J.baby的个人专页

嗰日一個人在元朗遊走，經過此麵包店就入去睇下有冇心水之選，見到呢個由店內即做未有包裝嘅蛋糕，有分原味同柚子檸檬味，小妹於是買左個柚子檸檬味的柚子檸檬戚風蛋糕表面比原味多左啲估計是檸檬草碎作為裝飾；而且有極香濃的檸檬味，而柚子味就一丁點都聞唔到食唔出。蛋糕唔算軟熟，更可以話有啲實，但食兩舊已經好飽…查看更多

是日同小朋友黎到元朗已經係下午一點半，由於仲未食午餐,唯有求其搵間店入去坐低隨便叫尐嘢食，小妹叫左個豉椒排骨炒河 。河粉黎到，外貌唔算吸引人流口水，河粉好似係白洽嘅咁；但食落原來好夠鍋氣排骨亦唔會話全部都係肥豬肉，有廋有軟骨。另外要提提杯凍檸茶，檸檬都算多片，但茶亦都落左多甜，搞到杯茶先係勁酸之後又覺得勁甜…查看更多

是日小朋友又話要食壽司，但小妹因連續幾日都係食壽司已經開始厭，見佢尐飯都幾吸引，於是乎買左個三文魚丼飯俾自己。三文魚丼外表新鮮吸引(相中個丼飯俾小妹唔小心跌過落地，所以有少許走樣)除左有主角三文魚外，仲有蒜味螺肉、蛋絲、中華沙律、櫻花蝦作配角。三文魚睇樣雖然肥美，但略嫌魚油香味不足；而且係非一般的薄切，丼飯睇上黎細細份，小妹亦唔算係細食之人，但呢個丼飯已經可以令小好飽肚…查看更多

話說有一次陪母親大人去買早餐，見到展示櫃內有蛋卷做特價，但佢吸引小妹嘅唔係個價錢，而係個『口味』，一個蛋卷有三隻口味合成，咖啡、杏仁、榛子，每一樣都係小妹鐘意的於是呢一日小妹都買左一條，試下呢個少有的味道。一拎開個蓋，先有一陣好濃郁嘅咖啡味飄出黎，食落蛋卷好軟熟，鮮奶油又唔會太多太漏，同樣地，口腔都俾咖啡味裝滿，偶然會食到好零碎嘅果仁，估計應該係榛子仁，但實在真係好少好少。同埋呢，成個蛋卷得咖啡味，杏仁味同榛子味，可能味道比較淡吧，連少少都食唔出…查看更多

小妹明白,"圖片只供參考"呢個道理,但一打開個餐盒,小妹真係有尐尐滴冷汗GE感覺,賣相分別唔係咁大呀??首先係D蘑菇,小妹覺得係煎,而唔係好似個名咁係"烤菇",雖然有D爽口,但真係冇味架....煙肉唔會好咸 叫適中,似食緊廋肉…查看更多

送完小朋友返學後，一個人去搵餐廳食早餐，記得呢間餐廳曾經幫襯過個下午茶，印象不壞，所以決定入去食個早餐。叫左個香煎豬扒米配太陽雙蛋 飲柯華田豬扒睇上黎幾吸引，食落香軟唔乾柴，肥廋適中唔會食到成口油；米粉亦都夠爽，個湯唔會太咸。太陽蛋個邊如果可以煎脆／燶少少會加分，唔知點解蛋黃生食蛋味都唔多突出。柯華田只係水+粉，難免會寡左少少，如果可以加尐花奶 相信會更加好飲…查看更多

