Cat Amy的个人专页

今日（9/1/2022，日）大約兩點半去到黃埔分店打算取票趕及限聚令6點後無晚市前一嚐美味壽司當是日晚餐，但不幸地瑩幕上已貼有「暫停接受walk-in」字牌，於是我在店外等了20分鐘左右，希望會有突如其來的驚喜，店方能再次開放取票，可惜事與願違；於是我就往就近商場閒逛，打算稍後回來再看看情況。直至大約3時45分我再返店，那時候在門外等候的顧客已減少了大半，我問店員會否再開放取票，回答說或許稍後會，但要先待所有已取票的顧客入座後，才再開放給walk-in顧客。 在店面負責叫號的男店員對每位查詢的顧客也十分禮貌地回答。那時候我前面等候的已有一組顧客，我排第二，大家乾脆在瑩幕前方等候，沒多久後來的有大約6至8組客人輪候中，大家也十分守跌序和有耐性地等待座位這時候有一對男女氣沖沖地趕到，女的對那男店員說由於看醫生遲了，趕不及在叫號時到達，要求店員為他們安排入座。 由於我排在前方，所以整個過程看得非常清楚。 此時，男店員說由於她的籌號已過了30分鐘，沒法為她補票，建議他們可以考慮排walk-in輪候。 但那位女士不斷大聲及無理責罵說她只是去看醫生所以遲了而已、又說他們是由屯門出來、並且已幫襯了無數次、印花咭也蓋了很多印⋯⋯ 這時無論店內店內的顧客已向她行了注目禮，與此同時，不論男店員如何地解釋，那女士彷佛活在平行時空裡，聽不入耳最後還要求店裡最資深的出來處理。過了一會，有位女店長（姓黎店主任）出來細心聆聽女士的投訴，當時那女士已很不耐煩，要求女店員證明她的籌號是何時叫號，要求證明什麼時間已過時，並不斷粗聲惡待女主任說「只想知妳會點處理呀？要我等幾耐呀」「你哋間間壽司郎都係咁架喎？」「咁究竟而家點吖？」「就算我後補，都應該先過出面班人啦⋯我咁早就拎咗飛，係咪呀？？」⋯⋯下冊數十字⋯最後那女士憤怒而瀟灑地放低手上較早前已取的票、並高聲朗讀女店長掛在胸口的中文全名，說要投訴她，就闊步走出店外； 她身旁的同行男子一直保持沉默跟在一起走了。但最令人不解的是，那女士仍怒氣未消，遠遠的以高分貝向店舖方向責罵女店長說她是「X婆、喺紅磡返工，去殯儀館做啦⋯⋯」在此，我衷心地讚揚那位女店長和男店員，由始至終以禮待客、全程有耐性地解釋公司規矩，就算被人身攻擊也保持禮貌。 壽司郎能擁有這高質員工，實在可喜可賀，值得表揚👍🏼料不到那對男女揮袖而去不消兩分鐘，竟然回頭到店輪候walk-in入座用餐，說到這裡，真慨嘆有人為了美食竟出口狂言如此不要臉但最後卻低頭回歸其實若一開始就遵守規矩便皆大歡喜吧！以上所言全部屬實，我有片段為證。最後我等候到4點40分入座，趕及5點15分last order前用餐，食物美味無窮個人最喜歡甜品卡達拉娜和曲奇軟雪糕這次體驗非常有趣，因為見證到客服不易做，壽司郎不單食物高質能培訓出如此高質員工也非常難得…查看更多

