ousasa的個人專頁

我本人一向中午時間都好鍾意食麵，尤其係車仔麵就更係好的最愛，今日行開銅記又去咗新記食車仔麵叫左我最愛食既鹵鴨腎、鹵水雞翼同墨魚丸， 識食梗係要食油麵， 仲有最好味最好味嘅辣汁加鹵水汁！ 鹵水雞翼同鴨腎都好入味， 墨魚丸好彈牙細細粒， 不過講真份量真係笑少， 個面底都好食不過都係笑少， 精華就完全係晒個辣汁度，辣得好鮮味，又辣得好開胃，超爆辣最啱我！ 食完完全覺得唔飽， 但真心堅好食，暫時係我人生中食過最好食既車仔麵…查看更多

放假嘅日子，就係可以瞓到自然醒，然後落街買自己鐘意食嘅野，然後樣嘢味道又好好，咁樣成日都會覺得好幸福最近我去嘅呢間餐廳都好有呢種feel這餐廳室內地方夠大，坐得好舒服，唔洗好似啲細茶餐廳咁，人又多又逼，裝修仲好有心思，係自拍影相甚至係發呆嘅上好地方我一個人就點左個烤西冷扒食，件扒都好大件，好香濃牛肉味，厚度十足，好有口感，另烤過嘅番茄又軟又甜，薯角也炸得金香撲鼻，夠晒飽之餘，整體都好食好高分吓！當然都要叫杯飲品，呢杯凍蜂蜜檸檬水嘅香甜同有淡淡嘅檸檬酸味，酸酸甜甜好飲又健康~食畢後我仲係餐廳hea左成個鐘，舒服好feel…查看更多

啱落班，吖媽就打電話嚟話屋企無人，叫我今晚自己一個人喺出面自己搞掂自己…冧一冧自己已經返咗成日工啦，攰到隻狗咁，喺附近是但搵間餐廳食完就返屋企啦~~~一個人實在食唔到幾多嘢，落班啱好飯點，餐廳人好多，不過勝在我係一個人好快就有位啦。一定要講下佢哩度嘅擺設，非常別緻！！就連一隻碟都好特別。番茄醬忌廉大蝦意粉135蚊就有一份啦，大蝦喺真係好大一隻，另外仲有兩隻比較細嘅蝦，應該品種喺唔同嘅，畢竟大蝦打咁多！！蝦嘅肉質好爽，我仲會食埋蝦頭嘅，吮一吮啲汁，perfect…意粉食落有淡淡嘅番茄味，酸酸甜甜。都唔知有幾耐無飲過珍珠奶茶啦，今次終於有機會重溫下珍珠嘅味道！~~奶香味好濃郁，亦都非常有茶味。珍珠喺底底有好多，一啖奶茶再混幾粒珍珠，好軟熟好彈牙！…查看更多

早排係銅鑼灣睇完戲, 經過皇室堡見到有間和開左, 一於行入去試下天花好多黃黃地既吊燈，舒服得黎仲有少少溫馨既感覺，令人不知不覺愈坐愈耐!第1時間就叫佐呢個鰻魚厚燒玉子，玉子煎得香滑鬆軟，蛋香逼人但又唔會太干身! 真係好好食!本身已熱愛蛋類食物既我更加係對佢情有獨鐘!鐵板一口牛柳粒坦白講呢個係最貴但都係令我最失望既一款入口略為有少少干同淡, 但幸好旁邊既菇類搭救,充滿濃濃牛油味,非常吸引所以最終我地係依曬D菇都未食曬D牛人人都叫既洋風三重奏 $58因為本人唔係特別愛牛油果, 所以冇食到但朋友就話好fresh好足料, 仲好特別, 因為唔係四圍有得食…查看更多