AngelLau1998的个人专页

假日入愉景灣午餐，今日揀咗呢間土耳其菜，試咗菠菜PIZZA，炸豆泥丸沙律，羊肉串燒跟薯條，全部都好好味完全無揀錯餐廳，不過叫咗枝蘋果味嘅soda就有D藥水味……建議大家唔使試，環境比較親民唔係靚嗰種不過非常清潔乾淨而且價錢合理…查看更多

接近一年無嚟嘅餐廳，之前好鍾意約朋友嚟呢度下午茶因為鍾意佢樓底高有景觀仲可以有冷氣咁哂吓太陽😊今次嘅下午茶tea set款式同之前有D唔同，不過都幾好食，尤其是個蝦同雞翼😋不過個咖喱包就麻麻😑甜品保持水準👌特色飲料有驚喜👍又靚又好飲。…查看更多

本來諗住祇係一間打卡Cafe無乜期望，點知食物OK喎而且職員好有禮貌地方又乾淨👍下次入錦田都會再去，不過cafe唔係好大建議大家早D去又或者預咗要等位嘅心情😉😏…查看更多

由佢開舖已經幫襯，每次都keep到水準尋日經過雖然佢鋪頭裝修緊唔開裏面要喺門口排隊好熱但係都好想食，叫咗個焦糖燉蛋泡芙唔係講笑真係超級好食，泡芙即焗新鮮鬆軟焦糖好脆燉蛋唔太甜一流享受，熱住等都值得。…查看更多

美麗華店初初開嘅時候食物同服務都一流，真係同喺東京店食有得比，但係尋晚去食……發生咩事？點解可以差到咁，叫咗極上大吞拿魚腩壽司嚟到祇可以話佢係普通唔肥嘅魚腩連中吞拿魚腩到末到嘅水準，又叫個滿滿三啦，D海胆係苦嘅，其他魚生都唔係特別新鮮。另外安排咗我哋坐喺門口附近，門口嗰位女帶位服務員成晚都大大聲講嘢，又話D待應唔快D執枱又話自己好多嘢做好忙，感覺完全係茶餐廳食飯一樣，呢間食完呢次應該無下次，想食嘅都會去青衣城分店食起碼食材新鮮D同服務好D。…查看更多

K11好多間餐廳都試過，呢間末試過係因為之前成日要排隊今日7:30行過見竟然裏面得一枱客，唔使等就入去試吓，價錢貴都唔梗要但係連壽司最重要嘅嗰舊飯都做唔好重好意思收呢個價錢，成舊飯同魚生入口完全唔夾，無下次。補充一句，服務員服務好好。…查看更多

今次試咗豬肉撈檬粉同埋班蘭綠豆糕，豬肉好重香茅味好好味，佢嘅檬粉係已經幫你加咗魚露先比你不過我略嫌唔夠酸甜味，分量都幾多。班蘭綠豆糕口感好QQ，甜度剛剛好但如果班蘭味可以再重小小呢個甜品就滿分喇。…查看更多

下午茶時間專程行去想食個榴槤下午茶點知去到話無位，見樓下得四張細枱三張有人坐樓上就唔開，咁我哋諗住等一陳，等位啦，等咗幾分鐘其中一張枱走喇我末又再問店員係咪有位喇，點知個中年女人店員先話兩張枱都有人已經訂咗位……咁點解一早唔講呢？態度又差，原全係唔想做生意嘅態度，呢間嘢真係唔會再去試，就算唔使錢都係咁話…查看更多

環境0K，咖啡同甜品都普普通通不過不失，不過唔會再去因為眼見冲咖啡嘅兩個店員喺冲咖啡時不時用手拉底口罩無洗手下繼續冲咖啡，疫情下咁樣真係怕怕。其實我都鍾意幫襯小店同支持年青人創業嘅，所以希望佢哋對整食物呢方面衛生D啦。…查看更多

店內環境仿如置身巴黎嘅小酒館，食物味道幾好，我哋點咗3個courses 嘅set lunch，蟹餅香口入面都有幾多蟹肉，法式洋蔥湯我覺得唔夠濃不過面頭嘅芝士真係無可抗拒，生牛肉他他幾鮮甜跟嘅薯條味道口感都100分，煎魚外脆內軟呢餐我會比80分…查看更多

好細間嘅意大利pizza店，夜上氣氛好好店內大部分係外國客人，店主係意大利人食物非常正宗全部hand made 新鮮制作pizza非常脆口，甜品都好好食而且服務一流，今次我哋兩個人都唔係好肚餓所以剩係試咗四樣嘢，店主極力推介我哋下次試佢哋嘅肉丸，臨走仲請我試飲意大利出名嘅檸檬甜酒…查看更多

有時去開中環都會去蛇王芬食碗蛇羮，所以知道沙田開分店近近哋就去試吓，兩個人叫咗兩個午餐，蛇羮唔夠蛇肉而且比較稀，煲仔飯OK土魷肉餅幾好味但加錢嘅豉汁白膳得三片而且好薄，招牌潤腸唔好食得個咸字。門口女接待員店內男侍應比較醒目有禮，不過都唔會再光顧。…查看更多

由細食到大，細個放學爸爸會帶我去食晏所以而家有時間都會去懷舊吓，以前最中意食佢嘅燒乳鴿餐，而家就多數揀三點幾去嘆個下午茶，瑞士汁炒牛河，牛脷飯，羅宋湯，梳乎理同蝦多士全部都好好食。個人認為中環呢間最好食…查看更多

今次係第二次光顧呢間四川菜喇，第一次係大約三、四個月前，嗰次試嘅套餐係每位計嘅，有酸菜魚我覺得好好食，所以一見到有半價套餐即買。個套餐份量真係好多，不過就覺得無第一次咁好食但又唔差咁啦。不過以咁嘅價格食到咁多款式，而且服務好好就已經係超值:)如果下次再有半價套餐而又改吓菜式嘅我應該都會再試…查看更多

見呢間新開就試吓啦，兩個人叫咗兩個set Lunch ，一個海鮮墨汁意粉、一個明太子海鮮pizza ，前菜揀咗一客椰菜花湯同一客三文漁他他之後再另加一客芝士薯條。冬天梗係想飲個熱辣辣嘅湯啦點知個湯係暖暖哋嘅，三文魚他他無乜特別，個意粉好硬唔熱但上面嗰幾隻蝦係熱嘅好明顯係分開整，另外個pizza都麻麻地唯一覺得好食嘅係芝士薯條夠熱同個面脆脆地，食完餐飯叫杯咖啡飲點知連杯咖啡都係暖嘅，真心想問個廚房係咪好遠攞到出嚟D嘢凍哂。招呼我地嘅待應生幾好禮貌值得一讚，不過呢間應該無下次。…查看更多