walinglingwa的个人专页

比前面的食評騙了,所以事過幾天都不得不上來寫一下..見咁多好評所以前幾天生日就到番本大刷一餐,8點任食兩小時一開始即刻點了最愛的希靈魚,帶子,甜蝦,三文魚刺身..但希靈魚沒有脆卜卜口感,而且肉梅的,朋友話帶子有點潺,而且甜蝦唔新鮮,但三文魚好味ok..之後罕見地除了三文魚都沒有再點其他刺身了,壽司方面,玉子又有D啡啡綠綠咁,夾起飯又散開,其他食物不過不失,有D食物叫左冇黎到..奶涷9時20分已經沽清所以試唔到,同埋9:20就要last order太早了,食得好飽,服務ok,但食物一般,之前幾個食評個個都話"番本了"未免太誇張吧,下次唔會再去..講完…查看更多

因為買左團購關係..嘩..28蚊一個肉眼扒鐵板套餐好抵食咁,仲包埋飲品,餐湯同一盅燉奶(原價56蚊)買左兩個套餐...餐廳位置都幾靜,入夜人流比較少,so唔洗等位..裝修唔錯,幾光明,不過入到去搵位時,侍應明知有客並沒有出來招呼,自己搵位後,直至你點菜時先來收你上一手食剩0既碗碟..點菜後侍應不發一言就走了..服務不是極點差劣,但不見得好.餐牌有好多款式..咖哩系列,海南雞飯等等全部都係$3x-$4x,總有一款0岩胃口..肉眼扒鐵板套餐店內正做特價$38..肉眼扒我同bf 揀左7成熟..我平時出外吃飯不大喜歡吃牛的.因為通常都口感不好,有根..又不喜歡太生,有血但這次不錯..軟硬適中...很容易切開..又唔會嗱到梅or冇牛味...但bf的扒就過熟了..硬左d感覺又不太好了...飲品方面千萬不要叫茶類...奶茶好澀好難飲呀...仲好似冇落淡奶咁bf 話自己0既凍央難飲..又係好澀..佢試左啖奶茶更加無話可說..奉勸大家下次光顧只叫檸水,阿華田,好立克這些比較好了.最後上埋個燉奶...不愧為最佳燉奶,好滑,夠奶味又唔會太甜...不過服務水準真係要改善呀..眼見隔離台走左成5分鐘,侍應行過都唔執野..仲有我由點菜到埋單0個刻,從冇收過豌碟..攪到成台都係野...埋單仲要0係收銀處等左20秒先有人出黎埋單...懶懶閒…查看更多

去完會展唔知食咩好,男友突然諗起食"隨你鐘意",即時雀躍起來,因為之前都食過兩,三次..印象唔錯(野食同環境唔錯,價錢公道)去到安排坐門口旁邊第二個位置,都冇咩所謂,如果第一個位就唔好喇,我地食左成餐飯都冇客願意坐哩個位,因為後面條路好窄,而且出餐要經過後面,好危險..首先當然點次次都叫0既三文魚刺身啦..半磅都係36,好底食...點知一睇..加左價...變左54蚊半磅...不過都照叫,自我安慰睇下d三文魚係咪靚d啦..之後叫左個牛柳石頭飯..6項壽司..味道都冇咩問題丫...不過個石頭飯份量就太少喇..兩人食更加唔會飽..好似冇食過野咁...最離譜係我地係同一個時間叫,石頭飯到左兼食埋..D壽司都仲未黎...我地就問個經理啦..經理就走去叫個女侍應睇...個女侍應走左入廚房一陣行返出黎當冇事咁..又唔同我地交待聲..肯定漏左單啦...仲要等多十分鐘先黎...算啦點知黎左一班大陸客..佢地6個人唔夠位坐..個經理要我地移個位比佢地..即係我要坐0個個門口位..0係不情願之下就範...背後條路真係好窄..d侍應出餐及遞茶都0係我後面行過..仲要次次都high到我d髮尾...坐得真係好唔自然驚佢照頭淋,拿拿臨食埋幾隻壽司走人..影響哂個心情..所以覺得食物又加左價,又甩單,地方又窄(咁0岩0個個位置)..maybe會去少d囉...:(…查看更多

尋日聖誕去工展會..所以一早就上網搵定銅鑼灣區有咩野食平靚正...夜晚搵左南記黎食..網上好評講到春券好好食咁喎...咁我都唔執輸..叫左個大腸小窩米線$27 加春卷$6....如果加飲品$5(小)$8(大)下...春卷得兩條....仲有唔係想像中咁好食咋喎另外bf 揀左肥牛小窩米線$27 加魚皮鮫$6...一般啦..都唔係話特別好食..不過廿幾三十蚊哩個價錢就唔錯...在場見好多人都冇特別點野飲架,都係加杯滾水..經濟D~…查看更多

去The One睇戲前唔知食咩好,諗起之前見過哩間野幾特別咁就去試下啦~0個時係8點都唔算多人呀,之後我地坐低後,愈來愈多人黎幫親,仲要好多都係西裝友同OL...講返個環境先,間野裝修到好似幾十年代D冰室,仲貼有好多譚詠倫D 海報,同播住佢d歌,而且餐牌仲有埋佢個樣..究竟係譚詠倫有份開定係個老板係譚詠倫0既 super fans??咁就唔知喇..侍應都幾好招呼,而且餐牌位置仲寫住如有不滿服務可以投訴字眼添..至於野食方面,我就點左$38"龍蝦汁蟹籽雞扒撈丁",寫住譚校長推介架..味道好普通咋喎..份量唔算多...面男友就點左是日晚餐$5X"西冷牛意粉",睇賣相只係用碟上,份量少味道都係普通啦..不過塊牛我試左啖都唔"UN"我地加$2多杯奶茶,以我最LIKE飲奶茶0既人黎講..又係"普通"..咩都係普通..不過哩個價錢只係食個撈出前一丁唔係好值囉..試過就算,下次都未必再去..…查看更多

之前都睇過蔡生介紹,講到佢日日用好多新鮮魚去煲個湯底,好正咁..見尋日同阿媽去上環行下海味街睇下有冇平野執之外,順便緊係幫襯下佢啦 都唔算難搵丫,當時都下午3點喇,好采都唔洗等位,我地嗌左:-鮮鯪魚滑魚湯米線,原價:$28 (14:00-18:00 時段$25) ,-魚腐魚湯米線(袖珍版$19),唔錯呀,袖珍版份量都ok大碗,而且d魚肉都好滑,好新鮮,一食就知係0岩0岩新鮮煮0既,絕對底食,下次經過一定再幫親 !! …查看更多