Greensalad的個人專頁

星期日, 岩岩去睇完醫生, 諗住食返碗河粉就返屋企食藥, 點知老闆娘話"今天是最後一天了" 我以為自己聽錯, 一向佢地都生意唔錯, 原來都係加租的問題, 希望不久的將來在紅磡某地方又會見到呢d熟悉的面孔, 熟悉的美食.…查看更多

約左兩個家長朋友, 一齊出去飲茶傾仔經. 流沙奶黃包 - 蛋黃的香, 奶黃的甜, 真的很配合口水雞 - 麻辣+蔥香+花生脆+黃瓜脆+雞肉嫩滑, 好好味呀鮮蝦腐皮卷 - 呢味就好抵食呀, 一碟有六件, 香脆可口.鮑汁鳳爪 - 鳳爪唔夠味呀, 好似浸左一陣就拎起咁囉.竹筒鮑魚糉, 本來冇諗過要食, 不過朋友話叫呢個糉, 有三碗蛋白杏仁茶送, 隻糉比較軟身, 隻鮑魚冇咩味, 似湯渣咁 至於送果碗杏仁茶都係好一般.薑汁芥蘭, 刀工就好夠喇, 條條都執得好靚, 不過都係老左d囉.可能因為係寫字樓午飯時間, 好嘈呀.…查看更多

都係一直在openrice 看了很多食評之後, 再決定去試一試 家鄉檬饒, 有四件魷魚, 一粒魚柳, 一隻青口, 一隻蝦, 幾條通菜, 幾條芽菜, 湯底用上了鮮蕃茄, 鮮甜帶微酸, 檬粉索哂d湯, 唔駛再加魚露都已經好好味了.春卷一客, 有4條, 基本野, 冇咩驚喜扎肉一客, 薄切, 冇咩特別香露大頭蝦, 隻蝦好大隻, 配上蕃茄及洋蔥, 蝦肉爽甜, 而個汁就非常之惹味蒜蓉包, 夠熱夠鬆脆, 用黎點大頭蝦汁, 美味無比椰青, 一般貨色椰汁綠豆冰, d綠豆實左dd, 美中不足. …查看更多

本來睇左食評, 想去紅茶館試一個平價buffet, 不過我地未行到去, 就被坐無虛席的平記吸引著, 好幸運地, 我同囝囝岩岩搭到檯, 唔駛等位喇.囝囝叫左一個魚柳早餐 + 凍朱古力, 睇相就知相當唔錯, 多士夠熱, 魚柳醃得好好味, 雖然係冰鮮魚, 不過都好有水準了, 再配上香滑的炒蛋及兩片火腿, 賣相食味都好正呢我就叫左一份腿蛋三文治 + 凍檸檬茶, 基本上都冇咩失手, 麵包夠新鮮, 鬆鬆軟軟的, 加上滑蛋及火腿片, 呢d係港式茶餐廳令人百吃不厭的魅力.…查看更多

試過大戶屋之後, 又有朋友話試一試呢間,一坐低就叫左個set lunch o既雜錦魚生飯. 個set 有一份薯仔沙律+魚生飯+麵豉湯薯仔沙律 - 呢樣咁基本o既野都好難唔好食, 再加上佢地係壓爛左d薯仔加埋雞蛋入去, 食落去都香, 好滑.魚生飯 - 用料十足, 你睇返張相, 成碗滿哂架, 仲有青瓜片同埋雞蛋碎, 大碗到食都食唔哂呀麵豉湯 - 大量蔥花, 勁香, 不太咸, 正呀…查看更多

今日朋友提議去呢間野試一試, 我就跟大隊吧. 一到門口, 叫有人排隊, 而我地一行4人, 我就當然唔想等啦, 原來佢地有條規矩, 就係要人齊至可以入坐, 咁反而我地就唔駛等, 即刻有位坐!我自己就叫左一客泡菜窩飯定食, 前菜是鮮淮山, 好脆好好味, 泡菜窩睇落就好辣, 食落都係唔多夠辣, 所以我要再另叫一碟泡菜.整體而言都ok 啦.朋友就叫左木盒烏冬配雞扒飯, 見佢唔聲唔聲, 一輪就掃哂, 我估都應該幾好食, 下次我都叫佢果個set.唔好睇佢地門面好細咁, 原來行入去地方都幾大, 而且店員們都很有禮貌.…查看更多

