fingyanwing的个人专页

自從搬左屋之後，都經常去到屋企附近的觀塘搵食～裕民坊商場新開後都進注了不少食店，跟老公就率先試試這間裝修好用心嘅Café，由於座位不算多，所以即使平日都要在外排隊一陣子才可以入座！這裡也設有戶外座位，但當天天氣都比較炎熱，所以都選擇在In door地方用膳！這裡的佈置很用心，周圍都係打卡位置！Lunch Time由12:00-18:00，選擇都幾多，價錢由HK$88-148不等，午餐配上餐湯及餐飲！另外也有不同的飲品及特飲供應～是日餐湯係忌廉南瓜湯，入口順滑，南瓜味濃郁！法式班戟配火箭菜班尼廸蛋巴馬火腿 HK$88這份法式班戟上面配上了巴馬火腿、火箭菜及班尼廸蛋，層次口感豐富，班尼廸蛋做到半熟流心的效果，法式班戟好有蛋香味，沒有太多醬汁也覺得味道都很豐富！法式野菌忌廉雞肉芝士班戟卷  HK$88另一個是法式野菌忌廉雞肉芝士班戟卷，班戟卷外面也是法式班戟的，蛋味也很香，配上白汁忌廉野菌，中間也夾上雞肉芝士，口感豐富之餘也很美味，醬汁味道也很適中！士多啤梨藍莓奶昔這杯士多啤梨藍莓奶昔莓味濃郁，混合了忌廉很香滑！Matcha Latte拉花很美，抹茶味都很濃郁，但味道比較偏甜，但還可接受的！…查看更多

雞蛋雖然係一種普通的菜式，但係要煮得好味真係要花點功夫～平時都好喜歡食蛋，每次行過郎豪坊呢間蛋料理專門店都好想入去試試～但每次都排滿人，早排終於的起心肝去排隊會一會佢！這間店舖座位唔多，所以要入去食又唔想等太耐位可能就要早一點去到了～等左20分鐘終於有位可以坐低了！入面嘅餐牌全部都係以蛋為主要食材，再配下其他食材，由前菜，主菜，小食及甜品都一應俱全～它們的雞蛋全部是來自沖繩的新鮮雞蛋，雖然暫時去唔到日本，都可以食到有日本的風味！招牌玉子燒　HK$38呢個招牌玉子燒做到一層層，口感豐富，入口十分軟熟，蛋味香濃，輕微帶甜的，沾上旁邊的醬油別有一番風味吉列蝦滑蛋丼 HK$88這份吉列蝦滑蛋丼份量十足，吉列蝦上有半生熟的滑蛋，與炸得香脆的吉列蝦口感形成對比，口感十足！而白飯加入了醬油一起食用，味道也不錯！海鮮蕃茄忌廉蛋包飯 HK$108這個海鮮蕃茄忌廉蛋包飯淨係外貌都已經十分吸晴，旁邊的蕃茄汁十分惹味濃郁，旁邊的魷魚及鮮蝦亦都係鮮味彈牙！原味梳乎厘班戟 HK$78最後到甜品亦都是以雞蛋也主要食材，梳乎厘班戟空氣感十足，咬入口軟綿綿的，唔會太甜，沾上CREAM同糖漿食又別有一翻風味!…查看更多

