littleight的个人专页

朋友介紹唻呢間樓上cafe，話質素好唔錯，所以我就又去試吓啦～又真係喎！首先裝修簡約得唻又有啲型，以黑灰為主色。坐位都好闊落，坐得舒服。～慢煮雞胸沙律無糖、無澱粉質，啱晒我，因為夜晚要盡量減食澱粉質。老闆仲問我個沙律醬要普通嘅定要生酮版，普通嘅就係芝麻醬、有麵包粒。生酮版就係柚子醋，無麵包粒。咁我就要生酮版啦！個柚子醋又真係幾好味，唔會過酸。沙律菜份量都幾多，當中嘅車厘茄係超！級！甜！👍🏻慢煮雞胸肉稍為唔夠軟身（我expect慢煮可以令肉質軟熟少少），不過又絕對唔係鞋嘅，好OK！～英式全日早餐同其他餐廳嘅All day breakfast差唔多，但個蛋炒得好香滑，條腸夠晒大條，個牛角包亦好夠酥脆！🥐～四季春茶入面放左兩包茶葉塞到滿滿嘅茶包，唔使錢咁！😳😳😳而且壼茶係勁大壺，啱晒同朋友唻傾偈時慢慢飲。～檸檬冰茶老闆話個泡佢要打一百次左右先起到，個泡每次厚度都唔同，視乎佢當日臂彎有無力喎～😂😂😂齋睇menu個價會覺得稍為貴左啲啲，但食完之後，我同朋友都覺得，佢俾出唻嘅食物質素同心機，都好對得住個價！食物質素有驚喜，服務態度亦都好好。呢間可以encore～…查看更多

疫情下食得非常舒服嘅一餐！一坐低店員就俾紙巾我哋包口罩，仲話有搓手液可以用。筷子係攝喺餐紙中間，咁就唔會掂到枱面，非常細心兼衛生，呢個位好抵讚！牙籤都係獨立包裝嘅，雖然有啲唔環保，但依家咁嘅時勢，衛生緊要啲啦。食物方面，整體質素好好。燒物燒得啱啱好，唔會燶晒；刺身都好新鮮。服務方面亦都好得無得批評。無間斷斟水之餘，上餐、收嘢時唔同店員亦都非常有禮貌。一入店同離開時都會有同我哋打招呼同講拜拜，好親切。會再encore～…查看更多

Gelato一般都係朱古力呀、士多啤梨、芒果等等呢啲味道，又或者係sorbet咁，但呢間好特別，除左呢啲喺一般雪糕店會見到嘅口味之外，仲會加入本地口味俾客人選擇。尋日見有兩款本地口味：苦瓜同埋薑味。齋睇呢個味道會覺得好啃，但食落又還好喎，唔會好苦同埋好辣。咁當然唔似其他普通口味咁甜啦，但絕對係可以接受嘅口味，但鍾唔鍾意就見仁見智喇，哈～我個人係還好嘅，覺得幾特別，鍾意試新野嘅都可以去試下。不過最後應老公嘅喜好，都係嗌左普通嘅味道：士多啤梨、朱古力、薄荷碎朱古力，都好好味！另外仲飲左個芒果沙冰。店鋪寫果汁同沙冰嘅甜度係用蜜糖去調製嘅，咁應該比用沙糖或糖漿健康啲啦。飲落又真係唔會覺得死甜同封喉，唔錯。…查看更多

喺中環嘅一間樓上小店，坐位唔算太多，但食物質素好有水準！而且好多菜色都配左茶去煮，有茶香但又唔苦澀，食得出係心機嘢，而且價錢唔貴～茶都沖得好出色，唔係就咁用現成茶包然後俾壺水你咁簡單。水壺係沖好左嘅茶（即係有味架喇），再喺杯度放一啲材料，俾你沖茶時再濃味啲，呢種做法比較少見。茶嘅濃度啱啱好，仲配搭左唔同嘅水果、蜜糖去沖添～同行有個2歲嘅BB，一上到唻好nice嘅店長哥哥就去同佢say hi，然後仲俾個玩具佢玩，好親切。值得再幫襯～！…查看更多

朋友介紹樓上cafe，話食物高汁兼環境舒服，所以今晚同學聚會就唻試下，果然無失望！叫左幾個course share食，都好好味。當中最出名係個hanger steak，稀少部位，供應嘅餐廳唔多。見佢無乜脂肪，心諗「一定好硬，又或者鞋口」，點知食落又好OK喎，肉質軟熟，最緊要係好有牛味，無汁都好夠味！另外甜品我揀左Earl grey布甸。鍾意食甜品但又唔鍾意食太甜嘅我，啱晒口味！唔會死甜，但Earl grey味好香，布甸好滑～整體非常滿意，價錢唔貴但仈份量好足，擺盤仲好靚。喺銅鑼灣鬧市可以有一間咁舒服嘅cafe，我一定會回頭！下次要試下佢地嘅咖啡！…查看更多