laibi的個人專頁

住喺沙田咁耐成日經過都想試吓呢間泰國菜，疫情其間，見佢停業以為執咗。😅好彩疫情後原來仍然有營業。今次與家人慶祝生日🎂，終於一試！都食咗唔少野，整體感覺都好好味😋只係如果炒蔬菜🥬類就比較份量少咗啲，其他菜式份量適中。酒店🏨餐廳地方大之餘，坐得舒服，又不會太嘈。如果不是天氣寒冷，可以坐戶外抬，應該仲好feel😄，可慢慢與家人味嘗食物味道及休閑地傾吓計，絕對唔怕要提早交抬！👍可能人少少所以員工服務態度非常好，只是上菜比較慢一點，唔趕時間都冇乜問題的。大家值得一試，勝價比高！👍…查看更多

第一城除三哥米線以外又一選擇！新店開張又係自動手機📲落單，上菜速度比較慢🥱但未算等好耐！上曬小食之後，兩碗米線🍜還要等了一點時間。😪⋯⋯（泡椒金湯米線豬大腸春卷米線）$43，泡椒湯好夠辣🔥，絕對值得試可惜春卷兩條，唔太好食又軟又冇料下次唔會叫🙅🏻‍♀️。（蕃茄湯貢丸蟹柳薯粉）：$43，蕃茄湯一般味道，三哥蕃茄湯好味啲😅。薯粉好食，叫少份量都有好多粉，蟹柳兩條，貢丸係剪開一半上做到好多粒的假像！:(（孜然雞翼）$19/ 3隻，呢個好食好香口，佢贏三哥（炸花枝丸）$18/兩串🍡🍡唔好似為有6粒😂其實只係3粒花枝丸剪開一半上覺得很一般，冇乜味道（蘋果錫冷紅茶🥤）跟餐$12都幾大杯，抵飲！（凍奶茶🧋）普通！兩人消費合共$144.-同去（三哥）差唔多，整體都算合格。…查看更多

聖誕節🎄本來開開心心！因為唔太肚餓，想食少少野，見唔多人又有位，於是入去一試，點知中伏之餘食到一肚氣🔥🔥😤。有口音的女員工態度極差，我哋叫咗5隻「韮黃蝦🦐仁水餃」加5隻「蕃茄🍅豬肉水餃」及酸辣湯麵丶油菜丶可樂！由於如雙併選蝦水餃併係貴啲！不過冇所謂啦，想食！點知黎到一路食都只係得「🍅蕃茄豬肉水餃」，其中連食兩隻仲要係「🌽粟米豬肉水餃」？感覺奇怪？🤯於是乎同女店員講，點解冇蝦🦐肉🥟係入面? 佢即刻大大聲話：🗣🗣你叫雙併麻，實有架！你整開佢睇下啦！😳於是乎我哋係佢面前整開曬啲水餃比佢睇，當時碟上面只剩下四隻，整開曬得兩隻有蝦🦐係入面，我哋咪話10隻得兩隻係蝦🦐🥟？你哋撈咗其他餃🥟入去！😠我跟本冇要「粟米🌽豬肉餃」？食都食得出啦！大佬⋯！😠佢仲好大聲話你地叫雙併麻，更有其他餃? 唔知佢up乜春？！😠我於是話費事同妳嘈！想快啲食完走人！😤🔥之後⋯😤😡佢好串話比返兩隻蝦🦐🥟🥟我哋啦！⋯我哋更係唔要啦！🙅🏻‍♀️🙅🏻‍♀️🤬垃圾級員工，冇服務仲要咁惡對顧客！有冇食過水餃叫客人整爛曬比佢睇？痴Q線！🤬冇下次啦！👎👎👎👎👎💨💨💨💨😡😡如果服務可以比0分，我一定必需要比0分呢間野！…查看更多

疫情下我真係好怕呢種大排檔做唔住，所以有時間就落去幫襯下。見到仍然超多人等位就知道唔洗擔心。人少少兩人叫咗「豉椒聖子王」$45/隻合理價錢，聖子王啖啖肉唔腥又爽脆，自己係企唔識整過曬火，都係在大排檔食先正😅，「油鹽水花甲」，粒粒都有肉，完全冇沙，份量又多，湯底有冬菜少少粉絲超級甜，叫埋個瀬粉一齊食一流。仲有必食「豬大腸配酸姜」冇菠蘿🍍😋！之前食過「黃金中蝦」同「蒜蓉牛油白飯魚」兩大名菜。真係要一食再食😃…查看更多