今年疫症漫延全球，原本跟老公Plan好的日本之旅都無辦法去到，既然去唔到日本，唯有去食日本菜去安慰一下自己啦～最近在公司附近開左間日本居酒屋，雖然門口就唔太顯眼，但都掩蓋唔到我一雙眼，終於就相約老公去食日本野扮去左日本啦！呢間居酒屋位於尖沙咀The One附近，位置都唔難搵，它的鋪位是位於地庫的位置，門口都有職員在派傳單，所以也不難發現它的蹤影！店內佈置非常有日本風味，門口旁及開放式廚房內都有大大小小的魚缸，入面養著不少新聞的海鮮食材～這裡的座位不算多，不過大部份都是吧枱的位置，可以盡覽師傅在製作食物的過程，乾淨又衛生！而這裡採用手機落單的服務，只要入座，職員就會給你一張附有QR CODE的單據，只要用手機SCAN一下就會可以即時自行落單，又快又方便！這裡的菜式種類選擇很多，當中以海鮮類比較多，刺身或是磯燒都有好多選擇，也有不同的丼飯及串燒等，真係完全滿足哂一班哈日族的口味～玉子燒原味　HK$39看似簡單的玉子燒已經不簡單了～上面加上紫菜絲，蛋味香濃，入口十分軟熟，輕微帶甜的！蟹膏杯　HK$68細少的蟹膏杯入面有兩款不同的蟹膏，旁邊有蟹肉絲，拌混一起食落口，味道唔會太重口味，也有陣陣會蟹鮮味，下面有少少壽司飯拌埋一齊～海膽杯　HK$98另一款就係海膽杯，旁邊圍住滿滿的海膽，上面加入不少的魚子，味道新鮮，口感豐富！味醂雞泡魚乾　HK$75這個味醂雞泡魚乾好食到要encore多一碟，燒得剛剛好，唔會太乾身，而且加入的醬料一齊燒好香好惹味，旁邊也加入了沙律醬，又別有另一翻風味！汁燒牛肉串　HK$78它們的串燒特別出色，它的燒汁特別惹味，而牛肉燒得剛好有微焦，肉質幾淋身易咬開～厚燒牛舌芯 HK$55而另一款是燒牛舌芯，肉質比較爽身，簡單用燒汁加一點黑椒調味已經好好食！鹽燒雞中翼 HK$38這個雞中翼特別切開了一半來燒，燒至雞皮一面很香脆，加了一點鹽已經十分惹味！蒲燒鰻魚丼　HK$128這份蒲燒鰻魚丼很精緻，上面的蒲燒鰻魚十分惹味，加入的鰻魚汁不會太咸，下面再加入不少的蛋絲，份量十足！芒果雪芭 HK$68桃雪芭 HK$68最後梗係要食甜品啦～點了兩款雪芭一人一款，我食的桃雪芭真係好有桃味，下面用冰塊墊住，可以令雪芭冇咁快溶，真係好貼心！總結這間日本居酒屋食物的水準很高，而且環境佈置很有日本氣份，仿如置身於日本中，如果大家對日本思鄉病發作，不妨去試下！…查看更多