小妹對爭鮮ge甜品真係有一種情意結(芒果布丁除外)是次同家人去食晚飯,小妹又是試左一款新甜品,也許已經唔叫"新"啦,因為小妹想食時,已經冇名牌介紹此甜品名字,但食過後小妹自己同佢改左個名 叫"藍莓乳酪蛋糕",蛋糕下層係一層薄薄的白朱古力,面頭有一尐尐椰絲,蛋糕藍莓味蠻濃的,帶有酸味;椰絲的點綴 個人認為有尐多餘。蛋糕好似唔多受歡迎(其實小妹都唔多推介啦) 小妹拎黎食時,蛋糕已經變成室溫,而且外觀好完整,但匙子一落就發現原來成個蛋糕都已經係溶左反而好想推介"朱古力慕絲蛋糕" 中間ge牛奶朱古力慕絲蛋糕好香濃好幼滑,下面同樣係一習薄薄脆朱古力墊底,上層係黑朱古力粉,一啖入口 先苦後甜 一個蛋糕三重享受 最重要的小妹呢次手氣好好,拎到ge蛋糕冰凍感十足…查看更多

約朋友喺天水圍食飯，上網知道呢度有間日式料理餐廳，於是乎就揀左佢；我哋830pm左右黎到已經大排長龍了，入座後絕對明白要排咁耐真係不無道理，因為餐廳一眼睇晒，座位好少。睇左一陣餐牌後我哋各自嗌一碗主食，再散叫少少嘢，小妹叫左個『火炙松葉蟹伴三文魚飯』，個飯一黎到見到尐蟹籽同爭鮮差唔多貨色，認真有尐失望;但見三片三文魚好似好靚仔咁，點知冇鮮味冇魚油香朋友所叫嘅石鍋烏冬話冬天食一流，食左十分鐘仲係熱到不得了，但一旦凍左味道就差左尐……朋友叫左個番薯天婦羅，上檯先知唔係食開嘅黃薯而係紫番薯但重點唔係呢樣，重點係炸得唔熟呀！咁薄嘅番薯仲可以食到爽爽聲，真係無言了……雖然除開三個人一人食左$110,但呢個價錢，我諗應該有更好的選擇…查看更多

前兩次黎食早餐已經留意到有一個叫『扁意粉』的早餐，小妹雖然唔係意粉迷，但始終第一次知道有扁意粉呢樣嘢，所以襯黎良景上最後一堂嘅課程，又特意提早少少黎食個早餐。因為之前食過蘑菇腸覺得唔錯，所以今次食扁意粉所加嘅兩個餸其中一個都係要返蘑菇腸，另一個就要太陽蛋(小妹特意在落單嘅時候問店員可唔可以要太陽蛋，店員話可以所以小妹要左太陽蛋，如果唔講明要太陽蛋係會俾全熟蛋架)第一次食扁意粉嘅小妹覺得扁意粉同平時食開嘅意粉係有尐分別，扁意粉係帶有少少爽身的，個湯都唔錯架！洋蔥已經煮到淋晒，尐甜味出左黎，新鮮嘅番茄肉少少酸，好清爽開胃…查看更多

因為喺大會堂有活動嘅關係，午餐只能喺呢度衝衝忙忙食尐嘢就算，叫左個雙層芝士孖寶餐，薯條轉左薄薯脆。薄薯脆用一個折起嘅紙杯裝住，滿滿的一杯，而且同個名好附合，一塊嘢切得好薄，食落有尐食薯片嘅感覺，真係好脆，但又唔會好似袋裝薯片咁咸，好聽尐就似即炸嘅薯片。但就好碎。題外話，小妹去到時，正好係佢地嘅繁忙時間，唔知係唔係忙得有尐攰，所以將小妹話堂食撳左外賣。而執餐嘅姨姨，將小妹杯可樂執左杯雪碧，小妹共叫左兩個超值餐同一個小童餐，其中一個超值餐要轉粟米，但依然俾左薯條我…查看更多

