oscarho1217的个人专页

好多人話馬鞍山冇野食，沙漠地方，我好少入去馬鞍山呢個地方，今日咁岩係呢邊做義工，做完義工同2個義工朋友去食日本野，野食唔差，幾好味。叫左六樣野食。呢個係招牌安格斯牛柳鍋飯，牛肉粒好多肉汁，有生蛋撈埋一齊食冇咁dry,有少少飯焦脆卜卜好正。呢個係牛肉壽司，好正口入面充滿牛味，唔會好韌叫左4串串燒，有冬菇、雞腎、雞軟骨、雞皮燒得好好，唔dry,特別雞腎同雞軟骨好脆朋友叫既壽司（一人份量）朋友話好新鮮，唔腥，壽司飯唔散，唔會太硬叫左個魚生併盤，夠凍，新鮮，蝦好彈牙，好甜、冇雪味呢個係宇治金時綠茶控朋友實喜歡，唔太甜，有綠茶味，紅豆都好大粒…查看更多

好既野食緊係要同大家分享，今次黎到佐敦一定要搵到好野食，一講到佐敦應該好多人諗起澳牛，食得多都厭啦，今次搵到間素菜餐廳試下新野，間野叫做大中華素食，首先講下環境，坐得好舒服，唔會好迫，間野都好乾淨。介紹下我果日食咩野先，首先整碗竹笙翅，然後叫個葡汁素鴨，再黎水晶球。呢個就係竹笙翅，都好足料，有竹笙、菌類、木耳等等。好似食緊冇肉既碗仔翅。葡汁素鴨，朋友太餓關係，畢起時候比我影埋佢隻手，炸得好脆，唔會滿口油。葡汁好香呢個係水晶球，入面都係爽脆料，口感唔錯，食落似酒樓叫菜苗餃之類餐廳入面仲有呢d野叫，全部都係素我果日入黎好彩係下午茶時間所以有半價優惠，至於幾時完，我就唔清楚。想試就最好下午茶黎啦…查看更多

近期天氣涼左好多，唔知係唔係秋天的來臨呢🤔，親天氣咁好又有秋意感覺，帶個女朋友出去行街同埋打下邊爐，早排熱到死，連街都唔想出。夜晚行下銅鑼灣見到尚鮮火鍋店，於是排隊拎飛入去試，食完先知都係開左唔係好耐，發覺又幾好味，食物好新鮮。我地叫左咩海鮮招牌鍋、仲有以下呢d睇相啦😉一黎到比個龍蝦吸引到，一黎到即刻夾上黎食，好鮮好好味，當然仲有其他海鮮，包有蝦、貝殼類等真係好味，如果有埋蟹，可能仲正見佢特別叫黎試食，好香脆，釀果野幾彈牙，唔差。…查看更多

同女朋友拍拖行街，經過見到有間放題新開，於是走埋去睇佢地菜單有咩食，順便入去行過圈睇下個環境。之後就排隊入去食，二百幾蚊有好多野食，重點有海膽，唔係到到地方放題都有海膽食，即使有都唔平。我地叫左好多野食，不過冇咁多時間影咁多相，爭取時間食。我地鐘意食串燒多d叫左雞翼 燒蝦 燒蠔唔錯幾好食，平時燒蠔通常係芝士，呢到係味噌燒蠔都幾夾唔錯，由於太耐冇食菜，叫碟炒菜食，碟菜唔油，幾好食。呢到野飲 雪糕 部分沙律都係自己出去拎，呢到出菜好快，好好服務態度…查看更多

上兩星期約左兩個同學出黎食飯，佢地在韓國番黎，佢地係果邊讀書，於是我叫佢地去食韓燒，太耐冇食同埋突然好想食，所以去左呢間餐廳，我地叫左好多野食，不過唔係好記得叫左咩，我印象叫左牛肋骨、人蔘雞湯，同埋唔記得咩炒粉絲，我好鐘意食牛，所以每次去任何韓燒餐廳都會食牛，今次牛幾好食，好重牛味同埋夠軟，一般韓國餐廳食牛醃料蓋哂牛味，唔似食牛，似食緊醬料入口，人蔘雞湯好唔錯，好濃人蔘味，飲落去有少少甘甜。平時人蔘雞湯，得個人蔘香味，飲落去好似飲水，好多野食相冇影，掛住食同傾計。下次會再黎。仲有呢到員工識韓文…查看更多