適逢老公一年一度牛一的大日子，今年不可以去旅行慶祝生日，所以就係香港積極搵左一間浪漫情調西餐廳同老公浪漫一下～平日我地都係去開旺角、尖沙咀、銅鑼灣等地方，但今次呢間餐廳係位於大角咀，比較遠離鬧市中心，但係搭MTR去到奧運站再行過去都只需5分鐘左右！去到餐廳門口就見到落地大玻璃的設計，入面空間好闊落，樓底好高，空間感十足～因為一早預約座位，所以就到埗就可以入住～這裡環境十分有情調，也有LIVE BAND的舞台，應該定時會有樂隊歌手駐場表演，不過當晚去就未有～這裡的食物都是以西餐為主，由前菜、小食、主菜、意粉類及甜品都有不同選擇，價錢定於中位，它們也領有酒牌，所以也有不同的酒類可以提供，也顧及到不飲酒的人士，有不同的無酒精飲品選擇！前菜：煙三文魚凱撒沙律配烘趣麵包條 HK$168前菜我地先點了一款沙律，是煙三文魚凱撒沙律配烘趣麵包條，煙三文魚的比例都幾多，上面撒下不少芝士碎，配上切粒的烘趣麵包條，口感特別豐富～至於沙律菜十分新鮮爽口，也加入了車里茄，伴入沙律汁酸酸地幾開胃，而且份量都幾多！小食：黑松露薯條配黑松露巴馬臣芝士豆乳醬 HK$118接著就點了黑松露薯條配黑松露巴馬臣芝士豆乳醬，我倆都是黑松露控，所以一見到就二話不說點叫了～它們的薯條是幼身薯條，炸得金黃香脆，唔會太過OVER～重點是它們附上的黑松露巴馬臣芝士豆乳醬，看似平俗但混合在一起時，黑松露配合芝士味道很配，兩者沒有太過搶到大家的味道，而且十分惹味，令人一口接一口食過不停！主菜：威靈頓牛柳配法式伯那西醬佐意大利鮮西芹及甜醋初榨橄欖油 HK$788我跟老公第一次食這份威靈頓牛柳，這是需要預早1日預訂的，因為菜式準備需時～牛柳點了5成熟，我地都覺得岩岩好，外層有層酥皮包著牛柳，入面仲夾著不少薯仔及蘑菇等配料，口感特別豐富，牛柳朱味濃郁，肉質好Juicy，而且好易咬開～旁邊有秘製的法式伯那西醬及甜醋初榨橄欖油，一款菜式有三種口味，我自己就比較喜歡法式伯那西醬，酸酸的可以帶埋牛柳的肉味更鮮～也配有大量伴菜，當中也有薯仔及蘑菇，最特別配有意大利鮮西芹，口感十足！黑松露意大利燴飯伴牛肝菌大啡菇及野菌 HK$248之前講到我同老公都好喜歡黑松露，所以二話不說就點了這黑松露意大利燴飯伴牛肝菌大啡菇及野菌，份量適中，上枱就俾上面的大啡菇驚艷～陣陣濃郁的黑松露香味傳出，口水直流，大啡菇好JUICY，而意大利飯煮得軟硬適中，中間仲混入不同的野菌，口感豐富，雖然是素食，不過也很惹味！最後點了兩杯飲品係間咁靚嘅餐廳Chill下～The luckiest HK$118（右）Made of Gold HK$98（左）The luckiest是一杯含酒精的Cocktail，而Made of Gold是不含酒精的，Made of Gold其實是一杯特別調製的朱古力飲品～上面有兩粒燒過的棉花糖，而朱古力味十分濃郁唔甜，略帶少少苦澀味，作為熱愛Dark Chocolate的十分喜歡！總結呢間餐廳真係好適合週年慶祝／拍拖約會去，環境靚之餘，食物真係唔錯，下次再黎希望可以睇到LIVE BAND！…查看更多

疫情全球肆虐已經大半年，喜愛去旅行的香港人在今年特別難捱，我都唔例外，一心計劃今年要回鄉（日本）都要被擱置，幸好香港有好少好有日本風味的居酒屋，可以一解思鄉之情～早前放假就跟老公去到一間日本居酒屋食Lunch，餐廳位置尖沙咀樓上鋪，地點都唔會太難搵，知道疫情大家都少左出街用餐，這裡都推出左多款日式便當，全部都特價發售，款式也很多！我地一心來支持他們，所以就留下來堂食，堂食也可以點叫外賣的便當，當然也有不少日式的小食主菜等，款式十分多樣～這裡佈置得很有日本風味，而且坐位之間都很闊落，絕對沒有壓迫感，所以限聚令下也可以安心用餐！我們安排到卡座，他們先遞上一杯熱綠茶，可以稍為暖胃～由於太耐都沒有出外用餐，也很想念日本，我們都點了他們菜單上的推介食品！松葉蟹味噌甲羅燒 HK$88松葉蟹味噌甲羅燒相當鮮味，上面有不少的蟹籽，加入了不少蟹肉絲，下層就有滿滿的蟹膏，混合旁邊的鵪鶉蛋，蟹味濃郁而不膩，相信伴飯一定更佳！炸軟殻蟹 HK$108即叫即炸，炸得剛剛好，外面脆入面軟，而且也不乏蟹味，有兩隻原隻炸軟殻蟹，一人一隻剛剛好，沾上醬汁又有另一翻風味！火炙三文魚便當 HK$112而因疫情下推出的便當，除左外賣，也可以堂食，這個餐有湯，有沙津，有甜品，有漬物等～份量適中！火炙三文魚配上燒汁，上面有蔥花，燒到少少濃邊幾香味，好有三文魚香味，伴飯也相當不錯！最特別是個花生豆腐，口感很嫩滑，入口有花生味！味噌湯也不太咸，幾清新～如果外賣食仲更加抵食！…查看更多