成日行過好想食一次點樣叫「手抓海鮮🦞」？今日係供完樓🏡的大日子🎉😚於是就去慶祝🪅一下！原來係一大個盆盛滿海鮮🦞🦑同意粉，蒜蓉包🍞一次過用手食！😋我哋選左「避風塘少辣」同「新加坡黑胡椒」煮法。兩款味道都好濃味，如食得清淡的人一定會覺得太咸😅，絕對重口味的。龍蝦🦞半隻丶鮑魚一隻都好爽，🦐三隻蝦應該係雪蝦，唔太新鮮，其他海鮮如青口丶魷魚🦑丶沙白正常冇乜特別，還有餐湯🥣同幾片刺身另上。食曬一盆係相當飽😋之後⋯還有movenpick 雪糕🍨超級滿足！😄$300幾一個人其實都可以接受的。如果包埋飲品🥤☕️更好！因為食物咁濃味，啤酒🍻汽水🥤走唔甩！🤣…查看更多

「藍蝶花椰漿飯」用作配「咖哩汁油酥餅」好正，「檳城麥皮蝦」🦐真的好好食，蝦身也不細，蝦有8隻表面有些許像糖粉的東西加麥皮，吃上去有少少甜甜地😋有驚喜的味道！「參巴醬通菜」味很濃⋯「豬潤胡椒肉骨」一般，還是有排骨好一點！😚…查看更多

:)同老公慶祝結婚兩週年紀念日, 老公特別選了這間從未食過的元朗"NZ餐館"! 到訪之前特別上openrice search一吓資料! 睇睇好唔好食? 點知只得兩個笑臉:) 評分!! 之後我們本著試一次吧的心態, 便揸車到這間位於元朗郊外的餐館, 到達正門時, 一看整座3層式村屋改建成餐館的設計款式Feel, 有露天雅座, 心想以為收費昂貴?! 但入內低層連廚房只感到很有住家式的一間細少餐館, 坐在外出露天的感覺比室內的感覺好! 可是, 那天晚上, 寒冷得很! 我倆只好走到2樓的室內用餐, 室內裝潢簡潔, 客人並不多, 環境清靜, 露台也設有餐枱, 可以走到露台處影相。一看餐牌, 原來每款扒餐也不過是"花園餐廳價"?! 於是, 每人叫了一份扒餐, 老公點了 [西冷牛扒跟意粉+酥皮磨菇忌廉湯] ; 而我則是另一款式 [厚切豬扒跟意粉+羅宋湯] , 隨餐附送蒜蓉包連餐飲!! "羅宋湯" - 足料大碗很美味, "酥皮磨菇忌廉湯" - 酥皮焗得很鬆化 ! 之後, 便是主菜"西冷牛扒"同"厚切豬扒", 本來以為厚豬扒一定比較乾而且韌? 點知入口, 不但很有肉汁, 而且豬扒表面更煎得有點脆脆的, 香口之餘亦很有口感! 老公也大讚"西冷牛扒" 份量十足煎得剛剛好! :) 我們滿意十足地食完整份扒餐之後, 侍應奉上餐飲後更細心介紹自家出品的甜品蛋糕, 可是我們已經食得很滿足了, 所以並沒有味嚐他們的蛋糕!! 不過, 下次一定可以嚐嚐呢!! …查看更多

入西貢食海鮮,大多數人首選"通記"及"洪記"! 這次,揀了這間"世興",門面雖然及不上兩大海鮮舖,但價錢吸引,免收茶芥加一!! 同老公兩人當然就點了[浪漫2人世界] :)套餐: 十一款海鮮,可任選四款,另送油菜,合時生果及汽水兩罐! 我們揀了(芝士龍蝦伊麵+豉椒炒蟶子+椒鹽鮮魷+薑蔥炒蟹),心想份量都應該會是很精緻的。沒想到"世興"竟然給了我們驚喜,首先上菜的是"豉椒炒蟶子", 竟用上中size的蟶子,每一隻都像無名指般大小,厚肉唔腥而且不會殼多過肉! 第二道菜是"薑蔥炒蟹",蟹是肉蟹有蟹膏,味道不錯! 第3道菜是最主要的"芝士龍蝦伊麵",大大碟,伊麵夠多足3人份量,龍蝦食落足一隻,兩人食真的很full不需要另叫白飯! 之後的是"椒鹽鮮魷"細心地奉上喼汁及泰式酸甜兩款醬汁供客人選用,好0野!:) 其次就是加送的"椒絲腐乳通菜"夠鑊氣,即使是合時生果,雖說是只得一個鮮橙,但食家laibi一吃就知是選用#3107的新奇士鮮橙,超甜多汁!總括來說,整個套餐份量足3人,抵食之餘味道亦不錯,而且服務態度好,值得一讚!! 假如奉送埋糖水就更加perfect!!…查看更多