朋友突然話搵唔到腳食飯, 咁就過黎一齊吹吹水囉. 講返d食物先椒鹽鮮魷 - 去大排檔我就例必要叫呢一碟小菜, 喜歡它香口, 而文記出品, 就係香口得黎, 有咸鮮, 本身魷魚呢類軟體動物, 要軟得黎有"趙"頭至好食, 文記就係做得到呢一點.油鹽水雞腳 - 媽咪話, 女人都是喜歡吃雞腳, 我問左十個女仔朋友, 真係只有一個唔食雞腳, 其他的都喜歡吃呢, 至於文記出品, 就係有伴著沙薑粉的雞腳, 巴西雞腳又大隻又夠味呀.蔥油雞半隻 - 肥就係肥d, 不夠勝在夠滑, 冰鮮雞做到呢個水準真係相當唔錯.南乳炒耦片 - 呢個有d失色, 太咸麵醬唐生菜 - 大排檔火爐夠, 生菜仲係脆架.唯一美中不足的地方就係有人食煙呀…查看更多

反正都是坐在家中, 接左囝囝放學就一起去吃一個下午茶. 餐蛋公仔麵, 首先佢地真係用出前一丁, 唔駛另外order, 仲有呢, 佢地棄用梅林牌午餐肉, 食落都唔同d, 好似自己屋企整咁.配檸檬茶 - 收得廿七蚊個餐, 呢杯茶鬼祟左d, 細杯得黎又有少少澀日式煎餃子, 煎就煎得好靚, 可惜食落就好一般, 下次一定唔會叫囉.配凍horlick, 呢個都好難唔好架喇. 丫, 唔通佢地d奶類飲品真係好d o既, 下次再試冰鎮奶茶呢.…查看更多

星期六, 我同囝囝出去買d 打波衫, 買完之後就入左去呢間野食lunch.行入去至知原來係要"自己拎"o既快餐. 囝囝叫左一客燒春雞+意粉 -- 點睇都唔似係燒出黎架, 似豉油雞果種多d, 仲要係囝囝都話d雞肉好鞋呀!我就叫左一客三文魚扒+凍檸檬茶 - 三文魚扒咪就係水煮咁, 加d 白汁, 典型快餐呀, 反而杯檸檬茶就幾好, 無論色香味都有茶餐廳水準.整體而言, 如果我用呢個價錢, 我相信 pizza hut 同 spaghetti house 都會好d, 起碼唔駛我自己去拎.…查看更多

周末, 陰沉沉的天氣令人心裏納悶! 午睡醒來, 肚子有點餓, 不如出去醫下個肚仔先.兩個下午茶餐雞翼薯條 + 熱檸檬茶 -- 睇下d相你就知有幾正, d薯條係炸兩次架, 第一次炸熟佢, 第二次就迫左d油出黎, 所以食落唔會油林林咁. 雞脾薯條 + 凍朱古力 -- 囝囝就叫左呢一份, 我就分享左少少, 佢地d 炸野一向都好有口碑, 街坊們行入黎聞到都要叫返隻試一試.p.s. 德昌個老闆依家已經賣左明軒俾人喇.…查看更多

朋友送左一盒蝴蝶酥, 見就在openrice見佢個名好耐喇, 即刻開黎試一試先! 好脆, 好香, 唔會食到一手都係油, 不過就好熱氣呀. 個人口味, 我都係鐘意mrs. field's 多d!…查看更多

食左打邊鑪, 好飽, 慢慢行呀行呀, 就見到呢間小店.芝麻湯丸 - 喜歡薑糖水夠辣, 芝麻蓉炒得很香, 滑溜溜的感覺很甜膩糖不甩 - 花生芝麻的香口加上白砂糖的甜混在軟軟的糯米團, 感覺太難忘了.…查看更多

襯住夏天仲未到, 今日又話凍返, 即刻call埋朋友仔, 一同到協盛去打邊爐.例牌叫返個咸菜蕃茄豬肚湯底, 用料十足架, 大大件豬肚, 又厚肉又林身. 一碟本地牛肉, 喜歡它牛肉味比較濃厚一碟四寶丸 - 最正都係蝦丸, 夠鮮一碟魚片頭 - 有魚味, 夠脆又彈牙一碟生菜兩個大人, 兩個小朋友, 食到飽飽, 再行去找甜品我地打電話去訂檯果陣, 講左兩大兩小, 個阿姐都好好, 安排我地坐在室內較少人的位置, 很貼心呢.…查看更多

今日出去搵個朋友食lunch, 朋友話黎呢間, 咁就試一試囉大湯黃魚 - 我就覺得好好鮮味, 不過朋友話比較咸!小籠包 - 有肉汁, 但不及王家沙的鮮.炒鳝蝴 - 都是普著通通叉子 - 唔夠熱呢.…查看更多

冰室 - 在孩提時代一聽到呢兩個字, 都會開開心心地挽著媽媽的手, 鬧著快些去吃紅豆冰的地方. 今日又俾我經過一間冰室, 反正閒來無事, 不如入去食個菠蘿油, 飲杯檸檬茶, 打發半個小時吧.菠蘿油 - 有點溫溫的, 可惜包包的面太脆了, 鬆一點更好.檸檬茶 - 茶餐廳的水準, 夠新鮮的檸檬就不會苦澀, 呢次都沒有令我失望丫!…查看更多