午飯時間經過，見到在買壽司的人也不少，想著反正得自己同小朋友食午餐，不如都買尐返去食算啦~於是就逼入人郡度揀壽司啦！們三文魚壽司餐盒好吸引，三文魚睇上黎偏肥有光澤，好中小好口味，就買左一盒是日小妹鐘意食嘅甜蝦／玻璃蝦壽司冇得散買，但見有隻連堂食都冇嘅『薑味海膽蝦』,於是又拎左一盒再執左12舊散裝嘅壽司就去埋單了由先食三文魚壽司先，小妹呢盒係當時剛好由廚房拎出黎加上貨架的，外貌真係好肥美好吸引小妹，但原來食落都係有尐輸蝕俾堂食嗰尐，睇上黎如果肥美嘅三文魚，竟然魚油香味不足，鮮味亦略欠，嗯……係有尐失望薑味海膽蝦小妹黎講有尐小驚喜，因為堂食未曾見過佢蹤影，玻璃蝦入口雖然冇堂食嗰尐咁爽，但上面有少少子薑嘅關係增加左個味覺刺激，係海膽有尐尐腥味…查看更多

晚上，母親大人唔想煮飯，於是乎我地又落左樓下食。小妹提議到大家樂食呢個海鹽檸檬烤雞餐再加$10將兩罐汽水改為兩杯特飲———Oreo碎碎雪糕紅豆冰 及 楊枝甘露冰杯oreo碎碎雪糕紅豆冰尐紅豆好多都係原粒，但又㷛得好淋，oreo雲呢拿雪糕無論係雲呢拿定oreo味都好突出，但雪糕會溶得好快;楊枝甘露冰睇上黎好水汪汪，但飲落有芒果又有西米，味道都足夠。套餐中有個番薯，甜係甜，不過太熟，熟得滯，水份又太多，成舊淋patpat粟米好似水烚嘅咁，完全冇味的，如果可以提供尐牛油就更加好啦隻海鹽檸檬烤雞，唔知係唔係海鹽落得太多，好咸，而檸檬味就完全食唔出，不過雞肉唔算太鞋，照體都係試過就算…查看更多

朋友帶來兩朱古力兩士多啤梨的千層酥，小妹揀左條朱古力味的，未食前已經係度諗如果酥皮係甜的，如果朱古力都得個甜字架話，食完味好漏囉？點知食原來又有驚喜哦！朱古力應該係黑朱古力黎架!因為有少少苦味，但因為有吉士醬又唔會令佢失去甜品嘅感覺，朱古力味都算濃但千層酥雖然好鬆化，但就普通左尐…查看更多

出站前入左美心買左條『香蕉牛油蛋糕』一打開個盒就有好香嘅香蕉味，蛋糕面頭有好多果仁，但分佈得唔平均，切開後見到入面都幾普通下，表面佈滿一點點黑色食入口唔單止蛋糕冇香蕉味，連果仁都冇香味，好似食緊發糕咁同埋幾都幾乾下，淨係食個蛋糕架過會覺得乾啃…查看更多

原本天澤間麥記係最近娘親屋企的,但可能平日冇乜生意,再加上向前一站之距有間俊宏軒M麥記,向後兩站之距有間頌富麥記,兩間都有McCafe,所以天澤分店執左(小妹估架咋)今日媽媽大人建議去食麥記,於是我地就去左俊宏軒,4pm我地一行4人黎到,完全係搵唔到位坐,全場坐滿人,有人係食野有人係吹水有人係溫書;幾經轉折終於等到位,2人坐低等待,我同妹妹出去買野食,我地買左3個超值套餐同一個兒童餐,幫我地執餐ge係一個叫Yan Yi ge女員工,當時我地有3包中薯條,但就只有2包茄汁,於是小妹禮貌地要求女員工俾多2包茄汁，女員工黑面加不滿咁將2包茄汁掟落小妹個餐盤度 小妹今次係試新出的『親子蛋飯TASTIC』飯TASTIC上下兩塊飯餅煎得有少少焦但唔脆,塊炸雞明明咁多人流都可以放到淋晒,仲要係又乾又鞋 舊蛋唔滑又冇蛋香,但加左尐粟米都幾清新,個醬幾好食,但落得好少,所以成個包都係乾爭爭  同埋今次d薯條好碎呀!!幸好都仲Keep到脆脆地…查看更多