劣質飲食體驗，一定要分享。今日父親節，大家都知馬鞍山難揾食，所以諗住帶兩老去小店唔使咁迫，點知⋯入到去已經一陣「伏味」，黑漆漆同埋一陣腥味。整個用餐過程兩個待應態度超惡劣，黑面對答冇禮貌，但礙於「都坐低咗咯，無謂要老人家行來行去」，所以硬着頭皮點餐。老實說，食物質素只會俾2粒星，但一個普通的牛肉鍋就盛惠$148，未計加一，太貴了。不過都算了，我本着「食你唔死」心態，反正都是一家人傾吓計。埋單時候，高潮位來了⋯收到賬單，見到價錢嚇死寶寶，媽媽問待應係咪計錯數，佢話冇，多出的價錢是父親節「特備茶介」，但食飯的時候連茶（其實是水）都是自己倒，而所謂前菜是一片薄切蘿蔔，咁就3個人收六十大元，太離譜了吧﹗最後一家三口嬲住咁走，完。門口見到告示，通知食客該店將會搬去西貢，大家入到西貢見到新日本餐廳，自己睇路﹗…查看更多