限聚令一出，外出用餐的機會變得很奢侈，早前跟老公去到荃灣睇傢俬，記得朋友之前推介過呢間餐廳好食，於是到用餐時間時就專程去會一會佢！M Kitchen位於荃灣千色匯入面，如果乘地鐵過去，步行過去5-10分鐘左右，唔會太難找，這裡的午餐款式都幾多選擇，價錢由HK$68至HK$118不等，如果外賣自取仲有7折優惠，真係好抵食！我地每人就叫左一個午餐，加錢叫了兩碟小食，還有午餐包飲品一杯，如果轉特飲就加錢即可～店內環境整潔寬敞，以木色及大自然的綠色為主，感覺好悠閒舒適！小食：炸香草雞翼（加HK$18）炸得黃金香脆的炸香草雞翼率先上枱，好香嘅香草味已經陣陣咁傳出來，表面好香脆，而雞肉好鮮嫩，咸度適中，好惹味！小食：炸洋蔥圈（加HK$18）炸洋蔥圈又係即叫即炸，炸得剛剛好唔會太濃，外脆內軟，配合埋附上的沙律醬十分惹味～熔岩芝士焗巨雞髀飯 HK$68巨雞髀真係名不虛傳，仲大過隻碟，上枱時也被嚇倒，原來上枱後店員還會另行送上在廚房已經烤至金黃的MILLEDOMERaclette 法國瑞克雷特芝士，D芝士多到好似熔岩咁，真係好澎湃呀！芝士味十分濃郁，仲有拉絲的效果，配上原有的醬汁是茄汁又幾夾～而巨雞髀的肉質也算幾嫩滑，份量超足，真係好抵食！石燒肉眼扒配薯條 HK$118這份石燒肉眼扒也是相當有份量，點了7成熟，肉質幾易咬開，上面灑了香草，切開是粉紅色的，控制火喉真的岩岩好～也配上了一小籃薯條，真係份量超足！飲品：士多啤梨法國牛乳特飲　加HK$10奇異果法國牛乳特飲　加HK$10之前加錢轉了兩杯特飲，味道尚可，不過牛奶味不算太明顯，如果多點牛奶點就更好了！總括呢間真係好抵食，去開真係可以再Encore！正！…查看更多

香港人出街食飯好習慣食主餐就一間，去食飯後甜品就去另一間，但黎到呢間餐廳，真係唔需要左去右去，一間就可以滿足到你幾個願望～已經去左無數次的餐廳，同老公行過附近諗下食咩好，就決定又走上拜會一下佢啦！餐廳以西餐為主，有小食、沙律、主菜、意粉、扒類、特色飲品及甜品，價錢相宜，種類都幾多，仲有設晚餐的選擇～凍紫薯鮮奶HK$35凍抹茶鮮奶HK$35我同老公先各自一人叫一杯飲品，味道唔會太甜，抹茶鮮奶唔會太苦澀，飲落口都幾滑，而紫薯鮮奶就有陣陣濃郁的紫薯香！黑松露薯條HK$52黑松露薯條是我每次來都必點的小食，它們的黑松露醬特別惹味，薯條炸得香脆岩岩好，次次都會點哂佢地提供既黑松露醬！燒烤雞肉沙律HK$70為左健康，我地都點左一份沙律配燒烤雞肉，估唔到份量又幾大碟，燒烤雞肉幾惹味，而拌合爽口新鮮的蔬菜，口感十足，也配上不少的粟米及車里茄！龍蝦汁芝士焗雜菌海鮮燴飯HK$88呢個焗燴飯以龍蝦汁為主，加入邪惡的芝士，配上雜菌，龍蝦汁味道幾濃郁，唔會太膩，而且有不少的各式海鮮，燴飯唔會焗得太淋，一粒粒幾有咬口，整體都唔錯～甜品：朱古力三重奏HK$72作為朱古力愛好者，一見到呢個選擇二話不說就要指明點呢個做飯後甜品～朱古力三重奏分別有朱古力心太軟、朱古力熱飲及朱古力慕絲～朱古力熱飲上面灑上滿滿的oreo餅碎，口感十足～而朱古力慕絲凍凍的，好香滑。朱古力味唔會太甜～朱古力心太軟焗得剛剛好，入面有滿滿的朱古力流心，朱古力味濃郁，齒夾流香～…查看更多

