Jesschan2345的个人专页

第一次來呢間寵物友餐廳 位置比較偏僻 係上水火車站搭的士 大約10分鐘就到 一去到就見到3隻駐場友善小狗迎賓 店舖係田園風 周圍都擺滿好多植物餐廳除左室外位置 都有室內既位置 因為早排打風 店舖收留左一家四口既貓媽媽同bb 室內就有貓貓駐場 食物方面 食材都係用農地耕種嘅新鮮食材 份量亦都非常感人！ 味道食得出佢地無乜落好多味精 好有媽咪煮飯既味道 👅 今次試左- 蕃茄湯通心粉 -滷肉撈麵 -pizza -滷水雞翼-蒜蓉包仲叫左3杯野飲 埋單每人大約200蚊 3個女仔來講份量有d太多 最後唔係好食得哂店舖員工都非常熱情友善 睇得出都係好愛錫毛孩們 有時間都不妨可以帶埋毛孩一齊來chill 留意番 店舖最好提前預約 預約時都店舖都會問清楚 幾多人 幾多隻毛孩 細心位加分👍🏻👍🏻…查看更多

大安茶冰廳位於果欄隔離 日頭係茶餐廳 夜晚就由五味雜陳打理 主打港式風味cocktail Cocktail 主要分兩系列 分別係涼茶系列 例如五花茶 咸柑桔 廿四味另外就係港式茶記飲品系列 例如 凍檸賓 凍菜蜜每款都好有香港特色 如果有朋友係外國番來 最岩帶佢地來一試真正既香港味道 👅 ✨五花茶 $130飲落酒味唔算太濃 係用Gin酒作基底 五花茶亦唔會太甜 甘甘地 garnish 係一朵菊花 🌼 所涼茶雞尾酒都係用飯碗來裝 用來打卡一流 📷✨凍菜蜜 凍菜蜜飲落先有青瓜同檸檬既清爽 再加上蜜糖既清甜 甜而不腻 非常易入口 🤍 …查看更多

轉季轉涼最岩就係食砂鍋米線嚐雞湯嘅砂鍋雞麵 有唔同既湯底揀 每次來都一定叫佢地既煮雞酒係出面好難搵到有煮雞酒賣既餐廳 麵就揀左烏冬 用砂鍋上 熱辣辣 冬天食真係一流 另外佢地既醉雞同燻蹄都好好食 醉雞除咗用花雕酒仲加咗桂花一齊整成件事變得好香煮雞酒麵材料好足 有紅棗淮山 雞件亦都好大舊 麵除左烏冬之外仲有淮山麵同埋新竹米粉選擇 野飲就有汽水同豆漿揀 來開元朗既話 真係必食呢間餐廳閒日中午通常都唔係點洗排隊 但晚餐時間6點半左右就開始有人龍 想食既話要有心理準備排耐少少 店舖座位大約20個左右 枱與枱之間都痴得幾埋下 注意同埋卡位係需要搭枱的 ！…查看更多

Sunset grill 位置係東涌 比較隔涉 不過佢地牛扒既質素 絕對值得我生長水遠走入來食 之前試過佢地dinner 叫左個熟成t bone 牛味重 超嫩滑 以呢個質素來講 價錢真係非常感人 呢次就試左佢地個假日brunch 有前菜 主菜 仲有埋甜品 買一送一 雖然係優惠lunch set 但食物質素依然係好好 重點係仲有free flow 酒！ 超級抵食 餐廳望出去係望到機場跑道 可以睇到飛機起飛降落 最岩同朋友 或者情侶來打卡 慶祝生日既話 仲會係甜品碟到寫happy birthday 店員主要都係講英文為主 服務非常熱情友善 推介指數 9/10 ！…查看更多

道拉麵係屯門區名物 每次來都要排至少45分鐘 門口一字排開 要齊人先可以拎飛 一個人一張飛 呢個system 幾公平 唔洗驚排排比人打尖拉麵湯底有4款 麵就有2款可以揀 一款硬d 一款軟d 今次試左佢地最出名既雞白湯拉麵 雞白湯超超超超超濃郁 拉麵亦好掛湯 絕對對得住要排45分鐘 咁耐小食叫左個炸雞試下 不過就有少少失望 食落冇乜特別 下次應該就唔會再order 野飲有凍烏龍茶 波子汽水之類 價錢比較貴 所以最後都係冇叫到 下次有機會都想再試下佢地醬油湯底…查看更多

By the o係元朗都算係出名既cafe 每次假日去都至少要排一個鐘以上 無做好心理準備真係唔好去排 Cafe係寵物友善餐廳 狗仔都可以坐係室內嘆冷氣 店員友善 對狗仔都好歡迎 野食味道好有水準 無論係all day breakfast 定係 egg Benedict 都好好食 最中意係佢地既明太子意粉 每次來都必點 咖啡都好飲 中意佢地既焦糖咖啡 甜品有牛角包窩夫 味道都好出式 推介要叫tiramisu 味 鋪頭座位唔算太多 枱與枱之間都比較近 坐得有d迫 推介指數 8/10 …查看更多