今日係復活節假期第二日，瞓到自然醒之後大約1點半先出動搵嘢食～知道火炭工廠區多咗好多黃店🟡 專登去搵吓，適逢睇到呢間，我對台式食品都好有興趣啱晒胃口，於是一行二人就入咗嚟～餐廳係半自助式，疫情下要登記入座資料同量體溫，之後可自行搵位，再出去收銀處點餐，然後侍應送餐～ 流程大概就係咁嘅～當我哋決定咗食咩之後，由我拎住餐牌出去收銀處，呢個時候，我有幸「見識」到嗰位四眼大叔嘅服務～👓大叔 ｜ 👩🏻 我👩🏻：唔該⋯我想要⋯👓：小姐，你邊張枱架？ 👩🏻： hm....我坐電視機對住嗰張（同時我指向枱嘅方向指意話佢知）但未講完佢就開口⋯👓：我都唔知你講邊張！👩🏻：我未講完，你就截斷，就梗係唔知啦！👓：頭先咪叫咗你哋要講枱號囉！👩🏻：頭先？ 你同邊個講？👓：我同嗰位先生講架！👩🏻：哦⋯咁即係唔係我啦，我當時聽唔到喎；你而家係咪要我返埋位，睇咗枱號再出嚟點餐呀？👓：咁你講啦⋯（佢怒氣沖沖咁嘅樣，衰過黑社會）👩🏻 ：乜你可以咁嘅服務態度嘅？呢個時候我咩mood都無晒～ 9秒9放番低個餐牌，走！食餐飯啫，無謂貼錢買難受！總結：已backlisted～ 可能疫情下呢間餐廳太好生意嘞，唔多旨在一個半個所謂嘅「客人」掛～ 唯有祝佢哋長做長有啦～…查看更多

今日嚟旺角買相機配件，之後喺通菜街搵地方醫肚，知道附近好多小店都值得幫襯；由於正值午飯時段好多都要排隊等位（係好事嚟）我一向都好鍾意食泰菜，最後揀咗「後生仔海南雞1998」 雖然香港有班薪高糧準但高份低能，已出賣靈魂及別有用心嘅人，利用手段對食肆作出多種限制🚫 若食店不設晚市便無需使用「安心碼」或登記食客資料～ 就好似呢間小店咁，選擇仍維持一枱二人及不設夜市堂食，那毋須要求食客透露個人資料，我幫襯得好放心由於第一次幫襯原來碗咁大碗～ 我出盡力都食唔晒～ 唔好意思浪費咗食物下次我會叫扣底。 落單時我也點了一份春卷 兩樣味道都唔錯！其實仲有黃油飯都想試，留番下次機會再幫襯。後生仔，加油…查看更多

係MeWe group得知工廠區有呢間食點心嘅地方，即刻抽時間過嚟試吓 今日係禮拜六，為避開午市放工繁忙時間，提早12點幾嚟到，好在唔駛等即刻有位環境舒服，目測約有14張4人枱，其中有3張係半圓梳化位，另4張卡位；其餘嘅枱每張都唔太大，而且膠板分隔一半，所以寧願每次叫4個點心，食晒再點，分兩轉落單，唔想張枱擺唔晒，又急急食咁。由於即叫即蒸，等咗10-15分鐘就有得食了蝦餃好足料、又無肥豬肉生煎包夠熱辣辣，唔失禮千島醬🍕款式新穎，好味道蟹拑好食到唔知點形容小籠包唔止賣相靚仲多汁，比起嗰間大集團嘅乜翠好食好多「別有洞天脆皮腸」呢個名有創意唔錯蘿蔔糕原來係炸嘅，真係估佢唔到蟲草花棉花雞係阿仔嘅最愛，我食得太慢好快已被KO咗～今餐好滿足，一定會再嚟幫襯…查看更多

咁近屋企點都要支持吓，睇OpenRice 之前嘅食評有讚有彈，趁放假專登去幫襯吓，唔想道聽途說。目測店內座位約有14個，當刻已坐滿，唯有叫外賣。 點了水煮魚米線少辣+小食雞絲粉皮等左半小時左右就拎外賣返歸試味魚塊都有好多件，又好滑，只係湯底味可濃一點；雞絲粉皮好有水準下次要早啲去堂食，只撐黃店，繼續支持同路人…查看更多

是日想食好西，睇完食評後就嚟左呢間由於今日天陰有雨，餐廳位於「京瑞廣場」外圍，相對比較少人⋯但無損我覓食決心店外有餐廳職員推介，店內誠懇招呼，食物與環境也不俗，實屬難得點了兩個set lunch 味道也非常到位 進食中途店員又送上濕紙巾。另一枱客人有兩位小朋友，店員也很有耐性地招呼，完全沒有黑面，值得一讚行動最實際，埋單時付了近期我用餐所比嘅最多貼士希望比少少鼓勵餐廳職員加油！…查看更多