這間樓上西餐廳已經食過無數次，性價比高，每次都KEEP到水準，果日同老公行開旺角，又走上去食晚餐啦！餐廳座位闊落，燈光柔和，環境幾舒服呀！餐廳主要以西餐為主，款式種類有好多，另備有一人及二人套餐，連飲品也不少選擇！未上菜前，侍應奉上墨西哥脆餅俾我地餐前小食，不另收費的，脆脆的沾上醬汁特別惹味～我就叫左個自選意大利飯晚餐HK$158；Set Dinner 包左一份沙律、是日餐湯、主菜、飲品同埋甜品！羅宋湯跟餐奉上的羅宋湯，入面有不少的蔬菜，口感十足，味道有濃濃的蕃茄味，酸酸甜甜幾開胃，一啖飲落肚暖入心！鮮果沙律份量都算幾大碟，除左新鮮的沙律菜之外，入面仲加入左粟米同車里茄，好Fresh又爽口，混入不少的沙律醬，口感味蕾都好清新！黑松露忌廉汁雞柳意式燴飯這個自選意大利飯／意粉可以隨自己喜好去選舉醬汁同配料，我就選擇了黑松露忌廉汁，配上意式燴飯，配料就揀左雞柳～可以自選出自己喜歡的醬汁及配料，即叫即製，意式燴飯就似意大利飯，醬汁收得岩岩好，唔會太水／太杰身，雞柳好淋身易咬，除左雞柳之外，仲加入左黃椒及紅椒，仲有蘑菇，味道岩岩好唔會太咸！香草燒牛仔骨配蜜糖燒汁 HK$228而我老公就點左呢份香草燒牛仔骨配蜜糖燒汁晚餐，同樣是跟沙律、是日餐湯、飲品同埋甜品～想不到牛仔骨的份量都幾大件，蜜糖燒汁好惹味，牛仔骨肉質有咬口，不會過韌，咬開有肉汁滲出，而且厚度適中，吃掉兩塊大的牛仔骨已經好飽肚了！旁邊也配上了不少薯菜都幾好味！香草牛油焗田螺酥盒 HK$88另外單點左一客香草牛油焗田螺酥盒，即叫即焗，外邊酥皮好香脆，入面就有熱騰騰的焗田螺，好爽口入味，外脆內軟口感十分豐富！而餐飲的選擇是咖啡或茶，我地都叫左檸檬水！最後晚餐的甜品是朱古力泡芙，SIZE都十分MINI，一口小食的SIZE，味道正常不會過甜！…查看更多

我同老公都好鍾意食漢堡，放工去左深水埗買野，行過呢間專門食漢堡的小店，座位唔多，但就坐滿人，羊群心理，多人食應該都唔會太差，雖然有唔少人，但都好快有位坐！呢間小店主要有漢堡之外，仲有提供少量小食、沙律🥗、意粉🍝等選擇，漢堡可以加HK$20轉套餐，有薯條🍟同汽水🥤佢哋好貼心有即棄手套🧤可以防止整污糟對手❤️和牛漢堡 HK$88上枱時已經見一片半溶芯士在漢堡扒上，已經好吸引～漢堡扒厚身Juicy👏🏻食落口爆哂啲汁岀黎，口感十足！而漢堡包🍔都微微燒香過，食落都特別脆身惹味👍🏻薯格即叫即炸，熱辣辣好香脆！唯一就係店舖坐位太少了！如果加大舖位更好！…查看更多