無去一排原來永順裝修左新裝修乾淨左好多 坐都坐得舒服左但排隊人龍依然都係咁多 中午食飯時間等左30分鐘先入到去食 味道都係無變 沙嗲牛花生味重 麵可以揀出前一丁或者蟹王麵 蟹王麵食落唔係太大分別 下次可以揀番出前一丁就算 牛肉都算肉質軟嫩但都幾咸下 另外都加左份雞翼 正正常常 不過不失啦 飲品叫左凍奶茶 茶味都算濃 都收貨啦 入開來元朗既話可以一試 但專登入來食就覺得有機會會失望啦 沙嗲牛來講價值都算偏貴 推薦指數 7/10 …查看更多

森堡係新北江開業十幾年 絕對係學生哥們由細食到大既童年回憶 辣肉醬焗烏冬最好食！ 堂食份量感覺比起外賣係多d 不過堂食既話 店舖既衛生環境的確欠佳 希望可以改善一下啦 街坊飯堂 推薦指數7/10…查看更多

觀塘分店牛站自助餐形式火鍋店最近天氣最適合打邊爐烚下烚下貪佢好近地鐵站 行5-10分鐘就到火鍋湯底選擇多 有冬瓜瑶柱豬骨湯 麻辣湯底，椰子雞煲湯底等食物有特級各式各樣的肥牛 美國胛肩肉眼好食，肉質唔鞋口切得好薄身肉丸十分爽口美味另外仲有牛柏葉 炸魚皮 蟹柳棒更以呢個價錢來講 食物選擇都算好多！蔬長期有冷風保存住 確保新鮮 大路既菜都有 亦有最甜嫩水果例如 西瓜菠蘿等甜品仲有多款雪糕任君選擇 飲品最中意係冷泡茶 打邊爐咁heavy 飲茶就最岩啦 推介指數8/10 …查看更多

大榮華酒樓係元朗區老店之一 老闆係滔滔 由細食到大 點心唔係預製 全部都係即整既點心出名必食有 胡椒豬肚湯 馬拉糕 同埋 蒜蓉蒸鮮魷唔知係咪換左師傅定點 近年點心質素大大下降咗 雖然都仲係即整 但味道同以前比起真係差太遠有失望既感覺 店舖感覺都仲係靠一班熟客去撐住 …查看更多

元朗揾到一間隱世嘅cafe 由佢舊鋪開始支持到而家 Cafe裝修比較復古同和風風格 有bar枱 感覺有少少似bar 呢度除左有精品咖啡之外 都有普通既奶啡 亦有熱朱古力 佢地既咖啡係獲獎嘅咖啡 有手沖 亦都有虹吸 可以根據自己喜好揀番中意既味道 手沖價值大約$80-120 一杯 野食都有簡單既三文治同蛋糕 芝士蛋糕好食 絕對可以encore假日來既話要做好心理準備要排隊 可以係門口寫低名同電話 有位店員會打電話通知 閒日就通常唔洗點等值得推介…查看更多

享樂係區內算係有名氣既麵包舖以麵包價格來講係中上價 每次去都係排緊隊 最中意係佢地既bagel 特別係伯爵茶味 伯爵茶茶味好濃 不過最好就整番熱先食啦 凍食咬落去都幾硬下 店員服務正正常常 …查看更多

吃茶三千一直係我最愛廢水 最中意佢個杯凍頂烏龍鮮奶茶茶味濃再加上凍頂奶蓋 甜而不油膩 夏天飲一杯都冇負擔 ！ 荃灣店閒日唔洗排太耐 等左大約10分鐘就買到 假日有機會要排耐d …查看更多

朋友聚會為左打卡 專登訂咗呢間餐廳上網睇到d人打卡相 食物閒日夜晚人流唔算多餐廳裝修係幾靚 好打卡able 有d日式昭和風不過座位就唔算話坐得好舒服咁啦 野食都係set形式咁order 賣相係靚 但份量對比佢個價錢就真係少左d啦富士山形狀嘅三文魚飯團味道都一般般啦總括嚟講所有食物味道還可以但份量太細 所以價錢偏貴純為想打卡可以一試既…查看更多

人氣快餐店 超人氣沙嗲牛麵今次叫左沙嗲牛麵餐 加配左紅腸一上枱大大碗 賣相好好 煎蛋有燶邊 讚！太陽蛋流心係基本 夾埋紅腸真係好好食沙嗲汁好香花生味 牛肉亦都好嫩口唔鞋唔硬 加埋店舖公仔麵原來係用大光麵 好彈牙好好食 最令我驚喜係 麵既份量都幾大嫁 女仔來講 有可能會食唔哂一場來到額外都再加多份奶醬多試下啦多士烘得脆卜卜岩岩好 再加上香滑花生醬同煉奶 肥豬餐 但好值得 今次中午時間來 都排左大約半個鐘左右 鋪頭出面排隊個位都幾熱下 夏天排應該會幾辛苦下喎 …查看更多