zweihk的个人专页

屋企人生日，諗住近近地喺荃灣搵一間打邊爐，聽朋友介紹話呢間好唔錯，所以就決定一試。喺樓下排隊等電梯已經排左差唔多有半個鐘，可能因為係食飯時間，一上到去超！級！多！人！本身條走廊好窄，Reception位置亦坐滿晒人，所以我哋等位都唔知企喺邊度好。等左差唔多成個鐘終於安排入座，入面裝修其實都OK，座位亦都唔算太窄，終於可以坐低休息下。屋企人唔食辣所以叫咗一個唔辣嘅湯底，烚野之前飲下碗湯先⋯⋯ :(可惜冇乜味，豆腐朔晒啲湯、Suppose應該好有味，但係我食到嘅連豆腐味都冇⋯⋯ 認真有啲失望⋯⋯之後都嗌咗一啲平時喺出邊好似好少食到嘅嘢，例如山藥、萵筍、雲耳、新鮮竹笙，當然仲有佢哋話自家炸嘅響鈴，同埋其他例牌嘅肉同菇，但係好老實講，除咗萵筍之外，其他認真普普通通，重點係份量仲好細⋯⋯ 而聲稱新鮮嘅竹笙，上到枱已經林晒，我食過第二間新鮮嘅竹笙絕對唔係咁嘅樣⋯⋯ 最嬲嘅係，佢哋係入咗嘅時候冇同我地講唔收信用卡。呢一餐食咗二千幾蚊，你唔收信用卡？你又唔係啲好平嘅任食火鍋，收呢個價錢唔收信用卡？請屋企人食生日飯，又唔好意思叫屋企人幫手臭棋埋單，好，我唯有搭返電梯落樓下行去對面100米開外嘅恒生去撳錢，之後再排返隊搭電梯上緊俾錢⋯⋯ 講真咁樣普通嘅食物質素（仲要服務態度又唔係好得去邊）收呢個價錢，我俾錢嗰陣我阿媽都忍唔住同我講，下次呢個價錢，寧願搭的士去遠少少食第二間火鍋好過，都唔會再翻轉頭食呢間。總之冇下次。…查看更多

今日食完晚飯同男朋友去Godiva食雪糕～我叫左一個raspberry & rose 軟雪糕，男朋友係朱古力扭紋～咁買完就企左係佢地鋪頭前面一路食一路傾計，我個莓+玫瑰雪糕其實係雲呢拿軟雪糕加上紅莓脆脆同玫瑰糖漿，口感好清新好岩夏天食，又唔會太甜漿住個口，雪糕又夠軟滑～食食下發生左單插曲就係男朋友將食左一大半嘅雪糕成個跌左落地下，跟住我同佢一齊幫手清理返個地下嘅時候，店長就同我地講「留俾我地同事清潔得喇～我整過杯新嘅雪糕俾你丫～」今時今日咁嘅服務態度真係好值得一讚！！！…查看更多