最近石燒牛盛行，經同事介紹，旺角開左間性價比幾高嘅石燒牛，我同老公都未食過，於是同老公行開旺角就打算去會一會佢～磊犇位於旺角，於MTR🚇附近，近過去五分享左右，位置唔難搵～呢度半自助式的，進店後就有部電子落單的儀器～見到上面最主要有三款牛，分別有西冷牛扒、牛肩肉同磊牛扒～唔同份量價錢都唔同，另外唔食牛，都仲有石鍋飯可選雞及豬肉，單價都只係HK$65～所有牛扒餐同石鍋飯都只收餐價，沙律🥗飯🍚湯🍵及飲品🥤都係免費任飲任食🤩飲品分別有綠茶🍵菊花茶🌼洛神花山渣茶，仲有熱水供應👍🏻另外佢哋提供左唔同的醬汁調味料，大家可以按個人喜好自行調味～沙律🥗入面混合好多不同款的蔬菜🥬仲車里茄，好新鮮爽口，伴上芝麻醬微酸好開胃！我地就分別點左西冷牛扒同牛肩肉，可以品嚐到兩款唔同的牛肉部位🤤點餐之後就可以自己搵個位坐低，店員就會提供一個提示取餐牌～當提示牌響起就可以自行到取餐處取餐～他們都好貼心，將牛扒用吸油的紙蓋上，以防因為石燒太熱，油會彈到客人！上枱時盡可能將牛塊襯左石燒熱時切開再行煎煮牛塊，幾熟可以由自己決定～牛肩肉 300g HK$110牛肩肉咬落比較煙靭有咬口，有牛味，筋位不多易咬口，可以加入海鹽同黑椒更加美果～西冷牛扒 200g HK$128而西冷牛扒價格比牛肩肉貴，所以牛味都幾濃郁，而且好Juicy，同樣筋位不多，肉質好淋身！牛肉都可以沾上黑椒汁或燒汁特別惹味！最後裝了一碗味噌湯結尾，味噌湯幾清甜唔會太咸，入面仲有海苔，富口感！整體質素十分滿意，下次可以再Encore！…查看更多

作為牛魔王的我倆，据扒點可以少得牛呢？最近就發現一間專門係牛嘅餐廳🤩 於是放工就同老公黎撐下枱腳～呢間餐廳有兩間分店，一間係銅鑼灣，而一間就係中環，我地今次就去左中環分店，店舖分左兩層，座位都比較闊落，地下一層就設有吧枱，佈置比較有格調！這裡主要以牛為主，也有羊架及龍脷魚選擇，也設有不少的小食同飲品，餐廳領有酒牌，有紅酒🍷白酒🍶提供！套餐有白飯配飯素、沙律🥗及芝麻豆腐的 加HK$58可以加一杯紅酒🍷白飯配飯素拌好十分惹味～沙律🥗新鮮爽口，配上柚子汁酸酸地幾開胃！芝麻豆腐微酸，豆腐滑身入口即溶！頂級板腱牛扒 HK$215呢個頂級板腱牛扒叫左五成熟，板腱牛扒係屬於牛嘅肩胛位，切開仲見到粉嫩嘅肉，咬落有肉汁也不少，中間的筋位比較多，口感十足，沾上燒肉汁及鹽帶起牛味，十分惹味！頂級肉眼牛扒 HK$258而另外一份頂級肉眼牛扒都係叫左五成熟，明顯牛肉脂肪位比較多，食落牛味濃郁，肉汁比較Juicy，咬落好淋身，筋位比較少！整體牛扒質素不錯，煎煮得恰到好處，下次可以再Encore👍🏻…查看更多