特登嚟試吓呢杯水果茶（$35/杯）味道好清新上面嗰層鮮果除了幾片燈我無食之外，其他我都食晒，最貼心係嗰杯邊附送一隻小义食水果整體不俗 點餐時忘記「少冰」。今日天氣唔太熱，飲完仲剩左啲冰…查看更多

適逢阿仔就快考公開試📚近排佢嚟石門區某地方溫習👣呢日我放工後就嚟呢度，同阿仔搵地方食晚飯諗住搵間有湯飲嘅食肆，上「開飯」按地區搜尋，我一向喜歡食點心，又愛湯水，見到「蒸爐」兩樣都有，未及看食評就決定一試。柯打左兩款湯，分別係粟子圓肉蟲草花燉🐔和椰子蟲草花燉🐔湯，燉湯好快就送上枱，侍應要用毛巾包裹🍵真係好熱騰騰的燉湯。可惜經過試味後，兩款湯水味道差不多，前者味道很淡，後者味道比較濃，但重點係兩款湯都好多油，唔係好頂得住我地另外點左一款籠仔蒸同樣地油份太多，幾隻🦐嘅肉係霉的（阿仔咬左一啖就無食）埋單時我忍唔住問收銀姨姨 點解啲湯咁多油，佢瞪大雙眼答我「我地啲湯無味精，連雞皮燉所以係咁樣，如果去雞皮燉啲湯會無味⋯」我聽完後只回應「哦！」 即係口味呢樣嘢係主觀的反而燒賣同蝦餃有睇頭又好味道抵食夾大件…查看更多

响青衣返工已經五年多~間中跟同事光顧美景花園呢間STAR CAFE~覺得食物水準一向不俗和價錢相宜~ 午餐至少有五款選擇~約$35-40一份又唔駛加一, 算係經濟抵食~個人最喜歡食焗飯~趁開學前夕~應該唔難搵位~所以今日lunch又再去~ 經過時見到滿座但再走一趟剛好有位。 侍應指示我和同事二人入到餐廰最角的一張枱~坐低點餐後不出數分鐘~見有兩三枱食客剛好離座~於是我地轉去另一張二人枱~ 注意!!!! 只是二人枱, 我地並冇多佔坐位(因十分明白近lunch time~可能會多人~)我有禮貌地向一位鼻樑貼有去疤膠布的女侍應交代一聲轉枱~以便送餐安排~~~戲肉就响呢個時候發生~ 佢好大聲咁回應 ："唔得喎~你地坐番0個度啦~而家係飯市!!!! " 我即刻話"0個度好熱喎"~ 跟住佢"唧"一聲~ 好悔氣咁拉左另一張二人枱~ 叫我坐0個度~ 當時我好嬲~有冇搞錯呀??!! 我只係要求轉枱啫~ 佢唔只比面色我睇~仲居然"唧"一聲~ 擺明係趕客~ 仲有就係當時外面根本冇人等位~佢又冇話留位比人~ 點解唔可以轉枱呢? 我諗極都唔明轉枱跟飯市有咩關係~ 唔通我轉枱會令佢做少單生意咩~ 我都只係坐佢一張二人枱啫~又唔係打横瞓响佢張枱~ 最嬲就係~ 轉左枱之後半個鐘~ 都未有人坐滿~ 咁我就更加唔滿意佢以上咁差劣0既服務態度!!!!!!!!!!!!!!!其實當時可以一走了之~反正只係剛落單~既然人地唔希罕一單半單生意~又唔在乎留唔到客~我都唔怕少一個食晏0既選擇~ 但同行的同事冇我咁氣結~咪唯有食完先算~ 但今次經驗~已經決定唔會再去呢間STAR CAFE~我仲會拉同事們去另外地方搵美食~世界咁大~食物好又價錢相宜0既肯定唔止佢一間~ 今時今日~咁0既服務已經OUT啦~ 厨師們煮咁好食的食物~但侍應們就不可一世0既態度~真係浪費晒~個人認為不論任何一間食肆或者公司~ 必定要講求TEAMWORK~ 佢老闆好應該提升一下員工質素~否則無論有幾好食~只要一傳十, 十傳百~真係冇得升呢~…查看更多