔味好重 但唔酸！甜度岩岩好 ！桔仔同梳打本身就係好朋友！ 甜品🍮1. 榴連蛋糕佢好似係榴連巴斯克蛋糕，榴連味好重，唔係假榴連味！係真係食到果肉既，甜度又係岩岩好！唔漏！好味！2. 咖哋多塊麵包焗到好似餅乾咁脆，個jam甜度又係岩岩好，再加埋牛油 ，好食😂成餐飯都好滿足，係香港都好耐冇食得咁開心🥲🥲一定會再黎食！店員同老闆都好好招呼！…查看更多

呢間小店除左野食服務環境好 仲堅有良心同人情味🥺從來都唔會打食評 但呢間餐飯 真係好值得讚😭係香港要搵到性價比高 味道好 好多都會排哂隊 但呢間竟然唔洗排 以上既野有齊哂 仲坐得好舒服！！🥺入正題了！食左個二人晚餐原諒我掛住食冇影到相🥺真係停唔到口主食/前菜1. 濃香喇沙煙肉長通粉有蛋黃撈埋一齊食，好濃既喇沙味，有少少辣，加埋煙肉🥓有啲咸香咁！超夾呀！2. 椰漿飯呢個一定係斑斕控必食！！！是咁的，我試過好多間既椰漿飯/斑蘭飯，好多都係個色係斑斕，但係食落真係冇乜斑斕味😭但呢間！我第一啖就真係忍唔住嗯左一聲😂😂個飯超重斑斕味！而且完全冇違和感！又係勁夾既組合🥺🥺🥺再加埋隻生炸雞髀🥺個皮脆卜卜！啲肉滑捋捋👅3. 串燒拼盤（雞肉，豬肉，年糕）雞肉同豬肉都好多肉汁！係會似日式果隻串燒多啲😛調味啱啱好！！！年糕就我覺得可以再多啲汁汁😛會再惹味啲keke飲品🥤1. 美祿山好濃呀好濃呀！！啲美祿粉好似唔洗錢咁成杯都係😂😂但又出奇地甜度岩岩好！啲粉溶左落野飲到好似有啲脆脆地嘅嘢可以咬下咁！好飲又好味👅2. 青桔仔梳打鍾意fresh 酸酸甜甜既你！呢杯岩哂你！叫左小小甜 ！桔仔味好重 但唔酸！甜度岩岩好 ！桔仔同梳打本身就係好朋友！ 甜品🍮1. 榴連蛋糕佢好似係榴連巴斯克蛋糕，榴連味好重，唔係假榴連味！係真係食到果肉既，甜度又係岩岩好！唔漏！好味！2. 咖哋多塊麵包焗到好似餅乾咁脆，個jam甜度又係岩岩好，再加埋牛油 ，好食😂成餐飯都好滿足，係香港都好耐冇食得咁開心🥲🥲一定會再黎食！店員同老闆都好好招呼！…查看更多