香港獨有的街頭小食有好多，市面上亦都有唔少同類型食店，能夠突圍而出真係一啲都唔簡單～呢間媽咪雞蛋仔係香港都好多間分店，證明深受香港人歡迎，當然我都唔例外～早前經過聞到香就忍唔住同老公一人一底加食飲品，超級飽肚！佢哋主力都係賣各式口味雞蛋仔，口味都幾創新，宜家佢哋仲提供埋各款特飯，套餐咁買仲化算！原味雞蛋仔 HK$20雞蛋仔我地都比較喜歡原味，買左之後等五分鐘左右就有，即叫即製，保證新鮮熱辣，雞蛋仔外脆內軟，用料十足，蛋香味十足！粒粒朱古力雞蛋仔 HK$25因為我本人比較喜歡食朱古力，於是就選擇左呢個口味，其實同原味無咩大分別，在製作時加入不少朱古力🍫粒～同樣外脆內軟，入面有不少朱古力粒，朱古力味不會搶走蛋味，隻味又幾Balance幾夾！不錯！ 蜜桃🍑梳打 HK$23蜜桃🍑梳打 個蜜桃🍑味唔會太假太甜，梳打氣十足，幾解渴！宇治抹茶牛乳豆花 HK$30老公點呢杯宇治抹茶牛乳豆花好有驚喜，本身無太大期望，但飲落好濃郁嘅抹茶🍵奶味，好香滑～而底下加入啖啖豆花，帶點甜味，同無太多甜味的抹茶奶好夾，齒頰留香！個有好多特別口味，行過會再encore 呀！…查看更多

作為椰子🥥的愛好者 ，每次去甜品店如果有都會叫椰子🥥，不過選擇就唔多，有時未必有添！最近就係社交平台所發現有一間以椰子🥥為主的甜品外賣小店，所以早前放工就搵埋老公一齊去試下👍🏻小店主要做外賣生意，所以鋪位不大，但都設有兩個立食座位！這裡好多款冷熱甜品，主要都係以椰子為主，總有一款岩你心水💖我地就叫左兩款，一款係椰奶藍水晶，而另一款係甜蜜桃膠椰凍～椰奶藍水晶 HK$35呢杯咁特別又夢幻的飲品，上面是椰奶，下面的藍水晶其實是加入蝶豆花製成的啫喱，啫喱味道比較偏甜，豐富口感，而椰奶口感濃郁香醇，有濃郁的椰香，味道會淡一些，混合著藍水晶甜度恰到好處，不錯！甜蜜桃膠椰凍HK$52而呢份甜蜜桃膠椰凍明顯是女性的恩物，桃膠是平民養顏的食材，近年都十分流行～上面有滿滿的桃膠絕不吝啬，桃膠本身無咩味，佢哋就加入左焦糖來混合一起，而原個椰子🥥入面就藏著椰凍，椰凍口感厚實有咬口，爽口易咬，味道不太甜，混合著帶有焦糖味的桃膠甜度剛剛好！而店員都好好，現場食提供左個工具俾我地刮椰子肉食，好貼心！椰子健康又美味，下次要再試其他！…查看更多

跟老公年頭結婚，當日婚宴的事真係記憶猶新，回想起由籌備到完成整個婚禮真係覺得好忙好忙，不過樂在其中，宜家間中都會回味返當日的情境～其實宜家香港好多新式的婚宴場地都可以舉行大型或小型婚宴，迎合唔同的新人需求，在早前睇場時都已經留意到這一間小型婚宴場地，因為地理位置係我娘家附近，交通也方便，可惜場地容納唔到我D賓客數目，所以轉投左第二個場地～雖然與這個場地緣慳一面，不過最近發現佢地原來平時唔搞婚宴，都可以入去食，環境超浪漫呢～場內一眼就會看得見，半圓拱型的樓底可以增加空間感，柔和的燈光，播著首首的婚禮專用歌曲，真係將成個場浪漫氣氛大大提升！這個BACKDROP帶點復古優雅的風格，唔洗點再佈置都已經好夠靚～仲有位置可以擺相結婚相片等～講返佢地個西餐先，以龍蝦海鮮為主題，套餐價錢由二百至四百幾不等，包括有Starter，Soup，Main Course，Drink及Dessert！Starter：波士頓龍蝦田園沙律沙津上面有兩隻蟹鉗肉，啖啖肉好鮮味，而下面配上不同的沙津菜，拌入黑醋汁，微酸好開胃！Soup：傳統法式龍蝦湯傳統法式龍蝦湯上面加了少量Cream，飲落龍蝦味都幾濃郁，唔會太咸或者太過腥，而跟湯附上牛油法包，伴著龍蝦湯特別惹味！Main Course：香煎牛扒（50z）配香煎波士頓龍蝦及甜薯條，露荀及雜菌 HK$438這份香煎牛扒點左5份熟，配上已經切開左一半的原隻龍蝦～龍蝦肉質好彈牙有口感，幾鮮味，而牛扒亦都牛味濃郁，有肉汁湧出來，幾入味易咬，配上黑椒味再特別惹味！也有跟炸薯條，薯條都炸得幾香脆，唔似炸完好耐攤到凍哂咁，仲係好香脆的！Main Course：四季薈海鮮大拼盤（波士頓龍蝦、大蝦、藍青口、魚柳、魷魚、北海道刺身帶子及新薯）HK$468這份海鮮大拼盤每款的份量都比我想像中多，波士頓龍蝦同大蝦肉質幾彈牙鮮味，而藍青口都幾大隻，啖啖肉，其他整體都好鮮味，煮得恰度好處，唔會太老，又唔會有腥味，呢盤淨係食海鮮都已經好飽肚！Drinks：熱檸水套餐就叫左杯熱檸水 ，熱檸同水係分開上，可以自己決定落幾多片檸檬！Dessert分別有兩小杯紫薯慕絲及玫瑰荔枝啫喱，少少一杯份量剛好，味道唔會太甜太膩，為一整餐作結！…查看更多

早前完成大PROJECT 要好好獎勵下自己，所以早前就相約老公去食餐好，記得之後食過一間日式放題好高質，見好耐冇去食放題，於是預約左去！呢間上年食過一次覺得好高質，雖然價錢比起一般的放題稍為高一點，但係它的食物質素相對高，所以我覺得幾合理！店舖位於2樓，上到去樓底都幾高，佈置好有日式風味，環境光猛整潔～座位之間都唔會太迫，而每個座位都有獨位的抽煙系統，唔會令燒肉搞到成間店都充滿油煙味～枱面上都備有唔同的調味料醬汁，可以按個人口味調製～這裡以放題形式為主，跟大部份的放題一樣，枱上備有厚厚的點單紙，款式特別多，燒肉方面就有牛、雞、豬肉等選擇，仲有各式海鮮～而其他日式料理，分別有刺身、壽司、手卷、沙津前菜、燒物、炸物、小食、其他日本鍋物、飲品及甜品等，全部都係任食！有不同的罐裝及支裝飲品選擇～另外，呢度有得任食紅酒白酒，係比較少有的放題會有此供應，還有加錢可以任飲嘉士伯啤酒添！首先就送上一大碟刺身拼盤，海膽不是任食的，其他都可以之後再點叫，刺身都十分新鮮嫩滑～唔好以為放題的海膽就好腥，佢好新鮮，入口即溶，是高質的食材！另外，油甘魚都幾鮮嫩，切得幾厚身！也有生蠔都唔細隻架～入口唔算好腥，不錯！之後就到燒肉拼盤，和牛的種類都很多，而我自己要喜歡就係和澳洲和牛西冷，牛味濃郁，唔洗加咪都好夠味～和牛多汁易咬開，真係好高質的和牛～而七味豚拖羅幾爽口易咬，醃得幾入味！另外仲有一碟海鮮係可以燒，有蟹腳，大蝦同扇貝，食材都好新鮮～牛油扇貝都好大隻，好淋身入味！另外ORDER左D野菜拼盤，款式都算多！除左燒肉，刺身同埋海鮮之外，我地仲點左其他食物～當中有辣味螺肉，份量幾足料，口感彈牙！芝士醬粟米沙律沙律菜新鮮，芝麻醬微酸開胃～仲有燒雜菇～最後就梗係唔少得甜品時間啦～呢度有好多唔同款既雪糕任食～當中有MOVENPICK同Dreyer’s！仲有個小雪櫃擺放幾款甜品，全部都幾精緻！呢度食物質素保持水準，值得ENCORE再ENCORE！…查看更多